كيفاش تكونو صدقات

السلام عليكم جميعا
ان شاء الله الكل بخير و على خير
حبيتكم تفيدونا في شيء معنوي الناس المغتربين و لا حتى لي ما هومش مغتربين تاني تقدرو تفيدونا و خاصة ذوي الخبرة لي عندهم صداقات ناجحة لاني شفت بزاف يعانيو من هدا المشكل
كيفاش نكون صديقات ؟؟؟؟

اعاني من هذا المشكل ما نعرف الغلط في اني لا اعرف التعامل مع الناس او انو الدنيا ما بقاتش بخير
هل الصداقة اندثرت ام نحن لي اندثرنا و ابتعدنا عن الدين و اصبح كل واحد عايش في حدود نفسو؟؟؟؟
اين تبحثو على الاصدقاء ؟؟؟
على اي اساس تختارو اصدقاءكم ؟؟؟ على اساس الجنسية او حتى على حسب الولايات؟؟؟
هل المستوى التعليمي تدخلوه في اختيار الاصدقاء؟؟؟
و الله اسئلة كتيرة محيرتني ان شاء الله نلقى اجوبة عليها في منتدانا هذا

 

[روز]

بارك الله فيك ام امين و الله وضحتنا شوي الصورة بصح احنا بحكم رانا في الغربة كيفاش تكوني الصدقات تلقائيا كون ما تحوسيش على الاصدقاء ما هومش باه يجيوك و حدهم و انا على نفسي و الله نكون جدا عفوية و تلقائية بلاك كي يشوفوني متلهفة بزاف عليهم يهربو مني و لا حنا الجزائريين نخافو من بعضنا ....... المهم ربي يسهل على الناس كامل
وبلاك راني رايحة ندير كيما هديك لي قالت عليها الاخت سيرين ....... و نولي من الاشرار
جزاك الله خيرا ام امين و ربي يحفظلك اهلك و صديقاتك

حبيبتي الناس في هذ الوقت كن ماتعمليلهمش عرضة بالشنا والطبع مايجوكش يعني ماتتخيليشش انها وحدة تعيطلك في التلفون منها لروحها وتقلك راني جاية اليوم نقسرو شوية !
هاذيك راهي بطلت دركة يلزم تعملي عرضة باش الناس تجيك كن ماتعمليهاش مايجيك حتى واحد

وكاين تاني الناس العفاسة يعني هاذيك النوعية لي تجيك في كل وقت وبلا موعد وكل يوم تولي عندك
ناهيك على التقرعيج والمشاكل لي تجيبهالك وتنقال الهدرة بين الرجالة والنسا يعني مثلا تقوليلها حاجة تلقايها غدوة راجلها يحكي بيها لصحابو!!
(لهذ السبب نحب نقعد وحدي ولا هذ الكاليتي نتاع البشر)

عقلية البلاد خليها في البلاد الناس ولات تتعامل بزاف بالبريستيج والحيلة والحسد
النية راحت للاسف

 

[SAMIRA25]

حبيبتي الناس في هذ الوقت كن ماتعمليلهمش عرضة بالشنا والطبع مايجوكش يعني ماتتخيليشش انها وحدة تعيطلك في التلفون منها لروحها وتقلك راني جاية اليوم نقسرو شوية !
هاذيك راهي بطلت دركة يلزم تعملي عرضة باش الناس تجيك كن ماتعمليهاش مايجيك حتى واحد

وكاين تاني الناس العفاسة يعني هاذيك النوعية لي تجيك في كل وقت وبلا موعد وكل يوم تولي عندك
ناهيك على التقرعيج والمشاكل لي تجيبهالك وتنقال الهدرة بين الرجالة والنسا يعني مثلا تقوليلها حاجة تلقايها غدوة راجلها يحكي بيها لصحابو!!
(لهذ السبب نحب نقعد وحدي ولا هذ الكاليتي نتاع البشر)

عقلية البلاد خليها في البلاد الناس ولات تتعامل بزاف بالبريستيج والحيلة والحسد
النية راحت للاسف

اهلا اختي روز بارك الله فيك
و الله ما هي خسارة فيها كي نتعرف عليها و نلقاها ناس ملاح ما هيش من لي حكيتي عليها تاع تقرعيج و تاع زديم ويكون تفكيرنا كيف كيف نديرو قعدات و اذا استمرت العلاقة مليح ندخلو فيها الرجال انا و الله كي نشوف الجنسيات الاخرين كيفاش يتعاملو مع بعضهم نغير نروح مثلا للمستشفى نلقى زوج صحابات مع بعضهم تدخل وحدة لاخرى تحكملها اولادها روحت زيدت اني حكيت من قبل حكاية الافغانية لي كانت معي في نفس الغرفة باتت معاها صاحبتها .....
انا عن نفسي عندي صديقة وحدة ما هيش جزائرية الحمد لله علاقاتنا مليحة و نروح معاهم يديرو لمات و الله نغير ما شاء الله عليهم يتلمو يديرو عشاوات يسالو على بعضهم ربي يكمللهم

 

[روز]

مش قضية العرضة خسارة لكن لوقتاش ونتي تعرضي كل ماتتوحشيها يلزم تعمليلها عرضة باش تجيك؟ ماجاياش

اما على الجنسيات الاخرى صح راني نشوف سيرتو المصريين وش نقلك اتحاد تاع الصح
حنا كثر الحسد ياختي وقليل وين تلقاي وحدة تمشي مع عقليتك راني خالطت وشفت

ربي يلاقيك بوحدة تهون عليك الغربة ماكيش حدايا ولا كن توانسنا شوية

 

[أم أمين23]

بارك الله فيك ام امين و الله وضحتنا شوي الصورة بصح احنا بحكم رانا في الغربة كيفاش تكوني الصدقات تلقائيا كون ما تحوسيش على الاصدقاء ما هومش باه يجيوك و حدهم و انا على نفسي و الله نكون جدا عفوية و تلقائية بلاك كي يشوفوني متلهفة بزاف عليهم يهربو مني و لا حنا الجزائريين نخافو من بعضنا ....... المهم ربي يسهل على الناس كامل
وبلاك راني رايحة ندير كيما هديك لي قالت عليها الاخت سيرين ....... و نولي من الاشرار
جزاك الله خيرا ام امين و ربي يحفظلك اهلك و صديقاتك

انا في ردي لول تقريبا قلتلك كيفاش تعرفت عليهم يعني الي راهي قريبة ليا بزاف ضرك ونلقاها وتلقاني هادي الي راجلها صاحب راجلي ثاني واحدة تعرفت عليها وتعارفنا على اساس الرجال يعني عرضونا وعرضناهم وبشوي بدات العلاقات تطور ووقت ما نحتاجها نلقاها كثر خيرها وهي ثاني كي تحتاجني تلقاني وهادي المدة الاخيرة ما عدتش نروحلها وهي ثاني ما عادتش تجيني لخاطر عاد راجلها في الدار تربطت شوي وانا نحشم نروح ونلقاه
لخرين كيما قلت يعني تعرفي مثلا واحدة تعرفك على اخرى وتقريبا علاقاتي بيهم محدودة انا نحب الصراحة يجوني حتى بلا عرضة بصح هوما تقريبا ما يحبوش كون ما تعرضيهاش كيما قالت روز ما تجيكش حتى انت باش تروحي بلا عرضة تحشمي تقولي مادام هي ما تجيش بلا عرضة يعني انها ما تحبش تجيها بلا عرضة
التونسية الي تعرفت عليها تعرفت عليها من المسجد تلاقينا مرة ومن بعد تلاقينا في الحي تاعي وتبين بلي نسكنو قراب وكنا نروحو لنفس الحديقة يعني في الصيف تقريبا ديما مع بعض هي تجيب ولادها ونا ثاني بصح من بعد كي بدات القراية تقريبا انا الي نعيطلها ونصقصي نحكيو ونهدرو وساعات نتلاقو في الحوانت وكيما قلت الفترة الاخيرة غابت وحتى التيليفون ما عادتش ترد عليا الله اعلم واش كاين
ونسيت واحدة ثاني تعرفت عليها من الحضانة بنتها تقرا مع وليدي بصح نتلقاو غير في الحضانة وهادي تقريبا ما تخرجش غير ساعة ساعة ونتلاقاو اكثر في السوق وهي الي ما تحبش تخرج بزاف
وصح احيانا تحسي روحك انت تتلاحي كي تشوفيهم كيفاش يجبدو في رواحهم مع انك تتعاملي معاهم عادي بصح معلاباليش علاش تحسي بلي قريب يقولوك بعدينا هههههه واكثر حاجة ما يحبوهاش هي انك تجيهم او انهم هما يجوك ما نعرف علاش والله حبيت نصقصيهم بصح حشمت ههههه

 

[أم أمين23]

اما بخصوص الصدقات مع جنسيات أخرى أنا نرفض الأمر بتاتا ماذابيا كل واحد في حدو[/QUOTE]
انا ما نيش معاك هنا يا روز والله ساعات تلقاي الخير فيهم خير من ولاد البلاد انا صاحبتي عندها صحاباتها مغربيات والله وقفو معاه خير منا احنا وحتى واحدة نهار ولدت راحت وباتت معاها وقعدت معاها وودوك ويزوروك خير من الجزائريات انا ما جربتش العلاقات ماهم ما نكذبش بصح شحال من واحدة حكاتلي على المغربيات والله يساعفو واعاونو خير من الدزيريات في بعضاهم
ونسيت انا تعرفت في المدة الاخيرة على واحدة مصرية يعني التقيتها بالحديقة واتعرفنا هي الي بادرت بالكلام لاني انا اصلا ما كنتش على بالي بلي عربية لخاطر ما كانتش لابسة حجاب وزارتني في الدار مرتين جاتني حتى من غير عرضة في اخر مرة هاه حتى لقيتها عند الباب لخاطر كانت مروحة وما تلاقيناش جات بقاتني على خير وجابتلي حوايج كانو عندها تاع حليب وياغورت قاتلي خير من يفسدو خليهم للدراري يشربوهم وراهي مازالت في مصر يعني انا ما تعرفتش عليها مليح مليح بصح للصراحة عجبني موقفها والله ساعات وحايد تعرفيهم مليح ويوروحو للبلاد وولو وما تسمعيش حتى يرجعو تقولي راح تقوليلهم اديني معاك خخخخخخخخخ

 

[روز]

راكي مزهية الحالة في ايطاليا يا أم أمين ولا لاخبر ههه بصحتك
مش عيب ولا مش مليح الواحد يدير صدقات من جنسيات اخرى نورمال الأمر عادي
أنا برك مانحبش،، لوحدي يعني ههه
مانحسش روحي مرتاحة في الكلام معاهم بحكم الهدرة والاسلوب زيد العقليات مش كيف كيف
راني نحكي على صحاب المشرق مش المغربيات ولا التوانسة لانهم نورمال بالنسبة لي
الكلام عزيزتي انا هو أول حاجة تأقلمني مع الطرف الاخر اذا ماتوفرش ......sorry

 

[أم أمين23]

راكي مزهية الحالة في ايطاليا يا أم أمين ولا لاخبر ههه بصحتك
مش عيب ولا مش مليح الواحد يدير صدقات من جنسيات اخرى نورمال الأمر عادي
أنا برك مانحبش،، لوحدي يعني ههه
مانحسش روحي مرتاحة في الكلام معاهم بحكم الهدرة والاسلوب زيد العقليات مش كيف كيف
راني نحكي على صحاب المشرق مش المغربيات ولا التوانسة لانهم نورمال بالنسبة لي
الكلام عزيزتي انا هو أول حاجة تأقلمني مع الطرف الاخر اذا ماتوفرش ......sorry

والله يا روز اختي راني حشيشة طالية معيشة والله حابة نلقى واحدة تكوني كيفي عندها كل شيء نورمال مش لازم تحسب حساب لكل شيء خرجت وجيتي في بالي حبيت نعدي عليك نعدي وانت كيف كيف وين المشكل مادام على بالي راجلك ما شي في الدار راه خدام علاه لازم نعيطلك والا تعيطيلي خلي البساط احمدي كيما يقولو المصريين يعني كي تقولي صاحبتي يعني تولي كيما اختي ، اختي كي تحب تجيني تعيطلك تقولي نقدر نجي والا لا؟؟؟
انا هاد الي حابة نوصلو يعني مادام انا وانت نحكيو لبعضانا بأمورنا وصحابات علاش هادي الرسميات الا ادا كنا اصلا ماشي صحابات يعني برك معريفة طريق ؟؟ مالا علاش نفضفضو لبعض وعلاش نشكو لبعض مادام ما نتعاملوش يطريقة تلقائية انا هاد الي احيرني

 

[SAMIRA25]

و الله يا ام امين راكي مدايرة حالة باين فيك انسانة رائعة و اجتماعية ربي يسترك و كاين بزاف جالية جزائرية عندكم؟؟
انا جيراني كلهم عرب و مسلمين لا بسين غير الخمارات و العبايات حاجة اخرى ما كانش بلاك 6 عائلات كل واحد حاكم دارو تقول كفار انا حبيت ندير علاقة مع واحدة جارتي الباب للباب مصرية نعرضها ما خصنيش نروح نكركرها نجيبها لداري و كي شفتها ما عينهاش جبت روحي بشوي نشوفها مرة في الفال عندها الله يبارك 4 اولاد ربي يعيشهملها كانت تاني وحدة مغربية و الله لقيتها خطرة في وحد الشدة ربي يجازيها و يعطيها رحلت
ا

 

[SAMIRA25]

يعيشك روز اختي ربي يجازيك خيرا و ان شاء الله ربي يطيحني في وحدة نرتاحو لبعضنا و صح ما كانش كيما بنت بلادك تفهمك و تفهميها
بصح نظرية استنتجتها ما علاباليش ادا انا برك و الا انتم تاني تلاحظوها و ما تقولوليش بلي راني عنصرية عامل ال ولايات و المناطق تاني عندو دور بيناتنا احنا الجزائريين في الخارج تلقاي متلا تاع العاصمة يجبدو شوي لبعضهم تاع الشرق كيف و الله اعلم يا رب اغفرلي اذا كان ظني ما هوش في محله

 

[أم أمين23]

و الله يا ام امين راكي مدايرة حالة باين فيك انسانة رائعة و اجتماعية ربي يسترك و كاين بزاف جالية جزائرية عندكم؟؟
الله اخليك والله يا حنونة راني فم برك بصح تنفيذ ربي اجيب يعني والله نحب نعرف ونتعرف بصح عند الجد كون انت ما تبادريش ما نبادرش ماشي لخاطر ما نحبش بصح نخاف تحشميني ههههه ايه كاينين ونتلاقاهم المكثر في السوق بصح تلقايهم من بعيد برك سلام عليكم سلام عليكم وهاربين بالروح تقول راح تلصقي فيهم والمكثر مغاربة وتوانسة وهادوم يكونو بالعادة جابدين لبعض اكثر يعني كون ما تعرفكش عليهم واحدة صدفة ما تقدريش تدخلي بيناتهم
انا جيراني كلهم عرب و مسلمين لا بسين غير الخمارات و العبايات حاجة اخرى ما كانش بلاك 6 عائلات كل واحد حاكم دارو تقول كفار انا حبيت ندير علاقة مع واحدة جارتي الباب للباب مصرية نعرضها ما خصنيش نروح نكركرها نجيبها لداري و كي شفتها ما عينهاش جبت روحي بشوي نشوفها مرة في الفال عندها الله يبارك 4 اولاد ربي يعيشهملها كانت تاني وحدة مغربية و الله لقيتها خطرة في وحد الشدة ربي يجازيها و يعطيها رحلت
ا

ايه راهي عقليات انا ثاني جارتي الدزيرية قبل فوقي قد قد نتلاقاو بالصدفة بصح هي المشكل انو راجلها كان يروح بكري وهي تخرج في الوقت الي اروح فيه راجلي على بيها ما كناش نتواصلو بزاف

 

[أم أمين23]

يعيشك روز اختي ربي يجازيك خيرا و ان شاء الله ربي يطيحني في وحدة نرتاحو لبعضنا و صح ما كانش كيما بنت بلادك تفهمك و تفهميها
بصح نظرية استنتجتها ما علاباليش ادا انا برك و الا انتم تاني تلاحظوها و ما تقولوليش بلي راني عنصرية عامل ال ولايات و المناطق تاني عندو دور بيناتنا احنا الجزائريين في الخارج تلقاي متلا تاع العاصمة يجبدو شوي لبعضهم تاع الشرق كيف و الله اعلم يا رب اغفرلي اذا كان ظني ما هوش في محله

صح يا سميرة اختي عند ك الحق انا ثاني روماركيتها خاصة تاع العاصمة والقبايل تلقايهم اكثر مع بعض انا تعرفي العنابية الوحيدة هنا مسكينة يتيمة هههههههههه بصح انا نحب نخالط كل الولايات اها تفكرت كاينة واحدة عنابية بصح مخالطة الكاليتات الكل حتى الطلاين خخخخخخخخخخ

 

[SAMIRA25]

ام امين شكرا على صراحتك و عفويتك انا الصح في الاول كنت نخاف ما نحبش نكون انا صاحبة المبادره و دوك كي وليت نحوس ما صبت حتى وحدة والله يا اختي يعطيك الصحة و ربي يحفظك
قتلك عندي وحدة صاحبة ما هيش جزائرية تقرا معاها جزائريه من العاصمة باه تعرفني عليها تلقيناها بالصدفة في محل عرفتنا على بعضنا من بعد سالتني قاتلي انت من وين قتلها من قسنطينة سكتت خلاص هيا روحنا حارت فينا هديك صاحبتي قاتلي تقول عليكم ماكم من بلاد وحدة و ماشي راني نعمم و ربي يغفرلي اذا اسات الفهم و الله صراولي حالات وليت نشك في روحي

 

[أم أمين23]

وضرك غير انا الي في هاد الموضوع وينكم يا جماعة
ايه يا حنونة راني قتلك كاين منها كاينين الي ما يحبوش غير الي من جواههم واحنا تاع الشرق ما يحبوناش بزاف واخافو منا قال قال انتوما مسيبات على اساس هوما المصحف والحجاب من يدهم ما يتنحاش او يليق ندير موضوع على هاد العقلية خخخخخخخخخخخخ

 

[SAMIRA25]

هيا ام امين ديرينا موضوع باه نشوفو و الا كاينها و لا لا ​

 

[أم أمين23]

ايه ان شاء الله بصح قوليلي واش من قسم نحطو العام والبلادي الجزائر والا واش راك تهدر والا اي قسم برايك ؟؟؟؟

 

[SAMIRA25]

انا في رايي مادام يخص المغتربيين ديرييه في قسم المغتربيين

 

[أم أمين23]

بصح هادي الظاهرة ما نشوفوهاش غير في المغتربين يعني حتى في الجامعة والقراية تلقاي ديما تجمعات تاع الجهوية هادي واحيانا حتى في الخدمة
انا حبيتو يكون عام باش نلقاو اكثر ردود لان المغتربات قلال على بيها لو موسع افضل خخخ خلينا الموضوع وولينا نحكو في موضوع اخر بصح بالفايدة هانا نرفعو في الموضوع

 

[manel 83]

wache raki om amin mabntiche lyoum

 

[أم أمين23]

منال موضوع دردشتنا لهيه في خلونا نتعارفو ماشي هنا خخخخ راني لتم معمرة الصفحة بالكتابة يا حنونة وتقوليلي ما بنتش خخخخخخخخخ

 

[روز]

الجهوية كاينة وتكون
المشكل لي فعلا يضحك ناس الدزاير يشوفو ناس الجنوب نوماد
وناس الشرق يشوفو ناس الغرب منحلين ولا متكبرين وراحت رايحة
مع أنو كل هذ المفاهيم غلط×غلط
النومادي والكلاس في كل بلاصة والمتكبر والمنحل في كل بلاصة
عقدة اللهجات هاذي عقدة صح وشفت ناس ياسر يبدلو لهجتهم والامر يستفزني فعلا
الحمدلله انا هنا بدلت المفاهيم ولحد الان ماعاملتني حتى وحدة بفكرة الجهوية بالعكس
قدرت نحلهم هذ العقلية سيرتو عند النسا ياستار
حبيت فقط نقول انو صداقة الغربة لاتعد صداقة وهذا عن تجربة لاباس بيها الناس ولات مع الواقف
على ذيك مانانفيستيش ياسر في الناس باش ماتغيضنيش عمري امبعد نعاملهم معاملة عادية