السلام عليكم
واش راكم ناس اللمة ان شاء الله الكل لاباس و انتيك :shiny::shiny:
*
*
المهم ندخلوا فالموضوع الي راهو باين من عنوانو :showoff:
فكرة طرحتها العضوة المميزة نجــstarــمة و هي امولة و حبينا نحطوها في شكل موضوع للنقاش حولها
البورطابل الي اصبح ماكاش الي ما عندوش و le dérangement الي فيـــــه :schmoll:
يعني باختصار الغاشي قع درك ياكتيفي الgراتوي و يبقاوا يديرونجيوا فالناس و يقلقولهم
و البنات هوما الفئة المستهدفة :sadwalk:يعني بعض من الشباب الي فارغين شغل و قتلهم الفيد *كما سبق و حكات عليه مرمر * قاعدين و دايرين التمسخير بالناس خدمــــــــــة و شغل باه يعمروا هاد الفيد الي راهم فيـــــه
و المشكلة انو كي يعيطوا راهم ما يحبسوش يصروا انهم يهدروا مع الانسان دراع
علابالنا الي وين تحط روحك تلقى روحك
و هادي لازم نحطوها فالبال لانو ما نظلموش فالكلام
ديفوا الشباب يستغلوا الفرص بدون انتباه او بانتباه من الفتيات
يعني من الاسباب الي تخلي النيميرو تاع الطفلة يتفيشا متلا وحده راحت تفليكسي و تمل النيميرو عن قصد او من دون قصد لمول الطاكسيفون و معاه بزاف شباب يعني قادرة تشري كارت روشارج و تتهنا و الا يعطيها التليفون و تكتب النيميرو ديالها
و بزا بزاف امتلة الي تخلي النيميرو تاع اي وحده عند الناس كامل و يتمسخروا بيها
الي يقلق اكتر انو بعض من هاد الصنف تاع الي فارغين شغل كي يقلقوا الناس فالليل و لا حاجة يديروا بالماسكي :schmoll:و كي تهز ما تفراش يبقاوا غير يلعبوا فيها و ادا هزت عليهم طفلة ما يطلقوش النيميرو هداك و يسببولها مشاكل متلا صرات لوحده نعرفها عيطلها واحد بالماسكي كي رفدت عليه قالها’ الو حاب نتعرف قاتلو شكون انت قالها انا واحد قاتلو علابالي واحد ماشي زوج و بدا يخلط فالهدرة و وزع النيميرو ديالها على الغاشي و سببولها مشاكل مع عايلتها و .............................الخ .....
انا و الله نقعد حايرة قدام هاد لخدايم
واشنو راح يستفيدوا كي يعملوا هكدا
ايا علابالي طولت عليكم و خلطت بزاف فالموضوع
و الشكر الكتير لامولة الي طرحت الفكرة و قاتلي اكتبيه
بالنسبة للبنات
تعرضتي لهاد المواقف و لا لا ؟
كيفاه تتعاملي مع هاد الصنف من ليجان ادا قلقوك فالتليفون ؟
في رايك واشنو الي خلاهم يعملوا هكدا ؟
بالنسبة للدكور
هل تعاني احيانا مهاد المشكلة تاع التمسخير من طرف ناس فارغة شغل ؟
هل انت من هاد النوع اي يتمسخر بالناس و لا لا؟
و برايك ايضا علاه يديروا هاد العفايس ؟
ايا في امان الله
انتظار ارائكم و تعليقاتكم على الموضوع و تفاعلاتكم
تحياتنا الى الجميع
سارةوئام ما بقاش بزاف
امولــــة نجمـ star ــــــة
واش راكم ناس اللمة ان شاء الله الكل لاباس و انتيك :shiny::shiny:
*
*
المهم ندخلوا فالموضوع الي راهو باين من عنوانو :showoff:
فكرة طرحتها العضوة المميزة نجــstarــمة و هي امولة و حبينا نحطوها في شكل موضوع للنقاش حولها
البورطابل الي اصبح ماكاش الي ما عندوش و le dérangement الي فيـــــه :schmoll:
يعني باختصار الغاشي قع درك ياكتيفي الgراتوي و يبقاوا يديرونجيوا فالناس و يقلقولهم
و البنات هوما الفئة المستهدفة :sadwalk:يعني بعض من الشباب الي فارغين شغل و قتلهم الفيد *كما سبق و حكات عليه مرمر * قاعدين و دايرين التمسخير بالناس خدمــــــــــة و شغل باه يعمروا هاد الفيد الي راهم فيـــــه
و المشكلة انو كي يعيطوا راهم ما يحبسوش يصروا انهم يهدروا مع الانسان دراع
علابالنا الي وين تحط روحك تلقى روحك
و هادي لازم نحطوها فالبال لانو ما نظلموش فالكلام ديفوا الشباب يستغلوا الفرص بدون انتباه او بانتباه من الفتيات
يعني من الاسباب الي تخلي النيميرو تاع الطفلة يتفيشا متلا وحده راحت تفليكسي و تمل النيميرو عن قصد او من دون قصد لمول الطاكسيفون و معاه بزاف شباب يعني قادرة تشري كارت روشارج و تتهنا و الا يعطيها التليفون و تكتب النيميرو ديالها
و بزا بزاف امتلة الي تخلي النيميرو تاع اي وحده عند الناس كامل و يتمسخروا بيها
الي يقلق اكتر انو بعض من هاد الصنف تاع الي فارغين شغل كي يقلقوا الناس فالليل و لا حاجة يديروا بالماسكي :schmoll:و كي تهز ما تفراش يبقاوا غير يلعبوا فيها و ادا هزت عليهم طفلة ما يطلقوش النيميرو هداك و يسببولها مشاكل متلا صرات لوحده نعرفها عيطلها واحد بالماسكي كي رفدت عليه قالها’ الو حاب نتعرف قاتلو شكون انت قالها انا واحد قاتلو علابالي واحد ماشي زوج و بدا يخلط فالهدرة و وزع النيميرو ديالها على الغاشي و سببولها مشاكل مع عايلتها و .............................الخ .....
انا و الله نقعد حايرة قدام هاد لخدايم
واشنو راح يستفيدوا كي يعملوا هكدا
ايا علابالي طولت عليكم و خلطت بزاف فالموضوع
و الشكر الكتير لامولة الي طرحت الفكرة و قاتلي اكتبيه
بالنسبة للبنات
تعرضتي لهاد المواقف و لا لا ؟
كيفاه تتعاملي مع هاد الصنف من ليجان ادا قلقوك فالتليفون ؟
في رايك واشنو الي خلاهم يعملوا هكدا ؟
بالنسبة للدكور
هل تعاني احيانا مهاد المشكلة تاع التمسخير من طرف ناس فارغة شغل ؟
هل انت من هاد النوع اي يتمسخر بالناس و لا لا؟
و برايك ايضا علاه يديروا هاد العفايس ؟
ايا في امان الله
انتظار ارائكم و تعليقاتكم على الموضوع و تفاعلاتكم
تحياتنا الى الجميع
سارةوئام ما بقاش بزاف
امولــــة نجمـ star ــــــة
