ماذا ستطبخين اليوم سيدتي الجزء 7

[روز]

اكتبيلي وصفتك تاع الدزيريات ام ندوش بالتفصيل
عجبني السُمك نتاع العجينة قوليلي شحال تحطي من مغرف في كل وحدة والتفاصيل الدقيقة باش تنجحلي
تعرفي جامي جربت نخدم الدزيريات هذ المرة نجربهم ان شاءلله
وخرجوهايلين غير ديريهم ووجهك أحمر:showoff:
راهم متقونيين وبريزونتابل وهمة تاني
نعطيك تقييم عليهم

راني ندير في مقارون في الفور بالجبن

 

[ibtesem]

اول مرة نديرهم وعجبوني جاو مقرمشين ومعسلين ..... // راكي تسمعي يا اعتدال i-o:
--
راكي تشوفي اعتدال واش عاملو فينا النموسة تاع اختك
مع الصيام والكوكة و رجيم زعما هههههههههههه
شفيتي عليا واش كنا نلعبو في الحي هههههههههه
بنت عمي المعلم

 

[ibtesem]

راني ندير في مقارون في الفور بالجبن

هدي تخليك متمسكة بالرجيم مانضنش
لانها تفتح الشهية هههههههههه

 

[l'algeroise]

الجرواز مفهمتش واش حبتي لبات ولا شكلو وهوا مسكر

ايمان ماشي لابات راني حابة الشكل يجيني bombé ويكون عريض فالوست و ديق فالجناب
​

 

[imane27]

روز انا تاني رايحة ندير مقرون فالكوشة بليشمال يلاه نتوانسو
ابتسام اعطيها بالضبط وين كنتو تلعبو باش تتفكر

 

[روز]

ههه لالا بسومة مانحبش المقارون بزاف
ربي يستر من البع بع كما قالت كوثر فيه الباربيكيو والبونارين ولالمحمر والمجمر ووو ربي يجيب الخير
ايمانو بصحتك لمقارون مسبقا

ايا ام ندوش الوصفة راني باش ناكل الصورة ههه

 

[nada242008]

اكتبيلي وصفتك تاع الدزيريات ام ندوش بالتفصيل
عجبني السُمك نتاع العجينة قوليلي شحال تحطي من مغرف في كل وحدة والتفاصيل الدقيقة باش تنجحلي
تعرفي جامي جربت نخدم الدزيريات هذ المرة نجربهم ان شاءلله
وخرجوهايلين غير ديريهم ووجهك أحمر:showoff:
راهم متقونيين وبريزونتابل وهمة تاني
نعطيك تقييم عليهم

راني ندير في مقارون في الفور بالجبن

ربي يخليك روز .. هاذي الناس اللي تعرف تطلع المورالي ولا خلي ههههه:sheer:
العجينة كي تاع البقلاوة
4 كيلات فرينة + كيلة سمن ذايب + رشة ملح + ماء زهر وما عادي
تلميها وتعجنيها شوية برك وتخليها ترتاح .. قد ما تطول النتيجة تكون احسن
--
الحشو
نورمالمون 3 كيلات بكيلة // انا درت 4 كيلات بكيلة باش كي نعسلهم مليح مايجوش قاطعين بالحلاوة
4 كيلات لوز ترحيهم مليح بصح مش بودرة
ومن بعد تضيفيلو كيلة سكر قلاصي وفانيلا
وبيض حسب الحاجة ماتجيش رخوة وماتجيش يابسة لازم تتحكمي فيها وتشكليها كويرات

--
الطريقة
تحلي العجينة بسمك رقيق خلاص حتى تعود شفافة وتقطعيها دوائر توالم القوالب المستعملة
تدهني القالب بالسمن الذايب وتحطي فوقو دائرة من العجينة وتزيدي تدهنيها بالسمن
وكويرة تاع لوز وتزينيها بحبة لوز وديري حسابك بلي راهي تتنفخ بعد ماتطيب خطراه فيها البيض
تدخليهم للفور وتعسيهم حتان يحمارو
تكوني وجدتي العسل المخفف بماء الزهر
تغطسيهم في العسل بكمية وفيرة وهوما سخونين وتخليهم يتشربو مليح ومن بعد تصفيهم وتقدميهم في لي كيسات
-------------
بسومة اعتدال ضرك تسجل غير باش تجاوبك ههههههههههههههه
--
ايمان الله يسلمك هههه خلاص دالة ليك ودالة ليا ...انا ثاني ما نصبرش عليها

 

[ام ابتسام]

الكاس الي قلتيلي عليه اختي فريدة هذا الي عندي

 

[ibtesem]

بسومة اعتدال ضرك تسجل غير باش تجاوبك ههههههههههههههه
انا تاني راني نرجع في الطفولة ههههههههههه

 

[NaNouS]

روزيتا راهي بخير يسقسي عليك الخير راهي تخبي في السر للعيد هههههه
راني كيفك مقرون بالجبن في الفرن
-------------
رغووود الله يخليك حبيبتي على هديك الوردة الورد يمد الورد
--------------
ام ندووش بصحتك الكوكا جاتك هايلة اما الدزيريات مخلاوش كون ديريهم في موضوع خير يا ام ندوشة باه متروحش الوصفة من فضلك​

 

[nada242008]

روزيتا راهي بخير يسقسي عليك الخير راهي تخبي في السر للعيد هههههه

راني كيفك مقرون بالجبن في الفرن
-------------
رغووود الله يخليك حبيبتي على هديك الوردة الورد يمد الورد
--------------

ام ندووش بصحتك الكوكا جاتك هايلة اما الدزيريات مخلاوش كون ديريهم في موضوع خير يا ام ندوشة باه متروحش الوصفة من فضلك​

الله يسلمك نانوسة .. حاضر من عيوني
بصحتكم راكم الليلة كل ضاربينها بمقارونة ههههه سخفتوني كان ماكانش ندورها كيفكم وخلاص

 

[NaNouS]

بسوومة اين انتي

 

[imane27]

ايمان ماشي لابات راني حابة الشكل يجيني bombé ويكون عريض فالوست و ديق فالجناب ​

ارجرواز انا لعلمتهالى اختي هي تقطعي مدور بكاس ولا مول وتعمريها حشو فالوصط وتلوى وتخليها معمرة فالوسط وجوانب ترقيهم بيدك

 

[ibtesem]

بسوومة اين انتي

راني نتابع في الاجواء من بعيد ههههههههههه:sheer:

 

[ندى الأيام]

كيفاش خواتاتي تورقو العجينة راني مفهمتش طريقة وحدة حاطتها مدايرا كرواسون بالشكولا بدون عجينة مورقة يعني العجينة اللي عجنتها نحلها بالحلال و نقطعها مثلثات و نلفهم يولي عندي حبة كرواسون و لا يلزمها التوريق و انا مانيش فاهماتو كيفاش يكون
هاو ليكم الموضوع مافهمتش الطريقة من فضلكم نعتولي كفاش تعيشو
https://www.4algeria.com/vb/showthread.php?t=315025&highlight=%DF%D1%E6%C7%D3%E6%E4

 

[imane27]

ندى نخلوها حملة المقرون ليوم
نانوس رانا رجيم يهوس
راجلي واولادى راحو يشفو كبش غير بالعين مساكن ميقدروش حتى يجبوه لدار:cra_zy:

 

[ibtesem]

, ‏Djazaire-El-Ghalia اليوم كنت ننتضر في شئ جديد
مبروك يالغالية لبسة جديدة جات مع العيد

 

[ibtesem]

كيفاش خواتاتي تورقو العجينة راني مفهمتش طريقة وحدة حاطتها مدايرا كرواسون بالشكولا بدون عجينة مورقة يعني العجينة اللي عجنتها نحلها بالحلال و نقطعها مثلثات و نلفهم يولي عندي حبة كرواسون و لا يلزمها التوريق و انا مانيش فاهماتو كيفاش يكون
هاو ليكم الموضوع مافهمتش الطريقة من فضلكم نعتولي كفاش تعيشو
https://www.4algeria.com/vb/showthread.php?t=315025&highlight=%df%d1%e6%c7%d3%e6%e4

ياندى الايام ياختي هدي عاملاتو بعجينة عادية
مايكونش مورق انما انتي ادهني العجينة وحطي الشكولة ولفي العجينة خليها تطلع قبل دخولها الى الفرن
ربي اوفقك ان شاء الله

 

[رآج ـية العفو]

هذآ وين كملت القرآية الله يبآرك عليكم
مآ عندي مآ نقول غير ربي يعطيكم الصحة كآمل
بصحتكم لي كآلدي وعفوفة يعطيك الصحة أكلآت تشهي
وأم ندووووش بصحتك البقلآوة جآآآتك هآآيلة وبصحتك
الكوكآ والذزيريآت والله جآآوك تحفة ربي يبآرك عليك
كنت عولة نديرهم في العيد مي ربي مآ كتبش يمكن هآذ ليآمآت
نخدمهم وبصحتكم يآ صحآب العيش شهيتووووني يعطيكم الصحة
وكلكم بصحتكم وآش طيبتو الصآيمآت صيآمكم في الجنة
والغآلية حكيك يعطيك الصحة على أطبآقك
حبيبتي أم نوسة ربي يشآفيك

فطورنآ كآن لوبيآ تآع الحبة
وعشآنآ طآجين زيتون وفريت وسلآطة وفلآن

اهلين ام كوثر وربي يعينك

بصحتك العدس مريم
اهلين بالغالية اسومة والله غير خليتي بلاصتك​

نلتقي في المساء رني خارجة نقضي تهلاو في رواحكم باي

​

ربي يخليك حبيبتي ذهبيتو نشوفك من بعد يالعزيزة

ماشي بسيف تشري طابع السيليكون انا استعملت هدا الطابع شسريتوا ب
130دح فيه زوج

الطآبع هآيلة يالغآلية مزآل مآ شفتوش كي نلقآه نشريه​

طابع السيلكون ديال نفين صبتو خبطة بـ100 الف :blink:​

يآ لآلة شحآل كنتي حآسبآتو سومته تخلع
ههههه مي درك رآهم 90 ألف وكآين 60 ألف وكآين 45 ألف
كل وآحد وشحآل يبيعه

كيفاش خواتاتي تورقو العجينة راني مفهمتش طريقة وحدة حاطتها مدايرا كرواسون بالشكولا بدون عجينة مورقة يعني العجينة اللي عجنتها نحلها بالحلال و نقطعها مثلثات و نلفهم يولي عندي حبة كرواسون و لا يلزمها التوريق و انا مانيش فاهماتو كيفاش يكون
هاو ليكم الموضوع مافهمتش الطريقة من فضلكم نعتولي كفاش تعيشو
https://www.4algeria.com/vb/showthread.php?t=315025&highlight=%DF%D1%E6%C7%D3%E6%E4

حبيبة تفضلي هنـــــــــآ
العجينة بكل التفآصيل​

 

[روز]

يعطيك الصحة ام ندى على الوصفة
ان شاءلله نطبقها