مادا تطبخين اليوم انستي سيدتي الجزء 15

[تسنيم الهناء]

عفاف ديري لي كاستال يجيو يشهيو و بريزونتابل و غريبية الطابع ثاني ملاح
​

 

[ibtesem]

بصحتكم ميمي تطبيق هايل اختي
حلويات هايلة اختي تسنيم

 

[عفاف الجزائرية]

عفاف ديري لي كاستال يجيو يشهيو و بريزونتابل و غريبية الطابع ثاني ملاح
​

هاجر عزيزتي كون تديري مزية تحطيلي المواضيع نتاعهم وين
الغريبية راه كاين نتاع ام ندوش بالاك نديرها غدوا نهبك نشوف الطابع نحوس عليه
وهاذا لي كاستال وين نلقاه
​

 

[oumniati]

يابنات سامحوني ما نقدرش نذكر اسماء والله كلشي رااااااائع, وماشاء الله كوزينتنا راهي زاهية وباهية ربي يدومها, وقل أعوذ برب الفلق, ربي يبعد عليكم الحساد

دخول ضخم تاع نوال1980, مرحبا بيك , ولا نقول عودة ميمونة, ويكثر خيرك ويرحم والديك على كيكتك, اليوم مديتها لبنتي طبقتها, وعجبها الحال كي لقات كلشي ساهل ههههههههه

اطباقكم كامل هايلة بصح اسمحولي نخص بالذكر برنساس فيفي على اول مشاركاتها معانا بالصور نقولك واصلي يا حنونة راكي في القمة ما شاء الله

ونزيد ثاني حبيبتنا ميمي 53 يعتيك الصحة كلشي بالطبع وتطبيقك للكيكة ممتاز

جماعة الزهايمر والاطرش في الزفة الخ الخ لازم نتفرغلكم وانا مزالي شغل, حبيت ننقص برك مراجعة باه ما يتراكموش الدروس

لي عودة

 

[imane27]

ياسلام راكم مزهينها اللهم لا حسد يعطيكم الصحة كلش هايل شاطرات
نوال وقيلا بوشلاغم مكاشو راكى درتى حالة الله يدومها عليك

 

[oumniati]

صغرونة ان شاء الله تكملي لاليست تاع لعراسات بعرسك انت, اهاه وين راهي ذهبية واسماء؟,:p

نقولك ديري حاجة اللي كعور ومد للعور ما تحكمش اليد, كاين واحد ما نعرفش اسمو نوادكوكو مع لي فروي كونفي, وتكعبريه وكي يطيب ديريه في الشكولة, هو بنين, بصح ما نكذبش عليك زاكي ولا لالا:s

 

[بنت الجسور المعلقة]

درنآآآآآآ اليوم الشخشوخة الحضنية المسيلية لي منين ننصب مرقتها نتفكر عفوفة و والدتي دارتلي الفتات آنا منصلحوش نخشنو ونديرو عجين -_-
وسلاطة خفيفة
والديسآر دلاع والله هاد العام جا دلاع وعليه لكلام ماشي كي لعوام لوخرا بعدا مع فالو الاول الثلج واش جاب ههههه
صحآآ عشواتكم والله يديمها نعمة عليكم



​

 

[oumniati]

اوووووه يا لقسنطينية ركبتيلي السخفة, راني نبلع في الريق, الريق وما كاش هههههه بصحتكم يا ختي

جيت نعلق على القديد تاع تسنيم الله الله تاكلوه بالصحة عندي ضعف قدامو ما نقاوموش خلاص, راه قريب يسخن الحال ونديرو ههههههه, نعلقو في البالكون يا ابتسام ونخلي الذبان يدور ههههههه

 

[oumniati]

راهي راحت

 

[روز]

ماشاءلله عليكم لبنات كل مائدة احسن من الاخرى
تسنيم مرسي لكلامك حبوبة ربي يخليك ماشاءلله كل شي حطيتيه فووور والغريبية خرجتلك تهبل ياريت الوصفة
بسومة الله الله فينا راعي شعورنا شوية راني قتلك ديري الخمار فوق طيايب علبك ههه
عفاف صيامك في الجنة
حبيت نسقسيكم قبل لننسى عندي ورد يعني نبات وغارساتو في الدار بلونت يعني
وراني باش نغيب على الدار وخايفة يذبلي الورد ماعنديش لي يسقيه كاش فكرة باش يبقى الورد
قالولي ديري تحتو طبسي كبير فيه الماء والثقوب لي لتحت يجبدو الماء للورد
ماجربتهاش لي عندها فكرة تقلي عليها

 

[تسنيم الهناء]

ايه يا عفوفة الغريبية نديرها براسك زي نتاع ام ندوش واشي هو انا زدت فيها شوي روينة'' عليها جات قهوي
اما لي كاستال فهذي الطريقة

250غ زبدة او مارغرين ذايبة+ 250غ سكر قلاصي+ 300غ كاوكاو مرحي موش رقيق خلاص+ 150 غ فرينة + 6 بيض (البياض فقط)+ فاني+ 1 خميرة كيميائية
خلطيهم يجيو زي مسكوتة ثقيلة فرغي في مول مدهون و مرشوش بالفرينة

لما يخرج خليه يبرد و في هذا الوقت تخدمي صفار البيض+ عصير ليمونة و زاست و سكر قلاصي حتان تجيك ثقيلة
و تفرغيها على لابات و لما تنشف قطعيها و زينيها كيما تحبي​

 

[imane27]

امممممممممممممم يابنت قصنطينة واش درتى فينا انا رانى دوخت من طابلة جبلى كاس ماء بصحتكم والله الطابلة تشهى
خيرة انا غير لقديد لى مندورش بيه منحبوش خلاص

 

[anissa 13]

عفاف شريت كتاب جديد
صورتلك نصف وصفاتو يلا عجباتك شي وحدة نكتبلك وصفتها
وصفاتو بنينة وناجحة

سموه gateaux el qods للسيدة bengherabi fatima zohra

mchebka




chaussons aux biscuits moulus



ghribiya à la farine de pois chiche



gateaux au caramel



tcharek mramed



tartelettes aux fruits secs



gateaux feuilletés



djouzia



arayèche



bracelets à la noix de coco



jardin de fruits




​

 

[ام خديجة1]

‏ام خديجة1, ‏Ahlem&mou, ‏anissa 13, ‏ألاء الرحمـــن, ‏ام نوسه, ‏اماليا, ‏بنت الجسور المعلقة, ‏تسنيم الهناء, ‏hanane alg, ‏ibtesem, ‏IBTISSAM 2010, ‏imane27, ‏nawal1980, ‏رآج ـية العفو, ‏روز22, ‏prncess fifi, ‏tasnim55, ‏عاشقة الوردة, ‏فايزة1207
مساء الخيرات حبيباتي راني ما زالني نطيب ههههههههه راني خبت اليوم
بصحتكم كامل واش طيبتو نروح نعمل سكنار على اللي فاتني

 

[تسنيم الهناء]

قالولي ديري تحتو طبسي كبير فيه الماء والثقوب لي لتحت يجبدو الماء للورد
ماجربتهاش لي عندها فكرة تقلي عليها [/color]

ياو انا قريت فلاحة و ما لعبتش هاذ لافار قدامي من قبل:d

مديه لكانشي جارة تحكموهولك

 

[ألاء الرحمـــن]

مساء الانوار عليكم
قدر الله وما شاء فعل ربي يرحم الجميع مشكورات حبيباتي
مشاء الله راكم مزهيين الحالة هذي حلويات هدي أطباق يعطيكم الصحة
شفت دخول جديد ولاول مرة نتاع برانساس فيفي نقولك مشاء الله كلش بالطبع
تنسيم عودة ميمونة لكوزينتنا
تسنيم الهواء منورة الكوزينة بوجودك
نوال جارتي مرحبا بيك معانا ان شاء الله راكي بخير والاولاد لباس راني جاية ناكل لكرام عندكم
سلامي للجميع


​

 

[رآج ـية العفو]

اني جيت ا بنآآت
الله الله عليكم الوآحد مآ لقى وآش يقولكم
نسوم وميمي ورقية وأمون ربي يبآرك عليكم
وبسوم يآ ذآآك الكريبوني آآآه ههه بصحتكم حبيبآتي كآآمل وآ عملتوا

النت عياتك وانا فيمالااه ههههههههههههه
خلاص انتي مراكيش مبرووونشيا خلاااص هههههه


شوفو شوفو التقطاااع هههههههه
استني نحمك هههههه
ههههههههههههه مليحة فيك باش نفيقك :p

اهلا

ههههههههههههه
والله تآع الصح مش مبرونشيآآ اني غآآطسة طووول هههه
ممممم وآش رح تديريلي ا بليسة هههههه :p​

بنات قصدتكم في شي

عندي الاسبوع الجاي عرس نتاع ولد خالي وهو يتيم مسكين ويعني قدو قد احوالو
خممت نعمللو زوج انواع نتاع قاطو يكونو ملاح يشرفو ويقطعو يعني زاكيين
ربي يهنيكم شيخو عليا بكاش حاجة
المهم زوج انواع يكونو ملاح وزاكيين
​

روآحيلي لهيه

عفاف كاين نوع هااااااااااايل داراتو ام اماني يجي كاريات ضرك نجيبلك الرابط

مربعات بحلوة الترك والشكولة ‏(

والغريبية اللي درتها في نفاسي ثاني هايلة حوسي على الطابع تاعها
ولا الصابلي تاع العجوزة اللي كانت مقيلة ههههههههههه

صآبلي العسل بالمورآنغ

أنآ ختكم مآ تخلوش ذهبية تشوف هآذ الكلمة هههههههههههه
هآآ صح حتى نتي انظميتي للقآفلة آآه ونحكمك يآ عفوفة نديرلك
كثر من نهآر نهآر هههههههه​

عفوف شفتهم وملاح

كيما مربعات حلوةا لترك ديجا اني عاملاتو كي يلحق الوقت اني نحطو
زيدي كشما تفيديني انا وراسك
صابلي المورانغ اللي طبقوه ولا وينها اسماء الكيلة قداه تخرج من حبة
​

اني نستنى فيك لهيه

صغرونة ان شاء الله تكملي لاليست تاع لعراسات بعرسك انت, اهاه وين راهي ذهبية واسماء؟,:p

نقولك ديري حاجة اللي كعور ومد للعور ما تحكمش اليد, كاين واحد ما نعرفش اسمو نوادكوكو مع لي فروي كونفي, وتكعبريه وكي يطيب ديريه في الشكولة, هو بنين, بصح ما نكذبش عليك زاكي ولا لالا:s

اني هنآ يالحبيبة ديجآ كنت نسقسي عليك وين هملتي
شعطوطتي اهي مع لقرآآية مسكينة مآ بقآلهآش بزآآف وتكون
معآنآ توحشتهآ المصيبة مآ قدرتش نقعد بلآ بيهآ هههههههه

عفاف شريت كتاب جديد

صورتلك نصف وصفاتو يلا عجباتك شي وحدة نكتبلك وصفتها
وصفاتو بنينة وناجحة

سموه gateaux el qods للسيدة bengherabi fatima zohra

mchebka




chaussons aux biscuits moulus



ghribiya à la farine de pois chiche



gateaux au caramel



tcharek mramed



tartelettes aux fruits secs



gateaux feuilletés



djouzia



arayèche



bracelets à la noix de coco



jardin de fruits

يعطيك الصحة أنوسة ربي يبآرك خيتو
الكتآآب كله هآآيل
ممكن وصفة الغريبية تآع الحمص وقآطو الكرميل
والأول ومآ قبل الأخير والجوزية من فضلك خيتو
على بآلي رح نعييك ومشكورة حبوبة ​

 

[ام خديجة1]

ما شاء الله عليكم حبيباتي رها الحالة عامرة الله يعمر جيابكم واش نقول بدون ذكر الاسماء تبارك الله عليكم كامل طيابات سلاطات حلويات وديسار وكلاص واش نخير وواش نخلي ربي يحفظكم

 

[عفاف الجزائرية]

صغرونة ان شاء الله تكملي لاليست تاع لعراسات بعرسك انت, اهاه وين راهي ذهبية واسماء؟,:p

نقولك ديري حاجة اللي كعور ومد للعور ما تحكمش اليد, كاين واحد ما نعرفش اسمو نوادكوكو مع لي فروي كونفي, وتكعبريه وكي يطيب ديريه في الشكولة, هو بنين, بصح ما نكذبش عليك زاكي ولا لالا:s

هههههه ان شالله بصح تعجبني كلمة صغرونة من عندك تقوليها عسل ان شالله يا ربي اللي فيه الخير ربي يقدمو لكل مومن
ااما القاطو بالحق هاذا ولد خالي زاوالي ويتيم وكاينة تاني حاجة نتاع زكارة على بيها حابة نديرلو حاجة مليحة وما يهمش اقتصادية ولا ماهيش والمشكل الوقت ماكانش بزاف مي درك نشوف بربي تسلك
​

درنآآآآآآ اليوم الشخشوخة الحضنية المسيلية لي منين ننصب مرقتها نتفكر عفوفة و والدتي دارتلي الفتات آنا منصلحوش نخشنو ونديرو عجين -_-
وسلاطة خفيفة
والديسآر دلاع والله هاد العام جا دلاع وعليه لكلام ماشي كي لعوام لوخرا بعدا مع فالو الاول الثلج واش جاب ههههه
صحآآ عشواتكم والله يديمها نعمة عليكم



​

آآآه يا رقية اختي والله جبتوها هي يا بعد وعليها الكلالالالالالالالالالالام بصحتكم عزيزتي وبلا مزية مني ما صابني جيتي كليتيها عندي --حقى مازالكم في المسيلة ولا رحلتو
​

اوووووه يا لقسنطينية ركبتيلي السخفة, راني نبلع في الريق, الريق وما كاش هههههه بصحتكم يا ختي

جيت نعلق على القديد تاع تسنيم الله الله تاكلوه بالصحة عندي ضعف قدامو ما نقاوموش خلاص, راه قريب يسخن الحال ونديرو ههههههه, نعلقو في البالكون يا ابتسام ونخلي الذبان يدور ههههههه

اذا تحبي القديد والعيش اللي يسموه البركوكس تبعيني يمكن الدرس الجاي ولا اللي بعدو :p
​

ماشاءلله عليكم لبنات كل مائدة احسن من الاخرى
تسنيم مرسي لكلامك حبوبة ربي يخليك ماشاءلله كل شي حطيتيه فووور والغريبية خرجتلك تهبل ياريت الوصفة
بسومة الله الله فينا راعي شعورنا شوية راني قتلك ديري الخمار فوق طيايب علبك ههه
عفاف صيامك في الجنة
حبيت نسقسيكم قبل لننسى عندي ورد يعني نبات وغارساتو في الدار بلونت يعني
وراني باش نغيب على الدار وخايفة يذبلي الورد ماعنديش لي يسقيه كاش فكرة باش يبقى الورد
قالولي ديري تحتو طبسي كبير فيه الماء والثقوب لي لتحت يجبدو الماء للورد
ماجربتهاش لي عندها فكرة تقلي عليها

روز صرالك اكتر مني منين نكون مسافرة ما نخممش في ذهبي ويننخبه قد ما نخمم في لي بلونت شوفي نقوللك كاينة فكرة مي انتي شحال رح تقعدي
تديري باسينة كبيرة تعمريها ماش بزاف ماء وتحكي فيها لي بو نتاعك مي حطيهم في بلاصة مهوية باه ما يتعفنولكش مي هاذي لازم مرة على مرة تنحيهم يتنفسو من الماء مي واش رح نقوللك هااذا مجرد راي انا موالقة نجربو كي نكون ماش مطولة بزاف وانتي مانعرف والله راني انا في بلاصتك حايرة عليهم
​

ايه يا عفوفة الغريبية نديرها براسك زي نتاع ام ندوش واشي هو انا زدت فيها شوي روينة'' عليها جات قهوي
اما لي كاستال فهذي الطريقة

250غ زبدة او مارغرين ذايبة+ 250غ سكر قلاصي+ 300غ كاوكاو مرحي موش رقيق خلاص+ 150 غ فرينة + 6 بيض (البياض فقط)+ فاني+ 1 خميرة كيميائية
خلطيهم يجيو زي مسكوتة ثقيلة فرغي في مول مدهون و مرشوش بالفرينة

لما يخرج خليه يبرد و في هذا الوقت تخدمي صفار البيض+ عصير ليمونة و زاست و سكر قلاصي حتان تجيك ثقيلة
و تفرغيها على لابات و لما تنشف قطعيها و زينيها كيما تحبي​

قوليلي لي كاستال شحال يجيب من حبة تقريبا :d
​

عفاف شريت كتاب جديد
صورتلك نصف وصفاتو يلا عجباتك شي وحدة نكتبلك وصفتها
وصفاتو بنينة وناجحة

سموه gateaux el qods للسيدة bengherabi fatima zohra

mchebka




chaussons aux biscuits moulus



ghribiya à la farine de pois chiche



gateaux au caramel



tcharek mramed



tartelettes aux fruits secs



gateaux feuilletés



djouzia



arayèche



bracelets à la noix de coco



jardin de fruits




​

هاذا يا انسية اختي نتعبك ونتعبوك معانا حطيهم كااااااااامل في موضوع والله رح يفيد بزاف بزاف اجملي كل صورة بالوصفة نتاعها وخلي نثبتوه تقريبا الحلويات كامل جديدة
​

 

[روز]

يعطيك الصحة عفاف وتسنيم
قالولي على عفسة البسينة نجربها ماعنديش حل آخر
عفوفة الناس يخمو وين يخلو الخدامة وانا نخمم على لي بلونت ههه
عزيز عليا هذ البلونت كن نلقاه ذبل تصرا فيا حاجة