ماذا ستطبخين اليوم سيدتي الجزء 7

[حكيك]

صباحكم سعيد و جمعة مباركة عليكم ان شاء الله
روز طورطة تحفة الامعجبتكش ابعتيهالي مدابيا نصييب الواجد

 

[Setifienne]

لا لا حبيبتي روز ندى اسمحيلي انجاوبها وصفة القاناش هي تغلي لكرام فراش ماشي الشانتي ثم اتضيفي الشكولا نوار قطع خارج النار كما قاتلك حبيبتي ندى

 

[merieme hassi]

السلام عليكم
روز يعطيك الصحة هايلة حنونة و تحمر الوجه :sheer:
سطايفية يعطيك الصحة علي الوصفات حنونة
ام ندي عندك الحق القاناج يجي روووعة في التارت شفتو في حورية المطبخ بصح جامي جربتو

ليوم عملت مقروط التمر تاعنا قصدي المقلي اول مرة نخدمو وحدي ماكان عندي الطابع ديالو :cra_zy:
بصح معليش خدمتو لابو الشباب يحبو بزااف :shay:تفكرت الايام الزينة كي كنا نخدموه جماعات مع الجيران و الفاميليا :sadwalk:
ايا اعطوني رايكم فيه
جبتلكم صورة فطوري تاع البارح










صح فطوركم


ا

 

[ألاء الرحمـــن]

السلام عليكم وجمعة مباركة للجميع
صباح الخير عليكم إن شاء الله تكونو بخير البارح كنت مشغولة مع القاطو والميناج والصيام مدخلتش مي جبتلكم عشايا صورت بالزربة طاحت الباتري هههههههه مش وقتها
ممممممممممممم أطاق وقاطوات مشاء الله جعت صباح ربي
عشايا البارح لي كادي وطاجين زيتون

هاهي الصور كي شفتها الصباح ماعجبتنيش
قولو الصح اذا مش مليحة نروح نشريلها وحدة وخلاص

:sad: روز حرام عليك صباح ربي تقابليني بهذي الطارط كان راهي قدامي نفطر عليها مش خسارة مممممممم جات رووووووووووووعة معليش نديرونجيك تعطيني الوصفة قريب عيد ميلاد زوجي ونديرهالو ان شاء الله

ممممممممممممممم مشاء الله نحب تارت بالشكولا خرجتلك روعة نادا يعطيك الصحة

دهبية خرجتلك البقلاة شابة مشاء الله
والباقية مشاء الله أطباقكم روعة عملت جولة خفيففة كان نكمل نشوف نزيد نجوع ههههههه



​

 

[حاملـة المسك]

متهنية روز إديها و راسك مرفوع جاتك هايلة
ههه شابة تصوري طابلتها....نت كشما قاطو عجبك سقسيها واخلاص
وحنا نحاولو نتخيلوه:sad:
ستفيان شكرا على الثقة و بصحتك الحلويات
جاك هاايل المقروط مريومة و مقسم بالتساوي ....حتى انا معنديش الطابع ديالو نقيس غير بصباعي​

 

[nada242008]

روز كيما شرحتلك الاخت السطايفية نهدر على لاكرام فراش ..
والشانتيي اللي حشيت بيها الكيكة خفقتها عادي ومن بعد زدتلها شيكولا ذايبة وجات بنينة حتى هي
انا نحسب الدريم ويب هي الشانتيي ؟ كي قلتي كون استعملت الدريم ويب احسن
انا هنا نشري الشانتيي تاع الميزان فرق كبير بينها وبين تاع العلب
وصوريلنها واش قدرتي صحاباتك ولا الطابلة ولا اللي جات هههه ماتجيبيش الصوارة فارغة برك
--
مريومة طابلة تشهي والمقروظ امممممممممممممم
والتارت لي صورتها هي من وصفات حورية المطبخ ههه راكي عرفتيها
--
مها طاجين الزيتون هاااااااااايل سخفتينا ولي كالدي ثاني روعة

 

[nada242008]

 

[روز]

متهنية روز إديها و راسك مرفوع جاتك هايلة
ههه شابة تصوري طابلتها....نت كشما قاطو عجبك سقسيها واخلاص
وحنا نحاولو نتخيلوه:sad:

​

خلاص كي قلتيها رغودة راني دايتها
وعلى التصوار ياوندري انوضها ونقلها جيبيلي الماء هههه
ان شاءلله نشوف كفاش راهي تعرف تخدم التقليدي برك

روز كيما شرحتلك الاخت السطايفية نهدر على لاكرام فراش ..
والشانتيي اللي حشيت بيها الكيكة خفقتها عادي ومن بعد زدتلها شيكولا ذايبة وجات بنينة حتى هي
انا نحسب الدريم ويب هي الشانتيي ؟ كي قلتي كون استعملت الدريم ويب احسن
انا هنا نشري الشانتيي تاع الميزان فرق كبير بينها وبين تاع العلب
وصوريلنها واش قدرتي صحاباتك ولا الطابلة ولا اللي جات هههه ماتجيبيش الصوارة فارغة برك
--

هههههههههههههههههههههههههه:lol::lol: قتلتيني بالضحك وليت ندمع

المرة الجاية نجرب الفكرة نتاعك
والدريم ويب نورمالمون كما الشانتي
مي دريم ويب احسن القوام نتاعها هايل وماتفشش كما رغوة الصابون
تبقى سوبل وملسا حتى نهارين في الثلاجة مايصرالها والو

أه ياام ندى على هاديك العقوبة لي درتيها بصحتك المحاجب رووووعة اممم اممم اممممممم
حكيك والله لو كنت حذاي نبعثهالك ونشريلها مقامك عالي ياغالية

:sad: روز حرام عليك صباح ربي تقابليني بهذي الطارط كان راهي قدامي نفطر عليها مش خسارة مممممممم جات رووووووووووووعة معليش نديرونجيك تعطيني الوصفة قريب عيد ميلاد زوجي ونديرهالو ان شاء الله

راهي ساهلة فيها 6بيضات وكاس سكر وبالباتور حتى تولي بيضا
بعدهاديري كأس الزيت بالشوي وضربي مليح راه يتضاعف حجمها
بعدها نصف ملعقة صغيرة قهوة ولا نسكافيه
وملعقتين عسل
و3ملاعق كاكاو
وأفاني وليمون مرابي
وكاس ونصف فرينة ولا كأسين نتي شوفي القوام ماتكونش ثقيلة بزاف
و2الخمارة
وكاس جوز ولا لوز ولا كوكاو ولا اي مكسرات مطحونين خشين
ديريها اطيب وبعدها اقسميها على 2 ديري دريم ويب وشرائح الاناناس والجوز وامبعد رجعي الطبقة الثانية والديكور نتي حرة فيه من فوق
تحبي شكولاطة وجوز تحبي دريم ويب وشكولة وجوز اي شي المهم تحطي شوي جوز من فوق

 

[قطورة الندى]

بصحتكم والله شهيتيني يا ام ندوووووووووش تسلم الايادي

 

[oumniati]

السلام عليكم ورحمة الله وبركاته
واش راهم خواتاتي ، قريت قريت حتى عييت ههه ، بصحتكم طياباتكم يسخفو، اللي نشوفها نقول نديرها _لمعاندة_
اسمحولي راني ندخل بيديا فارغين مارانيش نصور
مريم شهيتيني في لمقروط كيما يحب الخاطر
روز كيما قالو لبنات اديها وماتخافيش حطيلنا الوصفة برك والحاجة اللي ماعجباتكش المرة الجاية سقميها وخلاص
(نا صوريلي لماعن هههههه:showoff:
ياسمين بصحتك فطور يشهي
اسمهان وراجية وحاملة المسك يعطيكم الصحة، والله حلاوتها في التحضيرات
صافيناز صح في الغربة مايبانش العيد بصح لازم نخلقو لومبيونس تاعو، كيما قالت اختي كربوعة:cra_zy: نغسل ونفرز ونوجد لاشتة مايجي حتى واحد
المهم نفرح بالعيد وما نخليهش يجوز نهار عادي:sheer:
ابتسام وينك:re_gards:
وعندك وحدة محجوبة وصلحواااااااا ههههه بوكريشة انا نديرهم 2مرات في العام :schmoll: وانت 52 مرة هههههه بصحتك زينة، واش راه زكزوك؟ وسلميلي على اعتدال

 

[oumniati]

روز ماجيت نكتب رد كنتي درتي الوصفة صحيتي بصح الزيت شحال

 

[shahrazad]

صباااااح النوور لبنات
جمعة مباركة
حرااام عليكم جوعتوني صحححح :tears:
الله يبارك عليكم
انا اليوم ديتها ميناج وصيام ان شاء الله




​

 

[nada242008]

ههههه اتهلاي برك يا روز راهي وصية :showoff:
--
امنياتي ماخليتي والو هههه كربوعة وبوكروشة :scared: زيدي زيدي راني في بداية الثامن يعني قمة التكربيع ههههه
المحجوبة تقريبا كل جمعة ديري 365 تقسيم 7 وشوفي قداه تجي :sheer:
زكزوك راهو غير يوجد اسكتي برك ههههه لعقوبة لزكزوكك
واعتدال ضرك بعد تكون تقرعج ..خليني ساكتة لا يصوني البورطابل :schmoll:
--
قطورة الندى الله يسلمك اختي وصحا غداك انتي ثاني

 

[oumniati]

لبنات روحو شوفو السجر وين نسكن، ضرك راهم طاحو الاوراق كي نخرج نصور
https://www.4algeria.com/vb/showthread.php?t=315502

 

[ألاء الرحمـــن]

صحيتي روز على المقادير ان شاء الله نجربها وتخرجلي كيما نحب

أم ندى بصحتك المحاجب يشهو مممممممممممممم

أمنياتي ربي يكون معاك وتعيدي بالصحة والهناء الغربة صعيبة بزاف انتي على الاقل فبلاد الغربة أنا راجلي في بلادو ومتغرب وميعيدش معايا بسبب الخدمة ربي يقدرنا

صحا فطوركم الي فاطرات وصيامكم فالجنة الصايمات





​

 

[oumniati]

ههههه اتهلاي برك يا روز راهي وصية :showoff:
--
امنياتي ماخليتي والو هههه كربوعة وبوكروشة :scared: زيدي زيدي راني في بداية الثامن يعني قمة التكربيع ههههه
المحجوبة تقريبا كل جمعة ديري 365 تقسيم 7 وشوفي قداه تجي :sheer:
زكزوك راهو غير يوجد اسكتي برك ههههه لعقوبة لزكزوكك
واعتدال ضرك بعد تكون تقرعج ..خليني ساكتة لا يصوني البورطابل :schmoll:
--
قطورة الندى الله يسلمك اختي وصحا غداك انتي ثاني

ههههههه راني نتخيل فيك، راكي كي البطة ، ربي يكملك بخير بصح كيما يقولو آحوجي حبسي لهريسة ضرك تشوفي في الزيادة(بلا ما نفسر.
مبروك على زكزوكك وربي يهنيه ولعقوبة ليك ياعتدال:sheer:، اما زكزوكي غير يحبسلي الرضاعة تاع الليل ندير عرس
خرجنا على الموضوع ؟ خلاص

 

[Djazaire-El-Ghalia]

بركات بركات مانزيدش ندخل هههه يعطيك ١٠٠٠عافية

 

[oumniati]

شريفة واش راكي، بوسيلي هاذوك الببونات تاعك ربي يعيشهم وتفرحي بيهم
الغالية واش راكي ، كملتي التشاراك؟ انا نحب العريان بصح نخاف ما يصلحليش ساعة مبسس بزاف ساعة يابس
ايمانو واش درتي حلوى؟
هجورة انت بالذات صوري وارواحي نشوفو واش درتي
ام ايناس دارتها بيك لانتارنات خسارة، ان شاء الله تكونو بخير
ام نيفين غير الخير، جيبيلنا القاطو تاعك
لالجيرواز هذي غيبة، ان شاء الله خير
عفاف وفوفة واش احوالكم
ام كوثر ربي يعاونك برا وداخل، وبصحتك المقروط فونسي هههههه
نانوس يعني بنتك تكبر وانت تصغاري ميو
فلوسة ومريومة وسمورة وام ايناس وفاروق وام سيف .......ان شاءاالله راكم بخير
راهم ناضو نخليكم على خير:re_gards:

 

[ام منصف]

بصحتكم واش طيبتو
ام ندى اممممممم على هذيك المحجوبة هايلة يعطك الصحة
اليوم دوبارة كالعادة
درت الميناج وهذا وين خلصت قلت نريح شوية ونوض للفطور والله ماعلابالي واش نطيب
روز بصحتك العرضة مسبقا والكيكة هايلة
​

 

[ام منصف]

oumniati ربي يخليك حبيبتي
ويحفظلك الكتاكيت اللي عندك
​