علاه حنا البنات نقراو و علاه نخدمو ؟؟؟ .. الكل مدعو للدخول

[Houda Chaouienne DZ]

وعليكم السلام ورحمة الله تعالى وبركاته

والله غير كلامك صح حنونا ربي يحفظك من العين ويبارك فيك

الحقيقة نظرة المجتمع للبنت تغيرت في هاد الوقت الحمد لله العقلية نتاع البنت المحبوسة فالدار واللي ما لازمش

تخرج وهي فالحة غير للزواج والدار برك يعني ماشي 100/100 بصح بنسبة كبيرة

وانا نوافقك الراي في كلشي واش قلتي على اهمية انو البنت تكون متعلمة ومثقفة يعني بلا ما تتعلم صعيب باش

تسلك راسها في هاد الوقت

هادا هو الواقع وهادي هي الحقيقة اللي رانا عايشينها

بالنسة للبنت فالجامعة لازم تكون خلاص تحصلت على المستوى من الثقافة والعلم باش تسلك راسها (من

المفروض)

اما البنت اللي تدير اقامة اذا كانت عندها اخلاق عالية و شخصية قوية وتكون بكل بساطة une femme soldat

هادا باش تقدر تتخطى كل العواقب

بالنسبة ليا هي ما البنات الفحلات هادي هي الكلمة اللي توالم

باش بنت تبعد على اهلها باش تاخد العلم و تنفع نفسها واهلها شيئ صعيب و يحتاج لصبر عظيم

هي بالنسبة ليا في جهاد كبير والله اعلم

وبالنسبة للمثال نتاعك هاذا ماشي رياء ولا علاجال نتي صحبتي مي اذا اذا كانوا البنات اللي يديروا الاقامة كامل

كيفك راح تكون نعمة كبيرة ربي يبارك فيك

في الختام انا عن نفسي راني نقرا واللي يهمني ما نحبس من طلب العلم بالاك يتقدر عليا نتزوج ما يهمنيش الخدمة

مي اللي يهمني واش نحقق في هاد الدنية و المستوى اللي نوصله

شكراااا حنونا على الموضوع وان شاء الله اذا كان عندك اي انتقاد راني هنا باش نرد عليك
​

أهلا بيييك وفاء
آمين و ربي يحفظك نتي ثاني و يبارك فيك
صح .. ذركا الطفلة لازمها تقرا كثر من الطفل
لانها ماعندها حاجة بلا قرايتها
على عكس الطفل لي قادر يدير اي حاجة بلا القراية
و الطفلة لازم تحتم روحها بزاااااااف كي تكون تقرا
باش واحد ما يقيسها
و صدقيني كي تكون محترمة واحد ما يقربها
ممم .. حشمتيني فوفا ربي يخليك
العفو .. نو حبيبتي و الله كلامك فووور
عجبني بزااااف
يعطيك الصحة
مارسي بزااااف على إبداء رأيك
مرورك فرحني
دمتي
سلامي
​

 

[Houda Chaouienne DZ]

صراحة اختي والله راي راح يكون راي واضح
بين قوسين كما لرجل عنده مكانة في المجتمع المراة كذلك
يعني تعمل وتدرس وووو المهم كل هذا يكون في ايطار محدود
طبعا نترك السلبيات على جانب لان كل واحد منا سوء بنت او ولد يعرفها جيدا
اذن
اختي كماسبق وقلت
بالتوفيق لما يرضي الله تعال
وان شاء الله كلامي واضح

و كلامك صائب أخي
بارك الله فيك
آميــــن يا رب أجمعين
كلامك واضح أخي و فكرتك وصلت
شكرا جزيــــــلا لك
نورت الموضوع
دمت
سلامي
​

 

[Houda Chaouienne DZ]

وعليــكم الســلام
رجعت نحكي شويــا في موضوعكـ كما وعدتكـ
مالgـري معندي واش نقول من فوق الي قلتيه ، كفيتي ووفيتي
ياكـ يقولو العلم نور والجهل ظلام ، والا غبرت لكاش واحـد وحوس يفهم شويــا سكتوو بجملـة وهي انو أول آيــة نزلت هي : اقرأ ...
وهــذا الكلام ينطبق على المرأة كما ينطبق على الرجـل ، سورثــو فالوقت الي لحقنـا ليه
واحـد ماقراش = 000 وحابس ، ورنـا نشوفو فيها فالواقع ، ياكـ حنا زعمه قرينــا وجامعيين بصـح والله دي فوا ثالموو العالم راه يتبدل ويطور نطيحو في مواقف نتلقاو فيهم صعوبة ، فما بالكـ الي ماقراش خلاص .
نجيو للطفــلة الي قاريـة ، والي تخدم ، الطفلة لازملهـا تقرى هدي كي ماتدير والو بقرايتها ، تقدر تدخل وتناقش في مواضيع مختلفـة مشي تسمع وتهدر غير على الطياب وشغل الدار ، وتاني من أبسط الحوايج مرة خلاف تعاون ولادهــا وتقريهم مليـح .
وحكاية الخدمـة هديكـ ، قوليلي درك الوحده فينـا تقرى وتتعب وكي تخلص قرايتهــا تحب تحس بروحهــا راهي تدير في حاجــة تفيدها وتفيد المجتمع بالقراية الي قراتهــا سورثوو بالنسبة لوحده سليبثــار
أمـــا بالنسبــة للاقامة ، انا نشوفهــا نورمــال الطفلـة الي مربيــة وواعية للثقة الي مدوهالهـا والديهــا
نقولهــا ازدمي وحطي كلام الناس مور ظهركـ ، ليسونسيـال تلحقي للحاجـة الي تطمحيلهـا
+
يعطيكـ الصحــة على الموضوع الفوور
وربي يوفقكـ وينجحكـ ، ويناولكـ الحاجة الي تطمحيلهــا ان شاء الله
​

مليح لي رجعتي .. سي نون نقتلك ميمي هههههه
عندك الحق حنونة في واش قلتي
وي هدرة الناس ما يشوفلهاش الانسان في هاذ المواقف
لانها تقعد غير ترجع فيه اللورا
الله يسلمك حنوووونة
آميـــــــــــن يا رب أجمعين
مارسي بزاااااااف ليك
نورتي موضوعي حبيبة
دمتي
سلامي
​

 

[Houda Chaouienne DZ]

يعطيك الصحة هدهد موضوع رائع
طريقة الطرح ديالو عجبتني ليكولاغ و كلش
المهم نرجعوا للموضوع
اكيد الطفلة لازم عليها تقرا باه تتخرج و تخدم و هدا نظن انا و سامو درنا عليه موضوع يشبهلوا مي تناولنا فيه البنت و الشاب مرة وحده
و من جهة تانية وقتنا ما يرحمش الي يجي يوقف على رجليه لازم بالشهاد و القدرة و الارادة
صراحة موضوع برايي يستحق التثبيت لانو يتناو قضية هامة و هامة جدا
مشكورة مرة اخرى و تستاهلي احلى تقييم
تحياتي

الله يسلمك سوسو ..
شفتي وش نعرف نلون احم احم بكل توااااضع هههههه
اواه موضوعكم هاذا ماشفتوش هههه
ذرك نضرب عليه طلة اذا لقيتو
اوووه التثبيت خلاص .. مارسي ع المجاملة سوسو
مارسي بززززززززاف ع المرور و التقييييم " لي مالحقنيش هههه "
نورتي موضوعي يا الزينة
دمتي
سلامي
​

 

[Houda Chaouienne DZ]

وعليكم السلام
دخلت البارح كنت طافية شفت موضوعك لقيتو جريدة قلت غدوة نرجعلو وراني رجعت درك قريتو حرف حرف
وشدتني هادي
كاين الطفلة لي تخدم باش ماتقعدش فالدار تودر وقتها .. مثلا لي ماهيش متزوجة وش تقعد دير فالدار مع المسلسلات و تودار الوقت فالزهر .. تخدم احسن .. خاصة اذا كانت خدمتها محترمة

هاذي اكيد انا هههه
:shiny:
نشكرك بزاف على الموضوع لي عجبني بزاف
تحليلك منطقي وافكارك صائبة
انا معاك 100/100
الطفلة لازمها تقرا وتتحدى كل الصعوبات
لانو في اللخر ماتلقى غير قرايتها
كيما يقولو لقراية سلاح
ونخالف كل راي يقول لمرا متقراش ومتخدمش
لانو رانا في وقت صعيب بزاف
تخدم لمرا والراجل وياربي يلحقو
وكيما قلتي لازمها تقرا وتثقف روحها
ماش تقعد به ماتفهم والو
حتى الدوا للولادها متعرفش كيفاه تقراه
هيا صحيتي وتقبلي مروري
+تقييم منغولي ههه+
​

ههههههههه جريدة علاه طيحيلي المورال علاه ههه
وي نتي هي ههههههه راني ندافع على حقوقك
اون+ غرت منك كيفاه نتي تقعدي فالدار و انا لالا
العفو .. مارسي ليييك شوشو
صح شوشيتا .. مارسي بزاااااااف ع الاظافة هههه
الله يسلمك .. مرورك فرحني
نورتي موضوعي
مارسي ع الرد و التقيييم تاع 1 نقطة
يخي بخيلة يخي ههههه
ايا دمتي
سلامي
​

 

[Houda Chaouienne DZ]

أهلا بميس دوكتر
قريت موضوعك القصير بزاااااااااف
هههههه
و عجبتني كل كلمة قلتيها
هدهد
و الله يعطيك الصحة
الطفلة كي تقعد بلا قراية
تبقى كلي مهمشة هك
أصلا المجتمع نتاعنا من عند ربي يهمشوها
غير كون تخطاها شوية القراية
زيد كي توصل للنهائي و تدي الباك بمعدل
مليح علاه تقعد في الدار الخدمة خير
أكيد


ربي يوفقك ففي قرايتك
و بنجحك يا أحلى دكتر ​

أهلا بيييك ميس مرمر
شفتي وش قصير ههههه كيما ردك
الله يسلمك مرموريتا
وي .. صحيتي راكي فور
آميــــــــن يا رب أجمعين
ربي يخليك ا زين
نورتي موضوعي
مارسي بزاااااف على مرورك
دمتي
سلامي
​

 

[Houda Chaouienne DZ]

موضوع فالقمة اختي والله ينجحك وان شاء الله نشوفوك طبيبة نساء ممتازة ومعروفة عالميا وكامل نجو ندربو دورة عندك ههه و عن موضوعك فهو مهم بالنسبة لينا كامل وانا تاني معندناش جامعة وين انا نسكن لازم اعليا كي نكبر وندي الباك ان شاء الله نخرج ونروح للولاية باش نقرا ومن تما ربي يجيب الخير وين راح نروح المهم لازم المراة العصرية تدافع عن مكانتها فالمجتمع صح كاين الفاسدات بصح مش كامل كاين الي الله يبارك من الخدمة للدار اما عن الاختلاط بالرجال فهدا هو العمل لازم علينا المهم نلبسو ملابس محتشمة و نحكو مع الرجال في امور العمل فقط هكدا نبينو صورة شابة لينا
وباي

آميـــــن يا رب ربي يوفقك نتي ثاني
هههه ان شاء الله
وي شفتي كيفاه .. يعني اوبليجي عليك تديري اقامة
وي صح .. زدتي شروط للعمل
ربي يبارك فيك حنونتي
نورتي موضوعي
مارسي بزاااااااف على ردك القيم
دمتي
سلامي
​

 

[Houda Chaouienne DZ]

..
هــدهد .. قريتــ نص و مازال نصــ ^^ لي عودة ان شااء الله
و نرد عليكــ كمااا ينبغـي
اوكــ ^^
:re_gards:​

هههههه .. فنيان
داكور ننتظروك خويا عبدو
سلام
​

 

[Houda Chaouienne DZ]

هههههه موضوعك رائع يا هدهد علابيها عييناك مع الردود تكبري و تنساي ههههههه
ربي يوفقك في دراستك

ههههههههه
مانزيدش ندير موضوع
و اخيرا كملت هههه
آمين يا رب
نتي ثاني
​

 

[ismail]

شكر ليك على الموضوع هادا كامل أو مزال تزيدي تقولي الله يبارك المهم خير القول ربي يثبت العقول
انا مانيش ضد الطفلة لي تخدم مي ماش نامبورة خدمة°( الوقة صعيب والشيطان واعر)
ولا ضد الطفلة لي تقرى القرايا سلاحها وتلاقاها نشاء الله
مي أنا ضد الطفلة لي تدير إقامة هادي مافيهاش نقاش .

 

[Houda Chaouienne DZ]

شكر ليك على الموضوع هادا كامل أو مزال تزيدي تقولي الله يبارك المهم خير القول ربي يثبت العقول
انا مانيش ضد الطفلة لي تخدم مي ماش نامبورة خدمة°( الوقة صعيب والشيطان واعر)
ولا ضد الطفلة لي تقرى القرايا سلاحها وتلاقاها نشاء الله
مي أنا ضد الطفلة لي تدير إقامة هادي مافيهاش نقاش .

و كيفاه تقرا اذا مادارتش اقامة ؟
بالنسبة لي ماعندهمش جامعة وين يسكنو
اون+ لي متربية متربية
و الطفلة تتربى ما تتعسش
على العموم هذا رأيك أخي و نحترموه
مارسي بزااااااف ع المرور
نورت موضوعي
ايا دمت اخي
سلامي
​

 

[zomoroda]

يعطيك الصحة عبرتي على كلش بطريقة هايلة أنا ضد عمل المرأة بصح عندك الحق

 

[zomoroda]

كاينة حاجة طفلة لمربية مربية حتى لمسجونة في الدار تقدر تخرج على الطريق إذا حبت و الله و يديرولها ميات عساس
كيما يقولوا تخرج من عين المفتاح

 

[Houda Chaouienne DZ]

يعطيك الصحة عبرتي على كلش بطريقة هايلة أنا ضد عمل المرأة بصح عندك الحق

الله يسلمك ختي زمردة
معليش ختي
كل واحد فينا عندو رأيو
و نحترمو كل الآراء
​

كاينة حاجة طفلة لمربية مربية حتى لمسجونة في الدار تقدر تخرج على الطريق إذا حبت و الله و يديرولها ميات عساس
كيما يقولوا تخرج من عين المفتاح

وي ختي
و ديما نعاود و نقول
الطفلة تتربى ماتتعسش
مارسي بزااف ختي ع المرور
و التفاعل
نورتي موضوعي
دمتي
سلامي
​

 

[رضوة الجزائرية]

بالنسبة لي الحمد لله اني قريت وخدمت ماكنش لي يرفدك غير جيبك ودراعك بعد الله سبحانو ​

 

[zagane]

سلام عليكم

البنت في الجامعة قنبلة موقوتة

 

[Houda Chaouienne DZ]

بالنسبة لي الحمد لله اني قريت وخدمت ماكنش لي يرفدك غير جيبك ودراعك بعد الله سبحانو ​

و لله الحمد
مارسي ختي رضوة بزاااف
نورتي موضوعي
دمتي
سلامي
​

 

[Houda Chaouienne DZ]

سلام عليكم

البنت في الجامعة قنبلة موقوتة

و عليكم السلام
مانعرف اذا قريت موضوعي كاملا ولا لا
المهم .. رأينا صواب يحتمل الخطأ
و رأيكم خطأ يحتمل الصواب
شكرا لك
​

 

[إيمان قلب]

هاني جيت تاني تولي تحاوزينا من موضوعك
امممم اولا نشكرك على ذكر اسمي فالموضوع تاعك ربي يخليك حبيبتي " عيمان ياك يعميك ههه"
تانيا كلامك صواااب وراني معاك , يعني المرة يلزملها تقرا كيما يقولو الكبار باش تفك راسها
اما اللي توصل للقسم النهائي وتربح الباك اكيد راح تكمل قرايتها الا حالات استثنائية
ونعرف واحدة تخطبت فالدوزياماني ومديسيديين يعرسو فالصيف كي طلعت للتارمينال
تفاهموا باش تقرا التارمينال وتجيب الباك ولا ماتجيبهش ديما ماتقراش , كي جابتو طلقت الراجل وراحت للجامعة
واللي تكمل قرايتها فالجامعة كاين اللي تخدم وكاين اللي ماتخدمش اذا على قناعات الله يسهل كل واحدة وقناعتها
بالصح يجي واحد ويقولك لالالا ماتخدمش هذا مانوافقوش الراي
وانا مع المرة اللي تقرا وتتعب وتخدم تاني , بالصح نهار تلقى دارها وولادها أحق بيها من خدمتها فهنا مع عندهاش حق في الخدمة
وبخصوص الإقامة وهذه اللي قلبي معمر منها اكثر نقولك مش كل خضر حشيش والمتربية متربية كون منعرف وين يحطوها
واللي مش متربية مش متربية كون منعرف وين يحطوها
واذا انتي عندك أشهر فالإقامة نقولك ربي يبارك عليك وخليك هدى اللي تعرفيها وشوفي للي راه داير فيك لمان وباعثك للإقامة , انا راني في عامي الزاوج والحمد لله بلاك زدت التزمت أكثر لأنه واش تشوفي تبانلي يخليك تعيفي هاذ الدنيا مش تجري موراها " دخلت بليكات وسروال راني فالعام الزاوج بالحجاب الشرعي وألف حمد وشكر لربي ولوالديا "
وقيل كثرت عليك الهدرة هدهودتي , هيا يعطيك الصحة قطتي الجميلة على الموضوع وربي يعاونك ويبارك فيك ويثبتك+​

 

[Houda Chaouienne DZ]

هاني جيت تاني تولي تحاوزينا من موضوعك
امممم اولا نشكرك على ذكر اسمي فالموضوع تاعك ربي يخليك حبيبتي " عيمان ياك يعميك ههه"
تانيا كلامك صواااب وراني معاك , يعني المرة يلزملها تقرا كيما يقولو الكبار باش تفك راسها
اما اللي توصل للقسم النهائي وتربح الباك اكيد راح تكمل قرايتها الا حالات استثنائية
ونعرف واحدة تخطبت فالدوزياماني ومديسيديين يعرسو فالصيف كي طلعت للتارمينال
تفاهموا باش تقرا التارمينال وتجيب الباك ولا ماتجيبهش ديما ماتقراش , كي جابتو طلقت الراجل وراحت للجامعة
واللي تكمل قرايتها فالجامعة كاين اللي تخدم وكاين اللي ماتخدمش اذا على قناعات الله يسهل كل واحدة وقناعتها
بالصح يجي واحد ويقولك لالالا ماتخدمش هذا مانوافقوش الراي
وانا مع المرة اللي تقرا وتتعب وتخدم تاني , بالصح نهار تلقى دارها وولادها أحق بيها من خدمتها فهنا مع عندهاش حق في الخدمة
وبخصوص الإقامة وهذه اللي قلبي معمر منها اكثر نقولك مش كل خضر حشيش والمتربية متربية كون منعرف وين يحطوها
واللي مش متربية مش متربية كون منعرف وين يحطوها
واذا انتي عندك أشهر فالإقامة نقولك ربي يبارك عليك وخليك هدى اللي تعرفيها وشوفي للي راه داير فيك لمان وباعثك للإقامة , انا راني في عامي الزاوج والحمد لله بلاك زدت التزمت أكثر لأنه واش تشوفي تبانلي يخليك تعيفي هاذ الدنيا مش تجري موراها " دخلت بليكات وسروال راني فالعام الزاوج بالحجاب الشرعي وألف حمد وشكر لربي ولوالديا "
وقيل كثرت عليك الهدرة هدهودتي , هيا يعطيك الصحة قطتي الجميلة على الموضوع وربي يعاونك ويبارك فيك ويثبتك+​

ههههه .. امشي علاه جيتي ههه
بلا مزية ياااا عيمان
وي .. لازم
مي كيما يما دات الباك و ماكملتش هههه نورمال
الله يبارك ايمان
راني حطيتك ايقزومبل و ماغلطتش يا الزين
ربي يكثر من امثالك يااااا رب
نو و الله والو .. هدرتك عسل
الله يسلمك ميااو ههه
آميــــن يا رب أجمعين
مارسي بزاااااااف يا ايمان على ردك الراااااائع لي كيما نتي
ربي يخليك حبي
سلاااااااااام
​