الجزء الــــ18 من ماذا ستطبخين اليوم

[نجمة ساطعة]

اهلا كي راكم كل توحشتكم♥° شجـ الروح ـون °♥═, ‏أم دودو, ‏نهى28, ‏ام نوسه, ‏Djazaire-El-Ghalia, ‏بنت الجسور المعلقة, ‏imane27, ‏mayameryouma, ‏oum kaouther, ‏WARDA02, ‏wassila21

 

[روعة2005]

الله يبارك لبنات
ام ندى الحسوة تشهي مع الكرطوس والعنب مممممممممممممممم
ام سيف تليتلي وعليه الكلام
حدة الله يبارك كلش هايل وسخفتني سوب الفول تعيشي الطريقة
البنات الكل يعطيكم العافية والله راكم نساء10/10
فريدة الزينة واش راكي يالحبيبة والله المنتدى توحشك واحنا افتقدناك معانا بزاف رمضان هذا تحياتي
بسومة كي العادة طيابك يشهي
خيرة ياخيرة البغرير هذاك روعة تبارك الله معليش تقوليلي طريقتك
لولا الفطور والعشاء يشهو مممممممم

 

[روعة2005]

غاليتي اسومة حبيبتي وصلتني رسالتك شكرا ليك ........حبيت نفهم طريقة وضع الشيكولا البيضاء والكحلا باش تجيني مرتبة كيفك

 

[omarwa]

صباح الخير لبنات بصحتكم واش طيبتو
جمعة مباركة عليكن

 

[عفاف الجزائرية]

صباح الخير على الجميع الحاضرات والغايبات
وجمعتكم مباركة ربي يهنيكم في هاذ الجمعة ويناول كل واحدة واش في بالها ويرزق كل واحدة بمرادها يا رب
​

 

[oumsif]

صباحكم بالخير
وجمعة مباركة للجميع​

 

[Setifienne]

صباح الخير
جمعة مباركة على الجميع​

 

[رآج ـية العفو]

السلـآم عليكم ورحمة الله
صبـآآآآحكم خيرآآآت وأنوآآآآآآآر وجمعــة مبـآركة للجميــــــع
يعطيكم الصحة لبنآت خيرورة وحدودة وكل لبنآت بصحتكم
وصح غدآوآتكم
وبسوم وشوشو وذهبية الله يسلمكم وربي يخليكم

ahla bik dahbia, ma lguitch elli y3awenni fi el fawdha hhhhhhh, haya nroublouha hhhhhhhh

أهلآآآآآآآآآآآآ يأميرة المشآغبين هههههههه
توحشتتتتتتتتك يالغآلية وتوحشت قعدتك معقولة مآ لقيتيش شكون
يعآونك وانآ وآش رآني ندير ههههههههه تعرفيني نحب الشغب ورآني حآآضرة
بكل جوآرحي ههههههه

bassoum w hadda allh ysalamkoum

louiza ih chefti hadak kaaaaamel tayabtou wahdi hhhhhh, wenti ya lala, za3ma smana ma tayabtich haya nahi tfanyine

nadouch koun ghir dirilna la recette ta3 el haswa, wallah chaklha moughri :up:

?????farida 3lah wine rah asmek lagdim kawther wahrania



koun ghir yzidoulna chwia ibtissamet elli kayninema y3abrouch 3la koul el macha3ir hhhhhhhhhh

هههههههههه والله كتلتيني بالضحك وتوأم الروح خآصهآ
تعبر عن مشآآآعرهآآ يآ ودييييييييييي في خآآآطرك اليوم نحطلك
ملف منهم وعبري كيمآ تحبي رآه عندي منهم العجب هههههههههه :p

غاليتي اسومة حبيبتي وصلتني رسالتك شكرا ليك ........حبيت نفهم طريقة وضع الشيكولا البيضاء والكحلا باش تجيني مرتبة كيفك

العفو حبيبتي أهلآ يآ غآلية
اييييييييييييييييه شوفي يالحبيبة بمغرف صغيرة حطي شكولآ
نوآر غير على النص تمشيهآ بالمغرف وخليهآ تنشف ومن بعد نفس
الشي مع الشكولآ البيضآ وحطي القرقآع في الوسط رآهآ تحكمو
الشكولآ البيضآ المهم النوآر قبل البلون بآش مآ تكونش فيهآ
طآشآت نتمنى فهمتي يآ عيوني ​

 

[ايمان التلمسانية]

صباح الخير عليكم
وجمعة مباركة
اليوم راني جايبة البوم نتاع الصور
نبدي :
هادا لعشا نتاع البارح لابيري بالمرقاز كيما الي دارتها ندى

وهادي بقلاوة درناها اليوم الصباح راها مسافرة لفرنسا

وهادي بعد ما طابت

وهادي الزووووووووووووووووووووووووووووووووووووووووووم :d

,اليوم الصباح درت كونفيتير نتاع البطيخ جا هايل وبنته تقول مش بطيخ

في امان الله ​

 

[ام سيف]

السلام عليكم
جمعة مباركة للجميع
يعطيكم الصحة لبنات كلش هايل ماشاء الله
بصح غرايف خيرة وحدهم اعطيني طريقتك بالتفصيل الممل
والمقلة لي طيبي فيها كيما تقول بنتي عيشك عيشك

 

[imane27]

سلام عليكم لبنات صح فطوركم
جمعة مباركة على الجميع

 

[oum kaouther]

jou3a mobaraka3ala jami3e
kirakoume khewatai
loula twahachetek bzef mabrouke 3elike el hamle
khayera ya khayera twahachetek w twahachet zakzouk bzeeeeeeeeeeeeef
lyoume darte t3am b margua

 

[ibtesem]

جمعة مباركة على الكل
بصحتكم يالبنات

غرتان بطاطا رابي مع دجاج

​

 

[prncess fifi]

جمعة مباركة على الجميع
وبصحتكم كامل الاكلات يشهو
ما تنساوش الدعاء بعد العصر ربي يستجيب باذن الله​

 

[oumniati]

السلام عليكم

فريدة يتوحشك الخير، انت اللي خليتي بلاصتك والله السماطة بلا بيك

حدة ههههههه مالقيتش هذيك اللي تشطح هههههه

اسومة انت راكي يوم كاينة وعشرة مكانش حبيتي نبان غير انا؟ يحصلوني للمدير هههههههه

ايمان وهذيك البقلاوة ممممممم بصحتها فرنسا ههههههه، معجون كيفاه درتيه عجبني شفاااااااف

روعة هذوك عينيك برك يازين ضرك تشوفي لاروسات تقولي هاااااااذا ماكااااااااان هههههههه

بسوم بصحتكم الغراتان وقيلا وصفة جديدة كيفاه درتيه، اليوم عندي غير البطاطا

سميحة اختي البغرير بالتفصيل الممل: وصفة اخت مغربية هنا مدتهالي ونسيت المقادير بالضبط هي اعطاتني حتى مقدار الماء بصح ربي يجيب
المهم
درت كاس فرينة+ كاس ونص سميد+ مغ ص خميرة حلوى+ مغ ص وشوي ههههههه خميرة لعجين+ ملح + سكر خلطتهم ناشفين
حطيت كاس ونص ماء دافي في للخلاط وبديت نحط خليط السميد وندور مرة وحدة باه ما يتكتلش ، درت هذي العملية على 2 مرات
كي شفتو شوي ثقيل زدتلو شوية ماء وحبة بيض وخليتو يتخلط حواي 3 دقايق
فرغتو في ليان غامق وغطيتو بطرشون، الوقت اللي غسلت الخلاط ووجدت الطبسي فاه نحط وجبدت لاسباتول باه نهز، والمغرف:p
حطيت المقالي يسخنو، باه نربح الوقت نطيب بالزوج:d
المقلة تيفال ماندهنها ماوالو نسخنها مليح برك
هذا هو كلش هههههه ودرتلهم زبدة وعسل وروليتهم

بصح صراحة اذا عندك طاجين الطين ماكانش كيما لغرايف بالسميد طول

 

[nada242008]

مساء الخير
لولة عشاك وغداك يشهي والطابلة مرتبة بصحتكم
بسومة اممممممم قراتان هاايل بصحتكم
ايمان التلمسانية يمي يمي على الزوم والبقلاوة تحفة بصحتكم
حدة اطباق رائعة تسلم الايادي
حدة ولبنات لي صقصاو هذيك حسوة بسكرية بصح ماحطيتش الخردل لانو ضيفي مايشتيهش ههه
جات بنينة حارة وحامضة امممممممم
الطريقة ساهلة خلاص
الرقاق ولا الفطير ولا كل واحد كيفاه يسميه معروف
المرقة اولا تحطي الما يغلي في طنجرة وتقطعي الخردل يعني اللفت الى دوائر وتحطيه يطيب في هذاك الما حتان يطرى واذا عندك فول اخضر حطي يطيب معاه بعد ماتقشريه // انا ماعنديش
وتوجدي في صحن اخر ترابي 4 فصوص ثوم وشوية زيت وملح وفلفل احمر حار و2 الى 3 م ك طماطم مصبرة وحبة طماطم مرابية وتخلطيهم مليح
كي يطرى الخردل لوحي التوابل والطماطم وحركي كي تغلي شوي
جيبي 3 الى 4 مغارف كبار فرينة حليها في شوي ما ومن بعد لوحيها في الطنجرة وغلطي مليح باش مايجوكس كعابر فرينة هههه ولوحي فلفلات خضر حارين كي تخثار اعصري عليها نصف حبة قارص وطفي
ومن بعد قدميها حطي الكسرة وسقيها وزينيها بالمعدنوس والزيتون تجي هايلة
--
خيرة طيابك ماشاء الله كالعادة والغرايف جاوك يهبلوووووووووو اممممم
ام سيفو بصحتك التليتلي
انا درت اليوم مونجتو وخبز الدار
---

 

[روعة2005]

ممممممممممممممم خبز الدار ياكلو البراني ههههههههههههههه خبز يشهي قريب يقيس البلافو هههههههههه واش السر Gريييييييييييييييييييييي ههه والمونجتو تهبل ساعات نديرها هكاك بصح صوص بلونش
ايمان كلش هايل سيرتو البقلاوة بصحتهم ناس فرنسا وبصحتها البقلاوة رايحة تحوس في فرنسا هههههههههه انا نصلح نجي عصبان ولا مرقاز لكان حبيتو تبعثو منهم لفرنسا ههههه نضحك معاك
بسومة الغرتان تسخف مع الجاج ممممممممم
والله كثر خيرك ضرك نجربهم ياخيرة يبانو هايلين
اليوم درت شخشوخة مهراس للغداء

وهذه البيتزا تاع غداء امس

وطبقت قاطو صابلي بالميرانغ تاع ندى الورود نقلك ربي يعيشك اختي وصفتك10/10

 

[nada242008]

اممممممممممم يا فوفة الصابلي جاك يهبل والبيتزا خلي وخلي بصح شخشوخة المهراس ماعرفتها .. كسرتها تهرسوها ؟ كيما شخشوخة البصلة تاعنا ؟
خبز الدار عادي والله مافيه حاجة درتو بالفرينة وخميرة وحقرتو حتى الحليب مادرتلوش ههههه وجا خفيف كالقطن قسمتو وهو سخون زربوني على هذاك مابنش بلي مثقوب من داخل ايه بلا ماننسة عجنتو بما الزهر جات ريحتو هايلة
المونجتو مالفة ندير ابيض حتى انا بصح كي عاد شيخي يجي يتغدى عندي راني نديرلو في قوسطوه

 

[روعة2005]

مممممممممم والله باين خفيف يهبل عفوفة وقولي الماء زهر درت قيس فنجان برك والباقي ماء ?
اييه الكسرة نهرسوها انا عندي المهراس نقولو كسرة مهراس او رزام واللي يفتتوها باليد يقولو شخشوخة محكوك وهكذا وانا شخصيا نفضل نحكها بيدي تجي متشربة وبن من تاع المهراس اليوم مكافنيش الوقت درت الميناج
والصابلي جاء روعة وناجح غير جربيه ومتخليهاش في قلبك

 

[nada242008]

درت حوالي نص كاس يجي بنتو كالبريوش لي يتباع في رمضان سيرتو كي تضيفيلو 2 حبات بيض و تعجنيه بالحليب وما الزهر كيما قتلك
الكونفتير ماعنديش برك ... كاش نهار نجربو ..في الحقيقة وصفات ندى الورود ماذابيا نجربهم كل ههههه سيرتو هذاك لخضر تاع العيد // سكندرانيات كلش من يديها هايل وتطبيقك ثاني جاك روعة كيما تاعها بعد