كونك دئب والا اكلتك الذئاب

[عفيفة الحبوبة]

السلام عليكم
فعلا في زماننا هدا ولينا نشجعوا بعضانا على الحيلة و الكذب و الغش و يقولك دير هكا باه تعيش معا هاد القوم و يقولك هدا ما ينفع مع العرب
صحا اليوم درنا هاك و غدوا عند ربي واش ينفع؟؟؟؟
الله يهدينا اجمعين
شكرا على الموضوع

 

[bilal22]

النية يا خويا راحت مع ماليها
ضرك كونك ذيب ولا حتى وحش ويا ربي مع هاد لعباد
مشكور على الطرح
​

النيه كاينه والخير كاين ليوم الدين
مي حنا لي رانا نقطعو فيها ونقولو مكانش
صحا لي يقول النيه راحت اكيد مش راح يلقي ناس النيه وحتي ويلقاهم هو منحيها من راسو
يعني اكيد راح يغلط فيهم
شكرا لك اختي

 

[bilal22]

و عليكم السلام
خوية الذيب ناس ملاح أحنا نقيسو عليه راه يقاصي مع الجزائريين ههههه
هذوك الناس بحال فايقين بزاف و متتحشالهمش مي انا نقولهم البحر اكل العوام
صح الواحد لازم يعرف باسكو ناس بكري ما قالوش كونك ذيب
قالو : " ماتصاحب حتى تجرب " يسمة عامل بنية غي لي مصاحبهم أما الباقي رد بالك منهم هومة يشووك
موضوعك فوووووور شريكي
سلامي

صحيت خويا جرب وبعدا صاحب دير نيه تشم لحيله بعد علاه تمشي معهم بالحيله احسن لك تبعد
والبحر ما يدي غير لعوام والطريق ما تدي غير الشيفور هادي كاينه
ربي يهدينا برك خويا
شكرا لك نورت بزاف بردك الحلو ولمرح

 

[عروبي]

هههههههههههههه
احمي نفسك من الذيب بس لا تكون ذيب لأن من تذيب دخل النار

 

[bilal22]

فلول نقول سلام
كنت ندور فلمة ودموعي يسيلو شفت الموضوع تاعك كونك ذيب و لا كلاتك الذئاب ... قاستني بزااااف psk أنا كلاتني الذئاب و مخلات فيا والو واليوم just تقست بوحد الهدرة الله لا يسمعكم ... مي بصح malgré ca ...
je suis contre هادي الهدرة كونك ذيب و لا كلاتك الذئاب .. Il faut لواحد دايمن يكون بنيتو المهم يكون صافي مع ربي و ميديرش لحاجة اللي تغضب ربي ...
و مول لحيلة ميطولش ويجيه نهارو ,, و ان شاء الله ياربي جميع اللي بكاوني ربي يبكيهم و جاي نهاركم ...
ربي يهدي الجميع
هادا مكان
صح عيدكم
19.08.2012​

صحختي وربي يكون معاك
مول النيه مهما صرالو ربي يعوضو علا خاطر عارف بلي كاين رب لفوق هو لي يتولي الامور
كوراج برك ختي
شكرا لك

الطيبة مع الاشرار ضرب من الغباوة
​

مش محتم عليك تكوني معاهم تقدري تبعدي عليهم وتبقاي بطيبتك عادي
شكرا لك

خويا كاين فرق كبير وواسع مابين
الطيبة والغباء
النية والحماقة
الشجاعة والحيلة
وأأأأأأأأأأأأأخيرا الذيب والنعجة

اكيد كاين فرق وهادي انا حاب نوصلها طيبه مش غباء
والنيه مش بلاهة
شكرا لك اختي

 

[bilal22]

السلام عليكم
فعلا في زماننا هدا ولينا نشجعوا بعضانا على الحيلة و الكذب و الغش و يقولك دير هكا باه تعيش معا هاد القوم و يقولك هدا ما ينفع مع العرب
صحا اليوم درنا هاك و غدوا عند ربي واش ينفع؟؟؟؟
الله يهدينا اجمعين
شكرا على الموضوع

نعم الكلام ختي
نورمالمو لواحد يخمم للبعيد ويخمم في خالقو مش في لعباد لي يتعامل معاها لانهم راح يزولو عاجلا ام اجلا
شكرا لك اختي

هههههههههههههه
احمي نفسك من الذيب بس لا تكون ذيب لأن من تذيب دخل النار

صحيت عروبي دير احتياطاك مش ترجع كيفهم
شكرالك