ظاهرة معاكسة البنات

[Ou_Ssa_Ma]

lmochkil fi labnat 9bal maykon fi drari

 

[love papitou]

ana rayi koun matalbessach toufla labsa mafdouha w sarwal mzayar 3liha wahad maydour biha*
w li labssa jalbeb wala libass mouhtaram walah maydouro biha

 

[kamaldz]

ياك انت مزلت نية او اصبح العكس يالبنت لي تعاكس الطفل

 

[Mr Lonely]

السلام عليكم ورحمة الله وبركاته
كي راكم يا ناس اللمة ان شاء الله تكونو غاية

اليوم حبيت نحكيلم واحد الظاهرة انتشرت بزاف في مجتمعنا هي ظاهرة معاكسة البنات
مكانش يوم تمشي فطريق وما تلقاش واحد يهبل في وحدة يلحق فيها
كاين لي يقولك حبها صح ولي يحب يديرلها فيلم تركي فرود هههه ؟
تلقا الجان يتبع البنت يقولها يا الزينة الله يبارك خموس وجبريل كاينة حتى هي مشي شابة هههه
وكاين لي يلحق ويقولها راني سيريو وحكيت عليك ليما وانت هي المدام هههههه
وديما تلقى البنت اففففف اففففف اخطيني اخطيني ههههههه هو يقولها اعطيني النيميرو برك ممبعد نحكو هههههه
وكاينة لي تلقاه تفرح وتضحك من عينيها كي يعود يحكيلها يبانلها مجنون ليلى ( قيس ههه )
سيرتو فليام تاع القرايا نروحو على 8 نلقاوهم عند الليسي نخروج على 12 نلقاوهم والعشية نفس الشي هذيك هي خدمتهم يعسو بنات الناس ما يروحوش يتغداو هههه

مي أنا في رايي لي يديرها ناقص تربية - وانتم وش رايكم ؟ كاين لي يرضاها لأختو ؟
وش سبب هذي الظاهرة ؟ - قلة التربية تاع الشباب ؟ - ولا اللبسة الغير لائقة ولا محترمة تاع البنات ؟

سلامو اتهلاو في رواحكم
في انتظاركم ولاد و بنات بلادي :regards01:
​

السلام عليكم خاوتي
اول شيئ حبيت نقول الخطأ باين
باش نقلك الشباب كامل متربيين في الجزائر نكذب عليك
مي نقلكم حاجة وحدة و الله اغلب الشباب لاباس عليه
المشكل الكبير راهو في البنات واش يلبسوا ولا واش يديروا
ولات البنت الي ربي يهديها ان شاء الله تفسد على المربية بنت الفاميلية
لو كان غير بعض البنات يستروا رواحهم
صدقيني بلي الشباب ما يزيدش يتبلاهم نهائها
هذا علا حساب ماراني نشوف
تقبلوا مروري
​

 

[prïηςεšše ŝóÛsỐυ]

هدي الظاهرة دات شهرة كبيرة في بلادنا الصرآحه ,
هوآيــة أي شآبـــ و كاين اللي يتفنن فيها بزيادة عن اللزوم و الكلام اللي يقولوآ سونتيمونتال يديها لنزار القباني ,
الصراحة شوية من الشباب و بزآآآآآآآآآآآآآآآف من البنات و الله صراحة واش راني نشوف
الشاب ما يقدرش جوز عليه طفلة و ما يكحلش فيها من المستحلات السبع هادي , حتى تكون حجابيست ,
مي نظرة بركـــ دون كلام ,,,,,,,,, تعرفوآ , يعني يحترمها بسكو لباسها محترم و ماشي صابغة وجها بكيلو مكياج يييييع ,
اللوم كله ع البنت الغير المحتشمة الفاسقة الملعونة من الله , تلبس لبسة حتى البنت تحشم كي تشوفها و تكحل فيها فما ادراك الشباب يتبعوها بعينيهم حتى توصل لدارهم و الكلام اللي تسمعوا خلوي بزآفـــ هههههههه , تستآهل بصراحة
يا اختي استري روحك جاتك تقيلة انا حرت و الله علاش تحب تلبس المزير و الميني و دايرة باطة الوان في وجها ؟؟؟؟
سور يخافوا اذا ما يتزوجوش الله يلعن كل بنت هكدآ ,
هي محترمتش روحها كيفاه يحترموها الشباب و ما يعاكسوهاش ؟؟؟ مستحيييييل ,
باختصار اللوم كله على البنات و اللي ساترة روحها و الله واحد ما يقرب منها مستحييييييييييييل بسكو شفت ,
و اذا كاين تقولو حجابيست و يخلطو فيهم نقولكم شوفو قلبهم و اخلاقهم المعفنة بسكو المظاهر خداعة و اقل شيء بزاف بنات دايرين الحجاب و فاسقات يوصلو للجامعة يطيروه و يديروا المكياج ,
ربي يستر بنات الفاميليا و يهدي البقية ان شاء الله


مرسي ع الموضوع
راق لي كثيرآ
دمتي برعاية الله​

 

[sirtaalgerie]

حقيقة اختي نعرف بنات خاطيهم التبرج واللبسة ومساكن الشباب ما يخطاوهمش


نورمالمون التربية تااااع الشباب

 

[حكاية احاسيس]

ih welah t7irlhoum hedou les mecs w y9olek rjel mekench rehoum agogo 3end lycé elmouhim defaut mechi ghire fihoum fi lebnet fen hedik eli telbess l3jeb w thi eli deyra kilewet te3 makiage fi wjeha t9ole tableau te3 van b1 sure gheyetha beh t attirer les gens
menethelmouch ghire les mecs haw ki 3telhoum rebi 3leh mayetne3mouch
ena mera 9etli we7da ki ykheltou fiya les gas n7ess rou7i 3endi l 9ima y7ewssou 3liya ena vraiment tchokite w ma9dertch behder 3la jel tefkire te3ha
ih lbled ki khessret

 

[زهور الشوق]

اهلا سي مكانش

لالا أنا في رايي المستورة ما يتبلاوهاش
ولي يتبلاها لحق لأعلى درجات الوقاحة
مرسي على المرور سلام خويا لعزيز :regards01:​

اولا السلام عليكم
شكرآآآ على ـآآ الموضوع فهو يجسد صورة وآآآقية مرة
التفآآآتة وخطوة كهذة تستحق الشكر
:regards01:
ثانيا عندي تعليق على ـآآ ما قلته اخي الفاضل ان المستورة ما يتبلاوهاش
والله يا اخي وعن تجربة راح نقولك رانا بحجابنا وخمارنا وماسلكناش
وماتقولش بالاك حجاب مزخرف وعلى اخر ما خلفته الموضة والله حجاب واسع ليس فيه لا ضيق ولازخرفة وحتى الالوان داكنة والراس في الارض ومعا هادا لاحقينا
وين بيها والله كرهنا حياتنا حتى وان مانقيموهومش وما نرجعولهومش يبقى انزعاج كبير وضيق من هذه الوقاحة في داخلنا
تصدق وليت مانحبش نخرج غير علاجال هاد الشي وكي نحكيلها لامي تقولي هادوك قلة تربية ماتعانديهومش وماشي علاجالهم تدري كومبلاكس لروحك في الخرجة...تقولي انتي راكي ساترة روحك وغاضة بصرك ادن مايهموكش
مي خلاص بزاااااااااااف كرهت وكرهنا وليت كي نطلع لليسي يجيني شعور تاع مدابيا نقتلهم كامل
غير اللي مايستاهلش طبعا:regards01:

اسمحلي خويا نسيت روحي وهدرت بزآآآآف
ونشكركـ على ـآآ هاآآد الفضاء اللي قدرت نفرغ فيه قلبي
سلآآآآآآآآآآآمي واحترآآآآآآمي​

 

[زهور الشوق]

هدي الظاهرة دات شهرة كبيرة في بلادنا الصرآحه ,

هوآيــة أي شآبـــ و كاين اللي يتفنن فيها بزيادة عن اللزوم و الكلام اللي يقولوآ سونتيمونتال يديها لنزار القباني ,
الصراحة شوية من الشباب و بزآآآآآآآآآآآآآآآف من البنات و الله صراحة واش راني نشوف
الشاب ما يقدرش جوز عليه طفلة و ما يكحلش فيها من المستحلات السبع هادي , حتى تكون حجابيست ,
مي نظرة بركـــ دون كلام ,,,,,,,,, تعرفوآ , يعني يحترمها بسكو لباسها محترم و ماشي صابغة وجها بكيلو مكياج يييييع ,
اللوم كله ع البنت الغير المحتشمة الفاسقة الملعونة من الله , تلبس لبسة حتى البنت تحشم كي تشوفها و تكحل فيها فما ادراك الشباب يتبعوها بعينيهم حتى توصل لدارهم و الكلام اللي تسمعوا خلوي بزآفـــ هههههههه , تستآهل بصراحة
يا اختي استري روحك جاتك تقيلة انا حرت و الله علاش تحب تلبس المزير و الميني و دايرة باطة الوان في وجها ؟؟؟؟
سور يخافوا اذا ما يتزوجوش الله يلعن كل بنت هكدآ ,
هي محترمتش روحها كيفاه يحترموها الشباب و ما يعاكسوهاش ؟؟؟ مستحيييييل ,
باختصار اللوم كله على البنات و اللي ساترة روحها و الله واحد ما يقرب منها مستحييييييييييييل بسكو شفت ,
و اذا كاين تقولو حجابيست و يخلطو فيهم نقولكم شوفو قلبهم و اخلاقهم المعفنة بسكو المظاهر خداعة و اقل شيء بزاف بنات دايرين الحجاب و فاسقات يوصلو للجامعة يطيروه و يديروا المكياج ,
ربي يستر بنات الفاميليا و يهدي البقية ان شاء الله​

مرسي ع الموضوع
راق لي كثيرآ

دمتي برعاية الله​

السلام عليكم اختي
قلتي انو وحدة حجابية مستحيل يقربو عليها؟؟وادا كاين معناتها اخلاقها معفنة؟؟
هنا اختي مانوافقكش الحمد لله راني بالحجاب واخلاقي ربي شاهد عليها والحمد لله باطني نظيف كظاهري ولاازكي على الله احدا
نظرتكـ سطحية وليست من جوانب عديدة
وساعطيكـ مثال من المواقف الساذجة التي مرت علي
مرة وانا طالعة لليسي ووالله راسي للارض ماشية في حالي حتى نسمع شاب مريت جنب محلو يقولي يا الشابة يا العاقلة
ومرة وانا راجعة للبيت حتى نسمع واحد خلفي يقولي اختي تسكني هنا ...متخافيش...انا وليد فاميليا
**كون وليد فاميليا راك تبع فيا يخي حالة يخي**
وغيرها من الامثلة المشابهة
جابلي ربي غير الجلباب اللي يسلكنا من هاكدا ناس قليلة التربية
والله المستعااان
سلاااااااااااامي
:regards01:​

 

[عفيفة الحبوبة]

كاين بنات محترمات و تلقيهم يتبعوهم
امالا خاطي البنت
ممكن مرات يكون قصده شريف
و ممكن قصده ماشي شريف
تبقى حالات
الباب اللي يجيك منه الريح سده و استريح
و انا اون تون كو بنت ما نرد على اي واحد و خلاص و دارنا باينة اللي يبغي الحلال​

 

[nanoben]

راني نشوف بلى السبب هو قلة احترام البنت لروحا و لبستها و تاني حتى دراري ما عادوش مربيين كامل (حاشا الي ما يستاهلهاش)

 

[rebecca]

تسجيل حضور

_______________________

​

إنا كفيناك المستهزئين​

https://www.4algeria.com/vb/showthread.php?t=345007​

 

[ملكة جمال اللمة]

يا اخي و الله موضوع في القمة وتستاهل عليه احلى تقييم المهم كل واحد كيفاه متربي بصح انا نقول يا شباب قبل مدير اي حاجة تفكر بلي عندك اختك و راح يكون عندك بنات في المستقبل و كما تدين تدان و لكن منردوش اللوم غي في الشاب انا نلوم حتى والدين ديك الطفلة ليتخرج متبرجة عيب و الله عيييييب ربي يهدينا و يرزقنا ازواج صالحين يا رب تقبل مروري يا اخي الكريم
​

 

[الجندية]

يآ جماااعه اللي يقولي بسبب لبس البنت نقتل رووحي
كاين اللي دايره جلباب حتى عينيها مايبانوش ويتبعوها ويعاكسوها ويصمطو عليها المعيشه هذي قاع قلة ادب نتاع الاولاد

 

[همس الوُرود]

أنا تبانلي في 2 لبنات البسة تاعهم ماش محتشمة فتلقى طفلة لابسة لبسة محتشمة وباينة مربية حد مايدور بيها
و أنا تبانلي في كلتا الحلتين هدا دليل على ضعف شخصية المرأة و الرجل

 

[الجندية]

المشكل فى اى جان يصيبها شابا ماشى شابا يتبعها


واللبسة تاع لبنات ماهيش دافع باه يتبعها كون كان متربى معلابالوش كامل بلبنات ماشى يقول هوما تان يلبسو ويشبحو وحبونا منتبعوهمش

هادى ماهيش سبة



هوما كى عادو ناقصين غير يتبعو برك ومعلابالهمش بلى لبنات يتقلقو منهم و كون غير يفهمو رواحهم


ويبطلو هادى العادة السيئة باه الوحدة كى تمشى تكون الاز ويعجبك تاع المارشى كى يلسقو تقول سيبرقلو مايخطيكش يسمطلك الخرجة وكون غير تصيبو شباب ولا لبس مليح غير الخردة ويزيد يتبع اوووووووووووووووف

يقلقو ................... ماتعرفو الا سارق ولا يعاكس ؟؟؟؟؟؟؟؟؟؟؟؟؟؟


شكرا على الطرح

يـــآ عمري يـــآعمري على أموولهـ زعفوهالي .. :p
كرهولنا حياتنا هاذ الرهوجه ويلسقوها في البنت
ياو ترباو خلونا نريحو شوية
​

 

[HICHAMBECKHAM]

اللبسة الغير لائقة ولا محترمة تاع البنات هي المشكل انا شوف فيها كيما هااااااااااك خواي باسكو كين شي بنات لبسين لبسة ول حجاب صح وحد ميدنا ليهم

مشكوووووووووووور
والله يهديهم في زوووووووووووج ​

 

[تائهة في الدنيا]

والله حتى لبنات ربي يهديهم

يلبسوا لبس الطفلة لي طفلة تحشم تشوف فيها


وتانيك الذكورة فارغين شغل يضيعوا وقتهم في الحرام

ربي يستر

 

[*مواطن بسيط*]

اللبسة تع البنات هي الي خلاتها تنتشر هدي الظاهرة كن جات هي محترمة وساترا روحها ميصراش هك
وميدور بيها حتى واحد
شكرا لكـ على الموضوع الباهي

 

[Adel HD]

هدي مكاش لي يرضاها لأختو
وكما تدين تداان
وزيد مدامات هوما لي يجرو العبد ليهم بلبستهم وضحكتهم
وأنا نقول
تبا لناس لي راها تفورني وتحلب في المدامات
عطيتهم قيمة حتى ولاو يتمشو قدامنا ويتزعبلو
لي كانت متعرفش حتى تغسل وجها
تبا وتبا وتبا ...
​