كوسميتيك العروس الجزائرية/لعروس اللمة الجزائرية/

[نجمة ساطعة]

وده عطر الابطين من ريكسونا



http://ar.wikipedia.org/w/index.php?title=ملف:Deoroller_DB.jpg&filetimestamp=20060107125033

 

[la rose de sable]

نجمة يا نجمة راهي اضافاتك روعة روعة ،، واختيارك للماركات اروع

ماتنسيناش طلي علينا دااااائما





راهي القائمة تاع العناية بالفم والاسنان واجدة ،،

دقايق وتكون عندكم​

 

[نجمة ساطعة]

أكريم الأساس ( فونديشن ) بالبودرة المضغوطة ...​

​

موس ( مايبلين ) مخملي ناعم ويغطي لك عيوب الوجة تغطية كاملة ( حبوب .. نمش .. بقع و آثار )..​

منه أبيض على فضي روعة ... ويدوم وقت طويييل ..

روعه روعه​

البودرة المضغوطة نفس الماركة ( مايبلين )

/​

/​

/​

(2)​

​

​

البلاشر .. نوعين ..​

اللي عاليمين .. كريم بلاش (مايبلين ) زهري بلمعة ( اللمعة واضحة من الصورة ) خوقاااااقي

​

اللي عاليسار .. بلاش بودرة ماركة ( جفنشي ) : 4 ألوان في واحد .. مره رايق ..​

/​

/​

/​

/​

(3)​

​

كحل العين ( القلم ) . مايبلين وماكس فاكتور ...​

السايل : ...​

الماسكرا : أستخدم أجدد نوع من ماكس فاكتور روعة ..​

...

​

/​

/​

/​

/​

(4)​

​

هذي إضاءة .. اللي تنحط تحت الحاجب ( على الجفن الثابت
​

شريت منها اثنين واحد فضي واحد على ذهبي ..​

/​

/​

/​

/​

(5)​

ظلال العيون ..​

للسهرات والأعراس ظلال ( بن ناي ) .​

ألوانها روعة وقوية وثابتة .. يجي كل لون منفصل عن الثاني .. وهذي علبتها ..​

​

​

أما للطلعات واللمات العادية أستخدم هالعلبة من)​

​

/​

/​

/​

/​

(6)​

هذا الشي مرة بطل

​

​

​

بودرة لمعة ( للجفون و تحت العيون ) ماركة ( ميك أب فور إيفر ) .. ​

تحطينه منه شوووووووووووويه ماشي كثير ( تطلعي ماشي مليحة اذا كثرتي )

​

علبته نتفه صغيرة ....​

/​

/​

/​

/​

(7)​

الأرواج والقلوسات ..​

​

اللي بالوسط روج ( نينا رتشي ) زهري .

اللي عاليمين روج سايل ( شانيل ) مشمشي على أورنج .​

اللي عاليسار قلوس ( كريستيان ديور ) أحمر توتي​

​

​

علبة أرواج درجات الزهري والبرونزي من ( ديور ) ... و أقول روعة ..​

​

​

أرواج بالفرشة .. وحدة درجات الزهر .. الثانية درجات المشمش ..​

​

/​

/​

/​

/​

(8)​

​

هذي بودرة رووعة للوجة والجسم ( بلمعة خفيفة وبريحة الفانيليا ) .. ماركة برستيج ....​

/​

/​

/​

(9)​

​

الفرش على جنب ذي من ماكس فاكتور

​

اللي عاليمين .. بودرة لاقطة ماركة برستيج : ( تنثرينها تحت عيونك وقت ماتحطين الظل ) عشان تلقط كل اللي يتناثر تحت عيونك ..​

وبعد ماتخلصين تمسحينها بالفرشة الكبيرة .. ​

/​

/​

/​

(10)​

طلاء اضافر

​

ماركات مختلفة ( شانيل _ نيفيا _ ريميل )
​

 

[la rose de sable]

وصلنا الآن الى احدى اكبر المشكلات بالنسبة للعروس ، وهي رائحة الفم ،، اللي يلزملها عناية خاصة ،،
طبعا النظافة هي كل في الكل ،،

العناية بالاسنان والفم

لذلك عليك ببعض الخطوات فقط ،، تبعوني ،، نقولكم وش تشريو

فرشاة brosse à dents ماركة مليحة مثل سنسوداين ،، تدوم ل 3 اشهر ،، وبدليها

معجون اسنان ،، وهنايا لكي الخيار بصح اذا حابة نصيحتي ننصحك ب sansodyne blancheur et protection longue durée و كرست الغني عن التعريف ، (( اغسلي فمك 3 مرات في اليوم من اجل حماية كاملة)))

بعد ماتغسلي سنيك ، كاين الغسول المطهر والمعطر bain de bouche ،، طبعا كلنا نستخدموه كي نعودوا خارجين ،،،،، بصح فيه نكهات ،،، واذا حابين نصحيتي خيري واحد بنكهة النعناع ،، تحسي فمك منتعش لفترة طوييييييييييييييييييييييييلة ،،، انا نستعمل extril

البخاخ المعطر للفم من fresh راهو بنكهات والقريعة ب 10 الاف ، ومتوفر في كل حانوت كوسميتيك

شرائح تعطير اللسان ( هنا لازم تروحي للفارمسي )))))) خيري النكهة اللي تحبيها ،،،

واخيرا الكرات المعطرة لرائحة الفم ،،،،، احسن ماركة هي papermints راااائع ـ حطيها في فمك لمدة ونحيها ،،، تعطيك رائحة ماشاء الله ،،،،،،


((((( القرنفل المنقوع له قدرة هائلة في تعطير الفم ،،،، ديري كمية قرنفل في كاس ما وخليه ليلة ومن الصباح اغسلي بيه فمك ،،، يعطيييك رائحة واااو وااااو وااااو ،، صدقوني ))))))


نخرج الان من الفم الى الشفتين ،،،،

طبعا الشفتين جزء مهم من الوجه ويتأثر جمال الوحدة اذا كانوا شفتيها متشققين او ناشفين او فيهم نفر سخانة ،، و يتأثروا بالبرد حيث يتشققوا او بالحر حيث ينشفوا

لذلك قررت اني نديرلهم جزء صغير للعناية ( لازم تعرفي بلي التغذية الجيدة تبان على الشفتين ،، يعودوا باينين حمورة وما يستحقوا والو ,,,,,اعتني بروحك وكولي كمية كبيرة من الفاكية والخضرة )))

مرطبات الشفاه من labello بنكهااااااااااااااااااااااااااااااااات عدييييييييييييييدة جدا ،، وكاين اللي باللون وكاين اللي بلا لون ،،،، والماركات عديدة جدا جدا جدااااا


هذا اللي تفكرتوا حاليا ،،، اذا عندكم اضافة اسعدوني بها

دائما مع اضافات العضوة المتالقة نجمة ساطعة

السوااااااااااااااااااااااااااااااك ،، وصانا بيه رسولنا الكريم صلى الله عليه وسلم

اداة تنظف اللسان و معاها جل خاص



هاذه مهمة لان البكتيريا تتراكم على اللسان و تسبب ريحة كريهة.. و بعد في ناس تعاني من فطريات على اللسان.. الطريقة ان بعد تنظيف الاسنان تحطين الجل عاللسان و تستخدمين الاداة مثل ماشايفين فيها شي مثل الفرشاة يدلك اللسان و يشيل البكتيريا.. و بعدين تسحبينها و تكشط معاها الجل مع البكتيريا



لبان (( لبان ليبيا مليح)) ،، او علك بنكهات وتكون ريحتها مثبتة وتدوم طويلا






​

 

[mima mami]

الله يبارك :-o راكم ناشطين

 

[mima mami]

بغيت نسقسيكم على لامارك المليحة تع الديفريساج :$ متحشمونيش راني جديدة هنا :regards01:

 

[la rose de sable]

بغيت نسقسيكم على لامارك المليحة تع الديفريساج :$ متحشمونيش راني جديدة هنا :regards01:

Glatt في علبة حمراء ،،
خيري اللي توالم شعرك

 

[la rose de sable]

الله يبارك :-o راكم ناشطين

ههههه ، انضمي انضمي :regards01:

 

[@احساس طفلة@]

يعطيك الصحة أختي la rose شملتي كل شيئ في الجزء الخاص بالعناية الأسنان والفم مجهودك واضح
فقط لو ضفتي بعض الصور للمنتجات يكون أحسن و أوضح ​

 

[@احساس طفلة@]

كريمات ازالة الشعر أنا ننصح ب veet بجميع أنواعها هايلة عن تجربة مني
لازم العروسة تدي معاها كمية تكفيها فترة معتبرة

متوفرة كذلك جال دوش وبودي لوشن يساعد على تقليل نمو الشعر

ومتنسوش الحلاوة ( روجينا ) بالنسبة ليا منستغناش عليها :-r

ميم تاني مليحة مي ساعات تكون سائلة ياسر ومتمشيش معايا

متوفرة تاني من veet

كذللك شرائط veet الشمعية ​

 

[la rose de sable]

كريمات ازالة الشعر أنا ننصح ب veet بجميع أنواعها هايلة عن تجربة مني
لازم العروسة تدي معاها كمية تكفيها فترة معتبرة

متوفرة كذلك جال دوش وبودي لوشن يساعد على تقليل نمو الشعر

ومتنسوش الحلاوة ( روجينا ) بالنسبة ليا منستغناش عليها :-r

ميم تاني مليحة مي ساعات تكون سائلة ياسر ومتمشيش معايا

متوفرة تاني من veet

كذللك شرائط veet الشمعية ​

يعطيك الصحة احساس طفلة على الاضافات والصور ،،، بصح حبيت نسقسيك على شرائط veet الشمعية وين يبيعوا فيها ،،،، انا حوست عليها ومالقيتهاش'''' طبعا مش في السوق ،، رحت لمغازات الرمال '''



مشاركتك سوف تضاف ،، اذا لقيتها مازالت قابلة للتعديل


مشكورة :$

 

[@احساس طفلة@]

يعطيك الصحة احساس طفلة على الاضافات والصور ،،، بصح حبيت نسقسيك على شرائط veet الشمعية وين يبيعوا فيها ،،،، انا حوست عليها ومالقيتهاش'''' طبعا مش في السوق ،، رحت لمغازات الرمال '''



مشاركتك سوف تضاف ،، اذا لقيتها مازالت قابلة للتعديل


مشكورة :$

انا شريتها من السوق متوفرة ،، مغازة الرمال متلقيش فيها كلشي

 

[la rose de sable]

يعطيك الصحة أختي la rose شملتي كل شيئ في الجزء الخاص بالعناية الأسنان والفم مجهودك واضح
فقط لو ضفتي بعض الصور للمنتجات يكون أحسن و أوضح ​

الله يخليك ،، المهم تكونوا استفدتوا ،، هذي غايتي والله ،،، ادعولي برك بصلاح الحال


دقائق وننزل الصور ،،

 

[la rose de sable]

انا شريتها من السوق متوفرة ،، مغازة الرمال متلقيش فيها كلشي

مشكورة ،،،،،،، :regards01:

 

[la rose de sable]

السلام عليكم ،،،


راني ميتة بالتعب رحت اليوم للجامعة سجلت ،، متت بالعياء والسخانة والتعب ،، وقاعدة غير نفكر فيكم

قلت لازم ندخل نحطلكم على الاقل قائمة ،،

رايحين نتكلموا في هذا الجزء عن العناية بالبشرة ،، ورايح يكون فيها فرعين :
1 العناية بالوجه
2 العناية بالبشرة


نبدوا بالوجه ،،،،

اربطواااااااا الاحزمة


قبل مانبدا نحط المستحضرات ، خلوني نعطيكم بعض النصائح المفيدة ،،
قبل كل شي ،، لازمك تنظفي بشرتك باستمرار ،، اذا كانت دهنية اغسليها بالصابون مرة في اليوم ،، مرة هاااااا لا اكثر ، لانه كثرة الغسيل تديرلك القشرة في وجهك وتعودي واحلة وتجري للطبة كيما انا العام اللي فات ،، وطبعا شوفي الصابون اللي يخرج عن بشرتك ، سواء طبي او عادي ، معطر او بدون عطور ، وانا نصحني الديرماتولوج ب savon de marseille ماكانش كيفو ، وقالي حتى لو بدلتي حاولي تختاري واحد مش معطر ،،،،،،،، اختكم راسها قاسي ، مانقدرش نغسل بصابون بدون رائحة

اذا كانت بشرتك جافة ، اغسليها 3 مرات في الاسبوع ،،،،،،، طبعا تو تقولو يععععع وش هذا ،، انا نقولك وييييييي وسقسي اي طبيب راح يقولك نفس الحديث ، ،، وانا الحديث هذا هزيتي من عند ديرماتولوج المخير في الواد ويجوه من كل الولايات من بسكرة ومن ورقلة ومن باتنة والله والله ايديه فيها البراكة ،،، اي حاجة يداويها ماشاء الله لا حول ولا قوة الا بالله : للافادة واللي حابة اسمة تقولي في الخاص ، حبيت نحط اسمو مي خفت تقولولي راكي ديريلو في اشهار

ومن بعض العادات السيئة عندنا هي الاكل الحار والتوابل ،،، حاولي تنقصي منهم سيرتو اذا كنتي تعاني من حب الشباب ،،

المأكولات الزيتية ايضا ممنوعة لصاحبات البشرة الدهنية ،،،،

واكل الشوكولا بكثرة احد اهم اسباب حب الشباب ،،،

هذي النصائح هزيتها من عندو ، ،،،، حبيت نفيدكم بيها ،،

استنوا الآن المستحضرات الخاصة بالوجه



جيتكم
المستحضرات :

اونتي سولااااااي عندك تنسيها،، ديري كلشي وتنسيها ،،، شوفي اللي يخرج على بشرتك ، واشريها من الفارماسي ،، كاين انوااااااع عديدة وكلها رائعة ، هي بالارقام والدرجات ،، انا بالنسبة ليا نستعمل bioderma creme منذ 3 سنوات ،، رائعة جدا ،، وسعرها مش خيالي ب 90 الف وتبقى لمدة طويلة جدا ،، والي جربت اي نوع اخر وعجبها تقوللنا


لي (lait) ، منظف و مغذي للوجه كل الانواع رائعة ، انا نستخدم تاع جوز الهند


تونيك ( هذا ديريه كي تحبي تقبضي المسامات قبل الماكياج ب 5 دقايق) ، وحتى بعد الماكياج اذا كانو مساماتك مفتوحين ،،، سيرتو اللي عندهم تراس حب الشباب او بشرتهم دهنية ،،، انا نعرف nivea visage toner ;neutrogena

مرطب ومغذي للبشرة ،، وبما اني من عشاق مستحضرات نيفيا ، فطبعا انا جربتو هو

كريم دو جور + كريم دو نوي (((((((( رااااااائع وتبان البشرة مغذية و مشرقة حتى لو كنتي ميييييتة بالتعب والسهر والعياء ) olay هو المخير ،،، لكن تأكدي من حصولك على المنتج الاصلي


كريمات للهالات تحت العينين ،،، كيما تكلمنا قبل كابن اونتي ساغن ،، مي كي تغسليها تروح ،
اليوم جبتلكم كريم خاص بالمنطقة هاذي ، ومفعوله بطيء يعني استخدمية بانتظام اسبوعين قبل عرسك ،،، الماركات عديدة ،، olay .. Neutrogena ...et nivea <3 يسموه eye creme او crème des yeux ماتحيروش راهم يقصدوا الهالات


مقشر خاص بالوجه ، تستخدمية قبل الماكياج ،، يقولوا رائع ، انا ما جربتش ،، وننصحك ماديريش اي حاجة ،، سقسي طبيبك ، ولا واحد عنده خبرة كبيرة في المجال ،، وما تصدقيش اصحاب المحلات راهم بلعاطين


غسول للوجه ،،،،،، اكيد ما تقدريش تستغني عليه ،،، يستخدم بعد ازالة الماكياج


هذا ما توفر بجعبتي حاليا بخصوص العناية بالبشرة ،، وراهي عندي خلطات بسيطة جدا ومجربة ونتائجها مضمونة وغير مكلفة ،، ومش لازمها عسل وجوز ههههههه ،، كل مكوناتها في البيت ،، هاذي الخلطات خاصة ببنات وادي سوف ،، اذا حبيتو نحطها ، او نخلوا المضوع للمستحضرات فقط






لي رجعة بش نكمل العناية بالجسم

العناية بالجسم






طبعا العناية بالجسم ، لاتعني فقط الترطيب ،،

كاين حوايج اخرى لازم ديريها في الحسبان وومكن تنسيها ،، ردي بالك ،، هيا معايا

بودر معطر للجسم او التولك،، انا افضل enchanteur

deodorant وهنايا لكي الخيار ،،، الحانوت بش ينطق منهم هههههههههه نوعي وماتديش غير نوع واحد ،، وطبعا يبقى rexona هو المخير بمختلف الوانه ،،، madmoiselle .. Venus .. Echouia .. Incidence ..je t'aime .............................etc انا تقريبا جربت كل النوعيااااااااااااااااااااات ، وكلها ريحتها رائعة ،، لكن يبقى الاشكال في عدد الساعات اللي تقدر الديودوران تحكم ،،، والدراهم ما تغلطش ، خيري الغالية تفرحي


الشب المعطر او الدنوس ،، كل واحد بهجته ،، يتباع في الاسوق ومتوفر جدا ،،، ولاااااااااازم كل عروسة تدي منه على الأقل 2 بايط


كريم عبير للبشرة الحساسة ،، هذا كالشب بصح مش بودر ، كريم ،، لانه البودر يحرق بعض الاشخاص


لي بروتاج + لي بوند ,,,,,,,,, اشري كمية كبيرة جدا ،، لانك رايحة تستخدميهم يوميا (لي بروتاج)


لاسير او الحلاوة ,,, اشري ميم تاع لي بلاك ،، خير من الباطات ،،، واذا كنتي شاطرة وتعرفي تخدميها خير وخير

dépelatoire ،،، الماركات عديدة ،،،، اشري اللي موالفة بيها ،،

مواس جوطابل نكرر بلي المخيرة هي venus لونها وردي ، وتدوم اكثر من الموس العادي ، مصممة خصيصا للبنات


غسول مطهر للمنطقة الحساسة ،، جيبيه من الفارماسي ،، كاين نوعيات ،، استعيني بالمتزوجات في اختياره ،، ويستحسن يكون معطر برائحة الورد

اضافة العضوة نجمة ساطعة

ملابس خاصه بالدورة الشهرية (-كلتات بلاستك من الصيدلية)) تسويلك حمايه وتحافظ على ملابسك هذي اهم حاجة


وكش ما تفكرت راني نرجعلكم

اضافة العضوة احساس طفلة
​

جال دوش وبودي لوشن يساعد على تقليل نمو الشعر ،،،، الماركة المقترحة veet

شرائح veet الشمعية لازالة الشعر



لا تنسوني من صالح دعائكم
​

تمت اضافة مشاركتك الى القائمة احساس طفلة

 

[@احساس طفلة@]

تمت اضافة مشاركتك الى القائمة احساس طفلة

علبالك منتبهتش بالي راكي حطيني جزء العناية بالوجه والجسم مزيا درتي هاد الاضافة
مشكورة حنونة على اضافة عندي بعض الاستفسارات من بعد نقولهلك

 

[la rose de sable]

بناءا على طلب العضوة احساس طفلة ،، بش نجيب تصاور لحواسج تنظيف الاسنان والفم

نبداو بالمعجون

للتنبيه فقط،،، بارودونتاكس يستعملوه الي عندهم التهاب اللثة بناءا علو وصفة طبية ،،،، وطعمته مرررررررررة ،،، اذا كانت لثتك لاباس عليها ، تجنبيه

الشيتة ننصحكم بهاذي

غسول مطهر ومعطر للفم ،،، كاين ماركاااات عديدة ،، انا نستخدم هذا ،، قاوي وريحته هايلة

شرائح اللسان المعطرة ،، تذوب في اللسان ، وفيها نكهات

الكراات المعطرة لرائحة الفم ،، او الحلوة المعطرة بولو

وهاهي الكرات المعطرة ،،، جبتها من الفارماسي ب 25 الف الوحدة








العلكة الغنية على التعريف اكسترا

البخاخ المعطر لرائحة الفم

السواك

​

 

[la rose de sable]

علبالك منتبهتش بالي راكي حطيني جزء العناية بالوجه والجسم مزيا درتي هاد الاضافة
مشكورة حنونة على اضافة عندي بعض الاستفسارات من بعد نقولهلك

مرحبا بيك في كل وقت

 

[la rose de sable]

راكم واجدين للقائمة التالية ؟؟؟؟؟؟؟؟؟؟؟؟؟

انا راني واجدة ،، بصح لازم تكونوا معايا

المرة هذي راهي القائمة مدعمة بالصور والماركات ،،،

مالا شجعونا شوي قبل ما نبدوا

 

[نجمة ساطعة]

اني نستنى