علاه حنا البنات نقراو و علاه نخدمو ؟؟؟ .. الكل مدعو للدخول

[Houda Chaouienne DZ]

علابيها حنا الرجال مالقيناش خدمة دخلت الفتاة حتى في اختصاصات الرجل انا معاك في ناحية الطب والأمور الخاصة مي بزاف الطفلة لي الله غالب ماتقدرش تدير مهنة الطب ولا حاجة لازم تتدخل فيها المرأة تبعد عليها وتتزوج خير لها مش تلوح روحها في حوايج تع الرجال ومباعد حنا مانلقاوش خدمة خاصة في وقتنا هادا النصاب قع داتهم المرأة نحكيو واش نشوفوا هدي هي المهم على الطفلة تتثقف في دينها وو مباعد تجي الخدمة ومستحيل ما تفسدش الطفلة عقليتها في الجامعة شوفي واش راه صاير برك تعرفي

و لكن يا أخي عبارتك الأولى عبارة عن استخفاف بالنساء
ما رأيك لو قلت لك أن مدرج سنة أولى طب 85 % منه بنات
لماذا ؟؟؟؟ هل يوجد أحد منع الذكور من الدراسة ؟؟
هل يوجد أحد منعهم من التفوق ؟؟
هل يوجد أحد منعهم من اختيار الطب ؟؟
طبعا لااااا .. و لكن أغلبهم لا يدرس جيدا و يريد أن يجد مناصب عمل
...
عندك الحق بالنسبة للمتزوجة لي خدمتها مش لازم
الأحسن لها البيت و راني قلت هاذا في موضوعي
أخي بالنسبة لعبارتك الأخيرة تاع مستحيل الطفلة ماتفسدش عقليتها فالجامعة علاه ؟
أنا هذا وين بديت الجامعة نقولو مازال ما أثرتش فيا
و الله عندي خالتي و 2عماتي قراو فالجامعة و دارو اقامة
و سمعتهم ماتقاستش بشعرة
بالعكس يضربو بيهم المثل فالاخلاق و مادارو حتى حاجة مشي مليحة
حتى تخرجو و روحو لديارهم مرفوعات الراس
و ذرك راهم في 3 مزوجات و بديارهم و بولادهم و الحمد لله
شكرا جزيلا أخي على إبدائ رأيك
نورت موضوعي اخي​

 

[Houda Chaouienne DZ]

السلام عليكم
موضوعك جميل و في القمة و طويل لكن مفيد
القراية مفروغ منها لانها فرض و عبادة و ضرورة و الكل يعلم هذا
الخدمة ماشي ضرورية انا امة الله الضعيفة عندي زوج خواتي خدامات خدمة لائقة و مافيهاش حتى اختلاط و لوكان هوما ما خدموش ماكاش راح نلقوا الخبز اللي ناكلوه اليوم
ايمالا المراة اذا خدمت بسبب ظروفها و كانت خدمة لائقة عادي و ما فيها حتى شيء
الاقامة اذا كات من اجل الدراسة و في الشروط الدين فاظن هذا مقبول
المشكلة الكبيرة الاساسية هي البنت المرأة كيفاه تكون اخلاقها لانو اذا كانت بنت متربية متدينة واش ما دارت غادي تخاف الله و تتقيه
اما البنت اللي ما تخافش الله و ما عاصية تخاف عليها وين راحت قادر في دارهم و دير المعاصي
تقبلي مروري و تحياتي​

و عليكم السلام
و ردك أجمل أختي
شفتي كيفاه .. هذا مثال حي
و الله عندك الحق أختي
مرورك أسعدني
مارسي بزااااااف
تهلاي في روحك ختي
سلامي
​

 

[Houda Chaouienne DZ]

بلعقل برك ختي
حتى انا ماقلتش ماتتعلمش العلم تاع ضرك
راني قلت حتى لنيفو تارمينال ضروري والدراسات العليا قلت كل وحده ورأيها اللي حبت الجامعه تدخل واللي ماحبتش ماتدخلش
أما تشغيل الآلات تبالي مايعلموهش فالمدارس وماكانش وحده نيفو تارمينال متعرفش تمشي الميكرو وغيرو
أما التعقيب اللي حطيتو مانظنش اني غالطه فيه العلم الشرعي أفضل العلوم على الاطلاق وكيما قالت الاخت انسانه ما تبقى العلوم الاخرى ثاني عندها مكانتها

​

هههههههه .. كنت زربانة برك
عليها مارديتش بلعقل
و راني رديت عليك رد آخر بلعقل ههه
ما يعلموهش فالمدارس
و لكن كي تعرفي الفرونسي فالمدارس و الاونقلي
تعرفي تقراي كيفية الاستعمال
و تعرفي واش معناها power و واش معناها stop
تعرفي تقراي ميساج كي يكون تاع flexy
و تعرفي تقراي ميساج ماهوش تاع flexy
و و و ....
العلم الديني مهم أكيد و خاصة الأشياء الضرورية
أما الاجتهاد فهو فرض كفاية مثله مثل باقي العلوم
التي تتطور بها البلاد
....
مارسي على ردك ختي
احترامي
​

 

[هدوء المطر]

و عليكم السلام و رحمة الله
أولاً يعطيك الصحة هدى على الموضوع عجبني بزاف
! bon ،المرأة ضرك اللي ماشي قارية معندها حتى قيمة ، و رايحة تعيش حياتها محقورة ، يعني كل حاجة تحب ديرها يقلولها نتي جاهلة ماكيش فاهمة والو ، أما كون تعود قارية و مثقفة واحد ماراح يغلط معاها ، و الرسول عليه الصلاة و السلام ما قالش طلب العلم فريضة غير على الراجل برك قال '' طلب العلم فريضة على كل مسلم و مسلمة '' أما بالنسبة للإقامة أنا نشوف بلي ماكانش حتى مشكل إذا الطفلة قرات خارج ولايتها ، و كاينين ناس يقلولك أنا ما نخليش بنتي تقرا في الخارج نخاف يديوها البنات في طريق ماشي مليحة ، بصح أنا نقولهم إذا كان راكم واثقين من تربيتكم خليو الطفلة تقرا على روحها ، و زيد بالزيادة اللي متربي متربي واحد ما يغلطو ...
تقبلي مروري أختي
سلام ​

 

[الجندية]

إيـــــه رآكي محلله سياسيه هههههههه
الله يبآرك موضوع شباب حتى انا نفكر بنفس طريقتك وانا ضد اللي يقول مالازمش البنت تكمل دراستها في الجامعه لانو الجامعه خسرت ووو ... لا لا البنت كي تكون تمشي نيشان لوكان تروح لطوكيو تقرى ماتبدلش آلور ... تقول طليتيلي على قلبي
ربي يحفظك +++ تستاهلي أحلى تقييم ​

 

[إيمان قلب]

اممممم عيمان يااك ؟؟ ههه
لي عودة للموضوع
اسمحيلي خيتي

 

[ssamia14]

اولا يعطيك الصحة خيتي على الموضوع والله عندك الصح في كل كلمة قلتيها
اما بنسبة لانسانة ما في ردها قالت بلي الرزق بيد ربي صح راني معاك الرزق بيد ربي بصح شايالا ربي قالك لتخدو اسباب ماش اقعد عند الحيط واقارع الرزق يطيح عليك من السما ادا انت ماسعيتش مورا الرزق قوليلي زعما مين غادي يجيك الرزق ؟؟
اما بالنسبة لخدمة المرا تبانلي انا وقتنا هدا راه غي يزيد ييصعاب ويحتاج الدراهم بزاف انا تبانلي في وقتنا هدا قيمة المرا بخدمتها بيانسير ممبعد اخلاقها وتان كي تخدمي انتي ويكون راجلك زعما يخدم زوج شهريات في الدار تدير بيهم حاجة وحدة تصرفوها ولخرى تدسوها تديرو الدار ولا اللوطو ولا ماعلاباليش خير من لي يكون خدام غي هو الشهر تاكلوه ماغادي تديرو ووالو كما يقولك يد ووحدة ماتصفق انا تبانلي هاك وكل واحد ورايه

 

[Nilüfer]

وعليكم السلام ورحمة الله تعالى وبركاته

والله غير كلامك صح حنونا ربي يحفظك من العين ويبارك فيك

الحقيقة نظرة المجتمع للبنت تغيرت في هاد الوقت الحمد لله العقلية نتاع البنت المحبوسة فالدار واللي ما لازمش

تخرج وهي فالحة غير للزواج والدار برك يعني ماشي 100/100 بصح بنسبة كبيرة

وانا نوافقك الراي في كلشي واش قلتي على اهمية انو البنت تكون متعلمة ومثقفة يعني بلا ما تتعلم صعيب باش

تسلك راسها في هاد الوقت

هادا هو الواقع وهادي هي الحقيقة اللي رانا عايشينها

بالنسة للبنت فالجامعة لازم تكون خلاص تحصلت على المستوى من الثقافة والعلم باش تسلك راسها (من

المفروض)

اما البنت اللي تدير اقامة اذا كانت عندها اخلاق عالية و شخصية قوية وتكون بكل بساطة une femme soldat

هادا باش تقدر تتخطى كل العواقب

بالنسبة ليا هي ما البنات الفحلات هادي هي الكلمة اللي توالم

باش بنت تبعد على اهلها باش تاخد العلم و تنفع نفسها واهلها شيئ صعيب و يحتاج لصبر عظيم

هي بالنسبة ليا في جهاد كبير والله اعلم

وبالنسبة للمثال نتاعك هاذا ماشي رياء ولا علاجال نتي صحبتي مي اذا اذا كانوا البنات اللي يديروا الاقامة كامل

كيفك راح تكون نعمة كبيرة ربي يبارك فيك

في الختام انا عن نفسي راني نقرا واللي يهمني ما نحبس من طلب العلم بالاك يتقدر عليا نتزوج ما يهمنيش الخدمة

مي اللي يهمني واش نحقق في هاد الدنية و المستوى اللي نوصله

شكراااا حنونا على الموضوع وان شاء الله اذا كان عندك اي انتقاد راني هنا باش نرد عليك
​

 

[فريد المهاجر]

صراحة اختي والله راي راح يكون راي واضح
بين قوسين كما لرجل عنده مكانة في المجتمع المراة كذلك
يعني تعمل وتدرس وووو المهم كل هذا يكون في ايطار محدود
طبعا نترك السلبيات على جانب لان كل واحد منا سوء بنت او ولد يعرفها جيدا
اذن
اختي كماسبق وقلت
بالتوفيق لما يرضي الله تعال
وان شاء الله كلامي واضح

 

[ملكًة الاحسآس]

وعليــكم الســلام
رجعت نحكي شويــا في موضوعكـ كما وعدتكـ
مالgـري معندي واش نقول من فوق الي قلتيه ، كفيتي ووفيتي
ياكـ يقولو العلم نور والجهل ظلام ، والا غبرت لكاش واحـد وحوس يفهم شويــا سكتوو بجملـة وهي انو أول آيــة نزلت هي : اقرأ ...
وهــذا الكلام ينطبق على المرأة كما ينطبق على الرجـل ، سورثــو فالوقت الي لحقنـا ليه
واحـد ماقراش = 000 وحابس ، ورنـا نشوفو فيها فالواقع ، ياكـ حنا زعمه قرينــا وجامعيين بصـح والله دي فوا ثالموو العالم راه يتبدل ويطور نطيحو في مواقف نتلقاو فيهم صعوبة ، فما بالكـ الي ماقراش خلاص .
نجيو للطفــلة الي قاريـة ، والي تخدم ، الطفلة لازملهـا تقرى هدي كي ماتدير والو بقرايتها ، تقدر تدخل وتناقش في مواضيع مختلفـة مشي تسمع وتهدر غير على الطياب وشغل الدار ، وتاني من أبسط الحوايج مرة خلاف تعاون ولادهــا وتقريهم مليـح .
وحكاية الخدمـة هديكـ ، قوليلي درك الوحده فينـا تقرى وتتعب وكي تخلص قرايتهــا تحب تحس بروحهــا راهي تدير في حاجــة تفيدها وتفيد المجتمع بالقراية الي قراتهــا سورثوو بالنسبة لوحده سليبثــار
أمـــا بالنسبــة للاقامة ، انا نشوفهــا نورمــال الطفلـة الي مربيــة وواعية للثقة الي مدوهالهـا والديهــا
نقولهــا ازدمي وحطي كلام الناس مور ظهركـ ، ليسونسيـال تلحقي للحاجـة الي تطمحيلهـا
+
يعطيكـ الصحــة على الموضوع الفوور
وربي يوفقكـ وينجحكـ ، ويناولكـ الحاجة الي تطمحيلهــا ان شاء الله
​

 

[Houda Chaouienne DZ]

و عليكم السلام و رحمة الله
أولاً يعطيك الصحة هدى على الموضوع عجبني بزاف
! bon ،المرأة ضرك اللي ماشي قارية معندها حتى قيمة ، و رايحة تعيش حياتها محقورة ، يعني كل حاجة تحب ديرها يقلولها نتي جاهلة ماكيش فاهمة والو ، أما كون تعود قارية و مثقفة واحد ماراح يغلط معاها ، و الرسول عليه الصلاة و السلام ما قالش طلب العلم فريضة غير على الراجل برك قال '' طلب العلم فريضة على كل مسلم و مسلمة '' أما بالنسبة للإقامة أنا نشوف بلي ماكانش حتى مشكل إذا الطفلة قرات خارج ولايتها ، و كاينين ناس يقلولك أنا ما نخليش بنتي تقرا في الخارج نخاف يديوها البنات في طريق ماشي مليحة ، بصح أنا نقولهم إذا كان راكم واثقين من تربيتكم خليو الطفلة تقرا على روحها ، و زيد بالزيادة اللي متربي متربي واحد ما يغلطو ...
تقبلي مروري أختي
سلام ​

الله يسلمك ختي ياسمين
و عندك الحق في واش قلتي حبيبة
لي متربي متربي
مرورك أسعدني ياسمين
نورتي موضوعي بردك القيم
مارسي بزاااااااف
دمتي
سلامي
:re_gards:
​

 

[مابقاش بزاف.Dz]

يعطيك الصحة هدهد موضوع رائع
طريقة الطرح ديالو عجبتني ليكولاغ و كلش
المهم نرجعوا للموضوع
اكيد الطفلة لازم عليها تقرا باه تتخرج و تخدم و هدا نظن انا و سامو درنا عليه موضوع يشبهلوا مي تناولنا فيه البنت و الشاب مرة وحده
و من جهة تانية وقتنا ما يرحمش الي يجي يوقف على رجليه لازم بالشهاد و القدرة و الارادة
صراحة موضوع برايي يستحق التثبيت لانو يتناو قضية هامة و هامة جدا
مشكورة مرة اخرى و تستاهلي احلى تقييم
تحياتي

 

[Houda Chaouienne DZ]

إيـــــه رآكي محلله سياسيه هههههههه
الله يبآرك موضوع شباب حتى انا نفكر بنفس طريقتك وانا ضد اللي يقول مالازمش البنت تكمل دراستها في الجامعه لانو الجامعه خسرت ووو ... لا لا البنت كي تكون تمشي نيشان لوكان تروح لطوكيو تقرى ماتبدلش آلور ... تقول طليتيلي على قلبي
ربي يحفظك +++ تستاهلي أحلى تقييم ​

هههه سياسية و اجتماعية و رياضية و وو ههههههههههه
يبارك في سلامتك فاتي
ايا مليح .. راني طليت على قلبك وي
هههههه نتي برك ما فقتيش
آمين و يحفظك نتي ثاني حنونة
مارسي بزااااف ع الرد الرائع
و التقييم
نورتي موضوعي
دمتي
سلامي
​

 

[السلطانة]

وعليكم السلام
دخلت البارح كنت طافية شفت موضوعك لقيتو جريدة قلت غدوة نرجعلو وراني رجعت درك قريتو حرف حرف
وشدتني هادي
كاين الطفلة لي تخدم باش ماتقعدش فالدار تودر وقتها .. مثلا لي ماهيش متزوجة وش تقعد دير فالدار مع المسلسلات و تودار الوقت فالزهر .. تخدم احسن .. خاصة اذا كانت خدمتها محترمة

هاذي اكيد انا هههه
:shiny:
نشكرك بزاف على الموضوع لي عجبني بزاف
تحليلك منطقي وافكارك صائبة
انا معاك 100/100
الطفلة لازمها تقرا وتتحدى كل الصعوبات
لانو في اللخر ماتلقى غير قرايتها
كيما يقولو لقراية سلاح
ونخالف كل راي يقول لمرا متقراش ومتخدمش
لانو رانا في وقت صعيب بزاف
تخدم لمرا والراجل وياربي يلحقو
وكيما قلتي لازمها تقرا وتثقف روحها
ماش تقعد به ماتفهم والو
حتى الدوا للولادها متعرفش كيفاه تقراه
هيا صحيتي وتقبلي مروري
+تقييم منغولي ههه+
​

 

[مروة 95]

أهلا بميس دوكتر
قريت موضوعك القصير بزاااااااااف
هههههه
و عجبتني كل كلمة قلتيها
هدهد
و الله يعطيك الصحة
الطفلة كي تقعد بلا قراية
تبقى كلي مهمشة هك
أصلا المجتمع نتاعنا من عند ربي يهمشوها
غير كون تخطاها شوية القراية
زيد كي توصل للنهائي و تدي الباك بمعدل
مليح علاه تقعد في الدار الخدمة خير
أكيد


ربي يوفقك ففي قرايتك
و بنجحك يا أحلى دكتر ​

 

[مشاعر كاذبة]

موضوع فالقمة اختي والله ينجحك وان شاء الله نشوفوك طبيبة نساء ممتازة ومعروفة عالميا وكامل نجو ندربو دورة عندك ههه و عن موضوعك فهو مهم بالنسبة لينا كامل وانا تاني معندناش جامعة وين انا نسكن لازم اعليا كي نكبر وندي الباك ان شاء الله نخرج ونروح للولاية باش نقرا ومن تما ربي يجيب الخير وين راح نروح المهم لازم المراة العصرية تدافع عن مكانتها فالمجتمع صح كاين الفاسدات بصح مش كامل كاين الي الله يبارك من الخدمة للدار اما عن الاختلاط بالرجال فهدا هو العمل لازم علينا المهم نلبسو ملابس محتشمة و نحكو مع الرجال في امور العمل فقط هكدا نبينو صورة شابة لينا
وباي

 

[Houda Chaouienne DZ]

اممممم عيمان يااك ؟؟ ههه
لي عودة للموضوع
اسمحيلي خيتي

هههههههههه
لقيتي نمنشر فيك
و نضرب بيك الامثال تزيدي تهدري
مانسمحلكش
ارواحي ردي
ولا نحيك من موضوعي هههههههههه
​

 

[Houda Chaouienne DZ]

اولا يعطيك الصحة خيتي على الموضوع والله عندك الصح في كل كلمة قلتيها
اما بنسبة لانسانة ما في ردها قالت بلي الرزق بيد ربي صح راني معاك الرزق بيد ربي بصح شايالا ربي قالك لتخدو اسباب ماش اقعد عند الحيط واقارع الرزق يطيح عليك من السما ادا انت ماسعيتش مورا الرزق قوليلي زعما مين غادي يجيك الرزق ؟؟
اما بالنسبة لخدمة المرا تبانلي انا وقتنا هدا راه غي يزيد ييصعاب ويحتاج الدراهم بزاف انا تبانلي في وقتنا هدا قيمة المرا بخدمتها بيانسير ممبعد اخلاقها وتان كي تخدمي انتي ويكون راجلك زعما يخدم زوج شهريات في الدار تدير بيهم حاجة وحدة تصرفوها ولخرى تدسوها تديرو الدار ولا اللوطو ولا ماعلاباليش خير من لي يكون خدام غي هو الشهر تاكلوه ماغادي تديرو ووالو كما يقولك يد ووحدة ماتصفق انا تبانلي هاك وكل واحد ورايه

الله يسلمك ختي سامية
صح ختي .. لازم الاخذ بالاسباب
كان ثاني الجانب المادي لي ماهدرتش عليه
مثلا تعاون راجلها اذا كان محتاج
صح ختي عندك الحق
مارسي بزااااف ع الاظافة
نورتي موضوعي اختي
دمتي
سلامي
​

 

[═♥.ЈŪšť_ màn.♥═]

..
هــدهد .. قريتــ نص و مازال نصــ ^^ لي عودة ان شااء الله
و نرد عليكــ كمااا ينبغـي
اوكــ ^^
:re_gards:​

 

[مابقاش بزاف.Dz]

هههههه موضوعك رائع يا هدهد علابيها عييناك مع الردود تكبري و تنساي ههههههه
ربي يوفقك في دراستك