le dérangement فالبورطابل/مع مابقاش بزاف و نجمـ star ـة

[مابقاش بزاف.Dz]

تعرضتي لهاد المواقف و لا لا ؟
مرة برك واحد عيطلى مع لول صح غلط مى منبعد و لا يديرها بلعانى خليتو يعيط كيما يحب قعد غير يعيط و انا جامى نرفد حتى جا نهار و كره و بطل يعيط و مرة بعتلى و قالى رانى حاب نجى نخطبك هههههه ياخى حالة ياخى
كيفاه تتعاملي مع هاد الصنف من ليجان ادا قلقوك فالتليفون ؟
ما نرفدش بيان سور و لا نمد التليفون لخويا
في رايك واشنو الي خلاهم يعملوا هكدا ؟
بيان سور فارغين شغل
ميرسى اختى​

اهلا بيكـ كبرياء دمعـة
هههههه هدا راهو قليل شوفي الباقي واش يعملوا تهنيتي منهم مليح الي يسمطهم
ايه كي تمدي لخوك خير باسكو فارغين شغل
ميرسي عالمرور و الاراء

 

[مابقاش بزاف.Dz]

السلام عليكم

اولا merci على الموضوع الزين

درك نجاوبك على الاسئلة تاعك باختصار

تعرضتي لهاد المواقف و لا لا ؟

بزااااااااااااااااااف ميش خطرة ميش 10

كيفاه تتعاملي مع هاد الصنف من ليجان ادا قلقوك فالتليفون ؟

اولا مستحيل يقلقوني لاخاطر انا مانهزش على الpريvي و مانهزش تاني على نيميرو مانعرفوش
و هادا احسن حل ادا ماتحبيش يقلقوك احقري و درك وحدو وحدو يفهم روحو


في رايك واشنو الي خلاهم يعملوا هكدا ؟

ناس فارغة شغل و قاتلها vide خدمتهم غير التمسخير و اللعب

ميرسي ختيتو على المرور الباهي
مي حاجة مام كي تحقريهم و الله يجيبوا فيها ايامات و يزيدوا يعاودوا يعني تمسخير و خلاص
يعطيك الصحة

 

[mohgladiator]

انا عندي موبيليس بوغتابلي مايسونيش خلاص

هههه ماعندي ني ديروجمون ني غيرو والحمدالله

وهذو للي يقيلو يعيطو راهم مايسواوش يغلطو فالنسا المتزوجين ويفسدو بين لمرا والراجل

وشحال من حكاية ضرب صرات بسبت اتهام الزوج للزوجة

ربي يهدي

ختي للمعلومة برك
ماتفرحيش بزاف بالموبيليس
راهم الغاشي كامل عاد دك بال 0660
و الهدرة باطل
ههههههههههه
دك ماكاش اللي يسلك منهم
غي اللي ربي ساترو برك
و اللي الديرونجمون ماشيلو فالدم
و اللغي غي يخسر الدراهم مش شرط بالباطل

 

[مابقاش بزاف.Dz]

السلام عليكم
و عليكم السلام
والله أول رد ليا على موضوع في اللمة الجزائرية عندي مدة مادخلتش لأسباب لا يعرفها إلا صاحب الرد
الا صاحب الرد معليش عدنا و العود احمد
والله أثرتي نقطة هامة
صح كاينة الديرونجمو وكاين ناس بزاف نلقاو ناس هوايتهم المفضلة
أنا صراتلي منذ حوالي سنتين
ما نعرف هاد الناس مهابل و لا مراض بالغاشي يقلقوا فالناس
اتصل بيا احد الأشخاص لا ادري من يعني قاعد يبيبيلي ويلح اكثر من خمس مرات.....يعني انا قلت ممكن احد اصدقائي عيطلي بنيميرو خلاف ومسحقني وماعندوش الكريدي ومن بعد كي هزت هدرت معايا امرأة وقاتلي ماتحشموش وماكمش متربيين بهاذي العبارة والله رحت شرجيت ودرتلها درس في الاخلاق حتى قاتلي اسمحلي .....وقتلها منا وجاي ماتعامليش الناس كامل كيف كيف .......وقتلها والله ماني مسامحلك على خاطر ظلمتيني .......
هادي بالاك تكون غالطة و لا حاجة مي انها تظلم الناس عيب
..ربي يصلح لحوال ان شاء الله ...
ان شاء الله
...كيما انا مانحبش واحد يديرونجيني مانحبش نديرونجي حتى واحد ....
اكيد و الي فارغين شغل هوما الي يديروها........تقبلوا مروري تحياتي

شكرا خيو مشكور على الرد اللميز يعطيك الصحة

 

[beu-sindy]

موضوع مليح بزاااف مرسي سارة على الموضوع ومرسي امال على الفكرة
انا جامي صراتلي حاجة كيما هكا الي يسحقني يعيطلي بالنيمرو تاعو الي عندي ومتأكدة منو سينو يروح يلعب في جهة خرى مانيش فارغة شغل كيفهم
ايا صحيتو يا الزينات...تستاهلو تقييييم في زووووووج..


​

 

[sali-sali]

mrc 3la lmawdou3
normalment ki y9al9ouk dir coran wkhalihom yesem3o​

 

[مابقاش بزاف.Dz]

وعليكم السلام ورحمة الله
و عليكم السلام اهلا بالمناقشة الي نحبها

يعطيكم الصحة موضوع مليح ياااسر
و ردك الي خلاه ملح ميرسي
الغلطة في رأيي من البنات، أولا لازم رقمها ما تعطيهش لأي كان، تعطيه فقط للناس لي تعرفهم وتوثق فيهم. لأن كاين بنات ما يخافوش ربي وممكن تروح تمد رقم صاحبتها لأي واحد ويديرونجيها.
هادي بلا هدرة اكيد يمدوه مي واش راح تدير الطفلة لازم تمدوا للبنات صحاباتها سوغتو لانتيم باه تعيطلهم
ثانيا إذا راحت تفلكسي تكتب الرقم هي بنفسها.
في هادي عندك حق كيما قلنا فالموضوع
حاجة أخرى أي رقم ماسكي ولا ما تعرفوش ما تهزش عليه خلاااااااااااااااص.
في هادي مانيش معاك قادر يكون واحد تعرفوا و لا طفلة تعرفها كانين بزاف الي يعطوا بالماسكي
وإلا إذا هزت تبقى ساااكتة حتى يتكلم المتصل، إذا كانت تعرف الصوت ترد وإلا تكوبي مباااشرة.
يعطيك الصحة كلامك مليح في هادي
أنا هكذا نعمل، والحمد لله جامي جاني ديرونجمو ولا صرالي مشكل.
لهذا نوصي أخواتي انتبهوا وحلو عينيكم ملييييح من ناحية التيليفون.​

يعطيك الصحة مشكورة على النصائح و كالعاده ردودك و نقاشك مميز تستاهلي عليه تقييم

 

[مابقاش بزاف.Dz]

..​

اااااااه يااا البروتاااااااابلـــ emmmmm صحــ و الله موضوعــ حساســ
امممممم ... ربي يهدي ما خلقــ
كيمــا قلتــ الفيــــــــــــــــــــد i-o: مسااكن
الدنيـــــــا منــا وهو بالعكســ ... تتعكسلــو ديما يوليو يحرشــوا
انا .... نديرهااا ^^ :scared: نونو جاااامي
انا الناااااســ الي عزاز عليـــــــا قريبــ ما نهدرشــ معاهمــ
نروحــ و نهدر مع نااس تااع ما نعفرهمشــ .. بووووووسيبل
على العمومـــ ربي يهدي ما خلق
:re_gards:​

اهلا بيك
الشمكل انو الناس كاين الي عندو فراغ مي يعمروه بحاجة تصلح هادو يديرونجيوا فالناس و يقلقوهم
كيما قلت الله يهديهم
يعطيك الصحـــة على المرور

 

[مابقاش بزاف.Dz]

بالنسبة للبنات
تعرضتي لهاد المواقف و لا لا ؟

صراتلي مرة عيطلي واحد انا كنت راقدة هدرة معاه ماما اماجين واش قالها قالها جوزيلي هند
ماما شعرة وما تغاشات مسكينة قاتلو اك غالط هدا تليفوني قالها مدتهولي صحبتها _o:
مزية من هداك نهار مازادش عاود

ههههههه هادا مريض مي نورمال ادا كان يقرا معاك و يسحقك في كاش حاجة تاع قراية

حبيت نقول لازم تعسي روحك مام من لبنات:cra_zy:
اكييد مي ما تقدريش تحكمي فيهم و كان تمديه لوحده تنشروا
كيفاه تتعاملي مع هاد الصنف من ليجان ادا قلقوك فالتليفون ؟

كي تكون لماسكي مانرفدش
وكي يكون نيميرو نرفد وما نهدرش حتان نسمع مليح صوت تاع لي عيطولي ادا نعرفو ولا لالا
وكي منعرفوش مانهدرش كامل
ايه صحيتي هكدا خير
في رايك واشنو الي خلاهم يعملوا هكدا ؟




1 فارغين شغل كيما قلتي:sad:

2 لقاو كاين بنات لي يلبولهم رغبة تاعهم و يجوزو معاهم لوقت:schmoll:

صحيتي حنونة نتي وصحاباتك على الموضوع الشباب
انا و صحبتي برك هههه و يعطيك الصحة اتتي تاني على الرد المييز

مشكورة هندو على الاراء

 

[souhila_95]

تعرضتي لهاد المواقف و لا لا ؟
لا جامي على خاطر منيش دايرة بورتابل متهنية من مشاكلو...بصح اذا درتو مستقبلا مانروحش للطاكسي فون والله غير نحشم ندخل لتما ...نبعث خاوتي صغار ولا خاوتي الكبار وهي فرات
كيفاه تتعاملي مع هاد الصنف من ليجان ادا قلقوك فالتليفون ؟
ساهل جدا نعيط لخويا يبهدلو مليح واذا كنت حابة نبهدلو أكتر نمد نيميروه لابوليس ساهلة باش يحكموه يعطولو الطريحة تما يبانلو الزنباع وين يتباع
في رايك واشنو الي خلاهم يعملوا هكدا ؟
واش في رايك ... غير هذا السبب ..زعمة لقاو صنعة يملو بيها وقت الفراغ
شكرا على الموضوع الهايل

 

[خوليتا]

أنا ساعااات نتعرض لهاذو المواقف يعني يعيطولي بالماسكي ...... مي كينلقاه نيميرو غريب و لا ماسكي مانهزش دانا إما نعطيه لخويا و لا لبابا و لا نخليه يصوني (حتا من لاسونوري نتاعي فووووور هههههههه) و مانخليلهمش الفرصة يهبلووووني مراااات و الله ندعي فيهم دعوة ربي يسترهم منها ههههههههه

 

[مايا الجزائرية]

تعرضتي لهاد المواقف و لا لا ؟
بزاااااااااااااااااااااااف
كيفاه تتعاملي مع هاد الصنف من ليجان ادا قلقوك فالتليفون ؟
ما نريبونديش ولا نريبوندي ونفهمهم بلي ماناش فارغين شغل كيفهم
في رايك واشنو الي خلاهم يعملوا هكدا ؟
الله اعلم ...هادا الشي لي ما علىب اليش ويزيد يسربي النيميرو تاع الطفلة ..هادا فارغ شغل لدرجة انو كاره حياتو

وشكرا على طرح الموضوع الحاضر بشدة

 

[Melia azedarach]

تعرضتي لهاد المواقف و لا لا ؟
ايه زوج مرات..سوا في الفيكس ولا في البورطابل
كيفاه تتعاملي مع هاد الصنف من ليجان ادا قلقوك فالتليفون ؟
منكلمهمش ..لانو اي رقم جديد عندي منرفعش عليه ..واذا كان يلي يكلم نعررفه ممن نيميرو جديد ..لازمه يبعثلي مسج ويقولي بلي هو فلان ..
في رايك واشنو الي خلاهم يعملوا هكدا ؟
التخلف ..لانو يحسب روحه كي رفد بورطابل ..راه ولا متطور ..مي هو والو ..باسكو الديرونجمو نتاعو يدل على ذلك + عندو وقت فايض
الناس يستغلوه في حاجة لها فايدة مي هوما قاعدي يقرعجو

 

[جزائرية واعشق بلدي]

انا اولا مانفليكسيش نبعث خويا لكبير يفليكسيلي وساعاتش بابا وكي تتزاgا وماعندي حتى واحد نبعث ولد الجارة الصغير يروحلي
ثانيا مانحزش على الماسكي ابدا وحتى كي يعود نيميرو مانعرفوش مانهزش نخليه يوصوني وكي يتعب راهو يطبل ساعاتش برك نخلي خويا لكبير يهز مي ماشي على الماسكي على النيمرو اللي مانعرفوش نقول بالاك كاشما وحدة دارت نيمرو جديد وفالغالب صحباتي يبعتولي ميساج قال هاذا انتاعي لخاطر علابالهم مانهزش
والله ساعاتش يعيطولي صحباتي بنيميروات نعرفهم ومانهزش شغل نتفنين نحكي فالبورطابل انا دايراتو غير على ليجو نهار كامل ونا نلعب برك مانعيط مانحب واحد يعيطلي :sheer:
يعطيك الصحة على الموضوع والطرح المتميز

 

[مابقاش بزاف.Dz]

khtii uii aandek hak tessra bzf !! Ms wech rah ndirou aala rabi w aala liste blockéé !​

yaatiik saha​

اهلا بيك كريزي مشكورة على التفاعل فالموضوع

 

[مابقاش بزاف.Dz]

تعرضتي لهاد المواقف و لا لا ؟

تعرضتلها مرة برك
كيفاه تتعاملي مع هاد الصنف من ليجان ادا قلقوك فالتليفون ؟
ما نبقاش نرد ببساطة و الا كتر نفوتلاه راجل و خلاص
في رايك واشنو الي خلاهم يعملوا هكدا ؟
فارغين شغل و الفراغ واعر
شكرا على الموضوع​

يعطيك الصحة راجية على المشاركة
ربييبعد عليك هاد الصنف

 

[مابقاش بزاف.Dz]

لالا انا جامي صراتلي و من عادتي ما نرفدش على الماسكي وكيما يقولو منين تحط روحك تلقاها


تساهلي تقييم​

اهلا بيك المجنونة التانية هههه
ما تقدريش ما ترفديش قادر يكون شخص يكونلك و لا حاجة حطي كلشي
مشكورة على التقييمـــــــ

 

[مابقاش بزاف.Dz]

تعرضتي لهاد المواقف و لا لا ؟

تعرضت بالماسكي
كيفاه تتعاملي مع هاد الصنف من ليجان ادا قلقوك فالتليفون ؟
بكل بساطة نخليه يصوني وكي نحسو طول نرفد انا ومانحكيش حتى الطرف الاخر يحكي لقيتو صوت نعرفو نحكي ما لقيتوش نكروشي ونبلع التليفون ...وصراحة قليلة وين صرات معايا
في رايك واشنو الي خلاهم يعملوا هكدا ؟
قلة عقل +فيد+دراهم=بسالة وديرونجمو على الناس ​

الله يهدي ما خلق ​

تحياتي خيتو​

يعطيك الصحة ختيتو على الرد المميز
و حل مليح انكـ تخليهم حتى يحكوا و تعرفي شكون الي عيطلك
ربي يهدي ما خلق
مشكورة عالمشاركـــــــــــــة

 

[مابقاش بزاف.Dz]

السلام عليكم يا بنوووتات
و عليكم السلام ا

مارسي ع الموضوع الزوين كيفكم
اهلا بيكـ هدهد
شوفي ختي انا كي عيطيلي نيمرو جديد
و لا ابال ماسكي
وراسك لا نهز عليه حتى لو يظل يعيط
ههههه مي راكي تكرهي يقلقوا تاع الصح
لانو لي حابتني من صحاباتي ولا لي يعرفوني
تبعثلي ميساج و تقولي راني انا هزي عليا
ايـه صح في هدي عندك حق
اذا مابعثتش مانهزش عليها
حتى نعرف النيميرو
و اذا كثر بزاااف رح نمد البورتابل لبابا يهز
و ثما يتفاهم مع هذا لي يتمسخر
هذااا ماكان
و فضت المشكلة
حـل مليح يعطيك الصحة هدهد و الله يهديهم هاد الناس
و اذا زاد عاود العدالة كاينة
نشكيو بيه .
عطيتي مجموعة من الحلول بالتطرق الى الحالات مشكورة. هاذا ماكان
ايا مارسي مر اخرى
سلااااااااام​

مشكورة مرة اخرى هدهد على الرد و المشاركة القيمــــــــــــــة

 

[يسرى 2008]

تعرضتي لهاد المواقف و لا لا ؟
ايه بزااااف
كيفاه تتعاملي مع هاد الصنف من ليجان ادا قلقوك فالتليفون ؟
والله حبيبة منعطيلهم قيمة خلاص باسكو الليجان الي يديرو هك ميعبيوليش عيني تلقاهم الفيد قاتلهم وباش يعمروه يضالو يتمسخرو ببنات الناس في البورتابل ويحب يدير معاها علاقة عن طريق الموبايل انا عادتا منهزش البورتابل بزاف باسكو نكرهو نستغلو غير باش نسمع غناء ولا نصور هههههه وكي نلقا عيطلي واحد ماسكي ولا نيميرو منعرفوش منهزش ساعات نمدو للخويا ولا لماما ولا كاش واحد قدامي ههه وساعات نطفيه ونتهنى من جدو
في رايك واشنو الي خلاهم يعملوا هكدا ؟
كيما قلت قبل الفيد داير فيهم حالة وزيد ماشي متربيين يحبو يلعبو ببنات الناس مي المشكلة كاين بنات دعمهم ربي يهديهم
ميرسي اختي على موضوعك الزين