ماذاآ ستطبخين اليوم /آنستي سيدتي/ الجزء 26

[ibtesem]

أنا عادة نستعمل الشيدر
و نحب نتحصل على نتيجة كيما هذي لكن في أغلب الأحيان الجبن لي نستعملو ما يذوبش
رايحة نجرب الأنواع الأخرى
شكرا , و ربي يبارك فيك

اختي سميرة الا جبنة الموزدارلة برك لي تعمل هكدا اما الباقي الاجبان ميعملوش

 

[imane27]

امممممممم ام منصف كلشى يشهى بصحتكم
سميرة هداك فرماج راه متزريلا

 

[نور الحبوبة]

الاء يا جارتي لعزيزة جوزي مرحبا بيييك
حدة والله عندك الحق الواحد كي يطيبهم يتسقف
نور ختي نطيبهم فالطاجين
شريفة امممم على داك الابدااع بصحتكم حبيبتي

سميرة الاجبان المناسبة للبيتزا
كاين الشيدر-القرويار-الموزاريلا
وكي تروحي تشري ديما حوسي على النوعية لمليحة منهم لانو والله مرات بزاف نشري وتكون نوعية ردييئة
​

ايه حبيبتي احنا نطيبوها في طاجين حديد مي انتي جاتم باهية حبت انسقسي لكان انتي تاني في طاجين حديد طيبيهم

 

[نور الحبوبة]

امممممممم ام منصف كلشى يشهى بصحتكم
سميرة هداك فرماج راه متزريلا

فرماج روج واش اسموه

 

[hadda0425]

شريفة بصحتك النعمة وزتي سامتيلهاا لفلفل الله الله


سميرة انا نستعمل واحد الفرماج اسمو ادام edam كي تكثري منو يجيك كي الموتزريلا ويذوب
​

 

[oumniati]

سلام مربّع عالحلوات
بصحتكم واش طيبتو راني مزال ماشفتش ،قلت جهدي نددّش نكتب كليمات بالعربية - ياحدة- ونزرب نلصق المرفقات كي عاد حوت خفت يريح خخخخخ
عولت عدس البارح، جاني الحوت والسردين امالا دورتها سوب دو بواصون وسردين في خاطر اللي توحشوه وياكلوه كونجلي راه فريييييشك
رغود كي عاد هكذا ماشي غير نقرب نشقى لعندك و خبريني في وذني هههههههه

نشوف واش نديرلهم للقهوة

 

[عفاف الجزائرية]

مساءكم بالخير اخواتي
بالخف دخلنا في جزء تاني وانا في بالي لبارح برك حطينا لي فوتو نتاع لولاد نرحبو بيكم في الدخلة نتاع الباب
ان شالله يكون عتبة خير علينا كاملين بالهناء والتوفيق
انا ليوم كأقصى حد نحط كل واش فاتني لاني كنت دايرتلهم اضراب ما طيبتش لايامات بصح ما هنانيش بالي رجعت نطيبلهم
ليوم ان شالله نحط كل اطباقي الي فاتو
ربي يوفقكم ويهنيكم
زرزورة الحلوة حتى انا توحشتك وراكي هنا

صحا عشااواتكم اخواتي كاااملين من الحدادة للحدادة وما ننساوش ناس الغربة

نسيت نقول لخيرورة توحشت هاذيك الكليمة نتاع الصغرونة
والله من ربي نشوفك ينشرح صدري
​

 

[oumniati]

كي كتبت الرد ماشفتش بللي رحلتو، امالا مبروك علينا العتبة الجديدة:up::up::up::regards01:

 

[ام منصف]

الله يسلمكم كامل

**
واش يا البنات ماكانش عشاء اليوم والا كيفاه
**
واخيرا لحقت على اللامبة شاعلة نتاع خيرورة بصحتك السوب نتاع الحوت وبانتظار تقرير المرفقات
**
عشايا

​

 

[ام منصف]

عفوفة الزينة راكي درتي اضراب عليهم وحنا رحنا في الرجلين يا جميل بانتظار تنزيل الصو
خيرة يعطيك الصحة الحوت مستف والسوب تبرق الله الله بصحتكم
​

 

[oumniati]

الله يسلمك شريفة وانت ثاني بصحتكم، واش هذاك اللي درتي للقهوة بالاك نعاند، نحوس حاجة ساهلة ماهلة :d


شهورة الوردية مبروك عليك لونصومبل غوز زدتي فيه النص، قوليلي هذيك الكيكة الجميلة كيفاه درتيها مممم نموت على الشكولة مع البرتآآنة

 

[imane27]

فرماج روج واش اسموه

مفهمتش كاين فرماج غوج وكاين قودا

 

[ام منصف]

خيرة
حاجة بسيطة يا خيرة وساهلة للناس اللي حاكمها التفنيين هذه مدة
مادلان ودرتلو ميرانغ ونوتيلا جات خفييييييييييفة وزيد ماتديش الوقت خلاص
​

 

[زائــــــــرة حلوة]

زرزورة الحلوة حتى انا توحشتك وراكي هنا

​

عفوفتي لعسل الزّين اللّي عطاك الله ديما في بالي أيام وليالي :$ والله وانا أكثر عفوف :regards01:ربي يسهّلك كل صعيب ويعطيك ويمنّــيك :love01:
ابتيسو زيزو راهو هون:d عتبة مربوحة إن شاء الله
بصحتكم يا لفحلات كلش هاااايل كل المجهودات في ميزان حسناتكم :regards01:
​

 

[imane27]

صح عشاكم لبنات انا مزالنى نخمم

 

[ام تقى الدىن]

 

[ام تقى الدىن]

سلام
صح عشاكم واخيرا نجحت
ان شاءالله ما تكونش الاخيره

 

[oumniati]

ممممم ام تقي الدين طابلة مقيومة بصحتكم

شوشو عليه نحوّس، زعما قلت كاشما نجرب الوصفة اللي نشوف نلقى خاصتني حاجة امالا vive المادلين

لويزة ديري روز باه يكفي .....:d

 

[shahrazad]

نور ايه ختي في طاجين تع حديد
صحا عشاكم ختي ام منصف
عفوفة رانا نسنااو فالصور
انيسة الله يبارك فيك حنونة معذووووورة ولا يهمك ههه
خيرة اهلا اهلا عجبتني تع الحوت لا يريح ههههه ..الله يسلمك...بصحتكم كلشي هايل
مقادير الكيكة
175 زبدة+175 سكر يتضربو مليح+3 بيضات وحدة مور وحدة ويتضربو مليح+175 فرينة+خمارة+عصير حبة برتقال+زاست 2 برتقال..تتحط في مول مدهون بالزبدة والفرينة
غير تخرج الكيكة من الفور نسقيها بسيرو بارد 3 او 4 برتقال+100غ سكر قلاصي (نحطوهم على النار 3د)
​

 

[oumniati]

ان شاء الله دايمة ام تقي الدين، نورتينا:up: