كل واحدة تدخل اتقولنا واش الجهاز تاع ولايتهم

[أم انس عبد الله]

ههههههههههههههههههههـــ
ربي يعيشك مريومتى​

اووووووو الله الله
ما شاء الله هايل

وريتوا لماما عجبها ​

 

[أم انس عبد الله]

ايييه يعطيك الصحة مريومة مانسيتى والو ماشاء الله
بالنسبة للفيزاوات الحمد لله متهنية منهم مانلبسهم خلاااااص ومانحبهمش
+واشنو هوما الغلاقات تاع لمخاد ؟؟
واش مريومتى انتوم ماتدوش الفراش ؟؟ وسيشوار ومكواة والخردة هاديك بالنسبة للماكياج مهنية تانيك منو الحمد لله هو مايحبو وانا نفس الشيء مانحبوووووش مهنية من ذي الجهة
وبالنسبة للهدايا احنا نديرو طروفا قماش مانديروش جبب يعني ماشي مخيط انا هاكدا قاتلى يما والله اعلم
وبالنسبة لهدية الزوج تدي بيجامى تاع رقاد او ملابس حمام والله اعلم
كي نقرعج راني نزيد نقولكم
ومرسي مريومتى

تقدري تدي 2 بينوار نتاع الشتاء 2 نتاع الصيف ..​

حوايج نتاع الشتاء ليبودي جيليات نتاع الصوف جبب ..
3 ليبانتوف 3 بلايغ على حساب الحوايج
لي سيغفاتمون 3 ولا 2نتاع الشتاء يكونوا شابين
لي ميامي 6 ولا 7 نتاع الشتاء
4 ولا 6 فيزاوات
ليكات و حوايج الخرجة نتاع الشتاء
ليشال نتاع الشتاء باش الى كاش ما بردتي ولا ديرهم نتاع الصيف ثان
الملابس الداخلية
بيجامات
الجبب للخرجة يكونو شابين ومزوقين
.. . . ​

اما بالنسبة للصيف
تقدري حتى 10 ليبودي نتاع الصيف ولا اكثر
5 فيزاوات بشتى الالوان
لي ميامي 5
بيجامات 5
جبب 4 ولا 5
لي جيب ولي بودي
كلاكات 2
لي جيلير نتاع الصيف رقاق
وجبب ماشي غير نتاع الدار ديري حسابك نتاع الخرجة ثان ​

ليزور نتاع البونك
وغلاقات نتاع المخاد 6
وتقدري مساسك لي شوشو نتاع الشعر ​

والماكياج والروائح ​

وماتنسايش حاجة مهمة ​

تدي كاش جبب لام زوجك و خياتوا ولا كاش ليبودي على حساب ما قدرتي ​

والاهم تدي كاش 2 ولا 3 صوالح لزوجك باش بعد زواجك على مرة مرة تفرحيه بحاجة ​

كيما سيرفات ولا روائح وثان يديك لازم يكون بنان فالطياب ​

. . . ​

 

[ديني حياتي]

ايييه يعطيك الصحة مريومة مانسيتى والو ماشاء الله
بالنسبة للفيزاوات الحمد لله متهنية منهم مانلبسهم خلاااااص ومانحبهمش
+واشنو هوما الغلاقات تاع لمخاد ؟؟
واش مريومتى انتوم ماتدوش الفراش ؟؟ وسيشوار ومكواة والخردة هاديك بالنسبة للماكياج مهنية تانيك منو الحمد لله هو مايحبو وانا نفس الشيء مانحبوووووش مهنية من ذي الجهة
وبالنسبة للهدايا احنا نديرو طروفا قماش مانديروش جبب يعني ماشي مخيط انا هاكدا قاتلى يما والله اعلم
وبالنسبة لهدية الزوج تدي بيجامى تاع رقاد او ملابس حمام والله اعلم
كي نقرعج راني نزيد نقولكم
ومرسي مريومتى

لا قصدي الغلافات نتاع المخاد

فراش نتاع واحد ياربي لوكان 2 ندو معانا
والبونك عليه هوا

لالا كيما السيشوار ثان والمكوات هي والطاولة نتاعها نديوها قادر يديروهالك كادوا ..
والماكياج نتي حرة

كل واحد ليه عادات وتقاليد

العفو ولي عودة ان شاء الله​

​

 

[أم عبد الله]

وهاد اشريتو قبل العيد الكبير
لبستو مرة واحدة برك
ويما قاتلى خبيه للخرجات كي تروحي
:shiny:

روعة حنونتي تلبسيه بالهناء والصحة
قاتلي ماما اتخبيه وديري براي ماماك راهي اكبر منك واحكم

 

[روز]

حنا في الاغواط نمزجو بين التقاليد والمودارن وفي الوقتالاخير ولا يكثرو رغم انوالراجل يدفع مهر من 12الى 14مليون برك نحاول نحطلكم صور تشبه لوش يعملو جهاز باش تتقربلكم الصورة
الجهاز نتاع كل عروسة اغواطية هو لي فوتاي بالتابي نتاعهم

4مطارح بونج او ستة على حسب القدرة لكل عروس
ترافقها صالون ماروكان الاغلب يعملو وحدة للشتا والاخرى للصيف
مع التابي نتاعها والستائر لي يوالمو لون الشورة
الاغلب يحاولو يختارو لون مشترك للستائر بين لي فوتاي وصارون ماروكان
باش الستائر تركب عليهم في زوج

ومن التقاليد تجيب العروسة تاني 4 أو 6مطارح الصوف على حسب المقدرة باش تغطي بيهم الجهاز التقليدي ويكون على زوج أنواع واحد اسمو مضرب المنيعة أو مضرب نسموه بالكَسرْ
وهي زرابي مصنوعة من الصوف ثمنها غالي جدا يصل ل7ملايين
العروسة ممكن تدي 4زرابي لتغطية المطارح الصوف مع 4وسائد
أو ستة زرابي مع 6وسائد حسب المقدرة
الالوان تختلف كل عروسة تختار اللون لي يعجبها مع التابي نتاعهم طبعا

و4زرابي أخرى نوع آخر تسمى بالـgـطع
مالقيتش صور لكن تتخدم هكذا
تقدر تدي العروسة كما قلت 4زرابي و4وسائد واذا كانت قادرة تدي 6وسائد و6زرابي مع التابي نتاعهم

وles drat تقريبا من 4الى 6 كل وحدة وقدرتها

و4وسائد بونج أو قطن حسب الرغبة..
زوج نتاع
les couvertures double face

زوج الى 3نتاع لي كوفرولي واحد ابيض حتى يتفرش يوم الخميس وأخرين بالوان مختلفة

وles desend de lit زوج
وفوطة الحمام تدي زوج تاني
وحدة تكون من النوع الغالي مخصصة للحمام ولا للسونا
واخرى سامبل للاستعمال اليومي في البيت

وفوطات للحمام لمسح الوجه

مع قش الحمام من لي تابي نتوع الحمام لادوات الزينة لي تتحط في الحمام
وقش الحمام وحدو يسقام اكثر من مليون لانو يكون على شكل تخوسو وفيه بزاف قطع ك
قش الدار تدي قش الشتا والصيف عندنا عيب الراجل يشري للعروسة قش وهيا عروسة
تدي تانيnapperons بقدر القش لي يستحق

لكل شي تدي سلة فيها كل انواع لي شامبو
وسلة لكل اواع البارفان
وسلة لانواع الصابو والجال ومعطرات الجسم لي تستعمل في الاستحمام

تدي تقريبا فاليز كبيرة تاع القش الداخلي والاهم
يلزم ديزابيي تلبسها يوم صباحيتها
هادي يلزم تكون من غالى مايكون لانو اهل الزوج اغلبهم يجو يشوفوها الصباح تكون لابستها

ودي ميامي وربات سوريا مطروزين باش تلبسهم في الدار ودي بودي مع لي جيب نتوعهم تلبسهم تاني مع 3نتاع لي صابو تلبسهم في الدار عندنا عيب العروسة خصوصا تمشي ببليغة في الدار

اضافة للتصديرة لي تدي منصورية واونسونبل سواغي وأونسونبل ابيض تدخل بيه
وربة قسنطينة وربة نايلي والبوبو مع الشدة وروبة سواغي اذاحبت
وكل وحدة واختياراتها لكن اغلبهم يشرو تصديرة كما هادي كبعا كل وحدة مع البارير ولابوشات نتاعها

وتدي قش المطبخ اواني وقش للتزيين اغلبهم يجوها هدايا خصوصا اذا كانت تسكن في دار وحدها

راني عييت كي نتفكر نزيد نقلكم

 

[joumane]

بارك الله فيك اخت رووز
كلشي جاني نرمال غير زرابى تاع صوف ب7 ملاين
لوكان غير تصوريهم نشوفوهم مليح

 

[خلود 27]

والله ياختى حتى انا حابة نديه في الاحمر او الكريم

لكن دارنا قالولى اللون الوردي تاع عروسة وانا مانحبووش خلااااص

يعطيك الصحة اختى ​

دروك ماشي شرط اللون الوردي تديه العروسة بالعكس تبانلي ادا منطقتكم يدو هاك اللون ادا نتي ديتي لون مختلف راح يكون حاجة شابة وتكوني لبستي حاجة ما لبسوهاش غيرك انا زدت شفت كولار تركواز يهببببببببل_o: راني حايرة بينو وبين الاحمر

 

[chaouiya16]

salam chouhran 3la had nasaih ana rani hasla amnouni menin nabda dabrou 3liya ou 3aressi fi mai

 

[ديني حياتي]

تزيين لوازم حمام العروس روعة وسهلة

ان شاء الله تعجكم​

:shay:

 

[ديني حياتي]

وزيد وزيد

مما تفقدت​

 

[ديني حياتي]

خااااااااير ههه كي راكي ؟

اسمحيلي بزاف بزاف

لبارح باش نبعثلك رايي ماكاش كيفاه
الادارة منعتني باش نبعث اكثر من 10 رسائل فاليوم
بصح راكي قع واش كاين
راكي جايبتها الله يبارك

ههه راكي فايتتني

عجبوني الكوفيرطات سوختوا لي ميامي ما شاء الله

راني نستنى فالمزيد ...



الانترنت راهي دايرة فيها حالا
راهي تروح وتجي هبلتني ​

 

[ديني حياتي]

كنت قد قدمت افكار بسيطة عن جهازكن

و ان شاء الله الاستفادة​

 

[SAMOURA]

ناحية الغرب الجزائري...

عروسة من عائلة متوسطة...تدي معاها...

10بساطات.......يعني اللحوف...+الكبير....2plase.

10زواور ....ولازم 10..ومعظمهم كادوات ...دير حسبتها من الاول...

2زرابا وحدة لشومبرة الثانية لصالون اي مودال المهم تكون من الملاح.
10 مخايد ..مخيطين من نفس الكتان اللي تخيط بيه البساطات...
...مثل المخدات ولكن كاري....للسرير...ولازم 2لون ابيض+2لون اخر
المسند ومعاه 2 من المخايد ونفس اللون وملبسين بالجوى مبرودي
الكوفرولي من النوع اللي ينباع ...مخصص للعروس ولونه يتبع لون
البساطات...مثلا خيطت البساطات لون rose....تشري كوفرولي بنفس اللون ...
الكوات تدي من الالوان اللي محتاجتها....وحنا معظمهم هدايا يجوها من عند اللي يعرسو ليها....
والطابي ..و..les descentes de lit ......
.او4 مطرح صوف 4قعدات صوف .4قعدات من لي يتباعو
2فراشات نتاع بيع
شهرة تع الكروشي
الدراوات : طرز - كروشي - ساتان
لمناشف بألوان و اشكال
البرنوس
ثاني الشامبوان و الصابون .....................
و أكيد ملابس
منها الديزابيي الابيض
فساتين استقبال فساتين البيت
ملابس شتوية و ملابس صيفية
بلايغ صبابط

 

[دروب الرحمة]

السلام عليكم
الله يبارك الاخت خلود تدو كامل هادو :scared::scared::scared:

حنا العكس تماما ماشي بزاف
نبدا بالفراش :
2 les couvertures يكونو ملاح الثمن تاعهم من 4000 دينار حتى 6500 دينار
2 les couettes الثمن تاعهم من 3500 دينار حتى 6500 دينار
2 les couvre lit تع كل يوم الثمن تاعهم من 2500 دينار حتى 4000 دينار
2 les desend de lit وحدة تكون بيان الثمن تاعها من 3000 دينار و طلعي راهم يجو 3 piéces و الثانية تكون من 2000 دينار و طلعي
1 زربية تكون كبيرة و مليحة الثمن تاعها من 5000 دنار و طلعي
1 درا تع برودي يتفرش فالصبحية الثمن تاعو من 8000 دينار حتى 15000 دينار (و هادا ممكن تدي منو 2 الاول يكون بالبرودي ابيض و الثاني يكون حسب اللون المفضل مثلا وردي ولا بيج ولا......)
1 couvre lit تع عروسة يتفرش نهار يدو القش الثمن تاعو من 6000 دينار حتى 12000 دينار
4 حتى 5 pére de drat مكونين من الفراش و الغطاء و 2 مخايد و غطاء للمسند راهم يتباعو واجدين جابهم من الترك هايلين و بالوان هايلة الثمن تع الدرا الواحد من 2000 دينار حتى 5500 دينار
2 مخايد مستطيلة للرقاد الثمن تع الوحدة من 1500 دينار الى 2500 دينار
2 مخايد مربعة هادو باش تفرش بيهم الثمن تاعهم كيما المخايد المستطيلة بالاك يزيد الثمن ب 300 دينار
1 مسند الثمن تاعو من 1500 دينار حتى 2500 دينار
1 ولا زوج ريداوات للطاقة درك راهم يدو الدوبلي يعني الدخلاني يجي تقريبا يبان و من الفوق غامق الثمن تاعهم كاين تع الشناوة راهم يديرو من 1500 دينار الى 2500 دينار و كاين تع بلدان اخرى الثمن تاعهم من 2500 دينار و طلعي بصح حاجة شابة بزاف
2 les péres de napperons درنا 2 باش تبدلي بينهم ديري وحدة تكون بيان la serie الاولى ديريها بيان مكونة من 4 les napperons صغار و2 شوية فوقهم و 2 كبار تع les tables de nuit الثمن تاعها من 2000 دينار فما فوق و la serie الثانية تكون عادية فيها نفس la serie الاولى بصح الثمن تاعها يختلف من 800 دينار حتى 1600 دينار
التلايق تديري على حساب les étages لي عندك فالخزانة راهم يتباعو واجدين يديرو 6 ب 2000 دج فما فوق ولا اشري قماش تاعهم راهو يدير 200 دينار للمتر و الحرج و لا la dentelle تاعهم تدير 250 للمتر
علاقات ال****** ادي 2 يديرو 4 ب 250 دينار
السرابت تدي sortie de bain راهم الملاح فيهم يديرو 7000 دينار و طلعي و يجي معاه فوطة كبيرة و سربيتة متوسطة و وحدة صغيرة
اما بالنسبة للسرابت ادي 4 متوسطة الحجم الثمن تاعهم من 250 دينار و طلعي حسب النوعية و 3 شوية كبار على المتوسط الثمن تاعهم من 300 دينار و طلعي و 2 الى 3 فوطات كبار الثمن تاعهم من 650 دينار و طلعي

و احنا المطارح و تفريشتهم و البساطات اللي حبت تدي و لي ما حبتش ما تديش يعني متساهلين
و ادا ادات منهم ما تكترش كيما المطارح تدي 2 و البساطات تدي 2

للملابس :
على حساب الا تسكن مع دار العايلة و لا وحدها
الا تسكن وحدها راهي حرة تلبس وش جا والا مع دار العايلة لازم تلبس مستور
مثلا تدي التنورات مع البوديات و السراول مع لي ليكات و الجبب و من الحسن ما تكترش على خاطر الموضة تتغير و ممكن تتغير العروس في جسمها ممكن تسمن و ممكن تشيان
و للخرجات تدي تايورات بالسراول و تدي des ensembles ب les jupes و حجابات و تاني ما تكترش منهم و تشري معطف الا كان راحت عروسة فالشتاء
و للعراس و القهوات و العرضات تشري des robes d'hotess و لا فساتين حسب الذوق و من الافضل ما تكترش منهم
اما للبيجامات تدي 2 سروال و كمامها طويل تكون قطينة
و 2 سروال للركبة و نص كم و لا بلا كم
و 2 les chemise de nuit وحدة طويلة و وحدة قصيرة
و les nuisette ما تكترش منهم تدي 2 طوال و 2 قصار و مع الوقت تزيد تشري
و les sous vetement او الملابس الداخلية تشري 3 الى 4 les ensembles و تشري 2 الى 4 les setiens تلبسهم للخرجات و الاعراس و تشري des slips4 للخرجة و 4 الى 5 تستعمليهم وقت الدورة الشهرية
بالضافة الى les bustiers ادي من 4 ال 6
و les jupons ادي 2 واحد فالابيض و و احد فالاسود
و مت تنايش الخمارات للعروس المتحجبة

اما بالنسبة للاحدية و البلايغ و الصيكان
ادي 2 صبابط طالون بالصاك تاعهم
و 1 صباط طالون تاعو يكون متوسط
و 2 صبابط بلا طالون للخرجات تع كل يوم و تزيد 2 الى 3 لي صاك حسب الرغبة
للبلايغ ادي وحدة للتسياق تع الدار و 2 باش تمشي بيهم فالدار و 1 كي يجوك الضياف تلبسيه
و للاعراس استفيدي من تع التصديرة

اما بالنسبة لل cosmetique
ادي الشابوان وapre شابوان و gel douche و صابون و les diodorant و الروايح و stique و كوكونت للشعر و سيروم للشعر و les lingettes و pochette تع ماكياج حسب الرغبة و مساسك تشدي بيهم شعرك .......الى اخره

اضافة الى شوية les biblous تشبحي بيهم بيتك و فوق la coifeuse

و ما تناوش بلي يدخلولكم لي كادو فالعرس ممكن تستفادي بيهم
ان شاء الله ما نكون نسيت والو و الا كاشما تفكرت راني نولي
و الله تعبت فالموضوع قيموني و ادعولي معاكم
بالتوفيق لكل عروساتنا الله يهنيكم و يرزقكم بالذرية الصالحة الطيبة
آمين
تحياتي لكن
​

+تقييم
بارك الله فيك
شكرا لصاحبة الموضوع الرائع​

 

[دروب الرحمة]

حنا في الاغواط نمزجو بين التقاليد والمودارن وفي الوقتالاخير ولا يكثرو رغم انوالراجل يدفع مهر من 12الى 14مليون برك نحاول نحطلكم صور تشبه لوش يعملو جهاز باش تتقربلكم الصورة
الجهاز نتاع كل عروسة اغواطية هو لي فوتاي بالتابي نتاعهم

4مطارح بونج او ستة على حسب القدرة لكل عروس
ترافقها صالون ماروكان الاغلب يعملو وحدة للشتا والاخرى للصيف
مع التابي نتاعها والستائر لي يوالمو لون الشورة
الاغلب يحاولو يختارو لون مشترك للستائر بين لي فوتاي وصارون ماروكان
باش الستائر تركب عليهم في زوج

ومن التقاليد تجيب العروسة تاني 4 أو 6مطارح الصوف على حسب المقدرة باش تغطي بيهم الجهاز التقليدي ويكون على زوج أنواع واحد اسمو مضرب المنيعة أو مضرب نسموه بالكَسرْ
وهي زرابي مصنوعة من الصوف ثمنها غالي جدا يصل ل7ملايين
العروسة ممكن تدي 4زرابي لتغطية المطارح الصوف مع 4وسائد
أو ستة زرابي مع 6وسائد حسب المقدرة
الالوان تختلف كل عروسة تختار اللون لي يعجبها مع التابي نتاعهم طبعا

و4زرابي أخرى نوع آخر تسمى بالـgـطع
مالقيتش صور لكن تتخدم هكذا
تقدر تدي العروسة كما قلت 4زرابي و4وسائد واذا كانت قادرة تدي 6وسائد و6زرابي مع التابي نتاعهم

وles drat تقريبا من 4الى 6 كل وحدة وقدرتها

و4وسائد بونج أو قطن حسب الرغبة..
زوج نتاع
les couvertures double face

زوج الى 3نتاع لي كوفرولي واحد ابيض حتى يتفرش يوم الخميس وأخرين بالوان مختلفة

وles desend de lit زوج
وفوطة الحمام تدي زوج تاني
وحدة تكون من النوع الغالي مخصصة للحمام ولا للسونا
واخرى سامبل للاستعمال اليومي في البيت

وفوطات للحمام لمسح الوجه

مع قش الحمام من لي تابي نتوع الحمام لادوات الزينة لي تتحط في الحمام
وقش الحمام وحدو يسقام اكثر من مليون لانو يكون على شكل تخوسو وفيه بزاف قطع ك
قش الدار تدي قش الشتا والصيف عندنا عيب الراجل يشري للعروسة قش وهيا عروسة
تدي تانيnapperons بقدر القش لي يستحق

لكل شي تدي سلة فيها كل انواع لي شامبو
وسلة لكل اواع البارفان
وسلة لانواع الصابو والجال ومعطرات الجسم لي تستعمل في الاستحمام

تدي تقريبا فاليز كبيرة تاع القش الداخلي والاهم
يلزم ديزابيي تلبسها يوم صباحيتها
هادي يلزم تكون من غالى مايكون لانو اهل الزوج اغلبهم يجو يشوفوها الصباح تكون لابستها

ودي ميامي وربات سوريا مطروزين باش تلبسهم في الدار ودي بودي مع لي جيب نتوعهم تلبسهم تاني مع 3نتاع لي صابو تلبسهم في الدار عندنا عيب العروسة خصوصا تمشي ببليغة في الدار

اضافة للتصديرة لي تدي منصورية واونسونبل سواغي وأونسونبل ابيض تدخل بيه
وربة قسنطينة وربة نايلي والبوبو مع الشدة وروبة سواغي اذاحبت
وكل وحدة واختياراتها لكن اغلبهم يشرو تصديرة كما هادي كبعا كل وحدة مع البارير ولابوشات نتاعها

وتدي قش المطبخ اواني وقش للتزيين اغلبهم يجوها هدايا خصوصا اذا كانت تسكن في دار وحدها

راني عييت كي نتفكر نزيد نقلكم

بارك الله فيك ختي​

 

[CHAHINAZ 16]

الحوايج تع الدار تدي منهم مثلا الجبب لي تخدمي بيهم الشغل 4 و لي تقعدي بيهم فالعشية 3 بلا ما ننساو لي ليكات مع سروالهم ادي2 يكفوك هادو للصيف ​

و للشتاء انتي و شحال تلبسي كيما تع الصيف بصح يكونو دافيين و ممكن تزيدي شوية امور ​

تحياتي​

على حساب اللهجة ديالك من العاصمة بزززززززززززززززززاف قليل واش راكي تقولي زوج زوج هادا مكان قليل تبالني كل واحدة تدي على حساب مقدور باباها

 

[أم انس عبد الله]

السلام عليكم ورحمة الله وبركاته
يعطيكم الصحة
وربي يجازيك خير ام امينة على المساعدة
درك نقولكم لحد الان واش راني شارية ​

 

[أم انس عبد الله]

راني موجدة لحد الان
4كوفيرتات
1 تاع البقرة كيما ايقولولها
1تاع نمر عادي خشينة
1 محفرة بيها بالمخاد وليتابي تاعها
1 خفيفة خلاااص
+++++
1كوات
+++++
كوفرلى لحد الان راه عندي واحد برك بيه بليزار تاعو ومخادو ربعة
+++++
10 مخاد كتان واحد مع البساطات 6 ورايحة نزيد بساط تاع زوج بلايص
+++++
والملابس اشريت تاع شتا
6 لحد الان 5 بيجامات وربة واحدة برك مازالنى نزيد ربب
+
وملابس نوم راني شارية 7 كلهم قصار
مع دو بياس راني شارية زوج برك
وليبيستي بليشورت تاعوعهم 3
بينوار بيه بالروبة تاعو في الابيض
وزوج بوديات تاع من تحت
3 بيستيات
2سراول سليييييم
+++++
وتاع خرجة عندي ربة تاع سوريا
وجبادور وربة عادية تاع خرجات خفيفة
وراني نزيد غير بالشوية
الذهب قاع مارحتش من جييييييهتو ​

 

[zouzou08]

انا نقول لقاع لبنات ربي يسترهم و تقاليد نتاع ناس بشار تقريبا تقاليد المغرب الشقيق البنت كي تكون تحضر في جهازها نتاع العرس نبداو بالفراش تاخذ معاها قاع واش تستحق تدي لحافات على قدر المستطاع كاين 8-10-12 بيهم بلوسايدنتاعهم و لاكولور نتاع الموضة موف و لا روز بطابي نتاعها و ليسوندليي و زيد وسايد و حدهم اما صالون ماروكا كاين كل وحدا و مقدورها و زيدلباس تقليدي بلوزة+قفطان+عبايات لمقامة+ملاءة نتاع لعراس+تقشيطة و لا منصورية+الجلابة ماروكا فاسية و لا مراكشية+صبابيط لعرس و نتاع لخرجة +قش الحنة السجادة و مقامها+قش لحمام +الذهب لي ناس قاع راها تكوات بيه +اكسسوارات تتمشى مع القفطان هذاهو جهاز لعروس عندنا في بشار و الا نسيت كاش حاجة ذكروني

 

[أم انس عبد الله]

السلام عليكم ورحمة الله وبركاته
جزيت خيرا اختى زوزو ​

اتفضلو

​

​

​

​

وهادا قماش اللي رايحة نخيط بيه الصالون

​

​