علبالك بالي بنت الناس راح تكمل قرايتها وتخدم وانت تروح تبطلها

[ღحنين الروحღ]

يا اختي انا منيش نقول النسا اللي راهم عاملات كامل مش ملاح انينحكي على اللي يخيرها راجلها بينو وبين الخدمة ةتخير الخدمة ولا تزوج وتخدم بالسيف ويكونو عندها لولاد ومتقدرش توفق بين الخدمة والدار وتهمل ولادها يعني هدي خيرت الزقاقات على راجلها؟ + انا ديما وجهة نظري انو المراة المكان المناسب لها هيا دارها والقراية اللي قراتها اي تقري بيها ولادها وتنفعها في حياتها اليومية مش غير قرات باش تخدم وكل واحد كيفاش +

انا امي وكانت عاملة مي متجيبيش نساء بكري لنساء دك غير الاقلية وانا هنا منيشنحكي على الاقلية هدوك
+ وقت بكري مش كي وقت دك

بالاك وقت بكري كانت الرحمة وكان الاحترام والراجل كي تخرج مرا ويعرفها بلي مزوجة يهبط راسو مش كي دك يروح يدراقيها

​

والمرا بعد كانت تمد لروحها قدر ومتلقاهاش في الزقاقات هايمة ​

ان شاء الله تكوني فهمتي قصدي ​

سلام واحتراماتي ​

تعقيب فقط
الشاب العاطل والذي لا شغل له الا ان يزعج بنات الناس
لا يميز بين العاملة والماكثة في البيت
فالرجل الغير المحترم يعاكس وينظر بطريقة غير سوية الى اي انثى
اكانت عاملة ام ربة بيت
ام ذاهبة الى المسجد لتصلي
ام كبيرة في السن
ام صغيرة ولازالت تلعب
ام...............
صحيح زمننا يختلف عن الزمن الذي مضى
ولكن اقول لك اننا نحن الاناث من فتحنا لهم المجال-اقصد من تجد ان في الامر لهو وتسلية-والشاب لا يميز بين البنت الشريفة او المنحطة فهو ينظر بغير ادب الى كل من تمر امامه
متحجبة ام غير متحجبة
+الشاب ينسى ان ليس كلنا سواسية
فمنا من لا تبالي به
وكلامك يوافقني

فليس خطئنا نحن بل خطؤهم هم
ولن نضع حدا اذا توقفنا عن العمل او الخروج لقضاء حاجياتنا
بل علينا ان نجعلهم يحترمونا خرجنا ام مكثنا في البيت


مجرد راي يوافق بعض النقاط التي تطرقت لها هذه الاخت
والبعض منها يعارضها
احترامي لرايك
والاختلاف في الراي لا يفسد المودة

شكرا لك


​

 

[MiSs Sisi StyLe]

اختي ما شكيتش كان يقات هادي العقلية تاع يا انا يا خدمتك درك راهم يجرو على المرا الخدامة و بشهريتهم باه تعاونهم في المصرووف ​

 

[دروب الرحمة]

يعني انتي تعارضي وترفضي الخدمة علاش ؟[/color]
العفواختي يسرني تعليقك

معليش ختي نورمال نتناقشو
روحي برك اقراي الشروق تاع اليوم تعرفي الأطفال واش يعانيو
مكانش قد الطفل يروح للدار يلقى يماه فيها تستقبلو
والزوج يرجع لدارو يلقى مرتو منورتها
كي تولي لمرا تخدم راهي تهلك روحها بالتعب وتهمل بزاف حوايج
وتروح البنه من الدار
كي ترجع مع راجلها وولادها فنفس الوقت
يتغداو الصابح ولا روبافروا كيما الماصوات
والله ماهي مليحه الا اذا الله غالب محتاجين​

 

[دروب الرحمة]

نزيدلك حاجه
قوليلي ختي كي تكون تخدم وتجيب طفل نقولو تدي عطلة الامومه ومبعد كي تكمل العطله وهي عندها بيبي تاع 3 أشهر كيفاه ديرلو؟؟ ولا تحطو عند طاطا تاع لاكخاش؟؟
راهم رباوهم ماتهم وخرجو مافيا وين اللي ماترباوش خلاص
المرا كي تقعد فدارها راهي رحمه من عند ربي​

 

[meriem150491]

تعقيب فقط

اهلا بالاخت الكريمة
الشاب العاطل والذي لا شغل له الا ان يزعج بنات الناس
لا يميز بين العاملة والماكثة في البيت
فالرجل الغير المحترم يعاكس وينظر بطريقة غير سوية الى اي انثى
اكانت عاملة ام ربة بيت
ام ذاهبة الى المسجد لتصلي
ام كبيرة في السن
ام صغيرة ولازالت تلعب
ام...............
صحيح زمننا يختلف عن الزمن الذي مضى
ولكن اقول لك اننا نحن الاناث من فتحنا لهم المجال-اقصد من تجد ان في الامر لهو وتسلية-والشاب لا يميز بين البنت الشريفة او المنحطة فهو ينظر بغير ادب الى كل من تمر امامه
متحجبة ام غير متحجبة
+الشاب ينسى ان ليس كلنا سواسية
فمنا من لا تبالي به
وكلامك يوافقني



فليس خطئنا نحن بل خطؤهم هم
ولن نضع حدا اذا توقفنا عن العمل او الخروج لقضاء حاجياتنا
بل علينا ان نجعلهم يحترمونا خرجنا ام مكثنا في البيت

صحيح اختي واش قلتي انا نوافقك بصح والله المراة لن تجد مكانا اكثر امانا من بيتها
+ اظن ان معظم الرجال ييشتيو المراة اللي تقعد في دارها وتقوم بيتها وباولادها واظن ان راجلها واولادها عندهم اولوية كبيرة على خدمتها وخروجها كل يوم +
وتغلق على روحها ابواب الشر ومعندها ميخرجها حتان يجي واحد منعرف منين يطيحلها قدرها ولا قيمتها ويحسبها كي هيا كي معظم النسا اللي يعرضو في رواحهم لانو وقتنا والله غير تبدل بزاف مش كي بكري كما قلت من قبل ,صح مش راح نقولك انو المراة راح تدفن روحها في بيتها كيعاد كاينين امور لازم تقضيهم بصح تكون ضرورية مش كما كي تخرج كل يوم على 8 مع الرجال وتخالط الرجال
+ تخرج تزيد على قلبها كيتشوف واش راه صاري لبرا من مناكر وووو الخ صح ولالالا؟



مجرد راي يوافق بعض النقاط التي تطرقت لها هذه الاخت
والبعض منها يعارضها
احترامي لرايك
والاختلاف في الراي لا يفسد المودة

شكرا لك

الشكر ليك اختي تحياتي :re_gards:
​

ملاحظة انا منيش نقول انو النساء اللي راهم يخدمو مش ملاح لانو كاينين نسا ظروفهم قاسية هوما اللي خلاتهم يخرجو يخدمو بصح هنا نحكي على المراة اللي راجلها يخدم ويقدر يوفرلها كلش بلا متخرج تخدم

 

[Ayoub Napoli]

نقولك حاجة انتوما لبنات تع هاد الجيل ....
....
...
..
.
أثروا عليكم المسلسلات بزاف.....​

 

[بنـ MaPa ـت]

وعليكم السلآم

الخدمة ماشي عيب للمرة
بصح في حدود يعني كاين خدمة مليحة للمرة وكاين العكس
وهادي اي واحد يخمم فيها من جانب مرتو ولا خطيبتو
باش وحدة دير بوليسية ولا جوندارمية ههه هادي ماشي مقبولة واي واحد مايقبلهاش حاجة باينة

مرسي على الموضوع
​

 

[ALEXIS SANCHEZ]

هكذا قلتو لالا
لوكان قاللها اخدمي تقولو طامع في دراهمها
يعني عندكم الراجل هو الغالط دايما ماكاش حل معاكم
مادام هكذا علاه النسا يحوسو يتزوجو
كل وحدة تريح تخدم كيما تبغي ولا ماتخدمش
وعندها حرية مطلقة ماكاش لي يحكم فيها وصاي
حاشا بنات الأصل
​

 

[hiba14]

ما نكدبش عليك انا ضد العمل تاع المرا مهما كانت الظروف معاه في حالة واحدة راجلها تعوق و ماكاش اللي يصرف تخدم على روحها بصح هو يطلع نهارو يا لوكان بالقليل لا حتى هو باغيها تخدم الدار سترة زينة للمرا راها الزنقة تعيي

 

[رقة الاحساس]

لكن رجال الوقت اكثريتهم يوافقو على خدمة لمرا لانهم والو طامعين في الشهريا نتاعها ولكن نسبة قليلة الي يرفض انها متخدمش او متكملش قرايتها​

 

[wafa peace 2011]

المرأة الدار احسن ليها بلبزااااااااااااف تقوم بدارها وواولادها

 

[wafa peace 2011]

والراجل اللي يحبك يقولك ريحي في الدار ماتخدميش

 

[احلى لمة]

كما تحب هيا تحب تخدم ولا متخدمش هيا مولات قرار

 

[TeNtOuNa]

السلام عليكم
انا نقول المراة الي ماتخدمش كانها ما قراتش
والخدمة راهي اولا عبادة وكرامة ومبعد شهرية
وزيد الاحوال ماشي دايما تبقى كيما راهي
قادر يكون راجلها فاللول لاباس بيه ومبعد يمرض ولا يموت وش دير هي يقتلها الجوع؟
وماكانش منها فاميلتو ولا فاميلتها يعاونوها دوك يا تعاون روحك يا كلاك بوبي
موضوع جميل سرني الرد عليه
بارك الله فيك اختي
​

 

[tarek ess]

ياو انت جابلك ربي الدار ساهلة
المرأة تتفرغ لدارها وولادها ويا ربي تلقى راسها
كس تخرج ولاد وبنات صالحين وتهز دارها هدا اكبؤ نجاح ليها
الشباب كاين اللي يبغي الخدامة وكي اللي حابها مثقفة قارية مي ماشي خدامة
ايا تستخدم قرايتها وماوهبها في انجاح مشروع اسرة
اما هي اذا حبت تخدم وتعاون دارها ماتتزوجش ولا تاجل قضية الزواج

 

[GI Joe]

je trouve que la femme doit etre comprehensive a son mari, surtout si il est capable de la faire vivre avec un seul travail
en + tu dis là qu'il lui pemet de continuer les etudes donc si un jour elle a besoin de travailler il y aura tjrs quelque chose !!
​

 

[The DoN]

عقلية بيريمي ؟ المراة كي تولي خدامة وماشي لاهية باولادها وماشي ساترة راجلها هو الجديد نتاعكم ؟

+ عجبوني هذو الكلمـات :
بطالـة ههههههههههههههههه هذي قتلتني بالضحك خخخخخخخخخخ

"تجي مابين امرين يا راجل يا الخدمة"


"انا منعارضش المراة تدي بكلام راجلها ولا تطيعو" اذا كانت هذي فيها معارضة وموافقة ما بقاش كلام، المرأة لازم عليها تطيع راجلهـا

***********

نزيدك حاجـة أخرى أختـي :
نتـي تقولي "قـرات وتعبـت"، والديـك عمرهـم ما كانـوا طامعين في الشهريـة نتاعـك كي تتخرجـي من الخدمـة، كي قـرات وتعبـت هذي القرايـة راها رايحـة تنفعهـا في حياتهـا بغض النظـر عـن الخدمـة والشهريــة
يعنـي قرايـة على جال القرايـة، ماشي على جال الخدمــة


الحديث طويل والوقـت قصيـر وهذا الموضوع بالذات مش حاب نحكـي فيه

مالا نقول ربي يجيب الخيــر برك

شكــرا على الطـرح

التقييم

+

تحياتــي
​

 

[السلطانة]

وعليكم السلام
:sheer::sheer:
هادي ترجع للتفاهم بين الزوجين
من اللول تعطيه شرط
بلي راها متبطلش خدمتها
وهو رضا مرضاش يروح يحوس في السوق
راها كاينة لي متخدمش

يعني القرار لازم يتدرس قبل
شكرا على الموضوع
تحياتي

​

 

[zoro02]

أنا لن اعطي رأيي الشخصي بعمل المرأة لكن سأتكلم عن الموضوع من صفة عامة
فأنا نظن كل واحد يرقد على الجنب لي ريحه

و راه كاين بنات بزاف و كثر من الرجال حتى(يعني كثر العرض و قل الطلب) هههه

اذا ما تفاهموش مع بعض على امور اساسية يشوف وحدةاخرى
------------
و من زاوية اخرى نظن و الله اعلم اني كل الفتاوي لي سمعتها بخصوص هذا الامر تقول انه لا يصح ان تعمل في وسط مختلط و الله اعلم
ضف انه غالبا الرجل الذي يرفض عمل زوجته يكون ذلك من باب غيرته عليها بسبب الاختلاط
و ايضا العمل ليس نزهة فهو ايضا متعب يعني هل المراة تريد ان تضيف تعب عليها اضافة لتعبها بالبيت؟ و هنا قد نتسائل الن يؤدي ذلك لتقصيرها ببيتها و نعلم ان جهاد المرأة هو حسن تبعلها و هو اكثر عمل تثاب عليه من اي عمل آخر فهو دور مهم بالمجتمع و لذا جعلت المرأة مدرسة و ركيزة بالمجتمع لانشاء اجيال المستقبل و لذا نفقتها هي من مسؤولية زوجها و واجبة عليه
على كل حال كل واحد واش يخرج عليه لي تفضل زواج ان شاء الله ربي يرزقها زوج صالح و لي تفضل العمل الله يوفقها فيه



​

 

[kariim]

والله حبينت نقولك اذا انتي حابة تخدمي الخدمي وشكون لي راه شادك وعلاه حاب تعطي راكي لي الناس الاخرين
ياك كل وحد يعرف واش يخرج عليه صح . المراة عندها خدم وحد تصون رجاله واولاده وانا مجبتهاش باش تخدم عليا اوكي لوكان عيني في كلاش مجهز من الشارع نروح نبقا براسي احسن مي جابته باش هي تتهال في الدار من بعدي كم نسموه ركيزة الدار من بعد ماء يخرج الى العمل فهماتي .. ماشي نجيبه خدامة ومن بعد كي نطلع لي الدار منلقهاش نعيطله في هاتف اسمحلي عمري مزال راني مشغولة بالك نطول شويه وكي نوالي جاية راني نجياب معيا كسكروطات هههههههههههههههههههههههه ااااااااااااه ياويلي على الوقت لي رانا فيها والله عجاب

شكراا جزيلااا لك على موضوع
سلام
​