ماذا ستطبخين اليوم سيدتي الجزء 7

[رآج ـية العفو]

نانوس الله يعطيك الصحة فطورك يشهي بصحتكم


امنياتي اهل بيك يا لحبيبة ربي يعاونك على الشقى

اسومة حافضي على روحك اختي

​

يآ حبيبة لآزم نكمل الليلة غدوآ عندنآ ضيآف يعني نوض بكري

ونخمل وننقي والسبت نلهآو في روآحنآ رآكي عآرفة الغسيل
والتدوآش والمشيط

أنآ نروح لبنآآت
والله رآآآآني عآآآية و المآعين رآهم يستنآو
نشوفكم غدوآ بإذن الله تهلآو في روآحكم
وليلة سعيدة​

 

[NaNouS]

كوثر الله يسلمك بصحتك السندوشات جاوك هايلين وبصحتكم البدنجان
-----------------
اسمهان اسومة الله يسلمكم بصحتكم العشا انتوما تاني

 

[كوثر الوهرانية]

ام منصف بصحت فطورك لكالدي جاوك روعة بصحتكم

 

[nada242008]

نانوس امممم عشاك يشهي
كوثر السندويتشات باينين بلي بنان والله غير كليتهم في الغدا ومازلت ساخفة عليهم .. بصحتك
اسومة ربي يعاونك في القاطو .. ووصفة الخبز العربي والسندويتش راني درتهم في مواضيع// يخي وصيتيني قلتيلي بنات عمك يحوسو على الوصفة هههه هذا وين كتب ربي
دهبيتو البقلاوة تشهي بصحتكم
امنياتي ربي يكون في العون
ام منصف لي كالدي خرجولك هايلين وصحا فطورك
عفوف يا مراحب وربي معاكم
جزائر الغالية احبك الذي احببتنا فيه .. وصحا فطورك
--
انا قليت عضمات مع فرماج وسلاطة والسلام
--
بسومة عندي مشكل في السكايب وقريت مساجك روطار كالعادة

 

[ibtesem]

تفضلو مجاوش كيما موالفة مي الحمد لله:shay:

 

[nada242008]

واش خصوا يا ابتسام خرجلك هايل .. بصحتكم

 

[imane27]

السلام عليكم

بصحتكم كامل واش طيبتو يا البنات ​

هدا فطوري

الله الله نانوسة فطور يشهي راح رجيم ليوم بصحتكم

 

[imane27]

كوثر سندويتشات هايلين ومدربل بصحتكم
ام منصف بصحتك لكالدى رائعين
ابتسام كروكي جاك هايل راي تخزي فالعين
صح عشاكم كامل

 

[dahbito]

السلام عليكم
صح فطور الصايمات ربي يتقبل منا ومنكم
والله عندك الحق يا ام كوثر ربي يعينا على الصيام
هدا عشايا
​

 

[ام منصف]

الله يسلمكم
اليوم روز ما بانتش الظاهرة راهي مع تحضيرات العيد
​

 

[NaNouS]

ام منصف يصحتك لي كالدي
----------------
ام ندوشة الله يسلمك بصحتك العشا انتي تاني
-----------------
بسومة انا نبعتلك الوليمة كيما راهي وانتي ابعتيلي الصحن انتاع الكروكي ههههههه

 

[ibtesem]

الله اسلمكم الحمد لله كي عجبكم انا صراحة معجبتيش
نانو صحن تاعك راه اجيك في العيد مدوزن هههههههههههه
ام منصف بصحتك الفطور ولي كالدي
دهبيتو اعطيني صحن تاع السلاطة الله اخليك ههههههه
ندى بصحتك العضمات هههههههههههه

 

[روز]

اهلا يالبنات وش راكم
قالولي بلي توحشتوني صح؟ ههه
دركة نشوف وش فاتني

 

[حكيك]

السلام عليكم
اتمنر انكم كلكم بالف خير
من البارج مدخلتش مصبتش الوقت راه عندي macon مع راني وحدي مقريتش حتى الصفحة حطيتلكم الحلوة لي حضرتها للعيد عملتها بالقلق
ونراجع واش فاتني تفضلوا

​

 

[كوثر الوهرانية]

بسومة الكروكي هايل
ندوشة بصحتك البيض مقلي
دهبيتوا صح فطورك اختي
الاخت حكيك الخفاف جاوك هالين و الكروكي و الصابلي روعة
روز على سلامتك اختي

 

[روز]

يسقسي عليك الخير كوثر ربي يخليك
امممممم موائد تشهي التليتلي هايل بسومة والكروكي جاك روعة كفاش تقولي ماعجبكش هاايل
دهبيتو لبقلاوة روعة
ام نندوش عندها الحق بسومة راعي شعورنا حرام عليك هههه ضحكتني كي قالتها خرجولك روعة راني حابة نجرب الخبز العربي ماكورجتش نحوس في مواضيعك وبالاك نجربو الايام الجاية لكن بحشو ممممممم

ام كوثر تطبيق هايل جاك لي ساندوويتش هايلين الله يباركلك في دوك اليدين
عفاف تهليلي في روحك خية
نانوس الله يبارك مائدتك روعة
ختي حكيك قاطوك متقن وهايل يعطيك الصحة
بسومة كأنك بعد الازمة دمك ولا خفيف اكثر ههه
كل رد يضحك اكثر من لي فات

اليوم كنت برا وغدوة معروضة على قهوة عند وحدة من لي عرضتها ديك النهار
قالي ابو الشباب نشرولها باتيسري من برا وخلاص
قتلو لالا نخدم تارت في الدار راني نخدم فيها باش غدوة نتلهى بعمري
راني ندير في تارت بالشكولاطة والجوز وشرائح الاناناس
لما نكملها نصورها
و نحط الصور اليوم ولا غدوة

 

[سوسو الشاوية]

مبروك الافتتاح

 

[imane27]

اهلا روز واش راكي بصحتك العرضة
دهبيتو بصحتك عشاك

 

[NaNouS]

روزيتا وينك هدا يا لالة جيبتها عرضات الله يبارك بصحتك

 

[NaNouS]

حكيك بصحتكم القاطوات كامل روعة الله يبارك
------------------
ايمانو الله يسلمك واش احوال ريجيمك انتاع اليوم شوكيني يلا ههههههههههه