ماذا ستطبخين اليوم سيدتي الجزء 7

[ام منصف]

صحيتو البنات
راني وليت شريت بعض المستلزمات
طابع الخلية مصبتوش قالولي وريهولنا باش نجبوه
طابع السيلكون ديال نفين صبتو خبطة بـ100 الف :blink:و ليت شريت واحد عادي
شكرا لك حكيك تقريبا يشبه لديالك بصح فيه 4 مقاييس
روز بعد ما خلصو الدريهمات شت لمول ديال الموسكوتشو قلت و الله لا نسقسيه لا عندو كيفهم
و صغار تعرفي في دقيقتو جبدهملي الوحدة بالفين قلتلو العام الجاي :laugh: تفرت
دكا نروح للمقروط ربي يوفقني و يوفقكم

نانوس وليت ما نودش بكري :tongue_1:
ليك نانوسة:ax_flw:​

راهو كاين الطابع نتاع الشهدة بصح يتباع في ساشي مع ياسر موديلات معاه
ماعرف اذا يتباع بالواحد والا لالا؟
​

 

[NaNouS]

بسومة افتحي ام اس ان
--------
ايمانو منين تقوليلي راني ريجيم تشوكيني بعشا معندي ما نقول هههه

 

[رآج ـية العفو]

لبنآـ حطيتلكم بسبوسة وبقلآوة نآشفة وles courssins
خدمتهم في رمضآن ومن الكسل تآعي هذآ وين جيت نحطلكم فيهم
وبقلآوة نآشفة عآودتهآ اليوم تفضلوا

Les courssins

------

بسبوسة بطريقة الغآلية ميميشـآ

------------


بقلآوة نآشفة

نزيد نروح لقسم المعجنآت والمقبلآت نحط النص
بآش نخفف على روحي موآضيع ​

​

 

[oumniati]

السلام عليكم ورحمة الله وبركاته
صح فطوركم يا الصايمات ربي يقبل ان شاء الله
واش ابتسام فلوسة مابانتش؟

 

[رآج ـية العفو]

تفضلوا بآقي نزيد موضوع في المعجنآت

قنيدلآت طآجين الحلو

كريم كرميل شكولآطة​

​

​

​

 

[ibtesem]

صح فطوركم يالبنات ربي يتقبل منكم يارب
راها 1:20 كيما الضهر ادن
مرحبا بالملتحقين الان

43 (23 عضو و 20 ضيف) ‏ibtesem, ‏amina-amouna, ‏arsalane, ‏لڪْبريآئيْ روْآيہَ, ‏أم نيفين+, ‏ندى الأيام, ‏امة الرحمن, ‏ابو حذيفة السلفى, ‏Djazaire-El-Ghalia+, ‏بلادي نبغيك, ‏ياسمينة الباديه, ‏حكيك, ‏l'algeroise, ‏mimi53, ‏nona bella, ‏oumniati, ‏زهرة الجنوب9+, ‏prncess fifi, ‏smiliani1, ‏كوثر الوهرانية+, ‏عاشقة الوردة, ‏wassila21, ‏قوتة واش راكي يابنت العم

 

[oumniati]

راجية حلوى تشهي يعطيك الصحة

ام ندى كي بقلاوة كي الدزيريات ماشاء الله، القاطو تاع نفاسك اذا ماكانش اللي يعاونك غير ديري بالشوي وخبي في كونجيلاتور، انا حسبتلك هههههه تولدي بالاك بين25 و27 ديسمبر غير وجدي روحك هههههه

 

[رآج ـية العفو]

يسلمك حبيبة أمنيآتي
صح فطور الصآيمآت وربي يتقبل منكن

وصح عشآوآتكم للي مش صآيمين ​

 

[ibtesem]

انا بقالي الجاري
قلت نزيد التارت تاع حكيك عجبتني
وسلطة
والحمد لله
صح عشاواتكم
وفطور الصائمات

 

[حكيك]

صح فطور الصيامات فطرت حييت ندري نشوف واش فتني الله يبارك
ندى دزيريات تحفة تقولي منكلهومش غير نشوف فيهم
اسماء وين كنتي مخيبية هده الوصفات كلها رائعة يعطيك الصحة
الا مصبتيش الطابع اروحي عندي نشروه مع بعض
بصحتكم كل ما طيبتو

 

[ام منصف]

صحى فطور الصايمات جميعا
وربي يقبل
​

 

[حكيك]

انا بقالي الجاري
قلت نزيد التارت تاع حكيك عجبتني
وسلطة
والحمد لله
صح عشاواتكم
وفطور الصائمات

شكرا فيها البركة بصحتكم

 

[روز]

أسوم قاطو هايل ويشهي يعطيك الصحة
صح فطوركم يالصايمات ربي يتقبل من الجميع

 

[ندى الأيام]

تعيشو حبيباتي راجية و ابتسام ربي يحفضكم و يعطيكم ما تتمنوا يا ربي

 

[imane27]

صح فطور الصيمات
اسما قاتو هايل يعطيك الصحة راكي فنانة

 

[روعة2005]

سلام لبنات الله يبارك عليكم جميعا مممممممم من فطور بسومة لفطور امونة لفطور نانوس لفطور شيرين لفطور حكيك مممم ولااطباق عفوفة ولا الكوكا تاع ام ددوشة ولا راجية الفنانة الله يبارك فيها وعيش الجيغواز والقاطو تاع مريومة وسينية تاع شيرين كلكم رووووووووعة ربي يكثر الخير عليكم:sheer:ويقدر :santa_1: والله الغلا بزااااف البارح هبطت نكسي اولادي القش تاع نوسة يدير920 الف غير حشمو يكتبو مليون ولموح 750 الف بلا سباط بلا الحوايج الخفاف يخااااااه انا قلت لراجلي سكر لافارمسي ودورها ارتيكل بيبي هههه الحصول روحت فارغة اليدين لانو اللبسة تزواق وبgاصي بزاف قلت نطلع غدوة ولا بعدو لقسنطينة شكرولي القش فيها ياسر على الاقل نحط دراهمي عن قناعة:schmoll:
----------------
ندوشة الله يبارك تعرفي البقلاوة رووووووووووووووووعة والدزيريات ثاني ملي تهبط عجوزتك نجي ندي شوي بخور وخمار وسبحة ونتقهوى بدزيريات ممممممممممممم :sheer:نضحك برك ديريهم تعرفي يحمرو الوجه وعندكي تديريلهم البقاصي برك يخااااااااااااه عادت الناس تشري بريون تاع الشعر وتعمر القاطوات والله لعراس ولا النفاس ولا النجاحات عدت منحبش ناكلو على جال هذا الشئ
المهم فهمت بلي اعتدال هي اختك :re_gards:الصغيرة ولا الكبيرة
انا اليوم الرابع صيام وراني ريجييم الشربة الحارقة :sad:يعني عشايا كان صحن تاع لاسوب مع صحن سلطة خضار وبس:shiny:
اما ابو الشباب فقالي مسكين معليش مطيبيش ديري غداء مع عشاء ايا سخنتلو البربوشة بالجاج والخضار وتعشاء وسلام:shay:
صحا فطور كامل لي صامو وخاصة حبيبتي ام منصف:sheer:

 

[أم انس عبد الله]

السلام عليكم ورحمة الله وبركاته
راني جبتلكم لي كالدي
بصح ماتضحكوش عليا
درتهم كبار قالى بابا واش المخايد هادو
بصح الحمد لله جاو بزاف بنان
اتفضلو
ماتضحكوش على الشباح الله غالب اختكم هنتوشة





​

 

[nada242008]

الله يسلمك حكيك .. ربي يخليك
اسومة حلويات في منتهى الروعة تسلم الايادي
امنياتي حتى انا قلت هكاك بصح ضرك يجينا البع بع هههه يحكم الكونجيلاتور كامل
عرس خويا بين 29 و2 ديسمبر بين عشا الرجال حتان الحزام .. مع نروح لداري نديماري فيه
هههه فكرتيني نخير كلينيك يكون فيها الويفي باش نتونس معاكم:showoff:
صحا فطوركم جميعااااااااااااااااااااا وربي يتقبل ان شاء الله

 

[imane27]

يعطيك الصحة هاجر جاوك هايلين بصحتكم

 

[ام ايناس]

مساء الانور عليكم يعطيكم الصحة وربي يبارك فيكم فحلات ودرتو حملت لي كالدي وصح فطور الصايمات فوفة على السلامة انتي ولالجيرواز والقش اسكتي اناهاداك النهار رجعت نبكي كاين قش هايل بصح الدراهم خلاصولي الكبش ب3 ملاين وزيد وزيد شريتلها حاجة خفيفة ب400 براكات عليها وانا مازلت واااااااع