عقلية بكري عقدونا بيها ظركا

S

sousouia

:: عضو مُشارك ::
إنضم
27 ماي 2011
المشاركات
139
نقاط التفاعل
84
نقاط الجوائز
7
بسم الله الرحمان الرحيم

اما بعد
انا اليوم حبيت نولهكم لوحد الظاهرة قتلتنا و قتلت الشبان و الشابات كامل

يا ناس بكري
كيما عشتو نتوما وقتكم
خلونا نعيشو وقتنا
مش نتوما عقبتو يااتكم كيما تحبوا
و حنا تخليونا حنا لخرين على جال هدرتكم المعتادة
حنا بكري درنا و بكري ماكانش عدنا
ياك ذركا لازم نعيشو كيما نتوما تحبو
نتوما عشتوا في وقت ما فيه والوا
مفيهش لموتور الي يطلعلكم الما لديار
امالا لازم تروحو تجبدو الما بلبادن
مفيهش التيليفيزيون و لا النت باش تعقبو الوقت
عقبتوه بلكروشي و النسيج
و حليب لبقر
و حنا حابين تقلبونا كيفكم بسيف



حنا عندنا كلش واجد مش حتى نولوا كيفكم
اخطونا من الهدرة تاع حنا بكري درنا وبكري خرجنا
و الاخير نقلكم
كل واحد و وقتوا و كون تكملوا بهاذ الحال رايحين تعقدونا​
 
أهلا بيك سوسو
هههههه والله موضوعك ضحكني صح هههههه
باين قاسوك لعشية هذي بحنا بكري كنا نفتلو البربوشة ونتي هنا مقابلة الميكرو ههههههه
واقيلا الجيل تاع بكري غار من جيل درك
كاين مرة شايب قالي الله غالب مالحقتش على الجيل هاذا ههههه
هيا صح امور من امور امور لمعيشة الله غالب تغيرت ومانقدروش نعيشو كيفهم
اما امور التربية والحشمة فهيا ثابتة ماتتغيرش وعليها لازم يلومونا ..

يعطيك الصحة
تستاهلي تقييم
​
 
هههههههه لوووووووول
فقط اعلمي لولا الجيل القديم لما ولد الجيل الجديد
اي راهم دايرين فيك مزية كبيرة اللي عاشوا في وقت مافيه واولو


هههههههههه
=)
=)
​
 
السلام وعليكم
فالحقيقة كاين امور عندهم الحق كيما قال المشرف التربية والاخلاق الثابتة عندهم الحق يلومو
وكاين تاني امور مع انو تتباع و واجدة و ساهلة الا انو لو نحضروها فالدار احسن وافضل
مثلا كيما البغرير والمعارك و خبز الطاجين في رايي عندهم الحق يلومو جيلنا اللي يشريهم واجدين
و غيرها ...
بصح باش يقولولي ما تستعملوش الانترنت و ما تقراوش على خاطر في وقتنا ماكانوش هادو هنا !!! لالالا
صحيتي على الموضوع وساعفي الحالة غير بالعقل​
 
مليح موضوعك

أنا نتمنى نرجع 40 سنة للوراء نعيش معاهم
صح كانت المعيشة صعيبة بزااف ودركا الوسائل تطورت سهالت الاموور

مي ناس بكري كانت عندهم التربية والاخلاق هيا كلش
يعني المرا ماتخرجشش من الدار
وتلقاها بالحايك والحشمة اللي مكانش درك الا من رحم ربي

والراجل يخاف من باباه ويماه حتى وهو عمرو 40 سنة

ياحصراه على ناس بكري

+++++++

​
 
هههههههههههههههههههههههههه اذوك ناس بكري و ما راحش تتنحا العقلية هذيك تاع حنا بكري درنا و درنا انا ثاني عندع جداتي ديما تقولهالي
 
سلاموووو

صحيتي عالموضوع الزيـــن

و الله عندك الحق ... سخفونا بهاذي حنا كنا نديرو هاك و ماكناش نديرو هاك وووو

كيما عاشو هما ياماتهم يخلونا نعيشو ياماتنا ...الزمان مش كيفكيف

انا و الله ماندير عليهم ... طول دايرة رايي .. يا حي عليهم

ميــرسي عليك
​
 
السلام عليكم اختي......
موضوعك ضحكني والله بصح شباب،،ايه خيتو كاين امور في بكري خير وكاين امور درك خير،،وزيدي ناس بكري ميقدروش يستغناو على كلمة احنا بكري psk يشكروا ارواحهم بزاف بزاف ههههههه....
ربــــــي يسترك على الموضــــــوع..
 
ههههههههههه صح بكري باش يجوز الوقت يحبلك مي دوك السمانة راهي تجوز تقول يوم

لانو كاين وسااائل الترفيه بزاااااف ماشي كيما ناس بكري مساكن الحق الي عندوtléراهو ايه مطور

الحمد الله و كل واحد يعيش من زماانو
 
انا ما على كل حاجة تقلي حنا بكري
سورتو جدة يابنيتي لاه تضالي في الميكرو والتلفزيون
نوضي كشما ديري حاجة تخيطي ولا تتعلمي كاش عفيسة
وش ديرلهم
"اللي فات وقتو مايطمعش في وقت الناس"
خخخخخ
مغسي على الموضوع​
 
شكرا اخيتي على الموضوووع
صح الدنياا تغيرت
واللي فينا اصلا تغير
صح ولالا
ايوا سااعفي
بكري كانت النية ما دروك راها يزيد وعلى عام يقلك نلبس هادي ولا ندير هادي بسيف​
 
تعجبني عقلية تآع بكري
صرآحة مش نوع دوكآ
شآدين 24 سآعة لميكرو ويقلك رآنآ نخدمو ونديرو
وآش ديرو فهوني :d
بكري كآنت آلحشمة والنية ودكآآ ربي يعلم بآلعقلية
​
 
عندك حق حنونة كل جيل و حياتو كيفاش حنا درك عندنا حوايج بزاف يلهيونا ماشي كيما بكري بصح هدا ما يمنعش باش نخدموا في دار ولا نتعلموا صنعة كيما لكروشي . . . .. .. .
شكرا اختي على الموضوع تقبلي مروري
 
كاين امور و ثوابت مهما كان ما تتغيرش سوا الجيل الجديد و لا القديم لازم يبقاوا محافظين عليها اما عن التكنولوجيات و التطور هاديك تحبي تعيشي كيما بكري و لا تسايري تاع دركـ
سلامو
 
ما تعمريش راسك واش من بكري ربي يهديهم حتى بكري و كان كاين القشر و اللي خارجين الطريق و دروك كاين اللي الله يبارك خير من 10 تاع بكري اما تاع التكنولوجيا ها لا لا هادي قاع ماكاش منها
ربي يجيب الخير
 
السلام عليكم ورحمة الله تعالى وبركاته

أختي شوفي هو كل وقت وقته ومش ممكن عقلية الانسان الحالي تقدر ترجع للوراء ولا عقليتهم هوما تتقدم الى الامام بصح تبقى حياة الأجداد تاعنا خير من حياتنا بأكثر بالرغم من انو حياتهم أيضا كانت مش مليحة في حوايج كاين التخلف والجوع والفقر والمآسي والحروب والمشاكل الأسرية والعادات السيئة تاع الجاهلية بصح ماننسوش أنو حياتنا وواقعنا أمر بكثير من الواقع الي عاشوه أجيالنا هوما صح فوتوا تجربة قاسية علينا لكن حنا واش من قساوة كيما يقولو بالعامية احنا الي فراجيل عليهم
التخلف الي عاشوه مازال تحسبي طفلة كي تخرج مبينة روحها للناس تقدم تحسبي الطفل الي داير روحه كي بنت تقدم تحسبي الميكرو الي رانا قاعدين عليه تقدم ماكان والو
الا على الجوع الناس كاين الي مازالت جعانة الا على الجهل الاف الناس مازالت جاهلة كون ماشي جاهلة ماديريش ياسر امور في الدنيا غالطة حنا بشر والزمان يمشي مايحبسش والي يجوا بعدنا راح يشوفوا فينا التخلف بصح كلنا نشوفوا روحنا حنا الصحاح بالنسبة لعقليتنا الي هي عقلية مبرمجة غير مع الوقت الي رانا فيه
هوما ماحضروش للكمبيوتر ومايفهمولوش وصح يحسوه مضيعة وقت خاطر تاع بكري تلقاهم يحبوا الكل الهوايات ويديروا حوايج بصح احنا ماتعلمنا والو تقدمنا جابنا غير الحوايج الي ماشي مليحة وكشف الناس على بعضاها بصح بكري كان الستر
بكري كانت حوايج مش مليحة والان كاين حوايج مش مليحة والان تقدمنا في حوايج وتخلفنا في ياسر حوايج مانقدروا لا نقولوا عيشتنا هي الي مليحة ولا عيشتهم الي عاشوها هوما مليحة
لازمنا نقولوا غير الحمد لله على كـل حال
الاجداد تاعينا عاشوا قيم ومبادئ الي احنا صح لازم نتحلوا بيها مانشوفوش على الشواذ الي كانوا يخدمواخدايم مش مليحة نشوفو على النية الصفاء المحبة الستر الحشمة والحياء الخلق والنبل والشهامة وكل خلق نبيل عاشوه هوما
اجدادنا الي عاشو مرحلة كيما مرحلتهم هوما صح الان يحسوا بتغير كبير هوما عاشوا في حقبتين من الزمن وتغير عليهم الحال وكل حركة ولا حاجة يشوفوها متغيرة على وقتهم يغيضهم الحال ويحبوا يصلحوها ويحبونا نكونوا كيفهم هوما عقليتهم محصورة شوي في زمن مضى بصح اخلاقهم ومبادئهم وقيمهم العالية تقدر تعيش في اي زمن وفي اي مكان لانها هي الأساس
كاين الي يقول البركة في الشباب وكاين الي يقول البركة في الشياب ههه وكل وقت وقته وربي يهني الجميع ,,,, لازم علينا نحترموا الي كبار علينا والي فوتوا وقت قبلنا مهما يكون كيما يقولو هوما خواطرهم صغيرة الا تعرفي هذه العبارة يعني الانسان كل مايكبر يتبدل الاحساس تاعه ولو نقولوا ليه كلمة مش مليحة تغيضه نقدروهم ونحترموهم ونقولوا ليهم ربي يبارك فيهم ويطول في أعماركم بدل مانكثروا المناقشة معاهم لانهم مش رايحين يبدلوا نظرتهم ويحسوا بلي هذا الوقت فيه خلل

وشكرا على الموضوع


​
 
نونونونو لالالالالا ياحصرا على جيل بكري خليكي اختي قدك قد روحك باش تنتاقدي جيل اجدادك الكروشي ولحليب هما لي جابوك لجيلك حطي هادي ي بالك ...........شكرا على الموضوع
 
خخخخخخخخخخخخ واحد ما يهدر معايا انا ماما تاني تقعد ع النت معايا papa تاني هههههه
 


أكتب ردك هنا...

المواضيع المشابهة

ا
الحمد لله على كل شيئ
المشاركات
11
المشاهدات
1K
الكاتبة الصغيرة
ا
العودة
Top