الجزء الــــ18 من ماذا ستطبخين اليوم

[imane27]

اممممممممممممم ياندى على بربوشة راهى تشهى بصحتكم
ام امانى كلش هايل يعطيك الصحة وبصحتكم
هند مرحبا بيك معنا شرفتينا
واش راحين طيبو عشاء

 

[ام اماني05]

اهلا اختي هند نورتينا
ايمان الغالية مازال ماعرفتش واش ندير للعشاء مازلني نخمم والحال راح هههه
جدبتلكم طبسي حلوى تشربو بها القهوة خاصة انتما ناس ماريكان مازال الحال عندكم
http://
هذا الحلوى بعثتهالي سلفت اختي بمناسبة طهارة ابنها لعقوبة للزكازيك لي مازالو التشاراك ما لحقتش نصورو هجم عليه ابني الحلويات راكم تعرفوهم غير هذيك لفوقها نيسلي وسيجار حلوى جديدة ذوقها رهيييب ان شاء الله نجربها ونحطلكم الوصفة
لبنات هذا رابط الخبز الاسرع و الاسهل والاروع:up::up:
https://www.4algeria.com/vb/showthread.php?t=345213

 

[oumniati]

مممممم دايما عندك جديد هدهد، زكزوكي فراها، لعقوبك للزكازيك لخرين رائد و آدم

 

[om abdulhadi 2011]

السلام عليكم وعيدكم مبروووك كراكم دايرين ؟؟؟؟ توحشناكم

 

[imane27]

اممممممممممم ام امانى يشهى بصحتكم

 

[ألاء الرحمـــن]

كي العادة الفحلات يزهو الحالة ممممممم كلشي بالطبع يعطيك الصحة

​

 

[ام اماني05]

امنياتي مبروك على زكزوكك لعقوبة للباقي
عشاي اليوم بيتزا عملت بنصائح الغالية ام ندى طبعا ماجاتش كيما نتاع الشيف نتاعنا لكن في البنة اممممم
http://
زوووووووم على قول عفوفتي
http://

 

[رآج ـية العفو]

مسـآء النور عليكم
يعطيكم الصحة كآآمل وتولموند ويعطيكم الصحة
وصح عشآوآتكم
أم أمآني يعطيك الصحة ويعطيهآ الصحة سلفتك حلويآت هآيلة ورآنآ نستنآو
الوصفة الجديدة :-r

اليوم بمنآسبتين عيد ميلآدين للغوآلي
أولآ لحبيب الغآلي بآبآ
وثآنيآ شريكتي وحبيبتي وختي الوفية عفوفة
لعيونهم خدمت هآذ القآطو يتقآسموه بينآتهم :p هههههههه

وثآنيآ لعيون بنت الجسور المعلقة نقولهآ وعدتك واليوم وفيت
بوعدي ليك وعدتك بالبرزgـــآن وهو وصفة شعبية خآصة بالغرب
صورتلك كل المرآحل وان شآء الله قريب نحطهلك موضوع
هآكي غير الفوتو درك والطريقة لآحقآ :p

​

 

[عفاف الجزائرية]

السلام عليكم
مساكم بالخير بنات
نتمنى انكم تكونو بخير
ربي يهنيكم كامل ويخلي كل واحدة تحيرت وسقسات على غيابي بلا ما نذكر الاسماء اللي غالي بلاصتو في القلب ربي يهنيكم كاملين
بعد ما صدرت ميمتي راحت وسافرت
جيت وجبت حويجات لقيتهم في الصوارة صورتهم وانا هارجة المهم نخبيلكم تشوفو شوي
مقروط الشهدة كاول تجربة وصفتو هو تجي بالفرينة والحشو يجي لوز انا عملت العجينة والحشو نتاع المقروط العادي ونقشتو برك بطابع الشهدة جاء خفيف وباهي

بقلاوة باللوز

صابلي

شخشوخة

وهذا عشاء ليوم حاجة خفيفة وخلاص كيما وصاتني عفوف

غاضوني مساكن غير خويا وبابا ايا درتلهم تحلية للسهرة بودينغ الشوكولا والبندق

وربي ورحمتو
ربي يهنيكم كاملين
​

 

[oumsif]

مساكم بالخير لبنات وبصحتكم واش طيبتوا يعطيكم الصحة
الكل وبدون استثناء باش وحدة متزعف مني
عشاي انتاع البارح واليوم

طاجين البرقوق المغربي

​

طاجين الكفتة بالروز

 

[عفاف الجزائرية]

انا اعطيني هاذي اولضحة نتفرج فيها اولشهبة التانية اعطيها لباباك :p

ربي يخليك اسماء اختي ويناولك ما في بالك والله فرحتيني كي نضت الصباح ولقيت مساجك والله غاضتني روحي اول مناسبة حسيت روحي فيها وحيدة صح ماما راحت وخلاتني وحدي وكل شي جاء مع بعضاه
ربي يخليك اسومة وكل اللي تفكروني يارب
بلا ما ننسى القملوشة هاذيك اللي عيطتلي مع الصباح وهرجت باه رفدت عنها وكي العادة تلفوني يطايش ههههه
​

 

[رآج ـية العفو]

يآآآآآآآآآآآآآآي شكون زآرتنآ وشكون رجعتلنآ
لحبيبة الغآلية على القلب ورفيقتي وشريكتي الزينة :regards01:
أهلييييييييييين عفوفتي توحشتتتتتتتتتتتتتتتتك :s
حرآآم عليك علآه مآ ترديش وليوم مآ حكمتكش :s
هذآ زهر ولآ وآش
المهم على سلآمتك عمري والله يبآآآآآآآآآآآآآآآآرك على كل شي
تحفة والله تحفة ربي يحفظ ذوك اليدين الزينين كي مولآتهم
والعمر كلووو حبيبتي ربي يخليك لينآ ومآ يحرمنآش منك
يعطيك الصحة والله شهيتيني فريموووووووون في كل شي
روآحي لهيه ​

 

[oumsif]

عيد ميلاد سعيد يأغلا عفاف لعقوبة لي 100سنة

​

 

[رآج ـية العفو]

انا اعطيني هاذي اولضحة نتفرج فيها اولشهبة التانية اعطيها لباباك :p

ربي يخليك اسماء اختي ويناولك ما في بالك والله فرحتيني كي نضت الصباح ولقيت مساجك والله غاضتني روحي اول مناسبة حسيت روحي فيها وحيدة صح ماما راحت وخلاتني وحدي وكل شي جاء مع بعضاه
ربي يخليك اسومة وكل اللي تفكروني يارب
بلا ما ننسى القملوشة هاذيك اللي عيطتلي مع الصباح وهرجت باه رفدت عنها وكي العادة تلفوني يطايش ههههه
​

هههههههههههههههه يآ عمري نتي تكتبيلي وانآ نكتبلك القلوب ...
هههههههه رآهآ ليك يالغآلية تستآآهلي كثر والله
ربي يهنيك حبيبتي وربي يفرحنآ فيك هآذ العآم قبل الجآي ان شآء الله
والله البآرح قلت والله مآ نرقد حتى تلحق 12 ونرسلك ميسآجك
هذآ أقل حآجة نقدموهآلك واليوم عيطتلك مي مآ حكمتكش والبآرح كنت
عآرفآتك كي العآدة والعوآيد نتي في جيهة وهو في جيهة ههههههههه

مي والله مآ نفوت هآذ اليوم بلآ مآ نسمع صوتك درك نعيطلك يالقملة تآعنآ ​

 

[روعة2005]

صباحكم بالخير لبنات
صباح الخير هند الغالية منورتنا يااغالية
عفوفة ربي يخليلك لميمة ويحميها والقاطو والعشاء يسخفو سيرتو البقلاوة ممممممممممممممم
اسومة عيد ميلاد راهو قريب هههههههه والحلوى هايلة الله يبارك ربي يخليلك الوالد وصحبتك الحبيبة تاعنا ورانا نستناو في الوصفة التقليدية
سمورة وعفوفة وام اماني وكل البنات الله يبارك

 

[برنســ اللمة ـيسة]

مساء الخيرات
برانساس اهلا بيك هذي غيبة كبيرة وربي ينجحك ويوفقك في الدراسة
انا درت بربوشة

هــــــــــــــــلا بيـــك حبوبتي
زعما ماعلابالكش؟؟؟؟؟؟؟؟
راني جبت الباك و ماقلتيليش مبروك
امممممممممم خسارة عليك:-rهعههههههههههه

يعطيك الصحة على هاديك البربوشة و نسيت ماقلتلكش مبروك على المزيود الجديد عرفت بلي زاد عندك بوبون صغيرون
يتربى في عزكم انشاء الله

 

[ام اماني05]

كيما راني نشوف راكم صايمين ولا من اصحاب الريجيم واحدة ما حطت الغداء:s:s
غداكم عندي راني درت كسكسي
http://
http://
اهلا غاليتي عفاف كل شيء فوووور خاصة المقروظ ياريت تحطيه موضوع وتفهمينا مليح في النقشة
اسومة القاطو خرجلك راااائع بصحتكم

 

[ibtesem]

شميت ريحة تاع كسكسي دخلت بصحتكم ام امون راكي عارفة بلا مانعلق
نموت عليه

 

[ibtesem]

سلام عليكم
اسومة اشرحينا واش حطيتي في الطبسي ماتقوليا حاجة حلوة برك بانتلي حاجة مشخشخة ههههههههههههههه
سمورة بصحتكم اختي
وقيل نكسكس انا تاني وخلاص

 

[nada242008]

الله الله على مولات البرابش والله تقول تاع عراس اممممممممممممم
عفاف طابلة تشهي والقاطوات ماخلاوش المقروظ والبقلاوة روعة يعطيك الصحة
اسما الباتيسري تحفة واشرحي وثقفينا معاك واش الخردة لي حطيتيها
وعجبتني عفاف كي خيرت الضاوية هههههههههه
انا درت جاري فريك وخبز الدار على طريقة ام اماني
جاني خفيف و هشوش بصح بنتو كالمسكوتة .. رغم انو المقادير ماتختلفش ياسر على الخبز لي حطيتو من قبل بصح فرق في المذاق وانت كيفاه جاك الذوق يا ام امون