- إنضم
- 3 نوفمبر 2010
- المشاركات
- 1,471
- نقاط التفاعل
- 15
- نقاط الجوائز
- 157
- آخر نشاط
السلام عليكم
كيراكم لا باس غاية الحمد الله
قالك التلج راه الرفيق الدائم لشهر فيفري
المفيد نبداو الموضوع اللي باين من العنوان تاعو و ما نكدبش عليكم انا مع الضرب في المؤسسات التربوية لاخاطر اللي ما تسقمهاش النصح و الارشاد يسقمها العصا و خلاها وحد البروف كان يقرينا العصا لمن عصى و لا واحد اخر كان يقولنا في المدارس اسلوبين لا تالت لهما للتعليم العصا و الجزرة بصح اليوم ا سيدي قالك ممنوع الضرب بصح التلاميد خلي يضربو الاساتدة و يتشوكرو عليهم و الله غي الواحد كره خدمتو في سبة هاد النوعية مع انو التعليم في الاول مهنة تاع الضمير قبل ما تكون واجب بصح الله غالب كي قالك بركانا من العصا دروك رجعو الاساتدة يدعوا لاخاطر راحتلهم السلطات التشريعية
هاد استادة تاع رياضيات تخدم معانا الله يبارك لرض تحشم منها لكن واحد الشير ما يحشمش منها كي درنا الكونساي تحلف قالتنا و الله غي بلا ما نعبى صبت روحي قيس الصلاة تاع الفجر رافدة يديا و نبكي و ندعي عليه يا ربي اعطيه الكونسار قالتنا و الله غي قدامي و نورمال قال واحد الكلمة قلت دروك ربي يرسل علينا مشهاب يحرقنا
و لا بروف واحد اخر تاع الشريعة تاني قالنا راني ندعي عليهم كل اليوم في الصلاة و من نيتو قالنا يار بي يتقبل
و انا تاني ندعي غيكتو فارسو و الله غي يوصلوك تدعي عليهم و على والديهم
و الله حاجة اخرى ما ينجمو يكتبو كونساي في التلميد يقولك كون يخرج و يزيد يتسوفج احنا اللي بيه
ياو الاساتدة بيهم الحشمة اكتر من دوك لي سارتافيكا اللي تعلمو يديروهم
شارانا نشوفو المؤسسات التربوية رجعت كي البلدية تلمد الديشي تاع لي بارون اسمحولي ماشي قاع بصح و الله غي رجعو الاستاد يزكر
علاه هاك انتوما اللي راكم معانا في اللمة و مازلتو تقراو علاه توصلو رواحكم و والديكم لهدرة الطايحة
ديروها في بالكم الاستاد عمرو ما يكره التلميد ربي يهدي الجميع
في لامان
كيراكم لا باس غاية الحمد الله
قالك التلج راه الرفيق الدائم لشهر فيفري
المفيد نبداو الموضوع اللي باين من العنوان تاعو و ما نكدبش عليكم انا مع الضرب في المؤسسات التربوية لاخاطر اللي ما تسقمهاش النصح و الارشاد يسقمها العصا و خلاها وحد البروف كان يقرينا العصا لمن عصى و لا واحد اخر كان يقولنا في المدارس اسلوبين لا تالت لهما للتعليم العصا و الجزرة بصح اليوم ا سيدي قالك ممنوع الضرب بصح التلاميد خلي يضربو الاساتدة و يتشوكرو عليهم و الله غي الواحد كره خدمتو في سبة هاد النوعية مع انو التعليم في الاول مهنة تاع الضمير قبل ما تكون واجب بصح الله غالب كي قالك بركانا من العصا دروك رجعو الاساتدة يدعوا لاخاطر راحتلهم السلطات التشريعية
هاد استادة تاع رياضيات تخدم معانا الله يبارك لرض تحشم منها لكن واحد الشير ما يحشمش منها كي درنا الكونساي تحلف قالتنا و الله غي بلا ما نعبى صبت روحي قيس الصلاة تاع الفجر رافدة يديا و نبكي و ندعي عليه يا ربي اعطيه الكونسار قالتنا و الله غي قدامي و نورمال قال واحد الكلمة قلت دروك ربي يرسل علينا مشهاب يحرقنا
و لا بروف واحد اخر تاع الشريعة تاني قالنا راني ندعي عليهم كل اليوم في الصلاة و من نيتو قالنا يار بي يتقبل
و انا تاني ندعي غيكتو فارسو و الله غي يوصلوك تدعي عليهم و على والديهم
و الله حاجة اخرى ما ينجمو يكتبو كونساي في التلميد يقولك كون يخرج و يزيد يتسوفج احنا اللي بيه
ياو الاساتدة بيهم الحشمة اكتر من دوك لي سارتافيكا اللي تعلمو يديروهم
شارانا نشوفو المؤسسات التربوية رجعت كي البلدية تلمد الديشي تاع لي بارون اسمحولي ماشي قاع بصح و الله غي رجعو الاستاد يزكر
علاه هاك انتوما اللي راكم معانا في اللمة و مازلتو تقراو علاه توصلو رواحكم و والديكم لهدرة الطايحة
ديروها في بالكم الاستاد عمرو ما يكره التلميد ربي يهدي الجميع
في لامان
