وقتاه نتعلموا نحترموا المشاعر تاع بعضانا !

[الورد الأحمر]

سلام

المجتمع الجزائري معروف باختصار في كلامه , ولا يراعى شعوور واحاسيس الاخرين

الله يرحمها ويوسع عليها

وربي يجيب الصبر للطفلة

بخصوص خدامين في سبيطار : ماتت قلبوهم خلااااص يعنى منستناوش منهم الرحمة

مين ذاك تدخلى لسبيطارر تشوفى ناس تتراما ودم يسيل وهم لا حياة لمن تنداي

شكرا
​

أهــلا حســـام ... راك لقيتها كلامو مختصر خال تماما من المحسنات
ما يعرف يهدر لا يصبّر لا والو ... غير قباحة حتى بين بعضاهم يسبو
عجب والله ربي يعدلنا ان شاء الله رانا من كارثة لكارثة ...
وخدامين سبيطار يصلحو في معتل للتعذيب مش في سبيطار قلبهم
مات بالاك من المشاعد المرعبة لي يشوفوهم ... ربي يهديهم
مغـــسي حسام ... ســـلآمي :regards01:
​

وعليگم السلآم نور
عآش من شآفگ خيتو
ربي يرحم هــآد المخلوقةة ويصبر أهلهــآ ويشفي بنتهــآ مسگينة
غآآضتني ..تاع صح شوگآتهآ الفرملية هآدي بلافاصون دو بآغل تاعها
ربي يسقم أحوآلنا ونولو نحسبو حسآب لهدراتنا قبل لا ننطقوهــآ
مرسي ع الموضوع
سلامو حبيبة
​

أهــلا الله يعيشك جيمي ... اللهم آمين ربي يرحمها ويوسع عليها
وربي يصبر أهــلها والطفلة مسكينة ويرجعلها عــقلها ...
وأما الفرملية ربي يهديها ويحنن قلبها مي نهارها أو يجي ...
ربي يسقم أحوالنا كيما قلتي نقولوا آميــن ومغسي على المرور
والرد الباهــي ... ســــلآمي :regards01:
​

ربي يحفضنا وهادوك الفرمليات حاسبين رواحهم هوما الى يحكمو فى السبيطار

وزيد مايحتارمو ماوالو

مانعرف وشكون الى كدب عليهم وقاللهم السبيطار تاع باباهم ويقولك رانا نديرو فى خدمتنا

لازم يزيدولهم مادة مع قرايتهم هيا طريقة التعامل مع الاخرين وكيفاه يحتارمو الناس باه يحتارموهم

وكيفاش يهدرو مع الغاشى

أهــلا اختي نورتي الموضوع ...
هذيك هي اختي يحسبو السبيطار ملكم بيهم بالسياقات بأعوان الأمن :s
معرف واش شايفين رواحهم ... والله لا لقيتيها يلزم يعلموهم طريقة
التعامل قبل ما يعلموهم الطب ... مغسي اختي يعطيك الصـــحة
ســــلآمي :regards01:
​

 

[مابقاش بزاف.Dz]

و لا يحـس الجارح بعمق الجرح و المـه الا اذا جرح بنفـس الطريقة
اولا نقول ربي يرحم هاد الام و يثبتها و ان شاء الله تبـــــــــرآآبنتها و تفيق من الصدمــــــــــــة
السبيطارات تاعنا فيهم العجـــــــب و ربـي يستر هادي حالة تعيي كي تسمعي يصراوا كوارت كيما هكدا سي ديجـا المخلوقة هادي راهـي بلا مشاعر و لا أحاسيس غير تسيي تحط روحهـا في مكان هاديكــــــــــ الطفلة و يقولوللها هاداك الخبر بهاديك الطريقة
ربي يجيب الخيــــــــــــــــر و ربي يهدي عبادنـــــــــــــــــــا
مشكورة على طرح الموضوع يا نـــــــــــــــور

 

[الحق سلاحي]

من هذا الكلام اكثر مااغضبني هو""
"المجتمع الجزائري معروف باختصار في كلامه , ولا يراعى شعوور واحاسيس الاخرين"
لا حاشا وان كان هكذا فيوجد من تبرا من هذا المجتمع الجزائري



​

 

[عاصفة الورود]

السلام عليكم

جوبونس الممرضة هذي معندهاش قلب
والا كيفاش تصدم الطفلة بالطريقة هذي
بغض النظر على طريقة التعامل مع المريض وأهلو
لي نورمالمو تتعلمها قبل اي حاجة
المفروض هذي حاجة بديهية وواضحة وضوح الشمس
واي واحد عندو ذرة تع انسانية ما يتصرفش التصرف الغبي هذا

ربي يهدينا
الممرضة في المجتمعات المتطورة يلقبوها بملاك الرحمة
بصح حنا وين وهوما وين ..
المهم

ربي يرحم السيدة ويوسع عليها
وربي يشفي بنتها ان شاء الله مسكينة والله تقطع القلب
والفرملية هذي وكيلها ربي ان شاء الله تدي الجزاء لي تستحقو

ربي يهدينا ويثبتنا
شكرا أختي على الموضوع
وبارك الله فيك


​

 

[MĭŠš Čhŏů]

الحمد لله حنا الفرمليات تاعنا يضربو بيهم المثل حتى انهم يجيو للسبيطار تاعنا يداويو هنا مي هاذي كاينة مش غير فهاد المجال
​

 

[sara 92]

ان لله و ان اليه راجعون ربي يرحمها ويوسع عليها وربي يشفي بنتها
هذا هو الشعب الجزائري لاندير متى سيعتدل ؟؟؟؟؟؟؟
ربي يهدي

 

[iméne09]

الله يسترنا لمسكينة تشوكات فاصون 2 باغلي طاحت خشينة ماعندهاش قلب تحس باهلها ياك لي ماتت ماهيش كلبة حشاكم مي مكاش الرحمة في وقتنا يليكيدو برك مايحس بجمرة غير لي كواتو vـريمون كاين عباد مايستاهلوش يكونو في خدمة هديك كيما طبة وفرمليات تقولشي حاكمين دنيا ما يعرفوش احترام قلوبهم حجر مايحسو بكية العبد لي راهي على لجمر ربي يهديهم وان شاء الله يتسـgـمو لحوال والله يرحم الام ويصبرهم على فراقها و ربي يجيب الشفا لبنيتة لي راحت فيها بسبة حمارة ​

 

[D aucun]

الله يهديــــــــــــــــــــــــــــــــــــــــــــــــــــنا ​

 

[Midia]

meskina wlh rir ghadatni wlh hado homa lfermyat ta3na ni ihtiram ni walo

hasbin rwahom des docteurs w hna ma3labanach

yekhi hala

rabi yhadina w rabi ysabarha ltafla w yechfiha yarabi w yerham jami3 mawtana

 

[طير الجنة]

ربي يرحمها و يوسع عليها ان شاء الله
و يسكنها فسيح جناته ان شاء الله
و ربي يصبر بنتها
مسكينة غاضتني بزااااااااف
ربي يهدينا أجمعين
ربي يخليك ختي نور و شكرا ليك على الموضووع

​

 

[simou11]

ياختي ربي يرحمها اولا
و ثانيا ربي يهديها اديك الفرملية و يهدينا معاها
مي اختي انتي شفتي موقف هكا و انا شفت العكس
مرة وحدة ماتت بنتها و الطبيبة بدات تقولها
ياك حنا مسلمين و لازم نرضاو بقدر الله
لازم نحكمو في ربي و لي قدرو ربي اداك هو
و المرا تقولها هيا برك بركا ماتبسلي عليا قوليلي وش صرا !!
انا حرت :s
قلت الاخرى تصبر فيها و ادي راح تطير !!
و بعد كي قالتلها بنتك عطاتك عمرها و ادعيلها بالرحمة
ناضت تعيط
قالتلها تتمسخري بيا
ساعة و انتي تفتي عليا
كان قلتيلي من الاول بلي بنتي ماتت
كان ماقعدتش نسمع فيك الوقت ادا كامل !!
الطبيبة ولات تبكي مسكينة
قالت بالاك غلطت معاها ولا من الشوك دارتلي هك
و المرا اديك راحت نورمال تقول لاهي بنتها لي ماتت
و بقات تسب في اديك الطبيبة و ترخس فيها !

=> لازم نتعلمو نحترمو رواحنا
و نحترمو الناس
و مباعد نطالبوهم هم باه يحترمونا
لازم حنا نريقلو رواحنا سح و مباعد نطالبو بالتغيير
و كي تجي تشوفي المشكل من ادا لي مخلي وحدة كيمكا تخدم فرملية !
نورمالمو لي يقراو ميدسين يتعلمو كيفاه يتعاملو مع المرضى اولا
المهم ربي يهدينا
و ربي يصلح حالنا
مشكورة على الموضوع ^^​