ماذاآ ستطبخين اليوم /آنستي سيدتي/ الجزء 26

[مطبخ الأحلام]

miss soso يابنت بلادي يعطيك الصحة طيابك كلشي يشهي

ربي يآرك فيكي خيتو

يآبنت منطقتي ههه كلنا بنات لبلاد :d

وآش رآكي إن شآء الله بخير


​

 

[مطبخ الأحلام]

السلام عليكم لبنات يعطيكم الصحة بالواحدة
ندى روعة ميس ميسو ام سيف سمورة شهرزاد وكامل لى حطو فطورهم ولى نسيتها تسمحلى
لبارح عشايا كان
بطاطا بالدرسة و فيلى تشيز ستيك

مآشآء الله

ديكور ومظهر وبآينة حتى البنة راها فور

ربي يبارك فيكي

بالصحة والهنآ
​

 

[shahrazad]

الله يسلمكم لبنااات
ايمان بصحتكم امممم والله يشهي عشاك
ابتساموو بصحتكم لعشا والعصير يبرد القلب

دوكا خرجت من الكوزينة درت fondant a l'orange جا اممممم
صحاا قهيوتكم

نحب الذوق تاع الشوكولا مع البرتقال مالا زينت بيها

​

 

[مطبخ الأحلام]

الله يسلمكم لبنااات
ايمان بصحتكم امممم والله يشهي عشاك
ابتساموو بصحتكم لعشا والعصير يبرد القلب

دوكا خرجت من الكوزينة درت fondant a l'orange جا اممممم
صحاا قهيوتكم

نحب الذوق تاع الشوكولا مع البرتقال مالا زينت بيها

​

يعطيك الصحة خيتو شهرزاد

شهيتيني

أعطيني مورسو طاجين راهو كبير :d
​

 

[ibtesem]

تفضلو اشربو القهوة

بصحتكم جميعا

 

[مطبخ الأحلام]

تفضلو اشربو القهوة

بصحتكم جميعا

إبتسآمــو أنآ عطيهآني كحلة بلآ حليب

الله أكبر الحق ( رآه يأدن ) <<< تحسب رآنآ فرمضآن :d العصر

مآبآقيش بزآف للمغرب

​

 

[نور الحبوبة]

صباااح الانووار
وراكم ولا مازال ماتوالفتوش الدار لجديدة

ايا صحا فطوركم يا الغاليات
​

اسياا يعطيها الصحة عمتك بصحتكم
ام سيف ربي يحفظلك هاديك الزينة ماشاء الله وبصحتكم اللوبيا اممممم
ام اسحاق بصحتكم حنونة ربي يسلم يديك
ميس سوسو بصحتكم حنونة
حدودة امممممم الله يبارك طياب غير تع الفحلات وش من مسمنات وش من غرايف وش من طعاام وش من خبز (ايييه هكاك اتهلاي فعجوزتك هههه)...الله يعطيك الصحة
اليوم فطورنا محااجب سخونين حااارين اتفضلوو

​

يعطيك الصحة في واش الطيبي لمحاجب انتاعك جاوك اسخف

 

[shahrazad]

ميس سوسو راهي كلها ليك حبيبتي تستاهلي كل خير
بسومة الله الله على هاديك الكسرة بالزبدة والقهوة امممم بصحتكم
نور الحبوبة الله يحفظك ويعزك اختي
​

 

[حاملـة المسك]

تفضلو ا jus dorange ديال التشينة بالحليب
و مسمنات بالمكسرات معطرين بمبشور البرتقال و القرفة

أمسية طيبة .​

 

[نور الحبوبة]

ميس سوسو راهي كلها ليك حبيبتي تستاهلي كل خير
بسومة الله الله على هاديك الكسرة بالزبدة والقهوة امممم بصحتكم
نور الحبوبة الله يحفظك ويعزك اختي
​

في واش طيبتي لمحاجب انتاعك

 

[ألاء الرحمـــن]

مممممممممممممممممم وقت القهوة جيت نشد بلاصة سخفتوني من كل وحدة ندي حاجة
شوب نتاع القهوة من عند بسوم ونجوز عند جارتي شهورة ندي حقي ديال القاطو وختامها مسك وعنبر بكاس جو من عند رغودة
انا شربتها بخبز فطير سخون الله الله :$
تسلم الايادي يا الفحلات

​

 

[ibtesem]

يالبنات موضوع الاخت ام انس الحبيت
تداببر منزلية كل وحدة عندها افكار تنفع المطبخ تفيدنا بيها
او شئ نستطيع عمله في البيت واكلفنا اقل من اننا نشتريه تنفعنا بيها
يالله يالبنات يد بيدا نتعاونو ونفيدو بعضنا البعض
واش رايكن يابنات :-r​

 

[hadda0425]

غبت ساعتين درتو رايكم الله يبارك
ميس سوسو مرحبا بيك على العين والراس وهذاك العيش بالبن كان بابا ربي يرحمو يموت عليه
الله يعطيك الصحة
روعة الله يخليك حبيبتي وبصحة الاولاد السندويتشات
مالا كيف كيف كي يعود الاب مكانش ندوروها سندويتشات ههههه
ام ندى تسلمي وبصحتك الغدا وشي لي قلتيه صحيح
الله يسلمك شهورة ومحاجب مممممم انا نحب ناكل امحاجب لي ما نطيبهمش انا نحب تاع الناس سخفتيني
سمورة ربي يبارك عندك بصمة في الاكل و محاجب وبنيني وكيكة وبيتزا ولا اروع يعطيك الصحة
بسوم بصحتك الغدا والقهيوة والبارح وقيلا تخبطت فيك لمسيح تع البوتاجي وانت لي غلقتي الباب تع الكوزينة
انوستي مرسي ليك يا ماما هههههه
لويزة بصحتك الغدا كل شي هايل
شهورة بصحتك الحلو يا حلو
رغدة مسمنات هايلة ومشهية وعصير منعش يعطيك الصحة

​

 

[samira23]

السلام عليكم
مبروك الإفتتاح , عقبال المئة إن شاء الله
يعطيكم الصحة كامل على طياباتكم
ممكن لبنات سؤال ,ما هو أفضل جبن للبيتزا ؟؟؟؟
تحياتي للجميع

 

[ام منصف]

بصحتكم من الجزء 25 للجزء 26
يعطيكم الصحة وربي يطرح البركة

زووووووووووووووووم
- عندنا مدة ماسمعناهاش -

​

 

[shahrazad]

الاء يا جارتي لعزيزة جوزي مرحبا بيييك
حدة والله عندك الحق الواحد كي يطيبهم يتسقف
نور ختي نطيبهم فالطاجين
شريفة امممم على داك الابدااع بصحتكم حبيبتي

سميرة الاجبان المناسبة للبيتزا
كاين الشيدر-القرويار-الموزاريلا
وكي تروحي تشري ديما حوسي على النوعية لمليحة منهم لانو والله مرات بزاف نشري وتكون نوعية ردييئة
​

 

[samira23]

الاء يا جارتي لعزيزة جوزي مرحبا بيييك

حدة والله عندك الحق الواحد كي يطيبهم يتسقف
نور ختي نطيبهم فالطاجين
شريفة امممم على داك الابدااع بصحتكم حبيبتي​

سميرة الاجبان المناسبة للبيتزا
كاين الشيدر-القرويار-الموزاريلا
وكي تروحي تشري ديما حوسي على النوعية لمليحة منهم لانو والله مرات بزاف نشري وتكون نوعية ردييئة

​

أنا عادة نستعمل الشيدر
و نحب نتحصل على نتيجة كيما هذي لكن في أغلب الأحيان الجبن لي نستعملو ما يذوبش
رايحة نجرب الأنواع الأخرى
شكرا , و ربي يبارك فيك

 

[ibtesem]

بصحتكم ام منصف الشخاشخ اممم مع الفلفل المشوي
وليميني كيكة الميرانغ جاوك هايلين

 

[shahrazad]

ختي سميرة ماذابلكش معنتها ماهوش شيدر تع الصح كاين نوع مليح ونوع لالا
انا تاني شحال مرة خسرت دراهم فالباطل
الشيدر تع الصح يدوب

وفيك بارك الله
​

 

[نور الرحمان]

اممممممممممممممممممممممممممم يللبنات لمحاجب دايرين حالة شهيتوني مشاء الله عليكم
وبيتزا امممممممم هايلة
حاملة المسك عجبني عصير كفاش عملتيه
يعطيكم سبع صحايح مشاء الله مشاء الله مشاء الله عليكم