سؤال موجه للشباب ياريت لبنات تاني يعطوني رايهم

[lizou]

السلام عليكم ناس اللمة ​

واش راكم لاباس :d؟ايه ليوم حبيت نستفسر على وحد لحاجة مافهمتهاش والله :sكي كونت في alger جات جارت خالتي وبداو يهدرو ويهدرو امبعد جبدو سوجي تاع زواج هادي جارت خالتي عندها وليدها في عمرو 26 سنة :dويماه حبت تخطبلو كاش طفلة ابا قالتلو ياوليدي راني حاباتك تتزوج. شوية برك هو تنارفا وبدى يعيط انا مانتزوجش دوكة قالتلو علاه واش خصك ؟قالها مازال مالقيتش الي توالمني قالتلو يماه انا نعرف وحدة بنت فاميليا و عاقلة وشابة و تخدم قالها jamaisss كيفاش حبيتيني نتزوج بوحدة مانعرفهاش قلتلو يماه ايه امبعد تولي تعرفها قالها لالا غير هادي انسايها يماه مسكينة قالتلو ايه امالا قولي ادا كاينة وحدة في بالك نروح نخطبهالك ههههههههههه وهنا تاني زاد عيط قالها jamais نتزوج مع وحدة خرجت معاها علاخاطر كيما خرجت معايا تخرج مع غيري.:s هنا كاين مشكل يرحم باباكم واش من طفلة راح يتزوج دوكة مادامو لي مايعرفهاش ماحبهاش ولي يعرفها تاني ماحبهاش والله غير عجب انا راني حابة نسقسيكم les jeun واش من مرة راكم تحوسو عليها اه؟ علاخاطر والله غير تحيرو ونتوما لبنات اعطولي رايكم فهاد التخمام ​

 

[ماكانش]

أهلا بيك ليزو
يتزوج بوحدة كانت تخرج ودرك حابة واحد مايخرجش ....

 

[جزائرية كوول]

ههههههه والله يا اختي موضوعك ضحكني اكثر من انو حيرني

والله تلقايه مخلوق حابس في العقلية

ولا نقلك بلاكش تنزل عليه حورية من السما:dما تعرفي هههه

المهم ربي يحفظك خيتي سوجي رايع
++++++++
​

 

[السلطانة]

وعليكم السلام

كاين وحد المقولة تقول :
اذا تركتَ حبيبتَك فسيتزوجّها غيرك
تذهب لتتزوّج فحتما ستتزوّج حبيبية غيرك
مادُمتَ تظُنّ نفسكَ كيما ي قولو فايق وتكلّح بنات الناس وانت تطيح في لمخيرة
مالا كما تدين تُدان
فأيّهما الأسوأ ؟

وكلشي بالمكتوب والحديث قياس
الطيبون للطيبات وكل واحد يدي واش كاتبلو
سلامي اختي

​

 

[aminas94]

هم يبحثون عمن تصون العرض وتحفظ الشرف
يبحثون عمن يعرفونها اسما وقالبا لا من جالو وصالو في قلبها

اللهم يسر امورنا واحفظنا

 

[dana1993]

مجتمع شرقي تافه الفكر

هذا رايي

​

 

[mira.21]

ههه والله غير ربي يهديه
مي صح اي كاينة العقلية هدي
انما الطيبون للطيبات وكل واحد يدي على قد نيتو
ونخلي ليجون يجاوبوك ههههه
يعطيك الصحة​

 

[mohgladiator]

وعليكم السلام

كاين وحد المقولة تقول :
اذا تركتَ حبيبتَك فسيتزوجّها غيرك
تذهب لتتزوّج فحتما ستتزوّج حبيبية غيرك
مادُمتَ تظُنّ نفسكَ كيما ي قولو فايق وتكلّح بنات الناس وانت تطيح في لمخيرة
مالا كما تدين تُدان
فأيّهما الأسوأ ؟

وكلشي بالمكتوب والحديث قياس
الطيبون للطيبات وكل واحد يدي واش كاتبلو
سلامي اختي

​

رد كافي ختي

​

 

[07 _H@yThm]

انا نتزوج وحد جامي خرجت مي خرجت معايا
هههههههه

 

[Om anfal]

المراة اللي خاصته مازال ما صنعوهاش

 

[وائل ابن الجزائر]

سلام

ليزالجريان كاميكاز مي بلغـة الشارع بلا ما نهـدر

ربي يهدي وصايي
​

 

[lizou]

ههههههههههههههههههههه اشكر لكم مروركم الكريم بصح والله غير عندكم الحق كل واحد واش كتبلو ربي​

:d

 

[farid8751]

هذا تفكير نتاع ناس غافلين ينظون انهم قافزين وفاهمين لكن الحيل لي تنسجها كامل ستحيط بك في الاخير انت تقول انا منديش لي خرجت معايا وندي وحدة مخرجتش جامي ..هنا في من راك تخدع ..مراك تخدع غير في نفسك ومستحيل انت فعلت ببنات الناس وراح تدي وحدة مخرجتش ..انا نقولك راح تدي وحدة تركها واحد اخر ثاني كيما انت وهذا قانون الله سبحانه وتعالها ...وجامي تقول انا فايق وفاهم في الاخير راح طيح على راسك اذ كان ناوي تدي وحدة مخرجتش لازم عليك انت تاثني ماتخرجش مع بنات الناس اذا خرجت وجد روحك لوحدة خرجت وديرها حلقة في اذنك ..لأنك لست انت من يسير في امور الدنيا الله هو المسير الذي يتحكم في كل شيئ قال الله تعالى :( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّءُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ ) افعل ماشئت فانك لن تخرج عن حكم المولى سبحانه وتعالى.. عاقبة خداعك تعود عليك​

 

[lizou]

Ouiiiiiii بارك الله فيك اخي الكريم هادي هي الهدرة الزينة والله غير عندك الحق شكرا على المرور الكريم​

 

[عفيفة الحبوبة]

السلام عليكم
هههههههه هذا السؤال لي حير الملايين
اولا هذا انسان سطحي و تفكيره محدود الله غالب عليه
الاحسن انو نعود لدين تاعنا
المرأة تنشاف من البعيد و تنخطب و كانو يديروا دار و كانو ينجح و دوركا ولات تعرفه و يعرفها و القصص بيناتهم و 7 سنين و ما نعرف واش و ما يتفاهموش
الله يهدينا​

 

[قناص الغرام]

مالقيتلوش حل
علاه مازال كاين عباد تخمم كيما
هكا
ربي اصبر امو

 

[mauvais gosse]

شوفي يا شابة الطفلة اذا احترمت نفسها يحترمها الراجل بالسيف عليه والواحد منا اناني يحب الطفلة خالصة ليه واذا كان ماشي يحوس عليها alors يحب يتسلى بها لذى على البنت تجعل لانانية الرجل حد stop وهو تحبنى ارواح اخطبني بهكذا ديريstop لنزواتو وهنا مقياس الحب الحقيقي اللي يحب يتقدم واللي يحوس يتسلى يبدى يتلكك ويتلون

 

[brahim tiniri]

نزوجوه بخيالو هههههههههه يليقو على بعضاهم
اللي جابهالي ربي هاديك هي يعطيك الصحة ليزو على الموضوع
-مع تحيات الجنرال- نرجو لكم التوفيق-
​

 

[عروبي]

اعذريني اختي تمنيت المشاركة بس اللهجة صعبة علي شوي
التخمام كلمة اضحكتني كثير

 

[lizou]

هههههههههههههههههههه اشكرلكم المرور والله غير عندكم الحق mais الله غالب هاد هو تخمام الشاب الجزائري هههههههه ماعندنا مانديرو​