كونك دئب والا اكلتك الذئاب

[bilal22]

الســــــلام عليكــــــــــم ورحمـــــــــــة الله تعــــــــــــالى وبركـــــــــــــاته....
اخــــــــــي بـــــــــــلال يقولـــــــــك المثــــــــــــل:"مــــــــــــول النيــــــــــة يربـــــــــــــح"...،،،خـــــويا الطيبــــــــة و النيـــــــة مــــــــــــلاح بـــــــــــــزاف،،،وفعــــــــلا دايمـــــــــــا ينتصـــــــــر الحــــــــــــــق والخيــــــــــــــــــــر.....
المــــــهــــــــــــــم شكــــــــــــــرا علــــــــــــى الــــــــــموضـــــــــــوع البــــــــــاهــــــــــــــــــــــي...

اهلا مرام نورتي
صح مول النيه يوفقو ربي علا خاطر قلبو صافي وربي يمد علا قدر ما في قلبك
شكرا لك نورتي علا الخط الجميل ههه
سلام

 

[bilal22]

وعليگم السلآم ورحمةة الله وبرگآته
,آآي رآگ مآگسليري فالموآضيع الله يبآرگ
مم أنــآ نــآمن بالحكمة
تآع ان لم تگن ذئبــآ أگلتگ الذئآآب
توجور .. بيسگ الدنيا راهي صعيبة
مالغري مول النية اونفان يربح مي لازم شوية الوآحد مايگونش بهلول على روحو
.. مرسيي ع الموضوع

سلــآآم
​

ياو ملي اشتغلتي نتي بيا راحت لكونكسيو ربي يستر هههه
كامل نامنو بيها مي فرقي بين النيه والبهلول يا سوكور ههه
النيه يعني انك تسامح تفوت تعامل بطيبه حتي لي يغلط في حقك تسامحو علا خاطر كاين ربي يعوضك والبهلول ما ييفهم ما يفرق يعني كي تخدعو علابالك بلي فيه خلل هو في حد ذاتو
مي الواحد يكون نيه ويكون حذر ما يلوح روحو في اماكن علابالو دونجي هنا هاذا حذر
ايا تعبتيني عندك روطار في لفهامه نتي ههههههههه
شكرا لك سلامو

 

[bilal22]

عندك الحق خويا

الوقت تبدل يا حسراه
غلبت الانانية و الخيانة والغدر

ربي يبقي الستر


مشكور اخي على الموضوع

​

صح تغلبت وبقوه ودرك ما بقاو بزاف ناس النيه مالا نقولو ربي يبقي الستر برك
شكرا لك خويا علا المرور

 

[fofabriyanka]

مول نية رابح و الديب خاسر

 

[bilal22]

موضوعك مليح بلال ويعالج مشكلة خطيرة في المجتمع
تصدق
والله ليوم وانا نحكي مع صحبتي
قتلها وعلاش بطلتي الخدمة في شركة تع الدوا؟؟
قاتلي مقدرتش نعيش مع هدوك الديابا:$

نهار راحت تقدم استقالتها قالها المسؤول : احنا ما صدقنا كسبنا وحدة عاقلة ومربية كيفك
قاتلو: مقدرتش نتأقلم
قالها باش تتأقلمي لازمك تولي كيفهم
قاتلو: مالا هكداك منوليش مربية ياااو فهم رووحك
:s
واقع مر للأسف
وش رايح الدير لازمك تدز وتصحح وجهك باش تقدر تعيش فال المجتمع تعنا

سلامووو

​

هادا لمشكل يعني يا تكون كيفهم يا تجيبو برا
هكا لو تجيها لحضه ضعف وماتلقي وين تخدم يوسوسلها ابليس تروح تما
وعلا خاطر الناس كامل هكا وهادي حاجه عاديه ونورمال
المشكل درك مبقاوش ناس نيه بزاف وصافيين ولي بقاو رانا ندزو فيهم يرجعو كي لخرين
يعني حبينا نكملوهم ونريحو
ربي يهدينا برك
شكرا لك خيتو نورتي فعلا

 

[bilal22]

السلام عليكم ورحمة الله وبركاته

اخي صاحب الموضوع جزاك الله خيرا فموضوع يتحدث عن واقع معاش وان تظاهرنا بعدم اللامبالات به الا انه حقيقة من انكرها فقد انك شيء معاش وهذا يعد من العناد فسمح لي ان اطرح ما فهمته من كلامك باسلوب اخر لعلي استطيع ان اطرح فيه حلول لهذا المشكل
اتفضل خويا درك نتبعك حبه حبه
اخي ان مثل هذه الامثله سارة قانون ودستور يعيش به المواطنين فالذي يرفض الرشوة يقال له ادهن السير تسير والذي هو طيبة بطبيعته ولا يضن في الناس الا الخير يقال له كون ذيب والا اكلتك الذئاب وهكذا تفننا الناس حتى وصل بهم الشان الى التعدي على الحدودبامثله تنافي الشرع والاعراف وكل الاخلاق مثلا الحرام هو الذي لم تصله يدك سبحان الله بهذه العقلية يعيش اغلب الناس في عصرنا في كل المدن والاحياء وكل الاوطان
صح درك رانا نمشو بعقليه خلاصتها اننا حابين نحلل ما هو حرام ونردوه حلال
تخيل نتا انسان يجيبلك رشوه ويقلك هادي هديه برك مش رشوه
يعني يحاولك حتي تبلعها بطريقه سلسله
وتخيل نتا واحد حاج ويقولهم انا توسوست منها بلاك رشوه وانا منحكمش الرشوه مالا ديرها في جيبي نتا انا راني حالف ما نشدها ها شوف كيف راهم يراوغو في انفسهم بطرق رهيبه
النتيجة مجتمع مادي لا يعترف الاخلاق ولا بالقيم والمثل والاعراف يتنصل من الدين ويتنصل من كل شيء حتى من انسانيته ليتحول المجتمع المتحضر الى تعريف بشع كثيرا ما نسمعه ولا نعير له انتباه وهو مجتمع الغاب يقال لك راك عايش في غابه وراك عايش مع ذيوبه وهلم من تسميات
رجعنا لسياسة القوي ياكل الضعيف ورجعنا نديرو قانون علا حسب الضروف مش قانون عام
وكل هادا علا خاطر ابتعدنا علا الدين وما يقول فلو كنا متمسكين بيه ما دخلنا في الشبهات هادي ربي يهدينا برك
والحقيقة تقول ان الانسان ليس من الحيونات لانه صاحب اخلاق وقيم واعراف وعلاقات يحيا بها وهي تنظم حياته فالعجب والعجب ان نفرح حين توصف بانك ذئب وبانك شيطان وعفريت وانك قافز والحقيقة انك نزلت من مستوى البشري الى المستوى الحيواني الذي تتحكم فيه غرائزه ولا يملك دافع سواها
درك راهي مفخره لما يقولك شخص ما نتا عفريت ولا نتا شيطان راك انسان لا يستهان بيه يعني شوف وين وصلت بينا التشبيهات ربي يهدي خلقو برك
هذا ما يريده الغرب وما يريده كل مفسد فالانسان المريض المنحق خلقيا المجرم والمنحرف لا يحب ان يراه الناس على هذه الشخصية والا نخزى وذل لان المفاهيم في مجتمعنا انقلبت راسا على عقب فصال الذي يختلس الاموال من البنوك ووووو راجل قافز ودار صفقه حتى لو قبض عليه ورمي في الحبس فكيف نرضى بالدنئ والحقير من اجل تحقيق اهداف ما هي الا اوهام فالفتات التي تاخر زواجها يقال لها فكي تتزوجي يعني عري السواعد والراس والساقين وقتحمي عالم الاسواق واكثري من الخروج ووو في النتيجه تتزوجي نعم تتزوج ولكن من نفس طينتها رجل ما هو الا مظهر رجل لا اقل ولا اكثر والواقع شاهد
هادا ناتج من ضعف الايمان والابتعاد عن الله سبحانو
يعني يجي واحد يوسوسلك في راسك ونتا في لحضة ضعف
يقولك دير هكا ودير هكا واختلس وهرب هكا وهكا
والمرا البسي وديري وصايدي متبقايش تحشمي كل هادا من ضعف الايمان وانقطاع الحبل لي بينا وبين مولانا

وفي خلاصة الكلام نحن من يقلب الموازين ونحن من يصور المفسد على انه مصلح ونحن من نعتقد ان الدنيا فرص والحقيقة التي نوقن بها ونعلمها ولا يستطيع احد ان ينكرها ان الدنيا متاع الغرور وويل لكل من غرته وفي نار جهنم رمته وويل له خسر الدنيا والاخرة والحمد لله المؤمن الصادق يعمل بقول الله قل لن يصيبنا الا ما كتب الله لنا عليه توكنا وصدق رسول الله فعن ابن عمر - رضي الله عنهما - قال: أخذ رسول الله -صلى الله عليه وعلى آله وسلم- بمنكبي فقال: كن في الدنيا كأنك غريب أو عابر سبيل وكان ابن عمر يقول -رضي الله عنه-: "إذا أمسيت فلا تنتظر الصباح، وإذا أصبحت فلا تنتظر المساء، وخذ من صحتك لسقمك، ومن حياتك لموتك" أخرجه البخاري.
الدنيا لا تغر الا مغرور
اسف لعلي اطلت الحديث
وشكرا مرة اخرى
السلام عليكم

لما الاسف حتي انا استمتعت معاك اخي
وصح الدنيا هادي زائله ولاكن هادي هي اهداف الغرب واهداف ابليس
يصورها لك علا اساس انها جنه وانت باخل روحك ومش عايش ولا راك روطار والناس كامل دارت ودارت والبنت ما تزوجت علا خاطر راهي بين اربع حيوط وراهي تلبس المستور فكيف للرجل ان ينجذب اليها وفي الاخير نعاودها ونرددها كل هادا نتيجة ضعف الايمان والابتعاد عن كتاب الله
ربي يردنا الا كتابه وديننا ويحسن خاتمتنا ا شاءا لله
شكرا لك اخي نورت واهلا بيك في اي وقت

 

[bilal22]

انا نتصرف بنية صافية مع العبد بلا تزوير و لا نفاق مبصح لوكان واحد يقيسني
نهار ازرق عليه
:d:d:d
​

هههههههه ان شاء الله ما يقيسك بشر مي نتي تاني طولي بالك برك
شكرا لك خيتو نورتي

 

[bilal22]

اهلا بـلال مساء الخــير معرف تقبلني في موضوعك ولا تجيبني برا وااع
...
ايه صح كاينة الظاهرة هذي او حتى كي نقولو على واحد نية نقولو نية
مسكين معرف علاش نمسكنوه وكأنو لي نية حاجة مش مليحـة ...
مي كاينة منها بلي الدنيا تعلمك ترجع ذيب مع لي ذيب مي نية مع لي نية
ويبقى ديما مولا النية بـgـرادو على خاطر ربي ما يضيعوش مهما تكلح
وهو لي يخرج ديما بأقل الأضرار والذيب تخـلى عليــه ...
مغسي عالموضوع الباهي مالا أحكم الذيابا وابدا انصح فيهم يا ربي ما تفض
راهم بزاف في الزمان هذا ... اتهلا ... ســـلآمي
​

لو كانت بيدي راني نقولك
مي حسبتك تزوجتي ولا متي ونتي مزلتي عايشه وتسركلي
هيه نبينولو بلي حاجه مش مليحه وانه ضعيف حتي يتوسوس ويرجع ذيب كي الذيابه
ما تعلمك ما والو انا تعلمت نكون حذر حتي ونعرفو ذيب منخليهش يوصل لمبتغاه ونبعد بهدوء
شكرا لك علا المرور والذيابه ما يقدر يحكمهم غير ربي سبحانو علا خاطر راهم غزاو كل الاماكن
شكرا لك نورتي

 

[bilal22]

منعرف كيفاش نقلك بصح انا عندي النية افضل من الذيب

قولي ربي يبقي الستر برك
شكرا لك خيتو والنيه مليحه وربي ما يخلي مول النيه

 

[bilal22]

مع دخلة نلقى خونا بلال مشبح اللمة الله الله بموضوع يستاهل بون مدام وقتنا تبدل مانكدبوش ونبينو رواحنا ملايكة صح نمشو بنيتنا مي ماشي توجور نعرفو وقتاه نكونو نية وقاه نقفازو بارسكو مدام كترو ديابة ماتقدرش صح تعيش معاهم وتصفي نيتك
مالـgـري مول نية يربح مي لمسكين تتحشالو بزاف ماشي نولو نية حتى لجياحة لي ترجعك يعفسو فوقك يولي بهلول خير منك اوبليجي علينا نمشو بنيتنا مع ناس لي تستاهل وقلوبها صافية ومافيهاش لخديغة اما ديب مايليقلو غير ديب وحدوخر يوقفو عند حدو
يطيك الصحة خويا سـuـجي وعليه وعليه لكلام ​

اهلا ايمان ها حسبتك اعتزلتي اللمه مش تباني طول ايا مليح كي راكي مزلتي عايشه
صح الذيابه كترو والواحد ملزمش يكون بهلول علا هادي انا نقول لواحد يكون حذر ويعرف يحتاط مش يدير لمان حتي تتحشالو يا خويا ندير حسابي وما نلوح روحي في معمعه علابالي بلي كون منكونش خبيث كيفهم منعيشش مالا نجبد ونعرف كيف نتعامل من بعيد لبعيد برك
شكرا لك عيمان خيتي نورتي بطلتك الباهيه

 

[bilal22]

عجبني العنوان
الموضوع ماقريتوش

لمهم عجباتك حاجه
شكر لك خويا

 

[bilal22]

بهذا الزمن فعلا اذا لم تكن ذئبا اكلتك و نهشتك الذئاب ​

لا تحتاج لان تكون ذئبا ولاكن تحتاج لان تكون حذر ويقض في معاملاتك
شكرا لك اخي

 

[bilal22]

ماش مهبول مالا منغول ههههه
:yahoo01::yahoo01:

لالا قصدي يكون كي نتي ههههههههه

 

[bilal22]

كن طيب مع الناس الطيبة وذئب مع الناس المكارة

وعلاه متكونش حذر برك علاه تتعامل بنفس طريقتهم وهكاك تبان كيفهم
شكرا لك خيتو

 

[أم عبد الله]

ها راني نستنا يا نينا
راني حكمتلك بلاصه متخميش ههه
براحتك خيتو

كي عدت تتسنا راني وليت :p
علابالي تخليلي بلاصتي ماخممتش خلاص:-r

يقولك ° من استنعج اكلته الذئاب°

يعني الواحد قد مايكون حريص امام الغير قليل عليه
الدنيا هاذي ولات صعيبة ومول النية صح يربح مع ربي مي مع الناس ديما خاسر
وولينا ديما نقولو ع الناس النية بلي مهابل ولا ......... راك تعرف

يعني الواحد ولا يعامل كما يٌعامل
ليس تغييرا لشخصيته ولكن خوفا ع ضياعها

اتمنى ان تكون فكرتي قد وصلتك

سلامي

 

[fofabriyanka]

مول نية رابح و الديب خاسر

صح مول نية ديما رابح و الديب ديما خاسر:regards01::regards01::regards01:

مكانش تعليق على مشاركتى:s:s:s حبيت نرد عليها

 

[الحياة كلمة]

ها ملي عيطتي راحت لكونكسيو مالا كون كملتي هدرتك وراسك ما ترجع ههههه
صح انا تهمني نفسي نعاونك ونسمحلك ونفوتلك وحتي ونشوفك هكا ولا هكا ننصحك ونحكي معاك بنيه وخلي نتا تقول هادا بهلول ولا مزال روطار
مي هكا ومنعرف شعبنا واعر ومش ساهل ههههههه
شكرا لك وكون ترجعي تروح الكونكسيو كيما حبست الساعه
اهلا بيك خيتو

يا وحد المشحاح وجهك وجه شر ملي شفتك ما رفدت براس ما تنصح ماتهدر ما يهمك ولا واحد[font=&quot][/font]​

ماتحكي بالنية هههههههههه قال بهلول قال وانت هو الذيب الكبير شفناك انت بلعاني درت العنوان باه تخبي روحك وانت منهم ههههههههه[font=&quot][/font]​

هاذوك دعاويا كي راحتلك الكونيكسيو مزية لي عرفت بلي انا ههههههههههههه[font=&quot][/font]​

[font=&quot] [/font]​

يا ساعة اندب عليها ولا كسرها ولا صدقها في الجروب تع خيلي ..ما ....لوش[font=&quot] [/font]ههههه[font=&quot][/font]​

[font=&quot] [/font]​

ماعندي مانزيدلك قلتهم قاع ههههههههههه[font=&quot][/font]​

​

هيه ( كلا يغيضك الحال مني خيو )​

​

​

 

[bilal22]

مول نية رابح و الديب خاسر

مول النيه يوفقو ربي ويسلك علا خير مهما طال الزمن
مي الذيب يخلصها يا هنا يا لفوق شكرا لك اختي

 

[bilal22]

صح مول نية ديما رابح و الديب ديما خاسر:regards01::regards01::regards01:

مكانش تعليق على مشاركتى:s:s:s حبيت نرد عليها

اسف اختي لم انتبه
راكي تسالي نص حبه شيكوله هههه

 

[fofabriyanka]

بنيتى خالصة رديت على موضوعك عجبنى خاطر يحكى على ناس نية كيما حالتى