الـــــــدرس الـــسابع لدورة اللمة الجزائرية لتعليم فنون الطبخ2

[عفاف الجزائرية]

السلام عليكم ورحمة الله وتعالى وبركاته

​

الدرس السابع:
طاجين الزيتون بالمصران
صابلي مالحين
معجون الليمون


طاجين الزيتون بالمصران
المقادير:
مصران منقي من الشحوم
لحم مرحي
كمشة روز
شوي فارميسال
بصلة
ثوم
توابل ملح فلفل اكحل فلفل احمر رند وخليط الاعشاب عبارة عن زعيترة اكليل نعناع يابس
زيتون اخضر
كمشة حمص
2 بيضات
زيت + مغرفة سمن
معدنوس
1 جومبو الذوق حسب الاختيار

طريقة التحضير:
في القدر او الطنجرة نحضرو الصلة البيضاء عادي نرابيو البصل مع الثوم نحطو عليها شوي زيت ملح فلفل اكحل ورقتين رند ونخلطو شوي وبعد ذلك نطحنو فيها حبة جومبو نغلوه يغلي شوي ونمرقو
نكونو غلينا الزيتون باه ننزعولو الملح نتاعو وبعد ما يكون المرق طاب شوي وبدى يتخثر نحطو الزيتون والحمص وننقصولو النار نخلوه على نار خفيفة

ننحيو شوي من اللحم ندوزنوه بشوي ملح فلفل اكحل ومعدنوس مقطع رقيق نعملوه كريات ونحطوهم بجنب بعد ما يناصف المرق في الطياب نلوحوهم فيه

من جهة تانية نجيبو المصران نتاعنا بعد ما كنا نقيناه نحطوه نملحوه

ونجيبو الحشو
عبارة عن لحم مرحي ارز فارميسال نص بصلة مقطعة رقييييق نص ربطة معدنوس زيتون اخضر مقطع رقيق ملح فلفل اكحل ثوم وفلفل احمر وكسبر مطحون

نخلطو الكل مع بعضو ونكسرو فيه 2 بيضات

نجيبو الخيط ونبداو نعمرو في المصران نتاعنا نعملوه كريات صغار لكن بشرط ما نحشوهاش بزاف نخلو شوي فراغ ونربطو ونخلو فراغ بين الربطة والربطة والصورة توضح ذلك

نحطو في قدر ماء ملح ورقتين رند وخليط الاعشاب وشوي زيت

نخلوه يغلي ونلوحو فيه السلسلة نتاع المصران المحشي بعد ما نكونو ثقبناه ثقوب صغيرة نخلوه يغلي في الماء حتان ينضج

بعد ما ينضج نصفوه من الماء ونقطعو كل حبة على ختها

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

نحطو السمن في مقلاة ونحمرو الكريات المحشية

من جهة اخرى نضربو طلة على المرقة نتاعنا بعد ما تكون نضجت والحمص طاب نحطو الكريات
في لمرق ونخلوه تعقد معاهم تقريبا ربع ساعة

العصرة نتاع الليمون تمد مذاق اخر عند التقديم

وهذا الشكل النهائي

​

------------------------------


لي صابلي مالحين
المقادير :
العجينة المورقة
الحشو :
3 مغارف مايوناز
مغرفة هريسة
جبن شيدر او غرويار
قبضة كسبر او معدنوس حسب الاختيار
قرصة ملح وفلفل اكحل

الطريقة :
نحلو العجينة المورقة بسمك يكون شوي رقيق نطبعو بالطابع نتاع الصابلي
​

​

وندخلوه يطيب
​

بعد ما يطيب نخلطو المايوناز والهريسة مع الملح اولفلفل الاكحل الحشيش مقطع رقيق اذا عندنا غرويار مبشور او نبشروه او نبشرو جبن شيدر نحطوه على النار يدفى برك يرجعلنا يتلاصق بعد ما يذوب الجبن

(أنا ما حطيتش الهريسة باسكو الوالدة ما بغاتش الحرور)
نلصقو كل حبة مع اختها
​

​

ونقدموها مع اي صلصة حسب الاختيار

​

-----------------------


​

معجون الليمون
المقادير :
1كغ ليمون
1كغ سكر
كاس ماء
عود قرفة

طريقة التحضير:
نبرشو الليمون ننحولو القشرة الصفراء
نقطعوه على 4 وننحولو القلب نتاعو

نخلوه يبات ليلة في الماء يخرج منو المرارة نتاعو

في الغد نصفوه ونحطوه في طنجرة نغموه بالماء ونخلوه يغلي ونصفيوه
نغليوه 3 مرات

المرة الثالثة نحطو السكر والماء والقرفة في اناء ونخلو السكر يذوب (أنا استعملت نص سكر عادي والنص التاني سكر قندلي )

ونحطو فيه الليمون ننقصولو النار نغطوه ونخلوه يعقد ويتشرب مليح

مرة على مرة ننزعو الرغوة اللي من فوق

وبعد ما يعقد العسل نتاعو ويطرى الليمون نحطوه في اناء ونقدموه

​

​

 

[امال العروبة]

بارك الله فيك وشكرااااااااااااااا

 

[ألاء الرحمـــن]

يعطيك الصحة عفوفة كي العادة فنانة

​

 

[samouzin]

ma chaa lah

 

[oumniati]

يعطيك الصحة ياعفاف وربي يجازيك على جهدك، كلشي مميز كيما عودتينا، راه جاي العيد كاشما قدر يهربلي مصران:-h نجربها ان شاء الله

 

[imane27]

يعطيك الصحة عفوفة هايلين

 

[روعة2005]

الله يبارك فوفة اطباق في القمة والمصران ماخلاش مممممم على قولة خيرة راهو جاء العيد الكبير ان شاء الله ربي يعطيك ماتتمناي

 

[love papitou]

بارك الله فيك

 

[nada242008]

كلش من يديك هايل وبنين عفوفة سيرتو المصران يشهي امممممم يعطيك الصحة وربي يهنيك

 

[ibtesem]

الله الله فوفتي
تاع المصران وقيل نقول عليها الى امي تطبقها ترسلي الصور
او نستنى العيد ههههههههههه
بارك الله فيك يالحبوبة على المجهود المبدول

 

[hadda0425]

عفاف الله يبارك
كل شي هايل
والمصران خدمة تع الصح هههه
​

 

[loula09]

يعطيك الصحة عفوفة هايلين خصوصا تاع المصران نجربو مور العيد الكبير ان شاء الله

 

[omarwa]

بارك الله فيك عفوفة ربي يكثر خيرك ويرزق البركة دائما

 

[السلطانة]

الله يبارك رووووووووووووووووووعة
يعطيك الصحة على الاطباق المفيدة والجديدة

​

 

[ام اماني05]

ماشاء الله عليك اختي عفاف اطباق روووعة بارك الله فيك:up::up:

 

[ندى الورود]

ما شاء الله يا عفاف كل شيء يهبل ويشهي
يعطيك الصحة
​

 

[mari27]

اممممممممممممممم باينة الماكلة بنينة الله يعطيك الصحة

 

[رهام22]

كل ما طيختيه رائع

 

[dahbito]

يعطيك الصحة يا شريكتي واش نقول واش نخلي

 

[dalila2010]

واو الله خلينا اياك ويعطيك ماتتمناي ياحنونتي