الجزء الــــ18 من ماذا ستطبخين اليوم

[روعة2005]

لولا سامحيني اختي طابلتك تشهي الله يبارك والبيري ممممممم

 

[ام منصف]

السلام عليكم
هل في امكاني مشاركتكم في الطبخ

​

اهلا بيك اختي سلسبيل مرحبا بيك معانا
منورة المنتدى والركن
​

 

[omarwa]

صباح الخير عليكم
ونهاركم طيب
ان شالله تكونو بخير
روحت لمياء ليوم وخلاتلي الفيد كبيييييييييييير والله لدرك الدمعة على خدي
جيت ننسي في روحي شوي
جبت التصاور نتاع نهار عرضة اختي نهار الجمعة عرضتنا كامل
جبت اللي قدرت نصورهم
طاجين حلو

طاجين الزيتون

دولمة جلبانة

بوراك

بطاطا في الفور

ودجاج محمر

والديسار ليموناد بالانواع وفقوس دلاع عنب وخوخ وانجاص وتفاح هذا اللي قدرت نصور وما قدرتش نصور السهرة نتاع لاتاي والمقرقشات ومقروط مقلي

​

بصحتكم عفوفة العرضة وربي يوصل اختك على خير

 

[omarwa]

ايمان عيد ميلاد سعيد ربي يطول في عمرك اختي
بصحتكم لبنات كلشي هايل

 

[oumsif]

صباحكم بالخير لبنات
عيد ميلاد سعيد اختي ايمان التلمسانية
حدة والله يعطيك الصحة كرهنا من الكوزينة ومحاينها
سلسبيل مرحبا بيك معنا نورتينا​

 

[ايمان التلمسانية]

والله يا اختي ذهبية لعشية هادي عييت نهز روحي الكسرة وذراع درتها
ايمان عيد ميلاد سعيد وهاهي الكيكة جات في وقتها

اممممممممممممممممممم
يعطيك الصحة على الكيكة
تشهي

​

 

[oumniati]

salam alikoum
nharkoum mabrouk

 

[رآج ـية العفو]

االسلـآم عليكم ورحمة الله​

مرآآآآآآآآآحب يالغوآآآآآآآآآلي :regards01:
صبـآآآآح الشووووووق وصبـآآآآح الورد لكل وردة حآضرة هنـآ
توحشتتتتتتتتتتتتتتتتتتتتتتتتتتكم كلمة قليلة بزآآآآآآف انهآ تعبر على شوقي
ليكم والله فعلآآ توحشت قعدتكم وتوحشت كل شي يخصكم
وآش رآآكم ووآش حوآآلكم؟؟
ونقولكم صح عيدكم وكل عـآم ونتومآ بخير
على بـآلي جو سوي روتآر مي معليش مزآل شوآل مآ يكمل هههههههه :p
وهآآآني رجعتلكم بعد الغيبة وبيآنسير مآ نرجعش ويديآ فآرغين نعرف بلي
تحآوزوني خآآصة خآآصة وحد النآس ههههههه :-h​

جيت ومعآيآ ثلآث حوآيج وقبل مآ نبدآهم نحب نقول
للغآلية والحلوة واللي معزتهآ عندي مآ يعلم بيهآ غير ربي واللي مآ نسآتنيش
وضلت تسقسي عليآ نقولهآ العآلم ربي شحآل توحشتك وتوحشت ذآك الصوت
لحنين والحلو ربي يخليك حبيبتي يآ فوفتي الغآلية وتتوحشك الجنة يآ عيوني
ومبروووووووووك عليك الإشرآف يالغآلية جآآك يهبل النيو لوك :-r​

ونقول مبرووك للغآلية روز تتربى في عزك يالحبيبة والحمدلله على سلآمتك​

ويعطيكم الصحة كآآآآآآآآآآمل وآش طيبتو ربي يبآرك عليكم كي العآدة
ويآ أم ندووووووووووش ذيك البيتزآ ويآ ريتني مآ شفتهآ هههههههه
يعطيك الصحة على الموضوع توحشتتتتتتتك يآ طفلة ​

ووووو وحد النـآس مآنيش نشوف فيهم وآقيل مآزلتوا تزرعوا ههههههه
خآفوا مولآكم ورجعوا لكوزينتكم ولدآركم هههههههههه​

وهـ
هآكم قآطوآتي تآع العيد لعيون الغآليييييين ​

​

وثآنيآ عندي أمآنة ليكم كنت في وهرآن وجيت البآرح ورحت عند الغآلية وحبيبة قلبي
اكيد عرفتوهآ فريدة وتسلم عليكم بالوحدة بوسآت بوسآت ههههه وقآتلكم توحشتتتكم
دعولهآ ربي ان شآء الله يخلصلهآ النت وترجع معآنآ
وهآذي كآنت قعدتي معآهآ أحممممم هههه
والله القعدة معآهآ مآ تنشبع بالخف فآتت ربي يخليهآ ويخلي الوآلدة نتآعهآ وختهآ​

وثآليآ جبتلكم كيكة عيد ميلآدي اللي كآن نهآر الخميس
دآروهآلي في البحر و كآنت سيربريز خطفتلكم فوتو للتآرت ​

وأخيرآ نقولكم صح غدآوآتكم
وغدآنآ كآن طعآم بالمرقة والعنب​

ونشوفكم على خييييييييير ونحب نقولكم مآرحش نكون معآكم بشكل يومي
بآسكو دخولي رآه قليل ​

 

[رآج ـية العفو]

سلآآآآمي للكل وحدة بوحدة
وخآصة الغآيبآآت والحآضرآت في القلب
جزآير غآلية ونسومة 55 ونسومة الهنآء ونآنوس وكل لحبآب القلب نآس الكوزينة
وخآصة الغآلية أم خديجة اللي غآبت من زمآآن نتمنى رآهآ بخير ​

لــي عـــــــودة المســـــآآآء ​

 

[hadda0425]

‏ام مراس, ‏fatima der, ‏mayameryouma, ‏رآج ـية العفو, ‏rima29, ‏sarah11, ‏فايزة
يا لالة وين كنتي قالولي ديتي كونجي وراك تحوسي بصحتك يا خيتي لعقوبة ترجعي للخدمة وتتحجبي هههههه:d

 

[روعة2005]

ياااااااااااااااااااااااااااااااااااااااااااااااااا مرااااااااااااااااااااااااااااااااحب وانا نقول جيهة الكوزينة فيها ريحة زينة بزاااااااااااااف والدنيا ضاوية وهي الغالية حبيبة الكل اسومة زااااارتنا زعمة راح نلوم عليك وكي لقيت هذوك التعابير الزينة ليا حشمت حتان حمارو خدودي وبطلت خخخخخخخخخخخخخخخخخ
اولا عيد ميلادك سعيد وكل سنة وانتي قمر ياقمر ياست البنات وربي يطول في عمرك
والقاطو ممممممممممممم هايل ضرك نروح لهيه نقرعج
والقعدة مع فريدة تبان تسخف بصحتك وسلامنا ليها ان شاء الله تلتحق بينا يارب
بانسبة للبنات لي سقيتي عليهم راهم بخير جزائر الغالية راهي هنا دارت عمرة وجات ونانوس ثاني راهي بخير وزاد عندها ادم ربي يحميه اما تسنيمو طولتها تاع الصح هي وام خديجة ان شاء الله راهم بخير​

 

[ام ايناس]

السلام عليكم لبنات يعطيكم الصحة كل وحدة باسمها جيت نطل عليكم ونقوللكم انشء الله غدوة رايحة للدار ماتنساونيش راني نصور ونجيبلكم ههههههه رايحة نتوحشكم كااااااااامل سلامي للجمييييييع خصوصا للي يزرعو :p:p هادي مكره هههه في وحد الناس

 

[روعة2005]

غديا كان طاجين الخوخ

سلطة

وطبقت كروكي وصفة جديدة تاع اخت غالية يجي خفيف روعة

​

 

[oumniati]

اهلا بالزين نورتي الكوزينة، وبصحتك التبحيرة والقعدة مع فريدة، عودة ميمونة ان شاء الله

فوفة ممممممم شهاني فطورك بصحتكم، والكروكي انا مايجينيش بني ملفوق درتيلو القهوة؟

ريما29 واش راكي واش مدولك تخصص؟ ولا اختصاص ههههه كيفاه يقولو؟

 

[oumsif]

علي سلامتك اختي راجية العفو واش هدا الغيبة وعيد ميلاد سعيد بطوال لعمر
واش راهي فريدة والله توحشناها مخصني جيت معكم اربي سالنا اعليها بزاف بزاف
والقاطو انتاعك راني فطيتلك اعليه ​

 

[oumsif]

روعة طجين الخوخ جاك يسخف ولا هدك الكروكي باين يدوب في الفم يعطيك الصحة حنونة​

 

[oumniati]

​

ووووو وحد النـآس مآنيش نشوف فيهم وآقيل مآزلتوا تزرعوا ههههههه
خآفوا مولآكم ورجعوا لكوزينتكم ولدآركم هههههههههه​

:up::up::up::p:p

 

[ام منصف]

مساء الخير علىكم
واش هذا يا اسومة
وجهك والا القمر توحشناك يا المزرطية وينك غايبة علينا
بصحتك القعدة مع فيفي ماصابني راني معاكم توحشناها
---
بصحتك فوفة طاجين الخوخ جاك هايل
ةالكروركي باين اممممم
---
عفاف عرضة وعليها الكلام بصحتكم
-----
حدة رجعتي للريجيم نتاعك
بصحتكم الرخساس والياؤورت
---
هذا واش تفكرت
راجعت ونسيت
اسمحولي
​

 

[ام منصف]

تناحلي اليوم شوية التفنيين قلت نحطلكم اطباقي نتاع الايام الماضية اللي صورتها

و لمحبي القناوية

​

 

[prncess fifi]

راجية العفو اهلابيك اختي
روعة هداك الغدا هبلني بصحتكم اختي
ام منصف اطباقك كامل يشهو بصحتكم اختي بصح الطبق اللولاني ما فهمتش وشنو​