ماذا ستطبخين سيدتي .......الجزء الثاي عشر

[نور الرحمان]

عشا هايل وبصحتكم اختي ابتسام​

 

[ibtesem]

مطابيق من مطبخ بسوم ههههههه

 

[ibtesem]

الله اسلمك نور الرحمان
عشوقة سلام

 

[imane27]

فوفة وبسومة عشاكم يشهى بصحتكم
هاد لعشية درت بريوش شفتو فالنت عند واحدة قلت نجربو صراحة جاء لا يقاوم يعطيها الصحة

 

[كوثر الوهرانية]

بريوش يسخف ايمان بصحتكم اختي

 

[merieme hassi]

السلام عليكم
صباح الخير و البركات
بصحتكم كل وحدة باسمها بالصحة و الهنا
اليوم راني صايمة ان شاء الله
يوم مبارك

 

[shahrazad]

خسارة مي معليش مرة اخرى تنجح استعملي ورق الزبدة او الاليمنيوم باش ماتلصقش

اهااا ان شاء الله ختي راح ناخذ بهاد النصيحة المرة الجاية
​

 

[shahrazad]

صباح الخيـــر عليكم كامل
اممم هاداك البريوش يشهي ختي ايمان
وبصحتكم كامل واش طيبتو
اختي مريم حاسي صيامك فالجنة ان شاء الله

اختي لالجيرواز تقدري طيبيه فيهم لزوج لكن انا ماعنديش الكهربائي مالا درتو فالطاجين تاع الكسرة
ختي روعة بصحتكم لعشا الله يبارك
ايه عندك الحق مادرتش بزاف الكرمال يمكن على هاداك الشي لصق
بصح والله البنة هايلة وديجا كليناه كامل فالدار
يعطيك الصحة على الوصفة
​

 

[عشقي الامارات]

الله اسلمك نور الرحمان
عشوقة سلام

صباح الخير ابتسام
اول مرة ندخل و ما نلقاش مكوناكتي
:scared:

 

[omarwa]

صباح الخير لبنات بصحتكم واش طيبتو
ايمان بصحتك البريوش هايل ممكن الوصفة يبان امممم

 

[l'algeroise]

صباح الخير يوم مبارك نشالله اليوم صبحت الحالة بيضا الثلج دار حالة
شكرا شهرزاد
أمممممم إيمان واش هاد البريوش يهبل أعطينا الوصفة
أم كوثر بصحتك العرضة والطاجين يسخف
إبتسام + روعة يعني فوفة عرفتك من توالسيري كيما تاعي يتوحشك الخير بصحتكم الوبيا و لابيري و الروز كيما يحب الخاطر
أنا غدايا نشالله لوبيا و مطلوع ​

 

[Ahlem&mou]

صباح الخير يوم مبارك نشالله اليوم صبحت الحالة بيضا الثلج دار حالة
شكرا شهرزاد
أمممممم إيمان واش هاد البريوش يهبل أعطينا الوصفة
أم كوثر بصحتك العرضة والطاجين يسخف
إبتسام + روعة يعني فوفة عرفتك من توالسيري كيما تاعي يتوحشك الخير بصحتكم الوبيا و لابيري و الروز كيما يحب الخاطر
أنا غدايا نشالله لوبيا و مطلوع ​

Lyoum nhar ghir ta3 loubia , wechraki algéroise nchallah tkouni b khir hadi chhal machefnakch
Hna ghdana Dolma dertha lbareh w maklawch menha f lil

 

[ام سيف]

صباح الخير والثلج عليكم
انا اليوم درت دوارة بالحمص
مع البرد ياربي نحماو شوية

 

[نور الرحمان]

فوفة وبسومة عشاكم يشهى بصحتكم
هاد لعشية درت بريوش شفتو فالنت عند واحدة قلت نجربو صراحة جاء لا يقاوم يعطيها الصحة

بريوش رائع اختي ايمان يعطيك الصحة عطينا لغوسات

 

[نور الرحمان]

بصحتك ياام سيف دوارة

 

[Ahlem&mou]

 

[merieme hassi]

تبارك الله عليك اختي احلامو بالصحة و الهنا
للجرواز بصحتك اللوبيا في هدا البر د بالصحة و الهنا

 

[Ahlem&mou]

Ysselmek khti oum meriem w bssahtek leftour

Hadou kharajnahoum sadaka hadak nhar

 

[ام سيف]

بصحتك احلامو غدا يشهي
وبصحتك نور الرحمان واش د رتي غدا

 

[ŚσÚмĨÁ.Ďz]

السلام عليكم
يعطيكم الصحة كاامل وش طيبتوا
اطباقكم تششهي وكلها رووعة
غدانا اليوم لوبيا ومطلوع
وحد البرد راه دايرحالة
​