كوسميتيك العروس الجزائرية/لعروس اللمة الجزائرية/

[la rose de sable]

اني نستنى

نجمة مشكورة راكي ديما معايا

يالله استعدي راني بش نحط

البقية يجو يتفرجوا ويخرجوا ،، معليييييييش

 

[@احساس طفلة@]

بناءا على طلب العضوة احساس طفلة ،، بش نجيب تصاور لحواسج تنظيف الاسنان والفم​

نبداو بالمعجون

للتنبيه فقط،،، بارودونتاكس يستعملوه الي عندهم التهاب اللثة بناءا علو وصفة طبية ،،،، وطعمته مرررررررررة ،،، اذا كانت لثتك لاباس عليها ، تجنبيه​

الشيتة ننصحكم بهاذي​

غسول مطهر ومعطر للفم ،،، كاين ماركاااات عديدة ،، انا نستخدم هذا ،، قاوي وريحته هايلة​

شرائح اللسان المعطرة ،، تذوب في اللسان ، وفيها نكهات​

الكراات المعطرة لرائحة الفم ،، او الحلوة المعطرة بولو​

وهاهي الكرات المعطرة ،،، جبتها من الفارماسي ب 25 الف الوحدة​

​

العلكة الغنية على التعريف اكسترا

البخاخ المعطر لرائحة الفم​

السواك​

يعيطك الصحة حبيبتي هكدا وضحتي أكثر خاصة الشرائح المعطرة للسان مكنتش نعرفها
مشكووورة :regards01:

 

[@احساس طفلة@]

راكم واجدين للقائمة التالية ؟؟؟؟؟؟؟؟؟؟؟؟؟

انا راني واجدة ،، بصح لازم تكونوا معايا

المرة هذي راهي القائمة مدعمة بالصور والماركات ،،،

مالا شجعونا شوي قبل ما نبدوا

ياله رانا مشوقين :d

 

[Ĉoĕǔŕ Dề Ḟľeuŗ]

يعطيك الصحة حبيبتي
راكي جايبتها في كلشي
مرسي عليك بزااااااااف
موفقة

 

[la rose de sable]

السلام عليكم ،،،،،،

الاجهزة الكهربائية

هي احد اهم المسلتزمات اللي تديهم العروسة في جهازها ،، وعددهم مش كبير ، لذلك نادرا ما يتنساو ،،،

حبيت فقط نحطهم ونحط تصاور ليهم ،، ونقترح بعض الماركات الملاح

نبداو بالسيشوار

،،،

هنا بلا مانقول ولا ننصح ،، كل وحدة تعرف مليح لي مارك والاسعار ،،، انا تاعي طالياناي ماركته professionnal power3000،، راهو ليه اكثر من 4 سنين وهو عندي ،، وما شكيتش ندير واحد جديد لجهازي بسكو راهو مازال جدييييييييييييد


الفير ، ولا ليسور fer à lisser ;; lisseur

انا تاعي من babyliss paris ،، شريته ب 470 الف وندمت ،، رقيق ومافيهش سيكوريتي ،، لقيت في نفس الماركة ب 800 الف ، بصح كنت مفلسة وقتها ههههه ،، طبعا في جهاز بش ندير واحد جديد ،،،

نتمنى اللي عنها ماركة مليحة ومضمونة تنصحنا




boucleur

انا بصراااحة مانستعملهاش ،، شريت انا صغيرة ماركة تايوانية حرقتلي شعري هههه من وقتها تعقدت منهم ،، عدت نبوكلي شعري بالفير او ليغولوغ ، او عند الحفافة ،،

نتمنى انكم تساعدوني في اختيار الماركة وتجيبو صورتها اذا امكن

الة نزع الشعر ،، تأكدي من الاصلي ، ،، الماركتين المشهوريتن هم براون و انجوي،، الناس يشكروا في براوي بصح انا شخصيا نشكر انجوي شريتها ب 11 مية ، من باتنة وضمان 2 سنوات

مجموعة العناية بالأظافر (( اذا تحبي نصيحتي اشري اللي تتشرجى بالكهرباء خير من تاع ليبيل)) ،، وبابيليس هي الرائدة في صنع هذا النوع من الاجهزة ،،

واخيرا بخارة كهربائية او ما يسمى ب résistence
( اشري وحدة مزركشة ومزينة وملونة ،، مش تاع الاينوكس))

​

 

[la rose de sable]

يعيطك الصحة حبيبتي هكدا وضحتي أكثر خاصة الشرائح المعطرة للسان مكنتش نعرفها
مشكووورة :regards01:

العفو نحن في الخدمة ،،، فقط دعوة صادقة

ياله رانا مشوقين :d

راني درت ،، شوفي

 

[{مُدَلَّلَتُهُ}]

بارك الله فيكم على الإفادة متابعه لكم

ربي يعطيكم ما تتمناو
​

 

[la rose de sable]

يعطيك الصحة حبيبتي
راكي جايبتها في كلشي
مرسي عليك بزااااااااف
موفقة

بلا مزية ،، المهم تكونوا استفدتوا من الموضع ،، هاذي غاااايتي ،، اني نسهل عليك او نفكركم ببعض المستلزمات اللي تديهم العروسة معاها


تابعينا ،،،

مازال مواصلين

 

[la rose de sable]

بارك الله فيكم على الإفادة متابعه لكم

ربي يعطيكم ما تتمناو
​

اااااااااااامين ،، واخيرا وحدة دعاتلي ،،،،

تابعينا ،، مازال مواصلين

 

[طيور الجنة21]

استفدنا الكثير و الوفير منك أعطيك الصحة الفحلة

ماشاء الله راكي فراشة في النشاط

 

[la rose de sable]

استفدنا الكثير و الوفير منك أعطيك الصحة الفحلة

ماشاء الله راكي فراشة في النشاط

هاذي غايتي والله ،،،

الحمد لله كي استفدتوا مني

تذكروني من صالح دعواتكم

 

[la rose de sable]

القائمة التالية راهي تاع العطور ،،،

راني موجدة قائمة كبيرة جدا باهم ماركات العطور الفرنسية والعالمية ، والشرقية الشهيرة الخاصة بالعرائس

كونوا في الموعد

استعدوا وانضموا ،،،،
​

 

[نبض الحياة]

مــــــوضوع في القمة
بالرغم مازال وقتي انا مي نستفاد معاكم ونفيد بنت خالتي اللي راهي تجهز
رايحة نهبلها هه
يعطيك الصحة حبيبة​

 

[la rose de sable]

مــــــوضوع في القمة
بالرغم مازال وقتي انا مي نستفاد معاكم ونفيد بنت خالتي اللي راهي تجهز
رايحة نهبلها هه
يعطيك الصحة حبيبة​

اهلا وسهلا نورتي ،،،

معليش ناديلنا بنت خالتك تستفاد معانا بلاك راهي نسات حوايج ،،


تابعينا ،، راهي القوائم مدرقة بين الصفحات :d

 

[la rose de sable]

السلام عليكم

مرحبا بيكم معنا من جديد مع قائمة la rose de sable للكوسميتك ههههههه

الضيوف راكم منورين ،،راني نشوف فيكم تطلوا من بعيد ،، سجلواااا وارواحوا معنا تستفيدوا وتطرحوا اسئلتكم ورانا واجدين كيما تشوفوا ،، كلنا عايلة واحدة ومانبخلوش على بعضنا


قائمة العطور

من اصعب المواقف اللي ممكن تتحط فيها العروسة هو يوم تروح تشري عطور لجهازها ، تدوخ ، ماتعرفش واش تخير ،، وتتخلط عليها الروايح من جراء التجريب ، كل مرة تجرب بارفان ويتخلوطوا وماتعرفش وش تشري ،،

مالا من الاحسن انك تستشيري على الماركات المليحة قبل ما تروحي ، وتدي معاك قائمة لاسماء العطور اللي حابتهم ،،

انا من جهتي ،، اعشق العطور ،، ونحب نبدل ،، لذلك مانشريش القرعة الكبيرة تاع 600الف او اكثر ، انا نشري دائما من لومبالاج ،،، قريعة صغيييييييييييرة جدا جدا جدا تستقاملي ب 50 الف ،، (( هذا ضرك )) مي لعرسي اكيد نشري قرع كبار


هيا نقولكم انا وش جربت ،، مع وصف لكل عطر (((( عاشقة العطور الفرنسية

lacoste ،، ريحتو قاوية وتدوم ،،
coco chanel روعة روعة روعة ، ومن اللي تديريه والناس تسقسيك وش اسم العطر اللي مدايراتو ،، وصفو : خفيف ويبقى ،، ويرسخ في المخ ،، معشوووق ،،
j'adore من dior هذا مشهور ومش لازمو وصف
sublime هو ايضا اكثر من رائع ،، ويصلح بكل الفصول ولكل المناسبات
nina شكله كالتفاحة الحمراء ،،، بلا ما نوصف ، رائع ، جدا جدا جدا
trésor وفعلااااا تريزور

عندك dolce vita ماركة طليانية ،، جميلة جدا
burberry ايضا ريحته قوية وتدووم طويلا وترسخ في الاذهان





هيا نروحوا شوية لعطور العرب ،،

alphao مصري ، وجد رائع ،، يدير 350 الف
aqua green مشهور جدا ودائما يبان في الاشهارات
muzna لونه اصفر وقرعته طويلة ،، وريحته منعشة ومش مقلقة او قاوية ،،، ( بصح ماتدومش ياسر)



الان وقت الجد ::
نروحوا للعطور الزيتية اللي لازم كل عروس تتفكرهم لانها رايحة تدير منهم اول ليلة ليها وكل الليالي :

المشهور هو :

عطر مسك العروس ،،،،،،، من القرشي ،،،،،، رائع جدا جدا جدا ،، ويدير 100 الف
عطر جوفان بالمسك الابيض ،،، عطر يمني ومشهور ومش غالي ياسر
عطر العود،،،، من الجعفري ،،،، مش متوفر بكثرة بصح يمكن تلقيه عند العطارين ،، يدير 240 ،، ويحته ماتحتاجش وصف ، لانها خارقة للعادة






وعندي تنسي المسك مكعبات لتعطير الملابس ،، وعطر المسك الاسود لتطهير المناطق الحساسة بعد ليغاقل ((( وصانا بيه الرسول الكريم صلى الله عليه وسلم )))) ،،
واكيد ريحتة المسك تطرد الشيطان والجان ،، لذلك تلقي اغلب العرايس (( في منطقتنا )) يديروا عطورهم من المسك وبخوراتهم ايضا من المسك ،،






هذا وش تفكرت حاليا ،، طبعا القائمة قابلة للاضافة

واللي عندها تصاور تزودنا بيهم

،،،( ملاحظة ،، معظم العطور اللي حطيتها مجربة شخصيا واي سؤال عن السعر راني هنا )


هيا قولوا تو : ربي يقد سعدك (((( ههههه جملة سوفية بحتة )))
اااامين

ادعولي بصلاح الحال




​

 

[la rose de sable]

واخيرااااااااا

قائمة مزيلات الروائح ،،

رايحة نتكلم في هذا الجزء عن كل ماله علاقة بازالة رائحة الجسم ،،
ورايحة نتحدث ايضا عن اجمل انواع البخور والعمبر اللي ممكن اي عروس تعطر بيها شومبرتها ،،
وعن ماركات معطرات الجو اللي تديهم معاها العروسة في جهازها


طبعا في انتظار تفاعلكم بش نبدا

​

 

[نجمة ساطعة]

طرق التخلص من رائحة العرق


تأتي رائحة العرق من البكتيريا التي تنمو على الجسم. وتتضاعف هذه البكتيريا إلى حدّ كبير بوجود العرق. والعرق طريقة يستعملها الجسم لتنظيم درجة حرارته. حيث تبقى الجلد رطبا.

العرق سائل مالح، ينزّ خارج مسامات الجلد ويحتوي على مضاد حيوي طبيعي يسمى "ديرميسيدين".

أنواع الغدّد المنتجة للعرق:



2. تجنبي الملابس الضيّقة.

3. تجنّبي المشروبات الحارة والأماكن المزدحمة الحارة.

4. طهّري جسمك بانتظام بالمطهّرات المعالجة إذا كان بالإمكان.

5. استعملي مزيلات الرائحة. هذه يتضمّن: مضادات التعرّق ومزيلات الروائح والعطور.

6. تحتوي مضادات التعرّق على أملاح الألمنيوم التي تخفّض من التعرق عن طريق إغلاق قنوات العرق. كما تحتوي مزيلات الروائح على مطهّر لمقاتلة البكتيريا. فهي تقلل الرائحة لكنها لا تقلّل التعرّق.

7. تلاحظ مشكلة العرق في الغالب بين البدينين. لذا، يمكن السيطرة عليها وتقليلها بتخفيض الوزن وممارسة الرياضة بانتظام.

8. العلاج الطبيعي مثل الملاحق التي تحتوي ذيل حصان أو ميراميّة قد يساعدان في للتخلّص من رائحة الجسم.

9. الزيوت الأساسية مثل الورد , الميرميّة أو الزنجبيل أو الليمون أو السرو أو جوز الطيب يمكن أن يخفّفا ويستعملا لإخفاء رائحة الجسم طبيعيا.

10. يمكن تجنب العرق ، بالاستحمام اليومي باستخدام صابون مضادّ للجراثيم.

11. استعملي مزيل الروائح بالألمنيوم أو الخارصين. حيث تساعد هذه المعادن على تفادي البكتيريا المسبّبة للرائحة. استعملي كلوريد ألمنيوم في فصل الشتاء.

12. تجنبي استهلاك الأطعمة ذات الرائحة القوية أو التي تحتوي على الكثيرة من التوابل الحادّة.

13. يجب أن تلبسي ملابس نظيفة وجافّة، لأن البكتيريا يمكن أن تبقى في اللباس الرطب.

14. اغسلي وجفّفي أقدامك كليّا بانتظام. ارتدي ملابس وصنادل خفيفة في فصل الصيف.

بعض طرق التخلص من رائحة العرق:

• يمكن للجراحة أن تفيد في بعض الحالات الحادّة، عن طريق إزالة منطقة صغيرة من الجلد تحت الإبط، لإزالة بعض الغدد العرقية.

• يمكن أيضا استعمال البوتكس كعلاج لمشكلة فرط التعرق.

• دعي أقدامك تتنفّس حين الإمكان. لا ترتدي أحذية مغلقة في المنزل.

 

[نجمة ساطعة]

نصائح للتخلص من رائحة الجسم الكريهه

حاولي دائما ان تكون عطوراتك طقم كامل لنوع واحد من العطر
بودره – لوشن – شور كريم – وصابون – زجاجة العطر

ولاتنسي دائماً بخري خزانة ملابسك اليومية والداخلية
لان رائحة البخور تمسك فيها
واختاري انواع جيدة من البخور والعود

هذه بعض العطورات العربيه ورائحتها جميلة
مثل دهن العود ودهن المسك
او خلطات فرنسيه وخلطات عربية
والورد الطائفي ودهن عود الشمس و المخمرية للشعر والجسم
تجدين هذه العطورات في محلات العطور العربية فقط

طريقة تعطير الجسم

حتى يثبت بك العطر اتبعي هذه الطريقه

اول شي يلزمك عطر+ البودرة الخاصة فيه + الكريم + الصابونة
تحممي بصابونة معطرة من نفس نوع العطر الذي تستخدمينه
بعد الاستحمام ضعي على كامل الجسم كريم مرطب خفيف
بعدها ضعي بودرة عادية بدون رائحة
ثم ضعي على جسمك بخاخ الجسم من رائحة الورد الطائفي
وضعي على اماكن النبض فيك قطرات دهن عود
ثم ضعي الكريم المعطر على يديك ورجليك

البسي فستانك وعطريه من عطرك
ثم بخري جسمك ولبسك بالعود الزين

ضعي اذا ما اردت ان تدوم رائحتك الزكية لمدة أطول بعض العطر على شعرك
ولا تنسي مزيلات العرق بعد الاستحمام ومعطرات الفم​

​

 

[نجمة ساطعة]

اقسم بالله احسن رايحة نموت عليها(5سنين وانا ديرها

 

[نجمة ساطعة]

ده لوشون نيفيا للجسم

نيڤيا كريم

المرطب الأصلي لجميع أفراد العائلة الذي يمنح البشرة كل ما تحتاجه لتبقى نقية، نضرة وناعمة.

يجب ازالة الشعر اسفل الصفن وبين الفخذين بالالتقاء والعانة كل اقل من 40 يوم كما اوصى النبي صلى الله عليه وسلم
باستخدام الشفرات الجاهزه او بستخدام احد انواع مزيل الشعر.

ثانياً/
بعد ازالة الشعر يبدء بغسل المنطقة جيداً و لاينبغي استخدام اي صابون او شاور جل في هذه الاماكن لحساسيتها الشديده ويوجد بالصيدليات صابون خاص للرجال للاماكن الحساسه يدعك به برفق وبدون ليفه.

استخدم بودرة ازالة رائحة العرق للابطين والمنطقة الحساسة وانصح بـ((داكتارين))لانها تقتل البكتريا المسببه للرائحه ولا تمنع التعرق.
واذا كنت تعاني من تعرق زائد .. استخدم ((dry)) من نيفيا
لتنظيم التعرق ورائحته طيبه .