le dérangement فالبورطابل/مع مابقاش بزاف و نجمـ star ـة

[مابقاش بزاف.Dz]

بالنسبة للدكور
...
هل تعاني احيانا مهاد المشكلة تاع التمسخير من طرف ناس فارغة شغل ؟
يكدب عليك اللي يقولك ماعنديش الديرونجمون فالتيليفون
هل انت من هاد النوع اي يتمسخر بالناس و لا لا؟
نتمسخر معا اللي نعرفهم مي زعمة وحدة مانعرفهاش و باش نقلقها و الله جامي
و برايك ايضا علاه يديروا هاد العفايس ؟
منشتاق برك
يوالف بالتيليفون و يحبس[/QUOTـ
اهلا بيكـــــــ خيو
صح و انما خرين ما تصرالهمش بزاف و اما عن التمسخير بالي تعرفهم و ما يزعفوش هادي معليش
مشكور على المشاركة و التفاعلـــــــــــ

 

[مابقاش بزاف.Dz]

وعليكم السلام ورحمة الله وبركاته

تعرضتي لهاد المواقف و لا لا ؟
ايه خيتو تعرضت لمواقف .. كل مرة يصوني نيميرو على نوع فف كرهوني في جد البورتابل
كيفاه تتعاملي مع هاد الصنف من ليجان ادا قلقوك فالتليفون ؟
مانردش عليهم ...كي يصوني نيميرو ماسكي ولا مانعرفوش نريبوندي ونبقى نسمع الصوت برك مي جامي نهدر
في رايك واشنو الي خلاهم يعملوا هكدا ؟
قلة تربية وفضى + التخلاط كثر فهاد الوقت يحسبو البنات قاع كيف كيف ​

مرسي وئامو وامولة يعيطكم الصحة
سلاامو ​

اهلا بيكــ جيمي واش نقولك سلام ياك رديتيه ههههههه
ههه معليش ساعفي غير بالعقل ياكـــــ صح يكرهـوا
و سبب منطقي انهم يحسبوا كل البنات كيف كيف
يعيطك الصحـــــــة جيمي

 

[مابقاش بزاف.Dz]

موضوع مليح بزاااف مرسي سارة على الموضوع ومرسي امال على الفكرة

انا جامي صراتلي حاجة كيما هكا الي يسحقني يعيطلي بالنيمرو تاعو الي عندي ومتأكدة منو سينو يروح يلعب في جهة خرى مانيش فارغة شغل كيفهم
ايا صحيتو يا الزينات...تستاهلو تقييييم في زووووووج..​

اهلا بيكـ غاليتي
مشكورة على المرور و على التقييمــــ
تهنيتي منهم و من التمسخير
مي حاجة راكي كاتبة في مكان الاقامة inconnu الــــــــوع مالا راكي ماسكي هههههه

 

[مابقاش بزاف.Dz]

أنا ساعااات نتعرض لهاذو المواقف يعني يعيطولي بالماسكي ...... مي كينلقاه نيميرو غريب و لا ماسكي مانهزش دانا إما نعطيه لخويا و لا لبابا و لا نخليه يصوني (حتا من لاسونوري نتاعي فووووور هههههههه) و مانخليلهمش الفرصة يهبلووووني مراااات و الله ندعي فيهم دعوة ربي يسترهم منها ههههههههه

ههههههه مليح كي عادت لاسونوري تاعك مليحة اسمعيها في مكان انك تهزي عليهم ههههه
ما تدعيش راه حرام عليك خيتو قادر يكونوا ناس تعرفيهم صحاباتك و لا اي واحــــــد
مشكورة على المشاركة

 

[مابقاش بزاف.Dz]

تعرضتي لهاد المواقف و لا لا ؟
ايه بزااااف
كيفاه تتعاملي مع هاد الصنف من ليجان ادا قلقوك فالتليفون ؟
والله حبيبة منعطيلهم قيمة خلاص باسكو الليجان الي يديرو هك ميعبيوليش عيني تلقاهم الفيد قاتلهم وباش يعمروه يضالو يتمسخرو ببنات الناس في البورتابل ويحب يدير معاها علاقة عن طريق الموبايل انا عادتا منهزش البورتابل بزاف باسكو نكرهو نستغلو غير باش نسمع غناء ولا نصور هههههه وكي نلقا عيطلي واحد ماسكي ولا نيميرو منعرفوش منهزش ساعات نمدو للخويا ولا لماما ولا كاش واحد قدامي ههه وساعات نطفيه ونتهنى من جدو
في رايك واشنو الي خلاهم يعملوا هكدا ؟
كيما قلت قبل الفيد داير فيهم حالة وزيد ماشي متربيين يحبو يلعبو ببنات الناس مي المشكلة كاين بنات دعمهم ربي يهديهم
ميرسي اختي على موضوعك الزين

اهلا بيكـ يسرى
ههه كارهـة منو و زيد تتعرضي لهاد النوع من الديرونجمو
المهم مشكورة على التفاعل فالموضوع
يعطيك الصحة

 

[مابقاش بزاف.Dz]

انا اولا مانفليكسيش نبعث خويا لكبير يفليكسيلي وساعاتش بابا وكي تتزاgا وماعندي حتى واحد نبعث ولد الجارة الصغير يروحلي
ثانيا مانحزش على الماسكي ابدا وحتى كي يعود نيميرو مانعرفوش مانهزش نخليه يوصوني وكي يتعب راهو يطبل ساعاتش برك نخلي خويا لكبير يهز مي ماشي على الماسكي على النيمرو اللي مانعرفوش نقول بالاك كاشما وحدة دارت نيمرو جديد وفالغالب صحباتي يبعتولي ميساج قال هاذا انتاعي لخاطر علابالهم مانهزش
والله ساعاتش يعيطولي صحباتي بنيميروات نعرفهم ومانهزش شغل نتفنين نحكي فالبورطابل انا دايراتو غير على ليجو نهار كامل ونا نلعب برك مانعيط مانحب واحد يعيطلي :sheer:
يعطيك الصحة على الموضوع والطرح المتميز

اهلا بيكـ الروح الوطنية احم احم
يعيطيك الصحة خيتو على المشاركة المميزة ان شاء الله يقراوا ردك و يستفادوا منو
ياكـ ديرونجمو ديالهم ما يخلاصش مام كي ما تهزيش قدرين يمكروا و يزيدوا يعاودوا
عموما مشكورة

 

[مابقاش بزاف.Dz]

تعرضتي لهاد المواقف و لا لا ؟
لا جامي على خاطر منيش دايرة بورتابل متهنية من مشاكلو...بصح اذا درتو مستقبلا مانروحش للطاكسي فون والله غير نحشم ندخل لتما ...نبعث خاوتي صغار ولا خاوتي الكبار وهي فرات
كيفاه تتعاملي مع هاد الصنف من ليجان ادا قلقوك فالتليفون ؟
ساهل جدا نعيط لخويا يبهدلو مليح واذا كنت حابة نبهدلو أكتر نمد نيميروه لابوليس ساهلة باش يحكموه يعطولو الطريحة تما يبانلو الزنباع وين يتباع
في رايك واشنو الي خلاهم يعملوا هكدا ؟
واش في رايك ... غير هذا السبب ..زعمة لقاو صنعة يملو بيها وقت الفراغ
شكرا على الموضوع الهايل

اهلا بيك سهيلة i-o:
ههه نتي وحدكــ واشنو الزنباع وين يتباع عجبتني هادي و الله مي عندك حق كي ما يحشموش مليح الي يوصلها هكدا
معليش كي تديري تليفون و تشوفي
مشكورة على المشاركــــــــة:showoff:

 

[مابقاش بزاف.Dz]

تعرضتي لهاد المواقف و لا لا ؟
ايه زوج مرات..سوا في الفيكس ولا في البورطابل
كيفاه تتعاملي مع هاد الصنف من ليجان ادا قلقوك فالتليفون ؟
منكلمهمش ..لانو اي رقم جديد عندي منرفعش عليه ..واذا كان يلي يكلم نعررفه ممن نيميرو جديد ..لازمه يبعثلي مسج ويقولي بلي هو فلان ..
في رايك واشنو الي خلاهم يعملوا هكدا ؟
التخلف ..لانو يحسب روحه كي رفد بورطابل ..راه ولا متطور ..مي هو والو ..باسكو الديرونجمو نتاعو يدل على ذلك + عندو وقت فايض
الناس يستغلوه في حاجة لها فايدة مي هوما قاعدي يقرعجو

ماشي مشكل تاع تقرعيج مشكل تاع خلق للمعضلات في اوساط الناس
يعطيك الصحة مايـــــــا على المشاركة و فكرتيني فالفيكس ههه
تحياتي :re_gards:

 

[مابقاش بزاف.Dz]

تعرضتي لهاد المواقف و لا لا ؟
بزاااااااااااااااااااااااف
كيفاه تتعاملي مع هاد الصنف من ليجان ادا قلقوك فالتليفون ؟
ما نريبونديش ولا نريبوندي ونفهمهم بلي ماناش فارغين شغل كيفهم
في رايك واشنو الي خلاهم يعملوا هكدا ؟
الله اعلم ...هادا الشي لي ما علىب اليش ويزيد يسربي النيميرو تاع الطفلة ..هادا فارغ شغل لدرجة انو كاره حياتو

وشكرا على طرح الموضوع الحاضر بشدة

و كي تربوندي عليهم تزيدي تحصلي كتر و كتر
نعم مفهوم يليق بهاد الصنف الي يقلقوا الناس تاع يسربوا النيميرو كي يصيبوها طفلة
يعطيك الصحة

 

[M!ss_f@ti]

بارك الله فيك حنونة ،، عندك الحق في كل كلمة قلتيها

انا دارنا شراولي 76 زعما مافيهاش التقلاق ،، لكن ممكن واحد اذا صح غلط في الأول يلقاها طفلة يولي كل مرة يعاود

وانا بسلامتي الطريقة لي نتبعها كي يدخل رقم جديد نمد لخاوتي يريبونديو واذا كانت طفلة يمدولي نهدر معاها ،، واذا مالقيتش شكون يرفد نولي نهز ونبقى ساكتة حتى يتكلم المتصل ،،

يما مسكينة هبلها واحد الحيوان (مع احتراماتي للحيوان) في رمضان كان ديما يعيط في الصحور ويبدا يجغبل ،، بهدلو خويا ماكان رخساتو يما ماكان ولا خويا كل مرة يديرونجيه بالبيب ويتمسخر بيه حتى ولا حس بواش كان يدير للناس ..

يا اختي هاذ العقلية راهي نزرعت كي الطاعون ،، كي لولاد كي لبنات حتى لبنات ماهمش قليلات يديرو رقم من عندهم زعما غلطو غير باش يحكمو كاش واحد يعقبو معاه الوقت

ربي يهدينا ان شاء الله

ويعطيكـ الصحة + تقييم

 

[مروة 95]

أهلا وئامو
ياك راكمـ فووووووووووووور
مي ديتولي الموضوع ههههه
قولي برك ماقريتيش أفكاري
هههههه
ايه درك نرجع نجاوبك
هادو الفارغين شغل الواحد
مايقيمهمش خلاص خير
تع
الماسكي هادو ما تجاوبيش عليهم خلاص
و نيمرو ماتعرفيهش ما تهزيش اصلا
لي يحتاجك صح بيعتلك ميساج

منورين
موضوع هايل
صصصصحيتو وئامو و امولة ​

 

[مابقاش بزاف.Dz]

أهلا وئامو

ياك راكمـ فووووووووووووور
مي ديتولي الموضوع ههههه
قولي برك ماقريتيش أفكاري
هههههه
ايه درك نرجع نجاوبك
هادو الفارغين شغل الواحد
مايقيمهمش خلاص خير
تع
الماسكي هادو ما تجاوبيش عليهم خلاص
و نيمرو ماتعرفيهش ما تهزيش اصلا
لي يحتاجك صح بيعتلك ميساج ​

منورين
موضوع هايل
صصصصحيتو وئامو و امولة​

شكون طل هنا ؟ اهلا مرموريتا الغالية
احم احم ما ديناهش و انما سرقناه بركــــــــ هههههههه
و كان قلتيلي راني خليتهولك هه
صح عندك حق في كلامك مرمر مي قادرة تكون حالة اتثنائية ماشي توجور ما ترفديش
يعيطيك الصحة عالمرور حنونة

 

[مابقاش بزاف.Dz]

بارك الله فيك حنونة ،، عندك الحق في كل كلمة قلتيها
و فيكي بارك الله ختيتو
انا دارنا شراولي 76 زعما مافيهاش التقلاق ،، لكن ممكن واحد اذا صح غلط في الأول يلقاها طفلة يولي كل مرة يعاود
يا درك واش ديري يقلقوك
وانا بسلامتي الطريقة لي نتبعها كي يدخل رقم جديد نمد لخاوتي يريبونديو واذا كانت طفلة يمدولي نهدر معاها ،، واذا مالقيتش شكون يرفد نولي نهز ونبقى ساكتة حتى يتكلم المتصل ،،
ايه هكدا خير باه تتفاداي المشاكل مي اديها من عندي كي تسكتي يتيقنوا بلي طفلة
يما مسكينة هبلها واحد الحيوان (مع احتراماتي للحيوان) في رمضان كان ديما يعيط في الصحور ويبدا يجغبل ،، بهدلو خويا ماكان رخساتو يما ماكان ولا خويا كل مرة يديرونجيه بالبيب ويتمسخر بيه حتى ولا حس بواش كان يدير للناس ..
هههههههه حاشا عباد ربي طبعا يستاهل مليحة فيه فارغ شغل
يا اختي هاذ العقلية راهي نزرعت كي الطاعون ،، كي لولاد كي لبنات حتى لبنات ماهمش قليلات يديرو رقم من عندهم زعما غلطو غير باش يحكمو كاش واحد يعقبو معاه الوقت
وي هادا رانا هدرنا على لولاد مساكن ظلمناهم شوية و البنات حدث و لا حرج
ربي يهدينا ان شاء الله
آآآآميـــــــــــن
ويعطيكـ الصحة + تقييم

ميرسي ميس فاتي على الرد المميز و الباهي
مي التقييم ما وصلش ههههههه

 

[مروة 95]

شكون طل هنا ؟ اهلا مرموريتا الغالية
احم احم ما ديناهش و انما سرقناه بركــــــــ هههههههه
و كان قلتيلي راني خليتهولك هه
صح عندك حق في كلامك مرمر مي قادرة تكون حالة اتثنائية ماشي توجور ما ترفديش
يعيطيك الصحة عالمرور حنونة

أياااااااا مليح كي سرقتوه
برك
هههههههههههه
صحيتو ​

 

[مابقاش بزاف.Dz]

أياااااااا مليح كي سرقتوه

برك
هههههههههههه

صحيتو ​

طيب حبوبة عندك افكــــــــــــار بزاف ربي يبارك ايا سلفيلنا شوية
يعيطك الصحة مرمر توجور فور

 

[hadil2044]

ناس فارغة شغل ربي يهدي

 

[مابقاش بزاف.Dz]

ميرسي على المرور هدولــــــــة

 

[ssamia14]

اي شباب بزاف دا الموضوع فور
شا بغيت نقولك ها في الليل ماتريبونديش ديري تليفون سيلونس ورقدي على روحك اودي صرالي الف مرة دا الموقف مي نورمال في الليل مانريبونديش وفي نهار ها نعرسله ونكوبي عليه شا باغي نديرله ولا نريبوندي ونديرله يسمع قران هاك يكره ويكوبي غي وحده

 

[مابقاش بزاف.Dz]

اي شباب بزاف دا الموضوع فور
شا بغيت نقولك ها في الليل ماتريبونديش ديري تليفون سيلونس ورقدي على روحك اودي صرالي الف مرة دا الموقف مي نورمال في الليل مانريبونديش وفي نهار ها نعرسله ونكوبي عليه شا باغي نديرله ولا نريبوندي ونديرله يسمع قران هاك يكره ويكوبي غي وحده

اهلا بيك سامية
مي كاين الي ياكتيفيوا فالليل و يعيطولك من الي يعرفيهم و كي ديريه سيلونس ما تسمعيش
كيف ما درنا حرنا
هههههه تعرسي عليه ؟؟
ردك شباب ميرسي خيتو
:re_gards:

 

[جزائرية كوول]

وعليكم السلام
تعرضتي لهاد المواقف و لا لا ؟
كي كنت دايرة جيزي صح كاين الديرونجمون ولا متخلاصش
بصح كي درت الموبيليس الحمد لله
صح ساعات وين تكون ديرونجمو بصح بكلمتين مني ميزيدوش يعيطو ههههههه

كيفاه تتعاملي مع هاد الصنف من ليجان ادا قلقوك فالتليفون ؟
كي نتاكد بلي ديرونجمو ما نهزش
وسيرتو الماااسكي
في رايك واشنو الي خلاهم يعملوا هكدا ؟
السبب الرئيسي الvيييييييييييد

مرسي على الموضوع
​