ماذا ستطبخين سيدتي .......الجزء الثاي عشر

[merieme hassi]

صدقة مقبولة اختي احلامو ربي يجازيكم
اسمهان بصحتكم اللوبيا في هدا البرد بالصحة و الهنا
ام سيف واش راكي حنونة

 

[Ahlem&mou]

صدقة مقبولة اختي احلامو ربي يجازيكم
اسمهان بصحتكم اللوبيا في هدا البرد بالصحة و الهنا
ام سيف واش راكي حنونة

Merci rebbi ykhellik

 

[رآج ـية العفو]

السلـآم عليكم
صبآآحكم ثلووووووووووج
وآش رآكم؟؟؟
الله يبـآرك الله عليكم والله كي العآدة شآطرآت
مآ شآء الله ربي يدومهآ نعمة ويعطيكم الصحة

صح غدوآتكم الكل
اليوم غدآنآ كرنتيكة​

 

[نور الرحمان]

انتوما عندكم البرد واحنا عندنا جو تاع ربيع

 

[ibtesem]

صباح الخيرات عليكم يالبنات
بصحتكم كامل واش طيبتو كل وحدة الله ابارك عليها
انا البارح شهاتني مريم كعملت الحوت في السميد رحت طيبتو

بدنجال

مع الروز لبقالي وسلاطة و مع الفلفل تلع فوفو الحمد لله ربي ادومها نعمى

 

[ام سيف]

انتوما عندكم البرد واحنا عندنا جو تاع ربيع

اعطيونا شوية سخانة والله انا منحبش البرد والنهار المغيم يديرلي اكتئاب
رفيقة السوال عليك انشاء الله ربي يهنيك

 

[عشقي الامارات]

بصحتكم لبنات
انا درت العدس و السلاطة
مع هاد البرد و الثلج

 

[imane27]

سلام لبنات واش راكم صح فطوركم بالواحدة
اطباق كلها تشهى يعطيكم الصحة

 

[ألاء الرحمـــن]

السلام عليكم ومساء الانور عليكم يا الغاليات توووووووووووحشتكم كل وحدة باسمها
عندي ما راطيت اطباق تشهي الله يبارك يعطيكم الصحة يا الفحلات
اسمحولي غبت شوية كنت مريضة وكنت نعجز نصور البارح ريحت شوية صورت
هدا فطوري نتاع البارح

وهدا مسكوتشو بسيط درتو نتاع زربة بلا تشباح

واليوم الخير والبركة صبحنا مع المطر ربي يقويها ويكثرها ما يصلح غير لوبية مع البرد

ربي يدومها نعمة من عند ربي
سلامي للجميع




​

 

[ام منصف]

اهلا وسهلا بجميع الغاليات اللي راهم هنا
طياباتكم كلها تشهي
ربي يدومها نعمة
غدانا اليوم بومفور مع البوفجوخ
وينك ابتسام ارواحي تسمعي
*
جبتلكم غريبية تشربوا بيها قهوتكم

​

 

[نور الرحمان]

اختي ام سيف الى حبيتي سخانة نتبادلو انا نحب لبرد
عشقي الامارات بصحتك لعدس وسلاطة اختي
الاء الرحمن سلامتك حنونة ربي يعافي بصحتكم موسكوتشو جاتك هايلة يعطيك الصحة

 

[نور الرحمان]

يعطيك الصحة ام منصف لغريبية جاتك فور

 

[ام منصف]

ألاء الرحمـــن
بالشفا عليك اختي
ان شاء الله راكي احسن
​

 

[ام منصف]

نور الرحمان
ربي يخليك اختي
الغريبية دارتها اختي بالشوفان وجات هايلة
​

 

[روعة2005]

السلام عليكم لبنات الله يبارك وربي يقوي الخير
احلام صدقة مقبولة.......الاء كلش يشهي والمسكوتشو باين خفيف ممم ياريت طريقتك
شريفة مممم غريبة هايلة ههههبصح وشي هو الشوفان
ايمان البريوش تحفة يليق كادر مممم
بسومة الله يبارك
العشاء جاب زوجي امس الكرعين نقيتهم الصباح وضرك باش نطيبهم مع كسرة مطلوع والبراكة

 

[ألاء الرحمـــن]

مرسي حبوبة نور الرحمان ربي يكثر من امثالك
===========
الله يسلمك شوشو الحمد لله خير من قبل
واش هدا ممممممممممممم غربية نموت عليها
========
روعة ربي يخليك حنونة هدا زعما درتو بالزربة ههههههه مافي اسهل منو
انا درت 6 حبات بيض+كاس سكر+كاس حليب+ كاس ماشي معمر ونقص منو شوية الزيت باه ميجيش مزيت بزاف+ 2 خمارة + فانيلا+حوالي 350 غ فرينة ونخلط بالباتور مليح ونحطو يطيب في مول مدور وقطعتو وتزين كيما تحبي سبقت وعملتو مزين
=========
بصحتك الي رايحة تطيبي بالصحة



​

 

[merieme hassi]

بصحتك ام منصف الغريبية بالصحة و الهنا
بالشفاء عليك اختي الاء الرحمن و بصحتك واش طيبتي بالصحة و الهنا
مريومة بصحتك العدس ربي يهنيك

 

[merieme hassi]

روعة بصحتكم الكرعين كيفاش راكي ماشية طيبيهم بالصحة و الهنا

 

[رآج ـية العفو]

يسعــد مسـآئكم
ممممممم يعطيكم الصحة أم منصف وبسومة وألآء
كل شي يشهي بصحتكم وبصحة الكل وآش طيبوا​

 

[روعة2005]

الله يسلمك الاء شكرا على الوصفة حبوبة
رفيقة صيامك في الجنة اخيتي الكرعين نديرهم شطيطحة وللامانة الطريقة عطتهالي ياسمين ويجيو هايلين
ادرسة لراكي خدمتيها وملح وزيت وشوي كمون قليهم وتكوني ديجا طيبتي الكرعين وحدهم فلماء وملح حتى يطيبواديريهم في هذيك التقلية مع الحمص ومرقي بالماء لطابو فيهم لكرعين متكثريش لانهم طايبين واغلقي وخليهم يطيبو في هذيك لصوص طفي عليهم و جمري لصوص وعند التقديم سقيهم بشوي خل يعطيهم بنة رائعة ورشي بشوي معدنوس للتزيين وهذا الطريقة نطيبوا بيها الزلوف اتمنى يعجبك</b></i>