مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[tasnim55]

حدة ربي يبارك اطباق امممم كلها تشهي والدونات روعة والكيكة جات هايلة بالهناء حنونة
حسنة يعطيك الصحة على اطباقك وخبز الدار والشربة والبوراك امممممم
امنياتي كالعادة مرتبة ومنضمة واطباق تشهي ربي يبارك حبيبتي
بسومتي الروز رووووووعة امممم والمدمس واللله يشهي والمسمن قلهم بعدو جاك هايل تع الصح بصحتكم حنونتي
السعيدة بربها صارة من فضلك عزيزتي قوليلي كيفاه ليجاص احشيتيه بالعقدة وطيبتيه والحشوة وش درتي بليز بالتفصيل الممل
ام شيماء بصحتكم حنونة دنجال وسلاطة
ام رحاب بصحتك لفطور مع عجوزتك ويعطيك الصحة وش طيبتي بالهناء وصح فطوركم
عفوفتي الزينة حبيبتي كلش يشهي ويفتح النفس امممممممممممممممممم روووووعة ديمة في القيمة كالعادة ربي يبارك اعليك بصحتكم الجملة مع خوتاتك وطريق الخير الخوك من فضلك حنونتي ريحة نتعبك طريقتك في الحريرة بالتفصيل الممل ومع الدواوات وش درتي و وهداك لي في الطاجين و الكرواسون المالح بليز الله يطول في عمرك ويسهلك وش متمنية يارب الا غالب طيابك نموت اعليه ربي يبارك

 

[أم فاروق]

مساء الخير جميعا ماشاء الله اطباكم كلها بتشهي
انا اليوم طبخت مقلوبة جاج وباتنجان

 

[أم فاروق]

بصحتكم عفاف ان شاءالله دايما سفرة عامرة بالخيرات مجتمعين على الخير





هذا الغداء





وهدا العشاء وفي نفس الوقت فطور الصايمين

صحة وهناء على قلبكم يشهيو

 

[أم فاروق]

سلام عليكم يالبنات
واش راكم
ربي يتقبل منكم الصيام جميع
راني جبتلكم باش تتقهواو هدي العشية

بصحتكم يالبنات

منظرهم يهبل بصحتكم والله

 

[أم فاروق]

صحا عشاواتكم يا لبنات
ان شالله بالصحة والهناء
انا ليوم كنت عازمة خواتاتي للعشاء بمناسبة خويا بعد غدوا يروح حبيت نجملهم كامل على عشاء وسهرة
استشرت الاخوات ندوش وروز شاخو عليا كتر خيرهم
عملت لاول مرة نديرها حريرة جاتني ما شالله ربي يخليها الاخت حكيك على الوصفة
ودرت فيلي لحم مرحي واكسالوب بالشومبينيون والزيتون
وغراتان بطاطا وباذنجان باللحم المرحي والبيشامال في الفرن
لي فولولن باردين
بوراك
تشاراك مالح
سلاطة
وفلفل حميص
ومطلوع
حبيت ناوفيكم بالصور ونروح نحطلهم السهرة وبعدها نوافيكم بالصور

​

الله الله الله الله يحميكي ويقويكي تشهي تشهي

 

[Smile Queen]

صباح الخير لبنات كل وحدة باسمها

واش راكم

توحشتكم

أطباقكم كامل هايلة ربي يبارك

ibtesem مسمنات بالطبع والشان ربي يبارك

السعيدة بربها سارة ماشاء الله عليك أختي عيش يهبل

hasna23 ربي يبارك

عفاف الجزائرية ماشاء الله عليك أختي كل شي يسخف ، جوعتيني على صباح ربي :cray02:

ربي يخليك اعطيني طريقة تحضير لي فولولن باردين وتشاراك المالح وثاني فيلي لحم مرحي واكسالوب بالشومبينيون والزيتون
ولا نقولك أعطيني طريقة تحضير كل شي من الأخير :$

أم فاروق ربي يبارك مقلوبة تهبل ، اعطيني طريقة تحضيرها

حابة نتعلم كل شي اليوم :love01:

يعطيكم الصحة أخواتي :regards01:

 

[ام اماني05]

صباحكم فل وياسمين
انا عندي يومين مادخلتش كان ابني مريض ودايما ننسى ندير الخروج ويبقى اسمي منوركم هههه كي جيت لقيت خير كبير الله يبارك ويعطيكم الصحة
حبيبتي ام منصف ضرك نروح نقص في الرسائل
هذو بعض الاطباق
http://
http://
http://
http://
http://
http://
http://

 

[Smile Queen]

ام اماني05 الله يبارك أختي
ماشاء الله عليك

 

[عفاف الجزائرية]

صباحكم خير على خير
ام اماني ربي يبارك فيك خيتي يعطيك الصحة
بلا ما ننسى الاخوات حدة وام فاروق وام رحاب وبسومتي
سامحوني اني ندخ لنحط الاطباق فقط وما نذكرش الاخوات اكيد بلا ما نوصف اكلاتكم كلها ربي يبارك فيكم
تسنيم وسمايل كوين ضرك نكمل الشغل برك ونجي نكتبلكم الطريقة والمقادير
يعطيكم الصحة
ونسيت باش نقوللكم نهاركم طيب
​

 

[Smile Queen]

صباحكم خير على خير
ام اماني ربي يبارك فيك خيتي يعطيك الصحة
بلا ما ننسى الاخوات حدة وام فاروق وام رحاب وبسومتي
سامحوني اني ندخ لنحط الاطباق فقط وما نذكرش الاخوات اكيد بلا ما نوصف اكلاتكم كلها ربي يبارك فيكم
تسنيم وسمايل كوين ضرك نكمل الشغل برك ونجي نكتبلكم الطريقة والمقادير
يعطيكم الصحة
ونسيت باش نقوللكم نهاركم طيب
​

نهارك أطيب حنونة

الله يكون بعونك

وبانتظار رجعتك أختي تقبّلي مني كل الود :regards01:

 

[om siraje]

سلام عليكم يالبنات
واش راكم
ربي يتقبل منكم الصيام جميع
راني جبتلكم باش تتقهواو هدي العشية

بصحتكم يالبنات

ya36ik esaha okhti ebtesam bsahtek jak hayel

 

[om siraje]

:-rom amani ya36ik esaha rabi yahefdek nshallah dayman mota2ale9a​

 

[om siraje]

shofo wash dert leghda dert tlitli​

 

[oumniati]

ya3tikoum saha labnet

oum rihab, oum siraj, 3afoufa, tasnim, oum amani,oum farouk.............. kamel





oum farouk ya rit tarktek fi el maklouba rahi raw3a allah ybarek

 

[imane27]

يعطيكم الصحة

 

[oumniati]

ya louiza twahachna tyabek, malki kima tgoulou louharna:-r

 

[hadda0425]

عفاف اطباق ما شاء الله ربي يبارك بصحتكم يا لالة
خيرة وميمي وتسنيم الله يسلمكم
ابتسام بصحتك المسمن روعة
حسنا بصحتكم الخبز الدار ربي يحفظ الوالدة
سارة بصحتك العيش
ام فاروق هادي غيبة بصحتكم المقلوبة
ام اماني بصحتك كل شي فور
ام سيراج بصحتك اختي التليتلي يشهي
ام شيما ام رحاب بصحتكم وش درتو
​

 

[عفاف الجزائرية]

عفوفتي الزينة حبيبتي كلش يشهي ويفتح النفس امممممممممممممممممم روووووعة ديمة في القيمة كالعادة ربي يبارك اعليك بصحتكم الجملة مع خوتاتك وطريق الخير الخوك من فضلك حنونتي ريحة نتعبك طريقتك في الحريرة بالتفصيل الممل ومع الدواوات وش درتي و وهداك لي في الطاجين و الكرواسون المالح بليز الله يطول في عمرك ويسهلك وش متمنية يارب الا غالب طيابك نموت اعليه ربي يبارك

اني رجعتلك اختي تسنيم
الحريرة للامانة اول مرة نعملها احنا في منطقتنا وعايلتنا ما ناكلوهاش يعني ماش متعودين نطيبوها في الاصل
الطريقة مدتهالي الاخت حكيك يعني عطاتني نظرة عليها وتصرفت انا معاها
رابيت البصل والطماطم والثوم حطيت ملح زيت فلفل اكحل واحمر وكسبر نتاع مرقة بيضة (كسبر وبسباس وحبة حلاوة شوي)
حطيت الجاج وخليتو يتغلى شوي مع بعضو
ايا مرقت بالماء سخون قطعت فهيا حبة بطاطا وحبة جريوات وحبة خردل حبة زرودية ربطة كرافس وغلقت لاكوكوت وخليت يطيب كل شي
ايا كي طاب الجاج نحيتو ولحت كمشة روز وكمشة عدس وكمشة حمص وكمشة فريك وزدتلها مغرفة طماطم مصبرة وراس الحانوت وخليتها غلات شوي ذقت الملح والبنة واش يخصها ومباعد رجعت غلقت عليها وخليت طاب الحبوب هاذيك
بعد ما طابت رحيت كل شي ورجعت مرقت من جديد بالماء خليتو يغلي درت عصير حبتين ليمون وقطعت فيهم نص ربطة معدنوس قطعتهاا رقيق ومغرفة فرينة خلطتهم ملحي ولحتهم
هزت الغلية وغلقت عليها النار وغطيتها
هاذي هي بامانتها ان شالله تكوني فهمتيني
كشماما فهمتيش قوليلي نعاودلك
للامانة عملت كوكوت كبيرة ما بقاش منها ولا مغرفة جات تبارك الله

صباح الخير لبنات كل وحدة باسمها

واش راكم

توحشتكم

أطباقكم كامل هايلة ربي يبارك


عفاف الجزائرية ماشاء الله عليك أختي كل شي يسخف ، جوعتيني على صباح ربي :cray02:

ربي يخليك اعطيني طريقة تحضير لي فولولن باردين وتشاراك المالح وثاني فيلي لحم مرحي واكسالوب بالشومبينيون والزيتون
ولا نقولك أعطيني طريقة تحضير كل شي من الأخير :$

أم فاروق ربي يبارك مقلوبة تهبل ، اعطيني طريقة تحضيرها

حابة نتعلم كل شي اليوم :love01:

يعطيكم الصحة أخواتي :regards01:

اختي سمايل كوين لي فولولن تحبي تخدميهم في الدار ولا تشريهم مخدومين
انا كان عندي شوي وقت ضيق شريتهم
حشيتهم على طريقة الغالية روز حطيت الطون في الاسفل وعمرتها بالخضار موشتو وجلبانة وزرودية مفورين خلطتهم بالماييس والمايوناز وحطيتهم في وسط لي فولوفون
يجو ملاح
------
تشاراك مالح العجينة المورقة حليتها رقيقة دهنت الجوانب ببياض البيض
قسمتها مثلث كبير حطيت جبن شيدر لفوق وبديت نلوي على بعضو حتان وصلت لراس المثلث كيما نديرو في التشارات
دهنتو من فوق بالحليب ومغرفة نسكافي ودخلتو يطيب يجي هايل
------
فيلي لحم مرحي دوزنت المرقة مرقةبيضاء عادي بالجاج
تقدري تفرشي ليسكالوب يكون محلول رقيق
ولا تفرشي كيما عملت انا اللحم مرحي
دوزنتو درت فيه بيضة 2 مغارف شابلير معدنوس مقطع ملح فلفل اطحل عصير ليمونة ونص مغرفة عسل يجي ذوقو هاااااايل
عجنت اللحم ودخلت الدوزان مع بعضو
فرشة الالمنيوم وفرشت فوقو اللحم
والجاج اللي دوزنت بيه المرقة البيضاء نحيتو وفتتو رقيق
حطيتو بجنب فوق اللحم المرحي
قطعت فوقو جبن شيدر وبديت نلهوث فيه على بعضو
يجيك كيما الاسطوانة غلقتو مليح من الجوانب
وحطيتو في بلاطو نتاع ماء ودخلتو للفور
وكل 10 دقائق نقلب على جيهة حتان طاب كامل
والمرقة اللي دوزنتها ربع ساعة قبل التقديم صفيتها من الدقداق الرقيق نتاع البصلة والجاج خليت مرقة صافية طول
لحت فيها الشومبينيون وكمشة زيتون اخضر
غلقت عليها لاكوكوت تقريبا 10 دقايق برك
وكي طاب اللحم قطعتو دوائر وقدمتو مع المرقة هاذيك

نتمنى نكون افدتك ولو بالقليل
اي شي ما تفهميش قوليلي
ربي يهنيكم كامل خواتاتي

 

[hadda0425]

تفضلو












​

 

[عفاف الجزائرية]

الله يسلمك حبيبتي حدة الشكر يرجع ليكم

انا ندي هاذا ونروح نكمل شغلي

ربي يبارك فيك حبيبتي خيرة انا نتعلمو باه كي نوصلو للدويرة نكونو نعرفو نسلكو ريساننا



​