يوميات ناس اللمة نهار العيد

[الورد الأحمر]

ههههههههههههه
اي هيا زوجيني هههههههههههههه
ربي يحفظك إلهامو
العيد هذا مانفكرش فيها أنوشة مانيش راجل
هههههههه​

ههههه ردلنا لخبر برك باش نافيشيوك هنايا خخخخ
ربي يسهل خويا سفيان ... نزوجوك العام الجاي ان شاء الله
سلامو
​

 

[بنـ MaPa ـت]

وعليكم السلآم

انا حلاوة العيد عندي كي نسمع "الله اكبر الله اكبر الله اكبر ولله الحمد" :shiny: نحس لي راح نعيد صح
نوض الصباح بكري على 07 _o: كل حيط في دارنا يدي حقو تع الخبيط ههه
نشرب قهوتي بالتمر :shiny: ونستعفى شوية من الرقاد ونبدا في شغل الدار هاديك هي يكونو كملو الصلاة يدو البعبع يدبحوه كي يكملو يبعتولنا الدوارة والمصارن نغسلوهم يعععع ههه ويلحقو الرجلين والاطراف للزليف (هادي ولات مهمتي :santa_1 نقولو بسم الله ونترخاو عليهم :shiny: نوجدو منهم الفطور كي نكمل نعطيها بتدويشة خفيفة نلبس حوايجي ونروح نسلم على الاهل والاحباب ومع لي مدولنا عطلة تع 7 جور :like_1: نبوسهم فردا فردا هههه
وهادا هو العيد عندي

صحا عيد كل الشعب الجزائري
وصحا عيدك
و
عيد كل الاعضاء الكرام

مرسي على الموضوع

:re_gards:
​

 

[nour el yakine]

أولا تعيدو بالصحة والهناء مسبقا
أختي راكي تصبحي نهار العيد حنا 6.00 مبقاش رقاد
بابا وخاوتي وماما يروحو يصليو فالمسجد .
نبدى أنا ندير ميناج خفيف للدار نوجد حوايج نتاع الذبيحة .هذاكه يخرجو من المسجد نعيدلهم gاع نحطلهم لفطور يفطرو يبدلوا حوايجهم ويبداو في هذاك الكبش المسكين وخويا الصغير ماتذبحوهش خليوه ههههههههه كل عام يدير الكبدة على كبش.
المهم حنا بابا لي يذبح والباقي خاوتي يوريلهم وهما يسلخوا سعى يصيبوها ساعة لالا وساعة ساعة يقلق بابا يقللهم أتوه جاي .وماما راهي تستقبل فالضياف .المهم كي يكملو السليخ ينحيو الكبدة أأأأأأم نموت عليها نغسلها هي والشحمة نخدمها ملفوف لازم كي يكملو الذبيحة يكلوها .أيا ينحيو هذيك الكرشة ومايرفقها أكره حاجة عندي هيا وبوزلوف مي نفضل نخدم بوزلوف عليها هي .
كي يكملو يديرو دوش خفيف يبدلو حوايجهم ويروحو مع بابا يعيدو لافامي .
نبدى أنا مع بوزلوف وماما مع الكرشة .نخلصوهم نسيق الدار يزيدو يروحو نتغداو .نلم الكوزينة المهم نخلصو تقريب ديما مع 13.30 نروح ندير دوش نبد ل قشي ونروحو لبيت جدي أه هذا يوم العيد عندنا مي راهو متعب ربي يقبل علينا
دمتي اختي
​

 

[SAFA-94]

انا ليلة العيد نطول مانرقد نزيد نوض بكري
هاني نصلي الفجر مبعد نروح نشرب قهوتي مبعد يروح ابي للجامع يصلي
انا نروح نعدل الديار ونسرج الكوزينة ماندروش بيها كامل
اخوتاتي الي كبر مني يقوموا بالمهمة طبعا ماما تكون معاهم المهم
مبعد يرجع ابي نعيدوا عليه نبقاو نستناو حتى يجينا راجل الي يذبح الكبش لخاطر يذبح لدارهم قبل والناس الي موصيينوا قبلنا وهو يجي انا نبقى نشوف فيهم مرة ومرة يقلي ابي عمرينا الما وجيبي الباسينات مبعد نروح ندي الدوارة ماما واخوتاتي ينقوها
ومبعد الفريسة يسلخها ويخليها معلقة حتى بعد العصر باش يجي يقطعهالنا ومبعد اختي وخويا الصغار يروحوا يفرقوا على جيرانا الي ميدبحوش
انا نكون رحت لجداتي وخالي وخالتي
واليوم التاني نروحوا لعمامي ولا هما يجونا
طووووووووولت بزاف عليكم
سلام​

 

[حياة سعيدة]

فالعيد حالة

وانا نهار العيد نود جوايه التسعة وهكداك ماما تكون فرات الشغل تاع الدار وعمي يكون يدبحلنا خاطرش بابا ما يحبش الدبيحة

كي يخلص راكم عارفين العياط تاع جيبو الباسينا جيبو هادي

ماما تنقي الدوارا وتزيد موراه تسقم البوزلفوف وانا ما نقدر مس والو اصلا ما تخلينيش

وختي الصغيرة توجد الفطور


ولعشية نروحو عند لافامي وانا من عوايدي هاديك الليلة نجوزها في دار عمي نبات عندهم



ويعجبي صباح بكري صلاة العيد ولعياط تاع دراري

هكا هو العيد عدا باختصار

 

[SAFA-94]

أهلا بيك بونواز

هههههههه
العيد هذا نبعثلك الكرشة تاع الكبش تاعنا تغسليها وتنقيها مليح ههههه
أنا زعما كي الراجل نضرب فيها طابلية زرقة وسروال قديم وصباط قديم ونهبط مع خويا لكبير زعما انا وهوا برك ألي نذبحو ونسلخو والباقي يتفرجو مايشتيوش يخمجو رواحهم ههههه
عندي عامين وانا ألي نذبح والسليخة رانا نتعاونو، وواش نقلك بابا عند ريسانا وياربي انقيسو شوي لحم مع الجلد ياكلنا هههههه
أي باينة الواحد يذبح شوي وزعما يخمج روحو بالدم وساعة ساعة يخطف عينو للباطيمة كاش انانيش يطلو باش يزيد يلعبها راجل مليح ههههههههههههههههه
يعطيك الصحة على الموضوع الباهي
تقييييييييييم​

هههههههههههههههههههههه قتلتني بالضحك زوجووووووووووووووووووووووووووووووووووووووووووووووووووه ههههههههههههههه​

 

[ماكانش]

هههههههههههههههههههههه قتلتني بالضحك زوجووووووووووووووووووووووووووووووووووووووووووووووووووه ههههههههههههههه​

ههههههههههههههههههههههه
اهلا صفصوفة
ربي دومها ضحكة ويحفظك
هههههههه​

 

[Jagwar]

ريحة المشوى ضربت لأقسام الرياضة دخلت فى القهوة ديراكت :shiny:

تلقيت خبر عاجل من فاعل خير يقولى كاين موضوع عيد بنكهة عنابية
جبت الباربكيو و جيت نجرى :shiny:

صار يا جارتى العيد تاعك غير ماكلة و رقاد عسكر بغداد ؟ i-o:

تنوضى على الـ 9 :scared:
ياسر عليك راكى بكرتى لوكان كملتيها حتان دوزيام جور تاع العيد خير :shiny:

-------------------------

بون نرجعو لفالمسكور و العيد تاع الجغوار :santa_1:

على خير الله انوض نفحفحلها و نقلشلها بالقميص و البارفان :like_1:
نروح نصلى و نكبر و نفكر شوية أجر ، نخرج نعيد على حوالى 1000 مصلى فى المسجد :thumb_up2: ، نروح للدار نضرب فيها قهوة براس و شوية زنجبيل ، نلبس كيف الثوار تاع و نخرج

الى الامام لا رجوع ثورة ذبحة سلخة ( ملاحظة العام هذا ان شاء الله رانى معول نذبح لأول مرة ، و الا كتب ربى نجيبلكم فيديو و فوطاوات نقصرو بيهم :shiny ،

نرجو للذبح و السلخ و و قطع الرأس و الكوارع
و اخراج الاحشاء و نفخ الرية للتأكد من سلامتها و البحث عن شبوهات داخل بطن الكبش لا قدر الله كيس مشبوه و لا حاجة أخرى :um_sh:

و الصورة هاذى فى خاطر صاحبة الموضوع المعيافة :like_1:

و بعد التاكد من سير العملية بنجاح نروح نضرب فيها دوش ، و نخرج لحبيب القلب الباربكيو ( الشواية ) :luve_2: ، و يا سلام على الجغوار كى يحكم الشواية فرجة و متعة ما تتصوروهاش :yahoo:

نحكم الشواية نحاجيلها و نماجيلها و نحط كرافاش قدامى (الاحتياط واجب كشما قط و لا خويا بدرو يمد يدو) :sneaky2:


آيا نقعدو فى الطابلة نتاع الاجتماعات الغدائية و نشبع عصافير بطنى مليح مليح
و نخرج نروح لقبر المرحوم عمى ، الله يرحمو و يوسع عليه
و من بعد الواحد يروح يطل على الجدة فى ولاية سوق أهراس
و نكمل على الجماعة عمومى و خوالى هكذا باش الواحد يتهنى من الواجب تاع العيد

و من بعد نخرج نحوس شوية نشم شوية هواء غير هواء البرمة تاع الدار

و نقطة انتهى العيد :shiny:


هيا طولت لحكاية و عيدت قبل الوقت

اتهلاو فى رواحكم صحا عيدكم

و ان شاء الله تعيدو بالصحة و الهناء و ينعاد عليكم بالخير و اليمن و البركة

و نوصيكم ما تكثروش من المشوى و أرحمو المعدة تاعكم من البرمة

و نوصيك يا جارتى كاتبة الموضوع ديرى الكوراج و اتعلمى تدخلى فى المصارن خرط مرط :shiny: و ما تخافيش ما يصرالك والو .


آيا كثرت الهدرة


سلام :re_gards:


​

 

[مروة 95]

ايه ياااااا نهار العيد
نوض الصباح بكري كيما الشحادة و بنتها ههههههههه
تلقاوينا انا و اختي غير ندوروا هنا و هناك
مع اك لاباراي و التصوار مع عموووووو الكبش
قبل ما يتدبح
يحييو الصلاة و مبعد يدبحو
و اكيد اتاب بار اتاب بالفيديو
كي يكملو اكيد نهرب مانمسش بيدي نعاود من بعيد
تع جيبي هاديك و ادي هاديك
مبعد نظف البلاصة و نوجد الحوايج تع الشواااااااااااا
ياي ياي
ايه اكيد رح ندشنو انا
نتغداو و مع التمسخير تاعنا ماتفضش خلاص
مع لعشية يبداو لحبابات
و حكاياتهمــ
و فض النهار


ايه و صحااااااااا عيدكمـــــ
مسبقا​

 

[تاج الجزائر]

السلام عليكم ورحمة الله وبركاته

كيراكم يا صحاب اللمة صافا؟
راني عارفة المخير فيكم راه زاهي بالعيد :shiny:
بسم الله نبدا نحكي
نهار العيد نوض بكري وقت الفجر نصلي ونشرب قهوتي وممبعد نخملو الدار وممبعد نروحو للمقبرة انا وماما وخاوتي وبابا يروح يصلي وكي تعجبني ديك الصبحية وتهليل نتاع الجوامع :shay:
وكي نرجعو ويكملو الصلاة قاع الناس يذبحو غير حنا كل عام روطار لباش بابا ما يقدرش للذبيحة وخويا ما يعرفش يذبح نستنو حتى احيانا لقريب 11 عاد باه يجو جوارين :sad:
ليسونسيال كي يذبحولنا تجي المهمة الصعبة لينا :scared:وانا نعيف بزاف نخلي دوارة والكرشة لخواتاتي وماما متخصة في البوزلوف وانا مين نكثر نسيق الحوش :shiny:من هداك الدم وخايفة غير لنتقيا حشاكم
وكي يكملو الغسيل تبدا ماما تشوي في الدوارة والكرشة والكبدة وتبدا اختكم تاج في الماكلة طبعا كي جات في الكرش انا الاولة في الدار :yahoo:
وبابا مسكين كي يشوف داك الدم ما يقدرش ياكل كل عام يفطر فريت اوملات وسلاطة نهار الاول :sadwalk:
وكي نكملو نسيقو الديار ونغسلو لمواعين ونصلو الظهر ونريحو شوي
وممبعد ماما تبقى في الدار وانا وخواتاتي نرحو نغافروا لافامي :shay:
ايا وراكم عارفين البقية ندوها شحال من يوم وحنا غير مع الشوا حتى نفروها مع هذاك الكبش المسكين :music_whistling:
نتمنى ما نكونش طولت عليكم عطيتكم فقط المختصر المفيد
وعيدكم مبارك وكل عام وانتم بالف خير

ينعاد عليكم وعلى الامة الاسلامية باليمن الخير والبركات
​

 

[meriem150491]

عيدتو وانا معلاباليش؟ ههه

اسيدي ليلة العيد سع نرقد شوي هدا لا خلاونا نرقدو لا رقدت مليح هاني نبكر على 6 نصلي هداك هو ونقفض شوياااااا برك منتعبش روحي انا خخخخ

ايا اسيدي من بعد نقعد عند عمي الميكرو نشاتي شوي مع صحاباتي ومن بعد يخرجو من الصلاة يذبحو الخروف المسكين من بعد كي نشوفهم كملو نهرب باش سيبالابان تقولي ماما عاونيني الله غالب اني نعف انا المصارن وهدوك نخلي ماما كي تكمل ونجي عندها نقولها كشما حتجتي هههههههه ؟
زعما زعما ناوية نعاونها اسيدي من بعد نتغداو من بعد نروح عند لافامي نعيد عليهم ونزيد نضربها لخنشلة عند عمامي ثاني نعيد عليهم وصاي نروح نضربها برقدة نوض نزيد كشما نقفض وخلاص هاو هبط الليل صاي نطير نرقد وخلص العييييييييييييييييييد


​

 

[nina bonoise]

امممم اهلا لينا شفت اسمك قلت ندخل نرد عليك ...
ايه انا نوض صباح وقت يكون بابا وخويا يوجدو في رواحهم باش يروحو يصليو
كي يخرجو نستكلف بالدار مع خواتاتي ما يجيو يلقاونا لمينا كلشي


فحلة تقضي كلش


الوقت هذاك
ماما تحرك الكبش من بلاصتو وتنظفها مليخذح باش يتذبح في نفس لبلاصة بعد
احنا نذبحوه في الدار في البالكون واسع ...


حتى حنا بكري كنا نذبحو في البالكون
درك ولينا نذبحو التحت


يجي بابا يستنى شوية ويعدي للكبش
يذبحو ويتلم عليه الغاشي بابا خويا ماما اختي لكبيرة واختي لي تحتي خواتاتي
يحكمو الرجلين وخويا وبابا وماما تحب ترص روحها يسلخو المهم ليه ليه يفضوه
الوقت هداك انا يا مسندة يا هنا في الميكرو


هههههه و انتي علاه متحكميش معاهم ول تعافي


كي يكملو نستكلف أنا بغسيل لمصارن والرية ونبدا نوجد لغذى


هذي لي نعاف منها _o:


... 11 ونص نكونو نتغذاو ... نبقاو مجمعين نحكيو
ونضحكو حتى وقت الظهر نصليو ونلبسوا وكل واحد وين يروح ... المهم نروحو
عند لافامي ... مغسي لينا ... سلامو
​

مشكورة على الرد نور
سلام حبيبتي
​

 

[nina bonoise]

أهلا بيك بونواز
هههههههه
العيد هذا نبعثلك الكرشة تاع الكبش تاعنا تغسليها وتنقيها مليح ههههه


ياااا غير متكسرش راسك
راني مندورش بيها
عيطلي نسيق و نغسل لقرابج برك



أنا زعما كي الراجل نضرب فيها طابلية زرقة وسروال قديم وصباط قديم

راهم الكل يلبسوا لقديم نهار الذبيحة


ونهبط مع خويا لكبير زعما انا وهوا برك ألي نذبحو ونسلخو والباقي يتفرجو مايشتيوش يخمجو رواحهم ههههه



انت راجل و هما انانيش ول وش ههههه



عندي عامين وانا ألي نذبح والسليخة رانا نتعاونو،


الله يبارك


وواش نقلك بابا عند ريسانا وياربي انقيسو شوي لحم مع الجلد ياكلنا هههههه


اااا يما باين واعر ههههههه
لا او يخليكم تتعلموا الذبيحة الصحيحة من درك


أي باينة الواحد يذبح شوي وزعما يخمج روحو بالدم وساعة ساعة يخطف عينو للباطيمة كاش انانيش يطلو باش يزيد يلعبها راجل مليح ههههههههههههههههه


هههههههههه
راهم الكل مش غير انت
على ذيك ماما تقولي ا طفلة ادخلي ما طلي



يعطيك الصحة على الموضوع الباهي
تقييييييييييم
​

مرسي سوووو على المرور
سلام
​

 

[الورد الأحمر]

ههه لينا نعاف نحكم معاهم مي نوغمال كي نغسل لمصارن
راهم يكونو ديجا منظفين في البالكون ههه تزيد تبعتهملي
ماما نقلبهم ونغسلهم ... ونوجد لغذى ساعات
سلامو
​

 

[nina bonoise]

السلام عليكم

باين فيك انوشة كبيرة يا صحابةالموضوع


ا يما حرام عليك و الله ماني انوشة ا جوجو ههههه جاست راني نعاف برك نهار العيد :sadwalk:


اعامهذا نبعتلك الكرشة والمصارن نتعنا تغسيليهم رانا مناش بعاد على بعضنا ربع ساعة ونجيك للدرا


لالا متكسريش راسك راني نجي نسيق معاك برك و نغسل لقرابج و انتي اغسلي الكرشة ههههههه


يومياتي كما نتع وحدة هنا ردت اسمها ايمان هاني​

مرسي على المرور يا بنت الكارتي

 

[dahbito]

خلي كي يوصل نجي نحكيلك
قادر هادا العام ميفوتش النهار الاول كيما العام الى فات
موضوع شباب مرسي
لي عودة

 

[nina bonoise]

الســــــلآآآآم عليــــكم

و عليكم السلام صفصوفة



[ بعععع بععععع هادا الكبش تاعنا سمعتوه ولآ :lolo:هههه ]
:yahoo:


سماعناه حتان وذنينا عادو يصونيو



شوفو شوفو الطفلة واش تقول تنوضي على 9 ؟؟ بخصتي ببنات اللمة هاستري
و استرينا معاك هههههههه


هههههههه
الله غالب الكالم جيهة البيت نتاعي
و زيد ترقد كيما ليوم فقت على ال 9 قلت نزيد 5 دقايق
حتان داو نوضوني قالولي نوضي اي ال 10 سا ههههه
قلت انا يا لطيف غمضت عيني 5 دقايق عدات ساعة كاملة


لآلآ انا نهار العيد أول النايضين هاذا لاكان مارقدتش اصلا هههه :sheer:
تلقــآيني ساعة وآقفة مع لمرآيآآ:luve_2: نريقل في روحــي و هاذي ريحة و هاذي لبسة
و هاذي حطة احم احم


احم احم رايحة للعرس ول واش
اقعدي كيما راكي بالبيجامة
راكي ملاحة هههههه


ايا تجي ماما تقولي واش هاذا الكل راكي كلو على بعضاه راح تنحيه

عندها الحق وين كنتي رايحة انتي aussi على الصباح


حابتني نخدم معاهم يآآآآآآآععع :crying_1: ههههه
نولي انا ملي كنت في قمة السعادة نولي في قمة الاحباط :sadwalk:

يا وخدي حتشي نهار و يفوت


ايا يجيو من الصلآة تلقاوني نسلم و نعيد و نعاود نهز ديك لاباراي و نهبط
نصور من الكبيش قبل مايتذبح مسكين :sad:
و مبعد التلفون مايحبسش لحباب يعيطو ايا هوما يذبحو و انا لآتية مع روحي :ans_flw:هههه
حتى لمبعد جآيه الـ 11 نغسل معاهم و نخدم تحسابوني فنيانة :showoff: هههه



لالا راني قلت راهي شاطرة صفاء


و مبعد انا نسجي كلشي سيرتو حوآيج الشوا ديما نتغدآو في الحوش نهار العيد
مع الدخآن و الشوا تلقاني حاكمة الكرسي لول لي قدام الشواية:yahoo: هههه
و نتغدآو مع الضحك و التمسخير و أكيد نصور كلشي من لول للخر
ندير دي فيديو و لعشيا كي نكملو كلشي نبقاو نتفرجو في التصاور و الفيديوآت
والنهــــآر كمل :yaw:ههههههه


و تبقى ذكريات جميلة


ايه نسيت ماقلتلكمش بلي نروح عند صحـآبآتي :sheer:نزورهم و نعيد عليهم و نروح
آآآآآآه كملت الهدرة أخيرآآ :sheer:
​

مرسي صفصوفة على المرور
سلام
​

 

[nina bonoise]

وعليكم السلآم

انا حلاوة العيد عندي كي نسمع "الله اكبر الله اكبر الله اكبر ولله الحمد":shiny: نحس لي راح نعيد صح
نوض الصباح بكري على 07 _o: كل حيط في دارنا يدي حقو تع الخبيط ههه


يا يما
منعت منك هههههه


نشرب قهوتي بالتمر :shiny: ونستعفى شوية من الرقاد ونبدا في شغل الدار هاديك هي يكونو كملو الصلاة يدو البعبع يدبحوه كي يكملو يبعتولنا الدوارة والمصارن نغسلوهم يعععع ههه ويلحقو الرجلين والاطراف للزليف (هادي ولات مهمتي :santa_1


راكي فحلة ههههه
اغسلي برك و شوطي



نقولو بسم الله ونترخاو عليهم :shiny: نوجدو منهم الفطور كي نكمل نعطيها بتدويشة خفيفة نلبس حوايجي ونروح نسلم على الاهل والاحباب ومع لي مدولنا عطلة تع 7 جور :like_1:


ايه سمعت بيها بصحتكم الفاكونس تاع سمانة


نبوسهم فردا فردا هههه

مواه مواه ههههههه
هاذي راهي التسليمة تعي ليك نهار العيد


وهادا هو العيد عندي

صحا عيد كل الشعب الجزائري
وصحا عيدك
و
عيد كل الاعضاء الكرام

مرسي على الموضوع

:re_gards:
​

الف شكر مروة على المرور
سلامي
​

 

[nina bonoise]

أولا تعيدو بالصحة والهناء مسبقا

ان شاء الله


أختي راكي تصبحي نهار العيد حنا 6.00 مبقاش رقاد


و الله عندي انا كاين الرقاد
على خاطر الكالم


بابا وخاوتي وماما يروحو يصليو فالمسجد .
نبدى أنا ندير ميناج خفيف للدار نوجد حوايج نتاع الذبيحة .هذاكه يخرجو من المسجد نعيدلهم gاع نحطلهم لفطور يفطرو يبدلوا حوايجهم ويبداو في هذاك الكبش المسكين وخويا الصغير ماتذبحوهش خليوه ههههههههه كل عام يدير الكبدة على كبش.


والف بيه مسكين


المهم حنا بابا لي يذبح والباقي خاوتي يوريلهم وهما يسلخوا سعى يصيبوها ساعة لالا وساعة ساعة يقلق بابا يقللهم أتوه جاي .وماما راهي تستقبل فالضياف .المهم كي يكملو السليخ ينحيو الكبدة أأأأأأم نموت عليها نغسلها هي والشحمة نخدمها ملفوف لازم كي يكملو الذبيحة يكلوها .أيا ينحيو هذيك الكرشة ومايرفقها أكره حاجة عندي هيا وبوزلوف مي نفضل نخدم بوزلوف عليها هي .


هيا لقيت وحدة تعاف مالكرشة كيفي ههههه


كي يكملو يديرو دوش خفيف يبدلو حوايجهم ويروحو مع بابا يعيدو لافامي .
نبدى أنا مع بوزلوف وماما مع الكرشة .نخلصوهم نسيق الدار يزيدو يروحو نتغداو .نلم الكوزينة المهم نخلصو تقريب ديما مع 13.30 نروح ندير دوش نبد ل قشي ونروحو لبيت جدي أه هذا يوم العيد عندنا مي راهو متعب ربي يقبل علينا
دمتي اختي
​

مشكورة نور اليقين على المرور
سلام اختي
​

 

[nina bonoise]

انا ليلة العيد نطول مانرقد نزيد نوض بكري
هاني نصلي الفجر مبعد نروح نشرب قهوتي مبعد يروح ابي للجامع يصلي
انا نروح نعدل الديار ونسرج الكوزينة ماندروش بيها كامل
اخوتاتي الي كبر مني يقوموا بالمهمة طبعا ماما تكون معاهم المهم



راكي متهنية


مبعد يرجع ابي نعيدوا عليه نبقاو نستناو حتى يجينا راجل الي يذبح الكبش لخاطر يذبح لدارهم قبل والناس الي موصيينوا قبلنا وهو يجي انا نبقى نشوف فيهم مرة ومرة يقلي ابي عمرينا الما وجيبي الباسينات


لازم فيها جيبي و ادي

مبعد نروح ندي الدوارة ماما واخوتاتي ينقوها
ومبعد الفريسة يسلخها ويخليها معلقة حتى بعد العصر باش يجي يقطعهالنا ومبعد اختي وخويا الصغار يروحوا يفرقوا على جيرانا الي ميدبحوش
انا نكون رحت لجداتي وخالي وخالتي
واليوم التاني نروحوا لعمامي ولا هما يجونا
طووووووووولت بزاف عليكم
سلام​

مرسي صفاء على المرور
​