ماذاآ ستطبخين اليوم آنستي _سيدتي الجزء °°25°° تبارك الله ماشالله

[ibtesem]

لعشااا تاع الكسولين والي يدخلو لدار روطار هههه
مقلة بطاطا كسر عليها البيض وهيا فرات
صح عشاااكم

هههه شهرزاد جاب ربي كملت لقرايا يعني الفنيانين هههه
كنت راح نقولك ايطالية او سبانيولية الوصفة ههههه
اممممممممممممم من شهرة ا اشهي عمريلي كسكروط اوو زيدي مغرف هريسة

 

[كوثر الوهرانية]

شهرزاد بصحتك لاوملات
العشاء درت قرتان البطاطة للغالية ام ندى جا بنين كانت امي تطيبهلنا بكري بصح هي البطاطة كانت تفورها

[/url][/IMG]µ

[/url][/IMG]

[/url][/IMG]
مشكورة بيسوا اللي جاوبتي الاخت ربي يخليك
ندوشة حنا نطيبوا العدس بالبصل و الثوم بزيادة و ندير القصبر و ملح فلفل اسود و احمر و كمون يجي امممممممممم
و هدي المرة نديره بطريقتك تعرفيني نحب نوع و نجرب من كل بلاد

 

[ميس مرام]

يعطيكم الصحة
شهرة ههههه خفتي اه، نجو نخطبو تقبلي؟ هههههه
رحاب اهدري دزيري يرحم الشيخ:love01:

 

[ibtesem]

امممم كوكو جاتك هايلة خير مني هيهيهييييييييي

فوفو اليوم غايبة على المطبخ اللماوي خير ان شاء الله ​

​

 

[ibtesem]

ميتو نروح نطل على توزينتي هيهيهي
افتحو ملف العدس كل ولاية تدخل تبصم فيه ههههه :d

 

[ميس مرام]

ميتو نروح نطل على توزينتي هيهيهي
افتحو ملف العدس كل ولاية تدخل تبصم فيه ههههه :d

فكرة هايلة كل مرة نجرب طريقة وكل يوم طريحة هههههههه:thumb_up02:

 

[shahrazad]

ابتسام مين داك مين داك نطلق كلمة باه مننساش برك هههه
من عيوني احلى كسروك بالهريسة لاحلى بسومة
ام كوثر بصحتكم الغراتان جاك يشهي امممم حتى حناا من بكري ديرو يما ونديرو البطاطا مفورة
ميس سوسو ارواحو مرحبااا والعدس تاع ماماك باين هايل وخير من عفوفة :p
ايا جوزوو برك مرحبا بيكم :love01:
ههههه

الحلوة الحلوة الحلوة برموشها السودة الحلوة شغلتنييي ونادتنيي ...ياسيدي نغنيلك عبد الحليم حافظ
(شحااال راني قدييمة:-o)
ماتقطعيش حسك علينا يا حلوة رانا توالفناك ومنقدروش بلا بيك

​

 

[حاملـة المسك]

https://www.4algeria.com/vb/showthread.php?p=4583375#post4583375​

 

[ام سيف]

عشانا اليوم
سلاطة

بربوشة الشعير

كوكاوية gرمشو شوية
​

 

[wijdane]

السلام عليكم ... عحبتني قرتان البطاطة للغالية ام ندى من فضلكم اعطوني لوصفة (زائرة جديدة)

 

[تسنيم الهناء]

رحاب اهدري دزيري يرحم الشيخ:love01:

اي يرحم الشوابين و الوالدين و الولاد و الراجل و لولاد و الجيران...... تؤبشيني اهدري لغة يا جداك

ام سيف قوليلي كيفاه درتي هذيك البربوشة شريتها زعما طيبتها مرة درتها باللحم و الجاج و الخضرة جات المرقة هايلة و فورتها مليح، مي كي نسقيها تبقى محشرفة هكا ما فهمتش هيا هكا تكون و لا انا معرفتلهاش
و زيد طلب للاخوات شكون تعرف كيفاه يديرو كسرة الرغدة تقولي و اجرها على الله

و بعد هذاك كل نقولك ربي يحفظ النعمة و ياجركم في تعبكم في خاطر عايلاتكم

 

[ميس مرام]

مممم ام سيف بصحتكم الكوكاوية اذا انت درتيها تعيشي الوصفة
شهرة ههههه شحال تحب ماما اللي يشكرها ، خلاص راهي رضات عليك ههههه بصح خويا عندو غير 20 عام، الخوف تكون ام ندى عندها عريس واجد تزاgات عليك هههههه:surrender01:

 

[ibtesem]

السلام عليكم ... عحبتني قرتان البطاطة للغالية ام ندى من فضلكم اعطوني لوصفة (زائرة جديدة)

ههههه مليحة تاع الزائرة جديدة

اليكي الوصفة

هاكي زهور بقلم ام ندوش
البطاطا ساهلة خلاص تقلي البطاطا المقطعة الى دوائر وتخليها نص طياب برك ومن بعد تصفيها من الزيت
تسخني حوالي كاس حليب مع مغرف زبدة و3 فصوص ثوم مفرومين وفرماج مثلثات او اي نوع مقطع قطع صغيرة وملح وفلفل اكحل ورشة جوزة الطيب تحطيهم على النار حتان يدفا الخليط
تدهني المول بالزبدة وتحطي البطاطا وتصبي عليها الخليط وتخليها في الفرن حتان تنشف
في اخر 5 دقائق حطي عليها فرماج مبشور وطراف صغار تاع زبدة باش تعطيها اللون الذهبي
والله جات بنينة ماتتشبعش وخفيفة في نفس الوقت​

 

[ام سيف]

ام سيف قوليلي كيفاه درتي هذيك البربوشة شريتها زعما طيبتها مرة درتها باللحم و الجاج و الخضرة جات المرقة هايلة و فورتها مليح، مي كي نسقيها تبقى محشرفة هكا ما فهمتش هيا هكا تكون و لا انا معرفتلهاش
بربوشة الشعير ياكل فيها راجلي على جال ليستوما
ما هيش مشرية مفتولة درتها عادي غسلتها وعصرتها
ومبعد فورتها وثم بليها مليح بالما والملح وشوية زيت وفوريها هادا ماكان
بالاك ما بليتيهاش مليح بالما على بيها جاتك حرشة
مممم ام سيف بصحتكم الكوكاوية اذا انت درتيها تعيشي الوصفة
مشرية

 

[تسنيم الهناء]

ايه حتى انا بغيتها على جال مليحة للمصران ، انا شريتها مخدومة نتاع ''عمر بن عمر'' و زعما فنيت عمري و انا نفوّر و نعاود ممكن كي عاد موش موالفة بيها
تشكري حبيبتي ام سيف

 

[ibtesem]

‏ibtesem, ‏تسنيم الهناء, ‏ام اسراءواسحاق, ‏ziassia, ‏joliette, ‏somo_81, ‏sarah11, ‏ام آلاء, ‏كوثر الوهرانية+, ‏meryem5, ‏sara76+, ‏قَطٌر❀ الٌنَـدَى, ‏wijdane, ‏om siraje, ‏sou sou ta, ‏ام رحاب+, ‏imane27, ‏ام بسومة+, ‏ام مراس, ‏بنت الجسور المعلقة, ‏ام ريهام, ‏nassima88, ‏المشتاقة لأمها, ‏نور الرحمان, ‏نهى28, ‏samah06, ‏ام التوام وقيل حنيتي لينا من جديد بح عمو حرامي لا فرولة ولا مشمش

 

[تسنيم الهناء]

راني كنت نحب فيكم:up:
صورتيني بتيسو :-r و خرجت انا وياك ملاح نهبلو

كي هذاك لي زعما ماشي هو و صاحبو و تلقا مرتو و مرت خوه في الطريق يقول لصاحبو:

هذيك لي لابسة ازgاغ مرتها انا و لي لابسة ازيزاو مرتها خويا هههههههههه
مع العلم ان الكلمتين شاوية شوفي شكون يشرحلك :s

 

[somo_81]

راني جبت عشانا و الله ماكنت قادرة نطيب درت جاجة خفيفة

[/url][/IMG]
كباب بالدجاج

[/url][/IMG]
سلطة خيار و بسباس

 

[somo_81]

[/url][/IMG]

[/url][/IMG]

 

[wijdane]

شكرااا اختي ابتسام الله يحفظك