ماذا ستطبخين اليوم سيدتي الجزء 7

[faloussa]

اههههههههههههه ليكالدي راهم مدايريين سيكسي كبييييييييييييييييييييييييييييييييييييييير احم احم
بصح كي جيت لقيت مفاجئة هنا دارونى شيف في ورطة علاش عليكم انا اختكم :no_no::no_no:
راني نحاول انى نوريلكم هذا الاسبوع اطباقى واذا ما قدرتش بعد العيد ياك ما تغضبوش منى

 

[ام سيرا]

بصحتكم لعشا
وصح فطور الصايمين

 

[dahbito]

السلام عليكم وصح فطور جميع الصايمات ربي يتقبل منا ومنكم
اليوم فطرت حريرة+كرم في الفرن +سلاطة​

 

[روز]

هاهو ياايمانو
مادرتوش في الفور الفرماج رابي كملي
ايا سمقتو بجبنة كيري ودرتلو الطون والزيتون والكاتشب
وشوي فرماج نتاع الهمبرقر زدتهم معاه سلاطة وديسار

 

[imane27]

امممممممممم روز راه يشهي مزال ديالي راهم 3 انواع مقرون
اهلا ام سيرا نتمناو نشفو اطباقك على فكرة انا تانى من العاصمة يعني نفس اطباق ولكن سور عندك الجديد

 

[ام منصف]

صحا فطور كامل لي صامو وخاصة حبيبتي ام منصف:sheer:

الله يسلمك فوفتي الغالية
ولك بالمثل
​

 

[ام منصف]

حالياً الأعضاء النشيطين الذين يشاهدون هذا الموضوع : 51 (34 عضو و 17 ضيف) ‏ام منصف, ‏amina-amouna, ‏amira2011, ‏وصال تسنيم, ‏ام ايناس, ‏ام تقوى, ‏ام خديجة1, ‏ام سيرا, ‏ام صلاح, ‏امة الرحمن, ‏faloussa, ‏ferdaws, ‏ibtesem, ‏imane27, ‏ياسمينة الباديه, ‏l'algeroise, ‏mimi53, ‏NaNouS, ‏nassima88, ‏nona bella, ‏راجية, ‏زهرة الجنوب9, ‏شذى الزهور, ‏ضوء الخيال, ‏prncess fifi, ‏rima29, ‏smiliani1, ‏كوثر الوهرانية, ‏عاشقة الوردة, ‏عشقي الامارات, ‏wassila21, ‏فوفة 2011, ‏فايزة1207, ‏قوتة

الله يبارك ويزيد مرحبا بيكم زوار واعضاء
​

 

[السعيدة بربها سارة]

حالياً الأعضاء النشيطين الذين يشاهدون هذا الموضوع : 51 (34 عضو و 17 ضيف) ‏ام منصف, ‏amina-amouna, ‏amira2011, ‏وصال تسنيم, ‏ام ايناس, ‏ام تقوى, ‏ام خديجة1, ‏ام سيرا, ‏ام صلاح, ‏امة الرحمن, ‏faloussa, ‏ferdaws, ‏ibtesem, ‏imane27, ‏ياسمينة الباديه, ‏l'algeroise, ‏mimi53, ‏NaNouS, ‏nassima88, ‏nona bella, ‏راجية, ‏زهرة الجنوب9, ‏شذى الزهور, ‏ضوء الخيال, ‏prncess fifi, ‏rima29, ‏smiliani1, ‏كوثر الوهرانية, ‏عاشقة الوردة, ‏عشقي الامارات, ‏wassila21, ‏فوفة 2011, ‏فايزة1207, ‏قوتة

واخيرا لقيتكم
كون غير كلمة شكر منكم ولكن ماعليش
كا نشوف في هاي المنتدى
ما في تفااعل صح ولالا
المنتدى اللي ندخل ليه ما نلقا فيه قيمة ما عرفت لاش
ان شااء الله بخير
وصحا عواشركم وصيامكم في الجنة والله يحقق ليكم امانيكم يا رب​

 

[السعيدة بربها سارة]

واااش الظااهر لياا انا عدت مجنونة
كا نقعد هنا نشوف فيكم ولا اخت ترد علياا
مرات نسهر نلقا اخوات عادا في النت ولا يردون علاش
ياك ما هبلت انا
ردو علياا الله يخليكم​

 

[ام منصف]

حلمي الأمومة يا رب
اهلا وسهلا بيك اختي معانا
وان شاء الله نشوفوا تفاعلك معانا
​

 

[dahbito]

اهلين بيك اختي ومرحبا بيك معانا
ولكم بواش نردوا عليك طرحتي سؤال ولا كيفاش
​

 

[كوثر الوهرانية]

هالين لي بات نتاوعك روز امم يشهوا بصحتكم
بصحتك دهبيتوا لفطور حريرة و كرم فلفور يجي بنين
فوفة شفتي القش كي راه غالي بزاف والله ادا راهم مفضحين فالاسعار
تعرفي فالعيد الصغير رحت نشري لكوثر لباس قالي ب ستميات اف تعرفي بشحال جبتها بتلتميات الف شوفي شحال نزلتله فالسومة و تاني كولوا قالي ب متين الف نقولك بشحال ديته ب خمسين الف
ايه قتله انت تلعب عليا يا ويلك سيرتوا في هداك الوقت كان كاين الصولد في اسبانيا يعني القش تماك باطل هزي على روحك راحوا شراو و جاو يكوا فينا
الله يهديهم

 

[faloussa]

اختى ام كوثر صحا فطورك طابلة تشهى قوليلي اختى لاسوب نتاعك واش فيها عجبتي لاكولار نتاعها

 

[ibtesem]

‏حلمي الأمومة يا رب,والله اختي اول مرة نشوفك هنا في قسم
مرجبا بيك معانا مبروك لعواشر

 

[كوثر الوهرانية]

اختى ام كوثر صحا فطورك طابلة تشهى قوليلي اختى لاسوب نتاعك واش فيها عجبتي لاكولار نتاعها

الله يسلمك فلوستي و صح فطورك نتي تاني
لاسوب فيها
زوج بصلات كبا تلاتة حبات بطاطا كبار و حزمة كرافس نقيهم و قطعيهم و ديريهم في طنجرة و غمريهم بالماء و قليل من الملح و مكعب ماجي و خليهم يطيبوا
كي يطيبوا حلي الطنجرة حطي فيها طرف فرماج و ملعقة كبيرة زبدة و ميكسيهم بالميكسار مليح مليح حتى تولي سوب تقيلة
ادا شفتيها خفيفة رجعيها فوق لنار ادا تقيلة سربي و اشربي
و شهية طيبة
ملاحضة متكتريش الملح لماجي مالح و الفرماج تاني

 

[ibtesem]

صح لعشا هدا سباقيتي هدا مكرون بالكات شاب
كوكو فرشت وغطت كون انت لي جيتي في الورطة
بصحتكم

 

[كوثر الوهرانية]

حلمي الامومة مرحبا بيك معانا اختي ان شاء الله تعجبك لمتنا

 

[كوثر الوهرانية]

ساهل بسوم ارفدي الصور و حطيهم في ركن شيف في ورطة

 

[dahbito]

الله يسلمك حبيبتي ام كوثر وبصحتك انتي تاني

​

 

[faloussa]

اه يعطيك الصحة كوثر نجربها ان شاء الله