أبحث عن فتاة من ولاية ,,,, من يساعدني على ايجادها

[meryouma mimi]

amine mercii

 

[aidouch]

عندك الحق خويا محمد
و الله كيجو باش يتزوجو يقولك مالقينااش
في بالهم غير هادو الك البنات اللي يبانو بزااف يظلو يدورو في الزنق ....
مي هادوك البنات فاميليا اللي راهم في ديارهم و يسناو ليل و نهار وقتاش يجي مكتوبهم هادوك ميخليهمش قلبهم يروحو يطلبوهم
يجي في بالهم غيرالحاجة انورمال باش يوري روحو قدام الغاشي
و يحط روحو في الجرنان ياخي حالة ياخي
مشكور اخي موضوعك في القمة​

 

[MiSs Sisi StyLe]

وكيف كيف الراجل يبدأ يقولك اسمي كذا أعمل بوظيفة مرموقة ههه مش كيما البنت الي قبل ولدي وظيفة خاصة أريد اتمام نصف ديني رجل شهم وقد المسؤولية أريدها جامعية وسنها لا يفوق كذا وكذا :d لا مشكل ان كانت ماتعرفش طيب ههه لأنها زوجتي الثانية ههههه

هههههههههه ادي تقتل صح واش مرتو لولا مش فايقة بيه و الا sur ما تقراش الجورنال
المهم انا عييت نفهم ادا المجتمع دوروها مسلسل (عايزة اتجوز) عيني عينك لا حشمة لا والو و انا نلوم على البنات اكثر من الذراري
شكرا على الموضوع الرائع​

 

[houssamdj46]

هباااااااااااااااااااااااااااااااااااااااااااال

 

[mohamed ali 1992]

ابـــــن الشرق يريدها من الغرب شاب بطال لا دار لا دوار لا خدمة أين أجد التي اعطيها حبي و وفائي وحبذا لو يكون لها مسكن خاص
هههههههههههههههههههههههههههههه
هذا غيـــــــر القليل ربي يلطف
مرات الجرايد يوليو يخرفو مرات ندخل نقرا كاين حتى الصغارات 18-19 سنة خافو يعنسو ؟
نحب نقراهم أنا ههههههههههه بلاك نطيح في طبيبة ولا وحدة فلبرلمان نسترها مسكينة
أنا مطابش جناني المشعل او في يدي ههههههه
مرسي سلامو خويا
​

أهلا بيك ياخويا,,,,نورمال ديري المغامرة هذه اليوم برك حطوا على الطبيبات ههه وحطوا على نساء هكا قالو أطار في الدولة بصح مانضمنلك في والو من بعد ههه كاين المطلقة بأطفال وكاين الي متزوجة بدون أطفال وكاين وكاين,,,بالاك تلقى الي تحوس عليه اما اذا كان المشعل بيدك فألقي به الي الشارع ههه’’’العفو خويا شكرا على مرورك الطيب
ربي يهنيك ويعطيك ماتتمنى ’’’

 

[mohamed ali 1992]

amine mercii

شكرااا على المرور

 

[mohamed ali 1992]

عندك الحق خويا محمد
و الله كيجو باش يتزوجو يقولك مالقينااش
في بالهم غير هادو الك البنات اللي يبانو بزااف يظلو يدورو في الزنق ....
مي هادوك البنات فاميليا اللي راهم في ديارهم و يسناو ليل و نهار وقتاش يجي مكتوبهم هادوك ميخليهمش قلبهم يروحو يطلبوهم
يجي في بالهم غيرالحاجة انورمال باش يوري روحو قدام الغاشي
و يحط روحو في الجرنان ياخي حالة ياخي
مشكور اخي موضوعك في القمة​

[/quote]

صح والله كلامك صواب يعني هو الانسان العاقل رايح يجري وراء مرأة قرأ عليها خبر في الجورنال أكيد انسان يبحث على على المصلحة الشخصية والزواج الي راح يديروه وهذه العلاقة كلها مبنية على المصلحة خاطر لاخر يكتب انو عندو دار وخدمة مرموقة ولاخرى تكتب بلي عندها الدراهم ومش عارف يعني ولت اللعبة تاع إغراء تقول الدنيا رايحة ادوم للزوالي ولا للي عنده الدراهم عمري لا شفت واحد قال انا فقير أريد أن أتزوج لتعيلني زوجتي هههه غير الكل يكذبوا وعندنا وعندنا الزواج مش مال ولا شهرة ودراهم ومباني,,,والسعادة لعمرها تبنت بهذه الطريقة بالعكس هذه تعاسة’’ مرورك جميل الله يبارك فيك وشكرا جزيلا,,,ربي يهنيك أختي

 

[mohamed ali 1992]

هههههههههه ادي تقتل صح واش مرتو لولا مش فايقة بيه و الا sur ما تقراش الجورنال
المهم انا عييت نفهم ادا المجتمع دوروها مسلسل (عايزة اتجوز) عيني عينك لا حشمة لا والو و انا نلوم على البنات اكثر من الذراري
شكرا على الموضوع الرائع​

العفو أختي,,, الشكر على مروركـ
أنا راني كيفك حاير في الطريقة الي يفكروا بيها
ياأما أنهم يأسوا من حالتهم يااما أنهم يصطادوا في المياه العكرة
ههه,,ولا أن نفسهم ماعادش عندها قيمة بالنسبة ليهم ولوا يطلبوا
في الزواج من الجرائد بانسان لا عمرهم عرفوه كالمتسولي,,,ياساتر
بارك الله فيكـ
​

 

[mohamed ali 1992]

هباااااااااااااااااااااااااااااااااااااااااااال

ممكن,,,,شكرا

 

[fofabriyanka]

zwaj yabka maktoub man 3and rabi wa3lah n3adab rou7i fi batal ni relation ni journal ndir fiham tika ​

 

[mohamed ali 1992]

zwaj yabka maktoub man 3and rabi wa3lah n3adab rou7i fi batal ni relation ni journal ndir fiham tika ​

صح الزواج مكتوب والمرأة الي تستر روحها يجيها مكتوبها بإذن الله
جزيل الشكر لك على المرور

 

[عربية6]

و عليكم السلام

كيراه محمد تاعنا؟

الحمد لله رجعت تطل علينا

الله لا يغيبك ان شاء الله
..

موضوعك باهي يعالج آفة اجتماعية خخخخ
يا لطيف
انا و الله نحير فيهم
مي نبقا نقرا و نفتش فيهم
مرات نتمسخر مع امي نقولها اهو واحد تتوفر فيه الشروط يل باغية تبدلي بابا ههههه
..
لدروك مافهمتش يلهادوك الناس منهم صح و من قلوبهم ولا يزعقو و فارغين شغل برك
و ثاني لدروك مازال ماسمعتش يل كاينة منها تاع واحد زوج بوحدة عن طريق الجوووورنآآل
زعما صرا زواج بالجورنآل؟؟
...
يعطيك الصحة محمد
و ربي يبارك فيك
و يبعثلك بنت لحلال اللي تهنيك

تحياتي
​

 

[سلسبيل34]

شكرا جزيلا اخي صح راني حايرة كيفك نقراهم ونقول كيفك علاش في ولايتو مالقاش ومرات يروح تخمامي كيما قلت بلاك كاش مدايرين في حياتهم على ذللك حطو في الجورنال
نقولك حاجة ياو راه صعيب باه تتصل و يعطوك رقم تاع طفلة مرااااااااات حكاولي ناس بلي واحد جرب وعيطلهم وقالهم فوالا راني حاب نخطب فلانة الي في الجرنال رقم كذا..... قالولو لازم نيميروتاع لاكارت دونتيتي ولازم وقت باه نردولك بالخبر بلاك راح تتلاعب بالطفلة ههههه شكون الي يضمن بأنك صادق في كلامك :dواش راك تقول فيها خويا هبااااااال و معاه تسوفري ههههه :up:
شكرااااااا موضوعك مميز

 

[اوراق ممنوعة]

السلام عليكم شكرا على هدا الموضوع
انا نشوف بلي هاد لعباد المجتمع تاعهم سامحلهم باه ايدروا هكدا يعني عايشين حياة ميش كيما باقي المناطق في الجزائر الي واحد يحشم باه يكتب بالاك حتى اسمو في الجورنال المهم انا نشوف بلي الي يدير هكدا بالاك عندوا ظروف ولا الله اعلم مي سبحان الله

ربي يهدينا ​

 

[همة نحو القمة]

وعليكم السلام ورحمة الله تعالى وركاته
والله يا أختي فكرت في واش قلتي قبل ماتردي عليا بهاذ الموضوع
وكنت نقول بالاك نفسيا الطفلة تتعب وماتلقاش حل بصح كاين حتى صغار
بصح هذه مش طريقة والله تتعامل بيها واسمحيلي بالعكس لو كانوا يفهموا
مايديروش هكا مهما حصل والبنت الفحلة صح ماديرش لروحها فيلم واعلان كيما
هكا وكاين ناس ياسر ماتزوجوش وصبروا وفيهم الي تزوج وفيهم الي ماتزوجش
انا نحب نسألك ومش معناها برك هكا كي دير يعني الي جاء على الزهر تديه راجل ؟؟
ترخص روحها لهذه الدرجة بالاك الي يرد عليها مانعرف انا فصلوا وأصلوا,,,شوفي ثاني
نقلك مثلا يسقسوها من بعد اهلها كيفاه تعرفت عليه تقولهم الجريدة ودزيت بطلب ووو
كاين حوايج اهون من حوايج وانا على نفسي وكرامتي مانرضاش لروحي هكا ,,,
البنات مثلا نفترضوا فرضا كيما قلتي والرجال كيفاه؟؟
وأنا متيقن انوا في كل عائلة محترمة وأصيلة في الجزائر لا ترضى بهذا الشيئ لبناتها
بارك الله فيك أحيي فيك رأيك,,,رأيك على العين والراس
شكرا على مرورك الطيب

صح خويآ عندكـ الحق,,,انا بركـ قلتـ هاذي رآهآ قلو قليلة,,
يعني ماهمش كامل تلقاهم,,يعملوا هكذآ,,
وطبعآ انا مع الاصول ,,ومع انو العائلة المحترمة
ماديرش هكذآ,,نحيي فيكـ اخي تقبلك لرايي ,,,
في امان الله
​

 

[wafa peace 2011]

hhhhhhhhhhhhhhhhhhhhhhhhhhh

 

[mohamed ali 1992]

و عليكم السلام
كيراه محمد تاعنا؟
الحمد لله رجعت تطل علينا
الله لا يغيبك ان شاء الله
موضوعك باهي يعالج آفة اجتماعية خخخخ
يا لطيف
انا و الله نحير فيهم
مي نبقا نقرا و نفتش فيهم
مرات نتمسخر مع امي نقولها اهو واحد تتوفر فيه الشروط يل باغية تبدلي بابا ههههه
..
لدروك مافهمتش يلهادوك الناس منهم صح و من قلوبهم ولا يزعقو و فارغين شغل برك
و ثاني لدروك مازال ماسمعتش يل كاينة منها تاع واحد زوج بوحدة عن طريق الجوووورنآآل
زعما صرا زواج بالجورنآل؟؟
يعطيك الصحة محمد
و ربي يبارك فيك
و يبعثلك بنت لحلال اللي تهنيك
تحياتي
​

وعليكم السلام ورحمة الله
مرحبا أختي عربية ان شاء الله تكوني مليحة
الحمد لله على كل حال تعرفي الدنيا وظروفها
الله غالب ,,,والنت زيد ماعنديش :s
كلامك صح عربية,,,ماتزيديش تتمسخري بماماك
ليسمع باباك ويديرها صح ههه تحبي لماماك هكا
مسكينة :$
والله ماني عارف عليهم يقولوا راهم في كامل
قواهم العقلية ههه :-r ربي يسترنا ويعافينا
ويبعد علينا كل شر’’’
مش عارف الا صرا ولالا بصح فات قبل اخت
في الموضوع وردت وقالت بلي صح صرا زواج
والي تزوجت هذه جارتهم,,,
الله يسلمكـ ,,,ههه ان شاء الله :$
ربي يهنيك ويحفظك,,,شكرا

 

[*RAHMA]

مواضيعك ما شاء الله خويا
ربي يحفظك .
خمم غير شوية برك خويا لازم يتزوجوا يبقاو بلا زواج حرام عليك هه .
علاه راك تقطعلهم في رحمة ربي قاتلك حنونة و جميلة يعني حنونة و جميلة ولا تكذب هه.
شكرا خويا اصبحنا في مجتمع متخلف لا يسير الى الامام بل الى الوراء.

 

[zineb92]

شكرا لك على الموضوع ....
هادو الناس بايينين ماهومش نورمال ..والله اعلم
المنطق يقول هاك .. مادام الناس الي مسميهم ماملاولهومش عيونهم يعني فيهمم ديفو .. ماقبلوهومش..
يعني يقولو الطريق الوحيد .. هو اننا نتعرفو على واحد مايعرفش ماضينا ...
بالصح نحير في الناس يغامرو بارواحهم ..؟!!! مانيش عارفة الناس كيفاه يفكرو ..
وممبعد زعما الزواج يصلح ... ايا وش يعودو يقولو عليها الناس ..يعودو مضحكة ..هادوك زوج تعرفو على بعضاهم عن طريق ...الجورنال ولى النت والبورتابل نفس الشيء ...
.... ومرات نقولو هادو ناس ضايقى ارواحهم مالقاوش وش يديرو .. يديرو كما هادي المغامرات ...
بالصح حد الان ماسمعت حتى واحد ولى واحدة تزوجت على طريق الجورنال لكن للاسف الشديد النت والموبايل ...كاين ياسر .......
....اما عن الاعلانات نتاع الجورنال في اوقات فراغي ..نقعد انا وصحباتي كل واحدة تخير رقم ونشوفو شكون يجينا ..ونديروها مزحة ولعبة...هههه..
*-* تقبلو مني ردي *-*
​

 

[mohamed ali 1992]

شكرا جزيلا اخي صح راني حايرة كيفك نقراهم ونقول كيفك علاش في ولايتو مالقاش ومرات يروح تخمامي كيما قلت بلاك كاش مدايرين في حياتهم على ذللك حطو في الجورنال

صح يقولك مايلزك للمر غير الي ماأمر منه باين عندهم سوابق وحبوا يخبوها
ولا عندهم حوايج كيما كاين ناس تولي فاسدة في بلدانهم يروحوا يجيبوها برانية
مسكينة واهلها مايسقسوش على الراجل من بعد كي يتزوجوا يلقوه مجنون ولا مريض
ولا يكون سكير ولا مطلق وووالخ..

نقولك حاجة ياو راه صعيب باه تتصل و يعطوك رقم تاع طفلة مرااااااااات حكاولي ناس بلي واحد جرب وعيطلهم وقالهم فوالا راني حاب نخطب فلانة الي في الجرنال رقم كذا..... قالولو لازم نيميروتاع لاكارت دونتيتي ولازم وقت باه نردولك بالخبر بلاك راح تتلاعب بالطفلة ههههه شكون الي يضمن بأنك صادق في كلامك :dواش راك تقول فيها خويا هبااااااال و معاه تسوفري ههههه :up:
شكرااااااا موضوعك مميز

ايه حتى باش تتصل بيهم من بعد باين الموضوع مش ساهل
كون جات ساهلة اي طفل يبدأ مالا يتمسخر ويكلم ويلعب
أكيد راح تكون كاين اجرائات في العملية...
شكرا على المرور...ربي يحفظك اختي