شكون ابدل عقلية شكون

[أم أمين23]

السلام عليكم ورحمة الله وبركاته
اليوم جيتكم بموضوع جديد ان شاءا لله يلقى تفاعل واجابات منكم
تروحي عند النساء يقولو شفتي فلانة من نهار تزوجت تبدلت والله بدلها الزواج
تروحي عند الرجال نفس الشيء يقولو فلان من نهار تزوج تبدل
الي حابة نفهمو انا شكون الي يبدل عقلية لاخر ؟
المرا تبدل عقلية الراجل والا الراجل الي بدل عقلية المرا ؟
والا كل واحد ابدل عقلية لاخر؟؟
المهم فهمتو واش حابة نقولو والا لا ؟؟؟خخخخخخ الا فهمتو ردو والا ما فهمتوش ما عندي ما نديرلكم لخاطر انا نفسي مانيش فاهمة

 

[sahiko hamza]

والله يا أختي الكريمة وش نقلك
مانيش متزوج باه نقلك مي حاجة باينة
راح تتبدل العقلية بيان سير بويسك راح تبدى حيات جديدة
الى راك زوج راح تكون مسؤول والى راكي زوجة راح تكوني مسؤولة وراح تعشي في دار جديدة مع ناس جدد ....
لي عودة لموضوعك أختي


ينقل لقسمه ..
​

 

[بنت الجسور المعلقة]

أهلا بيك أم أمين
صحيح يقولك لي يستبيت( يعني يزوج ويدير دار) تتبدل عقليتو سورتو مع المرآآ
وتــاني تتبدل عليه لمعيشة ماشي كيما كان عايش مع والديه ولا عايشة مع والديها
راح تعود عليه مسؤولية
هادي حآآجة طبيعية
سورتو مع المرآآ اذا ماكنتش ساجية وعقلها صغير يلزم تبدلها ايييه متفكرينيش برك والله كاين شي نساء مزوجين وبولادهم تشوفي لعقل الصغير ولهدرة كيفاه غير تدخال وتخراج ولكلام لقبيج je me demande كيفاه رايحين يخرجو بنتاها وولادها وكيفاه يحسو رواحهم أمهات

مي ويلا راكي تقصدي على هاديك لي كانت عقليتها مليحة وفسدت بلاك هوا لي بدلها ولا هيا بدلاتو واحد فيهم ماشي مليح ههههههه
مشكورة على الموضوع حبيبتي
احبك في الله
​

​

 

[سمسم السمسومة]

سقسي لي راهم متزوجين راح تلقاي عندهم الاجابة...حنا رانا نشوفوا بالعين برك

 

[أم أمين23]

والله يا أختي الكريمة وش نقلك
مانيش متزوج باه نقلك مي حاجة باينة
راح تتبدل العقلية بيان سير بويسك راح تبدى حيات جديدة
الى راك زوج راح تكون مسؤول والى راكي زوجة راح تكوني مسؤولة وراح تعشي في دار جديدة مع ناس جدد ....
لي عودة لموضوعك أختي


ينقل لقسمه ..
​

ربي اطيحك في بنت الحلال مالا
ومستنيا عودتك واضافاتك
وممكن ترد من خلال تجارب اصدقائك اخوتك يعني ماشي بالضورورة انت تكون متزوج بصح حاجات كان يديرها صاحبك وكي تزوج بطلها وواش كان رايك انت انو المرا بدلاتو والا الزواج في حد ذاتو؟؟ وممكن تكون سألت واحد وقالك علاش مادابينا تفيدنا لانو راي الامرا ماشي كيما الراجل
​

 

[أم أمين23]

أهلا بيك أم أمين
صحيح يقولك لي يستبيت( يعني يزوج ويدير دار) تتبدل عقليتو سورتو مع المرآآ
وتــاني تتبدل عليه لمعيشة ماشي كيما كان عايش مع والديه ولا عايشة مع والديها
راح تعود عليه مسؤولية
هادي حآآجة طبيعية
سورتو مع المرآآ اذا ماكنتش ساجية وعقلها صغير يلزم تبدلها ايييه متفكرينيش برك والله كاين شي نساء مزوجين وبولادهم تشوفي لعقل الصغير ولهدرة كيفاه غير تدخال وتخراج ولكلام لقبيج je me demande كيفاه رايحين يخرجو بنتاها وولادها وكيفاه يحسو رواحهم أمهات
على خصوصا المرا والراجل معليش يتزوج وعقليتو تاع دراري خخخخخ
مي ويلا راكي تقصدي على هاديك لي كانت عقليتها مليحة وفسدت بلاك هوا لي بدلها ولا هيا بدلاتو واحد فيهم ماشي مليح ههههههه
مشكورة على الموضوع حبيبتي
احبك في الله
​

​

وليمن الله عليكي بمحبته مشكورة ربي اعيشك
مش بضرورة وممكن تكوني عقليتها خايبة وهو قدها والا هو ثاني مثلا ممكن يكون ما يصليش وهي تردو للطريق يعني واحد ينصح لاخر يعني ممكن الراجل يبدل المرا والمرا تبدل الراجل اما للافضل او للاسوء

 

[أم أمين23]

سقسي لي راهم متزوجين راح تلقاي عندهم الاجابة...حنا رانا نشوفوا بالعين برك

ماشي مشكل احكيلنا انت على الي شفتيه بعينك وربي يرزقك بوليد حلال يبدلك والا تبدليه ان شاءا لله تتبدلو للخير في زوج

 

[قناص الغرام]

حاجة باينة الراجل يلقى المرى الي تزيرو
السهرات تنقص
المسؤولية تكثر سيرتو اذا جابو الاولاد
​

 

[//.sweet girl.//]

بيانسوغ تتبدل
(بنضريتي لست متزوجة وووووه أنا واين و الزواج واين)
خاطر عندهم مسؤوليات جديدة و يتلاقاو بعباد جدد + ما هيش كيما بكري (مرأة أو رجل)

 

[chr-ndj]

السلام عليكم .............هى على حساب كاين وين المرا لى تبدل الراجل و كاين العكس بالصح generalment الراجل هو الى راح يتبدل ...........هذا رايي دوك بدون تجربة و كى نتزوج رانى نشارككم برايى ههههه بلاك نتبدل و يتبدل رايي تانى ..................شكراااا على الطرح

 

[ملكًة الاحسآس]

وعليــكم السلآآآم
اممم مليحة فكرة موضوعكـ :d
بون انا شفت صحباتي بزاااف الي تزوجو كاين الي تبدلت كاين الى لالا
شوفي صح كآآين الي الرجل يبدل المرأة وكاين الي العكس ، بصح جنيغالمون لزواج في حد ذاته يبدل مش بالضرورة واحد يبدل لآخر
تلقاهم للزوج كانوو عايشين حياة لا مسؤولية لا قيود تشدهم ، بصح امبعد الزواج كلش يتبدل تنبت فيهم روح المسؤولية حتى العقلية وتتبدل ، واذا جابوو الاولاد تزيد أكثــر​

 

[iméne09]

يتشونجاو بعد زواج حياة جديدة لازم يكونو غيسـpـونسابل انا عندي بين زوج يتبدلو راجل باش يتبدل سبابو لمرا مدامو دار البيت ولقى بنت الحلال ينسى جياحتو ويولي قادر على شقاه راهي في جناحو بنت الناس ولمرا تان تتبدل عقلية تاع تمهبيل تنحيها باغسكو زعما ولات
une dame تكتر رزانة ودير لعقل وقادرة تقوم بدارها وكاين لي يتبدلو للاسوء كيشغل يبقى عازب خير كيما يقولو خير المرا وشر المرا هي وشطارتها كيفاه تشونجيه
يطيك الصحة حنونة تجوغ تقيسيها ​

 

[أم أمين23]

حاجة باينة الراجل يلقى المرى الي تزيرو
السهرات تنقص
المسؤولية تكثر سيرتو اذا جابو الاولاد
​

حسب ما فهمت من كلامك المرا هي الي تبدل الراجل يعني تربطو خخخخخ

 

[أم أمين23]

بيانسوغ تتبدل
(بنضريتي لست متزوجة وووووه أنا واين و الزواج واين)
خاطر عندهم مسؤوليات جديدة و يتلاقاو بعباد جدد + ما هيش كيما بكري (مرأة أو رجل)

يعني هنا يولي مرأة ورجل حسب ما فهمت ماشي مراة أو رجل تتغير المعادلة ولازم كل واحد اراعي الاخر وبالتالي لازم يتبدلو في زوج

 

[أم أمين23]

السلام عليكم .............هى على حساب كاين وين المرا لى تبدل الراجل و كاين العكس بالصح generalment الراجل هو الى راح يتبدل ...........هذا رايي دوك بدون تجربة و كى نتزوج رانى نشارككم برايى ههههه بلاك نتبدل و يتبدل رايي تانى ..................شكراااا على الطرح

يعني شهرة حسب ما فهمت انت راكي مع الراي الي يقول انو الراجل الي يتبدل والمرا هي الي تبدلو أما المرا في الغالب ما تتبدلش تبقى هي هي والا لا؟؟

 

[أم أمين23]

يتشونجاو بعد زواج حياة جديدة لازم يكونو غيسـpـونسابل انا عندي بين زوج يتبدلو راجل باش يتبدل سبابو لمرا مدامو دار البيت ولقى بنت الحلال ينسى جياحتو ويولي قادر على شقاه راهي في جناحو بنت الناس ولمرا تان تتبدل عقلية تاع تمهبيل تنحيها باغسكو زعما ولات
une dame تكتر رزانة ودير لعقل وقادرة تقوم بدارها وكاين لي يتبدلو للاسوء كيشغل يبقى عازب خير كيما يقولو خير المرا وشر المرا هي وشطارتها كيفاه تشونجيه
يطيك الصحة حنونة تجوغ تقيسيها ​

عندك واحد الاسلوب في الرد هايل عربية دارجة بروفيسيونال خليني نولي لردك الي فهمتو انت راكي تشوفيه انو لازم يتبدلو في زوج وادا الراجل ما تبدلش يعني انو السبب هو قلة شطارة المرا ماشي انو الراجل في حد ذاتو واحد ما يقدر ابدلو وانو اصلا ما عندوش استعداد باش يتبدل

 

[أم أمين23]

وعليــكم السلآآآم
اممم مليحة فكرة موضوعكـ :d
بون انا شفت صحباتي بزاااف الي تزوجو كاين الي تبدلت كاين الى لالا
شوفي صح كآآين الي الرجل يبدل المرأة وكاين الي العكس ، بصح جنيغالمون لزواج في حد ذاته يبدل مش بالضرورة واحد يبدل لآخر
تلقاهم للزوج كانوو عايشين حياة لا مسؤولية لا قيود تشدهم ، بصح امبعد الزواج كلش يتبدل تنبت فيهم روح المسؤولية حتى العقلية وتتبدل ، واذا جابوو الاولاد تزيد أكثــر​

تلخيص لفكرتك الزواج في حد ذاتو هو الي بدل المرا و الراجل وماشي انو المرا هي الي بدلت الراجل او الراجل الي بدل المرا

 

[chr-ndj]

يعني شهرة حسب ما فهمت انت راكي مع الراي الي يقول انو الراجل الي يتبدل والمرا هي الي تبدلو أما المرا في الغالب ما تتبدلش تبقى هي هي والا لا؟؟

ماشى لمرا ماتتبدلش ........تتبدل بصح الزواج لى يبدلها لكانت طايشة سورتو فى وقتنا ماشى الراجل لى يبدلها /يعنى كاين وين الراجل يكون عندو دور فى هذا التغيير/بصح على حساب واش شفت لمرا justتتزوج autoùmatikment تتبدل

بصح الراجل على حساب كاين وين يكون واجد للزواج ماعندو ما يتبدل فيه و كاين وين حتى يتزوج و الزواج موش راح يبدلو كيما لمرا لااااااااازم لمرا تلعب دور و تبدلو ..........و تانى هادى على حسااب لطاح فى مراااا ماعرفتلوش كيفاه يتعووووووووج ماشى يتبدل ..................وهادى كااااااامل هدرة تاع وحدة شايفة apeu préééé برك khater manich mjarba .......................ملاحظة:كاين رجاااال ميبدلهم لا زوااااااااااج لا نساااء
و الكارثة هى النساء لى يحبسو الررررررررراس مايستعرفو لا بزوااااااااااج لا برااااااااااجل و هادو راهم غير هوما فى وقتنااااااا

ربى يبقى الستر

 

[أم أمين23]

ماشى لمرا ماتتبدلش ........تتبدل بصح الزواج لى يبدلها لكانت طايشة سورتو فى وقتنا ماشى الراجل لى يبدلها /يعنى كاين وين الراجل يكون عندو دور فى هذا التغيير/بصح على حساب واش شفت لمرا justتتزوج autoùmatikment تتبدل

بصح الراجل على حساب كاين وين يكون واجد للزواج ماعندو ما يتبدل فيه و كاين وين حتى يتزوج و الزواج موش راح يبدلو كيما لمرا لااااااااازم لمرا تلعب دور و تبدلو ..........و تانى هادى على حسااب لطاح فى مراااا ماعرفتلوش كيفاه يتعووووووووج ماشى يتبدل ..................وهادى كااااااامل هدرة تاع وحدة شايفة apeu préééé برك khater manich mjarba .......................ملاحظة:كاين رجاااال ميبدلهم لا زوااااااااااج لا نساااء
و الكارثة هى النساء لى يحبسو الررررررررراس مايستعرفو لا بزوااااااااااج لا برااااااااااجل و هادو راهم غير هوما فى وقتنااااااا

ربى يبقى الستر

هنا ممكن نستخلصو ان الامر نسبي يختلف باختلاف الاشخاص في حد ذاتهم واستعدادهم ماشي بسبة الزواج والا المرا والا الراجل
وللاسف وي كانة شيء نسا وشيء رجال ما نعرف علاش اصلا يتزوجو وهما معولين ما يبدلوش العقلية يبقاو كيما هوما

 

[بنت الـ25]

اهلا ام امين
نورتي المنتدى بموضوعك
الحقيقة الظاهرة اللي تحكي عليها نسبية ماهيش قياسية
بمعنى ساعات المرأة لي تبدل الراجل وساعات العكس
اك تعرفي كي يولفو على بعضاهم لازم واحد يأثر على الثاني
هدا مكان
المهم يكون هذا التغير للأحسن برك منطلبو والو ههههههههههه
تحياتي لك
​