انا حائرة

[إلياس]

نصيحتي لك ابتعدي عنهم

 

[oumsif]

راي من راي ام دودو كلامها صواب لكبير خير من واحد صغير ميعرفش قيمة الزوجة والدار ​

 

[nada242008]

والله رايي من راي ام دودو .. اذا شفتي في واحد فيهم مواصفات مليحة متدين ومثقف و لد عايلة مليحة وخدام لاباس عليه .. لما الرفض ؟؟ العمر مش فرق كبير ياسر ربما يكون واعي اكثر ويعرف قيمتك ويقدرك خير من صغير وطايش مع انو مش مقياس لكن مابانليش بلي 35 و لا 36 كبير ياسر .. كل واحد وظروفو .. الوقت لي لحقنالو مش بالساهل الشاب يلم روحو و يكون دار وعايلة
خمي مليح وماتسرعيش بالرفض لانو قليل وين العبد يطيح في فرص مناسبة
ربي يسهلك ان شاء الله وعاودي الاستخارة على قد ماتقدري

 

[serinee]

شكرا لكم جميعا يا عزيزتي ام دودو و حبيبتي ندى بدون ان انسى الطيبة سمورة
بارك الله فيكم و ربي يسعدكم في حياتكم
​

 

[ميرهان]

ربي يكتبلك غير الخير و تبعي قلبك بلا متنساي عقلك
ربي نشاء الله يكون غير الخير
سلااااااام

 

[serinee]

شكرا لك اخي اسير نفسي مشكور لمرورك
​

 

[prncess fifi]

انا رايي من راي الاخت ام دودو ام ندى
انا تاني راجلي كبير عليا وعايشة في الخارج بصح الحمد الله متفاهمين وعايشين حياتنا ماشاء الله
وبيني وبينك كي يكون راجلك كبير عليك تتفشي عليه هههههه​

 

[عابر سبيل12]

بنات اليوم تتزوجت في عمرها 17 سنة
والزوج يكون في حدود الثلاثين تقريبا يعني بصورة اخرى

البنت في ايامنا سن الزواج عندها مابين ال17 وال21 سنة هادا هو انسب عمر واللي يبحث عليه اغلب الناس
والراجل ماكانش اللي اقل من 30 سنة وفي مقدورو يزوج الا من رحم ربك

يعني يااما بطال والا هادا وين راح يبدا يكون نفسو وارواح انتي والقي واحد صغير وعندو دار ودراهم ويخدم ومانعرف واش

انا نحكي من الواقع اختي البنت اللي تلقا فرصة للزواج غير تزوج بالانسان الصالح اللي يخاف ربي
وهادا واش وصا عليه الرسول الكريم وربي سبحانو

مش قال لازم عريس وشباب ... ادا اتااكم من ترضون دينه وخلقه فزوجوه ..

والحمد لله على نعمة الاسلام
​

 

[oumniati]

اختي سيرين العمر ماشي مشكل خلاص ، 12 سنة ماشي حاجة خارقة، واللي يقولك مايفهمكش، فاش مايفهمكش؟ راكم من نفس الجيل ، واذا تحوسي اللي قدك مزال باباه يصرف عليه، واذا تستنايه يكمل قراية ويخدم ويوجد روحو يكون عمركم 30 سنة على الاقل وماظنيتش يديك ، لانه ببساطة رايح يحوس على بنت 20
اذا كان شيخ 60 سنة يحوس وحدة ماتفوتش 25 !!!!!!!!
ونزيدك حاجة، الله غالب نهدر بزاف، ديري في بالك بللي المرأة تطيح قبل الراجل بسبب الحمل والولادة ووووووووو، امالا خممي مليح
ما ديريش للعمر اهمية اختاري اللي ترتاحيلو اكثر وربي يدير التاويل ان شاء الله

 

[imane27]

انا راي عاودى صلى صلاة استخارة وشوفى ولا مرتحتيش متقبليش
وحبيت برك نوضحلك امر السن ماهوش مشكل مدام ارتحتلو انا كى تزوجت كنت 23 سنة وراجلى كان 37 سنة مدام حبيتو واخترتو مهمنيش السن ولحد لان رانا الحمد الله فرق السن ماثرش علينا خلاص

 

[narjes81]

اختي سرين راي من راي البقية انو فارق السن عمر ماكان عقبة وكما قال الاخ عملي بواش وصى عليه ربي والرسول عليه الصلاة والسلام مين قال اذا جاءكم من ترضون دينه وخلقه فزوجوه تكلي على ربي وشوفي شكون فيهم متقي الله ومحافظ على صلاته وطايع لوالديه واكيد ربي راح يبارك لكم في هذا الزواج وماديريش على الهدرة 12 سنة ماشي فارق كبير وكما قالت الاخت امنياتي المراة تكبر كثر من الراجل تخيلي تدي واحد في عمرك مين توصلو 35 سنة هو يبقى دايما صغير بصح انتي تباني كثر منو
حتى انا راجلي كبير عليا ب11 سنة ولكن عمري ماحسيت بفارق السن متفاهمين والحمد لله
اهم شيء التفاهم والاحترام مش فارق السن
اكيد واحد فيهم راكي مرتاحتلو كثر من الاخر زيدي صلي والخيرة فما اختاره الله
نعرف راني هدرت بزاف
ربي ينورلك طريقك ويسعدك ان شاء الله وتجي تعرضينا للعرس ههههه

 

[serinee]

ربي يكتبلك غير الخير و تبعي قلبك بلا متنساي عقلك
ربي نشاء الله يكون غير الخير
سلااااااام

شكرا لكي حبيبتي
​

 

[serinee]

انا رايي من راي الاخت ام دودو ام ندى
انا تاني راجلي كبير عليا وعايشة في الخارج بصح الحمد الله متفاهمين وعايشين حياتنا ماشاء الله
وبيني وبينك كي يكون راجلك كبير عليك تتفشي عليه هههههه​

صح حبيبتي في هده عندك الحق
​

ربي يديم المحبة و السعادة بينك و بين زوجك يا رب
​

 

[serinee]

بنات اليوم تتزوجت في عمرها 17 سنة
والزوج يكون في حدود الثلاثين تقريبا يعني بصورة اخرى

البنت في ايامنا سن الزواج عندها مابين ال17 وال21 سنة هادا هو انسب عمر واللي يبحث عليه اغلب الناس
والراجل ماكانش اللي اقل من 30 سنة وفي مقدورو يزوج الا من رحم ربك

يعني يااما بطال والا هادا وين راح يبدا يكون نفسو وارواح انتي والقي واحد صغير وعندو دار ودراهم ويخدم ومانعرف واش

انا نحكي من الواقع اختي البنت اللي تلقا فرصة للزواج غير تزوج بالانسان الصالح اللي يخاف ربي
وهادا واش وصا عليه الرسول الكريم وربي سبحانو

مش قال لازم عريس وشباب ... ادا اتااكم من ترضون دينه وخلقه فزوجوه ..

والحمد لله على نعمة الاسلام
​

بارك الله فيك اخي وفيت و كفيت
مشكور على كلامك
الحمد لله حمدا كثيرا علة نعمة الاسلام
​

 

[serinee]

اختي سيرين العمر ماشي مشكل خلاص ، 12 سنة ماشي حاجة خارقة، واللي يقولك مايفهمكش، فاش مايفهمكش؟ راكم من نفس الجيل ، واذا تحوسي اللي قدك مزال باباه يصرف عليه، واذا تستنايه يكمل قراية ويخدم ويوجد روحو يكون عمركم 30 سنة على الاقل وماظنيتش يديك ، لانه ببساطة رايح يحوس على بنت 20
اذا كان شيخ 60 سنة يحوس وحدة ماتفوتش 25 !!!!!!!!
ونزيدك حاجة، الله غالب نهدر بزاف، ديري في بالك بللي المرأة تطيح قبل الراجل بسبب الحمل والولادة ووووووووو، امالا خممي مليح
ما ديريش للعمر اهمية اختاري اللي ترتاحيلو اكثر وربي يدير التاويل ان شاء الله

هدي هدرتي بزاف لا بالعكس يا غالية كلامك جواهر
بارك الله فيكي
​

 

[serinee]

انا راي عاودى صلى صلاة استخارة وشوفى ولا مرتحتيش متقبليش
وحبيت برك نوضحلك امر السن ماهوش مشكل مدام ارتحتلو انا كى تزوجت كنت 23 سنة وراجلى كان 37 سنة مدام حبيتو واخترتو مهمنيش السن ولحد لان رانا الحمد الله فرق السن ماثرش علينا خلاص

الحمد لله ربي يهنيكم ان شاء الله و يخلي ايامكم كلها عسل

​

 

[serinee]

اختي سرين راي من راي البقية انو فارق السن عمر ماكان عقبة وكما قال الاخ عملي بواش وصى عليه ربي والرسول عليه الصلاة والسلام مين قال اذا جاءكم من ترضون دينه وخلقه فزوجوه تكلي على ربي وشوفي شكون فيهم متقي الله ومحافظ على صلاته وطايع لوالديه واكيد ربي راح يبارك لكم في هذا الزواج وماديريش على الهدرة 12 سنة ماشي فارق كبير وكما قالت الاخت امنياتي المراة تكبر كثر من الراجل تخيلي تدي واحد في عمرك مين توصلو 35 سنة هو يبقى دايما صغير بصح انتي تباني كثر منو
حتى انا راجلي كبير عليا ب11 سنة ولكن عمري ماحسيت بفارق السن متفاهمين والحمد لله
اهم شيء التفاهم والاحترام مش فارق السن
اكيد واحد فيهم راكي مرتاحتلو كثر من الاخر زيدي صلي والخيرة فما اختاره الله
نعرف راني هدرت بزاف
ربي ينورلك طريقك ويسعدك ان شاء الله وتجي تعرضينا للعرس ههههه

ربي ينورك و يخليلك صحتك و يديم المحبة بينك و بين زوجك و اوالادك
يعطيكم الصحة متصوروش نصائحكم قداش فدانو خلاوني نبدل راي
و حضرو حالكم راكم معروضين للعرس
كامل
مرحبا بيكم و بارك الله فيك يا غاليتي نرجس
​

 

[بقايا إنسان]

السلام عليكم ورحمة الله وبركاته وبعد:سأخاطبكي أختي الفاضلة بلغة العقل ولسان الواقع فأقول:لو استخرتي الله من قبل تنزيل موضوعكي هنا فقد يكون موضوعكي قد لايخدم مصلحتكي وذلك لأنك استشرتي بطرح موضعكي هذا مخلوقا بعد استشارة الخالق ولن تجني من أحد خيراا وذلك لأن الخيرة فيما اختاره الله ولو أردتي معرفة ان كان قد سبقكي بهذا الزواج فقد جاوبتكي سيدة على ذلك وهي تعيش مع زوجها في سعادة عارمة نسأل الله لها ولنا الحفض من العين
وإن أردتي تفاخرا بأن تقدم لكي بدل 1 2 فاحذري من صغر سنك فبعد عامين أو ثلاث يقول عليك صاحب الأربعين عاما انكي كبيرة في السن ويبحث عن أصغر منكي ولا تأخذكي صارحتي إلى مراتع الغضب ولا التعصب للرأي
ولا تنسي أن الخيرة فيما اختاره الله يلا وافقي لنقول لكي مبروك

 

[serinee]

السلام عليكم ورحمة الله وبركاته وبعد:سأخاطبكي أختي الفاضلة بلغة العقل ولسان الواقع فأقول:لو استخرتي الله من قبل تنزيل موضوعكي هنا فقد يكون موضوعكي قد لايخدم مصلحتكي وذلك لأنك استشرتي بطرح موضعكي هذا مخلوقا بعد استشارة الخالق ولن تجني من أحد خيراا وذلك لأن الخيرة فيما اختاره الله ولو أردتي معرفة ان كان قد سبقكي بهذا الزواج فقد جاوبتكي سيدة على ذلك وهي تعيش مع زوجها في سعادة عارمة نسأل الله لها ولنا الحفض من العين
وإن أردتي تفاخرا بأن تقدم لكي بدل 1 2 فاحذري من صغر سنك فبعد عامين أو ثلاث يقول عليك صاحب الأربعين عاما انكي كبيرة في السن ويبحث عن أصغر منكي ولا تأخذكي صارحتي إلى مراتع الغضب ولا التعصب للرأي
ولا تنسي أن الخيرة فيما اختاره الله يلا وافقي لنقول لكي مبروك

و عليكم السلام و رحمة الله تعالى و بركاته
اولا اود ان اشكرك اخي على صراحتك و اود توضيح شيء انا اجل قمت بالاستخارة الخالق و لكن كنت اود كدلك استشارة و معرفة راي السيدات
على العموم اعجبتني نصيحتك و عن قريب ادا كتب ربي راح تقولي مبروك وعقبال لكل المسلمين و المسلمات
​

 

[همس الوُرود]

سمحيلي ختي مانيش مختصة فهادو لحوايج و مانعرفلهمش بصح أنا نقولك خودي راي أمك هدا هو الصح نورمالمون