أبحث عن فتاة من ولاية ,,,, من يساعدني على ايجادها

[mohamed ali 1992]

السلام عليكم
يعطيك الصحة على طرح الموضوع
ركـن فارغ و ما عندو تى معن و رانا شايفين العجب هادا ماكان الجرائد الجزائرية المعروفة زعما كيما الشروق و لا النهار مخصصين صفحة خاصة لهاد التمسخير
انا نحير و علاش ما لقاوش في منطقتهم و لا مع الناس الي عايشين معاهم حتى يديورا فالجرائد
ربي يهدي ما خلق

وعليكم السلام ورحمة الله
الله يسلمكـ شكـرا على مرورك,,,
الشروق والنهار بعد ماعمروا جرايدهم بالتفاهات تاع الأقسام الي فيهم
ولوا عمروا الجريدة خير بالإشهارات هههه جرائد أصلا فاشلة ويحسبوا
رواحهم جرايد أحسن وحايد في إفريقيا مرات تجي تحوس على خبر ماتلقى
والو غير المشاكل واحد مات واحد انتحر واحد قتلوه مراة ضربت راجلها ههه
ممكن مالقاوش وممكن حبوا يدخلوا مغامرة هه :regards01:

 

[hadda0425]

فكرة الزواج في الجرائد ما تدخلش في دماغي خلاص
الزواج قسمة ونصيب لكلتا الجنسين واش كتبلو(ها )ربي يلحقو(ها)
لكن الاعلان عن هكذا زواج مهزلة وخاصة المرأة تعرض في روحها تقول سلعة في مزاد علني
والرجل تقول مكانش حذاه نسا حتى يحوش في الجرايد
والله انا تبالي تمسخيرة برك
لوكان واحد يدي وحدة عن طريق الجريدة و تصرا بيناتهم نقاش
حيسبها ويعايرها ويقولها يا خي عرضتي روحك لزواج وجبتك بالمراسلة هههههه
شكرا على الموضوع
​

 

[nina bonoise]

manhabech nakrahom adou le3afayes f les jornales

 

[meryouma mimi]

c vraii ta raisonn

 

[chamma]

اولا السلام عليكم
ثم بعد اشكرك على هذا الموضوع الرائع و ايضا على هذه المبادرة لانوا هاذ الحوايج ميش تاع جورنال المهم بارك الله فيك يا اخي

 

[mohamed ali 1992]

فكرة الزواج في الجرائد ما تدخلش في دماغي خلاص
الزواج قسمة ونصيب لكلتا الجنسين واش كتبلو(ها )ربي يلحقو(ها)
لكن الاعلان عن هكذا زواج مهزلة وخاصة المرأة تعرض في روحها تقول سلعة في مزاد علني
والرجل تقول مكانش حذاه نسا حتى يحوش في الجرايد
والله انا تبالي تمسخيرة برك
لوكان واحد يدي وحدة عن طريق الجريدة و تصرا بيناتهم نقاش
حيسبها ويعايرها ويقولها يا خي عرضتي روحك لزواج وجبتك بالمراسلة هههههه
شكرا على الموضوع
​

صح,,,المشكلة كي تصلح هذه الفكرة وتتزوج هاته المرأة بالرجل
من بعد لأتفه الأسباب يولوا يتعايبوا برواحهم وكل واحد يلوم لاخر
ويقولوا ياخي انت الي خيرتني في الجريدة ولا عرفتي عبر الجريدة
وماسقيستش عليا وبالاك تولي ولا يولي يقولها بلي عجباتك الشروط
الي حطيتها ههه أحسن حاجة يروح يخطب طفلة الي عجباتوا عادي
ويتهنوا من هاذ المشكلة بالكل,,,شكرا على مروركـ الطيب

 

[mohamed ali 1992]

chamma
meryouma mimi
nina bonoise

شكرا لكم على المرور
ربي يحفظكم ويهنيكم

 

[Sẻl Mā]

أنـــا ضـــد هذه الفكرة
بــآسكو دير التبهديل لروحها وكيما قلت نتا
كشما عندها مشاكل ولا عيوب ماهيس حابة يعرفهم عليها
ديجـــآ حنــآ وآلدينا ميقبلوش يمدونا للبـــرآني
يعني غير مكالاه نبنيو احــلآم خخخخ
منعرف كيفاه قبلو والديهم
مغسي خويا موضوع فوور ++ تقييم​

 

[nour mary]

ســــــــلام خويا علي
gراv واش راهو يصرا و زيد هاد الظاهرة طورت بزاف فالاعوام اللخرة
تحس راهم في معرض يبيعوا فرواحهم
وكون جاو كبار و فقدو الامل معليش
و تاني ماطلبوش ولد/ بنت البلاد يزيدو يدخلولك الشك
مغسي على الموضوع
تقبل مروري

 

[mohamed ali 1992]

أنـــا ضـــد هذه الفكرة
بــآسكو دير التبهديل لروحها وكيما قلت نتا
كشما عندها مشاكل ولا عيوب ماهيس حابة يعرفهم عليها
ديجـــآ حنــآ وآلدينا ميقبلوش يمدونا للبـــرآني
يعني غير مكالاه نبنيو احــلآم خخخخ
منعرف كيفاه قبلو والديهم
مغسي خويا موضوع فوور ++ تقييم​

ههههه خوفتني هذه قصة البراني :p
صح كلامك أختي سلمى ,,,ربي يهدي الناس برك
ومرورك جميل ’’’ ربي يحفظك ويهنيك
شكرا لك

 

[la_safa]

السلآم عليكم رآني وليت و مآطولتش :d

المهم خيو موضوعكـ اليوم مهم ,, يحكي على الفضآيح
انا هادو بالنسبة ليا فضآيح ,, يفضحو بروآحهم بركـ
مآنفهمش انا آسكو كآين رجآل يحوسو على نسآ من الجورنآل
و تصلح بينآتهم !!! كون رىهم تعرفو على 100 وآحد و هو الـ101
بالنسبة ليآ البنت هآذي مآهيش في الجمآل الروحي لي توصف بيه روحهآ
انا نعرف المرآ تحكم دآرهآ وين يجيهآ المكتوب يجي مآش تروح هي تحوس
على رآجل و مانعرف عليه تآني هو كيفآه !!!
و زيد يزيدو يشرطو تقولكـ لآزم هآكـ و لآزم هآكـ ,,, يآ لطيييف ..
آسكو وآلديهم على درآية بيهم ؟؟ نقولو الام ممكن , الاب ؟؟ مستحيل
انا نقول لكل وحدة حآبة تتزوج ,, استنآي مكتوبكـ حتى يجي
. و زوآج الجورنآل خآدع و كآذب 100%

هذآ رأيي المطول و ان شآء الله نتآ تلقآهآ آآآآ تلقى زوجة الحلآل :p ههههـ

مرسي خيو محمد بآركـ الله فيكـ عالموضوع .. ~
​

 

[mohamed ali 1992]

ســــــــلام خويا علي
gراv واش راهو يصرا و زيد هاد الظاهرة طورت بزاف فالاعوام اللخرة
تحس راهم في معرض يبيعوا فرواحهم
وكون جاو كبار و فقدو الامل معليش
و تاني ماطلبوش ولد/ بنت البلاد يزيدو يدخلولك الشك
مغسي على الموضوع
تقبل مروري

وعليكم السلام ورحمة الله,,مرحبا بك
المشكلة زادت كي الجرائد ولت ماتعرفش باش تعمر صفحاتها ههه
مانعرف كيفاش يخموا حتى رضوا لرواحهم بهذا المصير حتى ولوا
في نظر الناس أنهم في مزاد علني قدام الناس الكل ,,,والمسؤولية
ثاني مسؤولية الجريدة الي طيحت من شأنها قدام الناس,,
صح شفتي يطلبوا هكا غير من بلايص اخرى ههه :down:
شكرا على مرورك أختي

 

[mohamed ali 1992]

السلآم عليكم رآني وليت و مآطولتش :d

المهم خيو موضوعكـ اليوم مهم ,, يحكي على الفضآيح
انا هادو بالنسبة ليا فضآيح ,, يفضحو بروآحهم بركـ
مآنفهمش انا آسكو كآين رجآل يحوسو على نسآ من الجورنآل
و تصلح بينآتهم !!! كون رىهم تعرفو على 100 وآحد و هو الـ101
بالنسبة ليآ البنت هآذي مآهيش في الجمآل الروحي لي توصف بيه روحهآ
انا نعرف المرآ تحكم دآرهآ وين يجيهآ المكتوب يجي مآش تروح هي تحوس
على رآجل و مانعرف عليه تآني هو كيفآه !!!
و زيد يزيدو يشرطو تقولكـ لآزم هآكـ و لآزم هآكـ ,,, يآ لطيييف ..
آسكو وآلديهم على درآية بيهم ؟؟ نقولو الام ممكن , الاب ؟؟ مستحيل
انا نقول لكل وحدة حآبة تتزوج ,, استنآي مكتوبكـ حتى يجي
. و زوآج الجورنآل خآدع و كآذب 100%

هذآ رأيي المطول و ان شآء الله نتآ تلقآهآ آآآآ تلقى زوجة الحلآل :p ههههـ

مرسي خيو محمد بآركـ الله فيكـ عالموضوع .. ~
​

وعليكم السلام ورحمة الله تعالى,,,مرحبا بيك معليش
حتى كي طولي نعرفك فحلة كنتي تعاوني في ماماك
صح عندك الحق حكاية زواج الجورنال حكاية فارغة وكاذبة
بصح هاذم كبار يعني تلقاها تخدم ولا مش عارف حتى باباها
معادش يحكم فيها لازم هي تكون تفهم مش حتى يجي واحد أخر
يفهمها بلحاجة الصح والحاجة الغلطة,,,,ربي يجيب الي فيه الخير
ان شاء الله يارب نطيح في بنت الأصل والأصول
بصح بيناتنا مانلقاش خير من تبسة هههه
خاطر البلاصة هذه نحبها ياسر ونحب ناسها وهي قريبة ليا
مالا نقولك كاشما بانلك قوليلي برك ههه نسجي روحي :$
وكي تحبي نبدا من اليوم نشكر فروحي هههه
العفو بلامزية’’’ألف شكر على مرورك الجميل,,
يبارك فيك ,,,ربي يهنيكـ

 

[amel amoula]

شكرا على الموضوووووووووووووووووووووووووووووووع


ربى يسهل على كل واحد

 

[همة نحو القمة]

السلام عليكم,,,
قد ضربت على الوتر الحساس اخي ,,,
انا ما نقدرش نقول اذا كانت هاذي الطريقة صحيحة ولا ,,لالا,,
كل الللي نقولو مش اللي يديه في النار زي اللي يديه في الماء,,
انا في رايي انو هاذي حالة نفسية تمر بيها البنت لما تحس بالتوتر انو,,حياتها مش مليحة ولا تخاف
انها تكبار ومايجيهاش المكتوب ,,وتحب تبدل حياتها ,,انت ماتقدرش تطيح من قيمة هاذو الناس
لانو اغلبهم راهم قاريين,,وفاهمين ويعرفوا واش يديرو ونفس الهدرة على الرجال
وش دراك خويا ممكن كانت عندهم تجربة شخصية فاشلة ولا ممكن تجارب وش درانا ,,
وربط زوج بالحلال مش حاجة بيزار بالعكس تتاجر عليها ,,وراهي ظهرت
بزآآف مكاتب الزواج,,,خير من اعمال اخرى تبهدل اكثر هاذو ماهدرتوش عليهم
العلاقت المحرمة,,وغيرها ولا تحبو هكذا خير,,,الزواج خير ولا الطريق اللي
ما يعجبش خير,,,



انا هذا رايي ولا كلام اكثر مما قلت
​

 

[فراشة المنتدى]

hhhhhhhhhhhhhhhhhhhhhhhhhhhhhh h

 

[mohamed ali 1992]

السلام عليكم,,,
قد ضربت على الوتر الحساس اخي ,,,
انا ما نقدرش نقول اذا كانت هاذي الطريقة صحيحة ولا ,,لالا,,
كل الللي نقولو مش اللي يديه في النار زي اللي يديه في الماء,,
انا في رايي انو هاذي حالة نفسية تمر بيها البنت لما تحس بالتوتر انو,,حياتها مش مليحة ولا تخاف
انها تكبار ومايجيهاش المكتوب ,,وتحب تبدل حياتها ,,انت ماتقدرش تطيح من قيمة هاذو الناس
لانو اغلبهم راهم قاريين,,وفاهمين ويعرفوا واش يديرو ونفس الهدرة على الرجال
وش دراك خويا ممكن كانت عندهم تجربة شخصية فاشلة ولا ممكن تجارب وش درانا ,,
وربط زوج بالحلال مش حاجة بيزار بالعكس تتاجر عليها ,,وراهي ظهرت
بزآآف مكاتب الزواج,,,خير من اعمال اخرى تبهدل اكثر هاذو ماهدرتوش عليهم
العلاقت المحرمة,,وغيرها ولا تحبو هكذا خير,,,الزواج خير ولا الطريق اللي
ما يعجبش خير,,,



انا هذا رايي ولا كلام اكثر مما قلت
​

وعليكم السلام ورحمة الله تعالى وركاته
والله يا أختي فكرت في واش قلتي قبل ماتردي عليا بهاذ الموضوع
وكنت نقول بالاك نفسيا الطفلة تتعب وماتلقاش حل بصح كاين حتى صغار
بصح هذه مش طريقة والله تتعامل بيها واسمحيلي بالعكس لو كانوا يفهموا
مايديروش هكا مهما حصل والبنت الفحلة صح ماديرش لروحها فيلم واعلان كيما
هكا وكاين ناس ياسر ماتزوجوش وصبروا وفيهم الي تزوج وفيهم الي ماتزوجش
انا نحب نسألك ومش معناها برك هكا كي دير يعني الي جاء على الزهر تديه راجل ؟؟
ترخص روحها لهذه الدرجة بالاك الي يرد عليها مانعرف انا فصلوا وأصلوا,,,شوفي ثاني
نقلك مثلا يسقسوها من بعد اهلها كيفاه تعرفت عليه تقولهم الجريدة ودزيت بطلب ووو
كاين حوايج اهون من حوايج وانا على نفسي وكرامتي مانرضاش لروحي هكا ,,,
البنات مثلا نفترضوا فرضا كيما قلتي والرجال كيفاه؟؟
وأنا متيقن انوا في كل عائلة محترمة وأصيلة في الجزائر لا ترضى بهذا الشيئ لبناتها
بارك الله فيك أحيي فيك رأيك,,,رأيك على العين والراس
شكرا على مرورك الطيب

 

[mohamed ali 1992]

hhhhhhhhhhhhhhhhhhhhhhhhhhhhhh h

بصحتكـ الضحكة,,,ربي يدوم الابتسامة على وجهك
شكـرا

 

[mohamed ali 1992]

شكرا على الموضوووووووووووووووووووووووووووووووع


ربى يسهل على كل واحد

العفو أختي,,,شكرا على مروركـ
وكيما قلتي ربي يسهل علينا وعليهم

 

[ĂÝǾΰb]

ابـــــن الشرق يريدها من الغرب شاب بطال لا دار لا دوار لا خدمة أين أجد التي اعطيها حبي و وفائي وحبذا لو يكون لها مسكن خاص
هههههههههههههههههههههههههههههه
هذا غيـــــــر القليل ربي يلطف
مرات الجرايد يوليو يخرفو مرات ندخل نقرا كاين حتى الصغارات 18-19 سنة خافو يعنسو ؟
نحب نقراهم أنا ههههههههههه بلاك نطيح في طبيبة ولا وحدة فلبرلمان نسترها مسكينة
أنا مطابش جناني المشعل او في يدي ههههههه
مرسي سلامو خويا
​