اذا كان هذا ردك سيدي الامام....ما على الدنيا الا السلام

[stella.m]

صباحكم ورد ومساءكم فل

واش راكم خاوتي ان شاء الله تكونوا ملاح وغاية وعايشين وضاربين الدنيا وزايدين

المهم
انا اليوم جيت نحكيلكم على وحدة الحاجة صرات في المسجد
يا سيدي ويا ستي هذي مرة في يوم الجمعة وكيما نعرفوا يوم الجمعة تكثر فيه الاسئلة والاستشارات الدينية تقول غير هذا اليوم تاع دين والايامات لخرا ينساوهم كامل
قلتلكم كي راح خويا للمسجد يصلي كاين بزاف ناس طرحوا اسئلة وخويا كاين يدي في الفايدة يسمع برك

ايا كملوا الجماعة الصلاة وكل واحد راح لبيتهم وخويا ماتروحش عليه كامل القيلولة
رقد وشبع نوم كيما قال واحد هنا من خاوتي وعلاش نحكوا برك على الماكلة
طبيعة الله غالب ويغلب الطبع التطبع
ايا من بعد ما ناض صابني قريب نكمل العشا وانا قاعدة نطيب في الكسرة
قعد مسامية وقالي راكي توجدي في روحك لاباس
انا قلت بلاك يحكيلي على بيت راجلي لعبتها حشومية وهبطت راسي

قالي يـــــاو راكي توجدي في روحك لجهنم

(والعياذ بالله)
انا هنا تشوكيت وبديت نحطلوا في الهدرة فرغت قلبي

قالي اسمحيلي هذي ماشي الهدرة تاعي هذي هدرة الامام
قتلو واش قال سيدي
قال جا واحد سقساه قالو : وعلاش النسا كي يكونوا يطيبوا في الكسرة ما يحسوش بالنار تحرقهم
قالو راهم يوجدوا في رواحتيهم للنار والعياذ بالله وراح متبسم

والله العظيم غير كي سمعت الهدرة هذي ما بقاليش عقل خلاص وتنارفيت بزاف كيفاش يا عجب الامام يقول هاك
ما نعرف اذا كان يتمسخر ولا يبسط مع السيد بصح خويا جاب هذي الكلمة وخلاص وتفارق مع الامام
ونديروا الامام يبسط هذي راهي كلمة يقولها ؟
ما رانيش هنا باش نجرح للامام ولا نشمت بيه حاشا لله بصح راني هنا نحكي واش صرا وواش خويا ولا يقول
واذا كان هذا رد سيدي الامام ما على الدنيا الا السلام
سؤال : واش رايكم في الائمة الي تمد هاك اجابات من غير تفكير ؟
وفي الاخير

​

 

[بنت الـ25]

تم الاعتماد اختي
نرجعلك ان شاء الله
​

 

[stella.m]

تم الاعتماد اختي
نرجعلك ان شاء الله
​

صحيتي مينات كي اعتمدتي
في انتظار رجعتك
​

 

[Ma$Ter]

نورمال تسمع من بعض الائمة الحوايج كامل
راهم ناس عاديين
انا كى نحب نسال على فتوى عمرى ما نروح لامام فى المسجد
​

 

[أم راضية ~_]

السلام عليكم
الحمد لله تحرقني نار الطابونة ونحس بيها ملبعيد ههههههه
ما نقدروش نقولو الإمام غالط ربما قالها في سياق معين يسمحلو يقول هكدا ولا ربما قالها بضحكة ولا ربما ما قصدش المعنى هادا وزلقتلو الكلمة هادي وربما وربما ...
الإمام راهو عبد كيما حنا وقادر يغلط وتتلفلو الهدرة , كيما قادر يكون راحلو التعبير
بصح بيناتنا كلمة كيما هادي تقيس والله :$ مانزيدش ندنى للنار:d
صحيتي على الموضوع​

 

[ماكانش]

ههههههههههههههههههههههه
كاين أئمة يحبو يضحو ويقصرو
يحكيولي على امام ديما يديرلهم درس على جهنم
ايا سقساه واحد قالو علاه اشيخ ديما تحكينا على جهنم
قالو راني نحكيلكم على ألي راح ندخلوها ههههههههه
​

 

[سمسم السمسومة]

بلاك قالها من باب المزاح برك.............

 

[stella.m]

نورمال تسمع من بعض الائمة الحوايج كامل
راهم ناس عاديين
انا كى نحب نسال على فتوى عمرى ما نروح لامام فى المسجد
​

هذاك السيد الي سقساه كاين يستنى فتوى تطيب خاطر المراة
وشوف الشيخ واش جاوب
حقا وين تروح كي تحب تسقسي على فتوى؟
​

 

[stella.m]

السلام عليكم
الحمد لله تحرقني نار الطابونة ونحس بيها ملبعيد ههههههه
ما نقدروش نقولو الإمام غالط ربما قالها في سياق معين يسمحلو يقول هكدا ولا ربما قالها بضحكة ولا ربما ما قصدش المعنى هادا وزلقتلو الكلمة هادي وربما وربما ...
الإمام راهو عبد كيما حنا وقادر يغلط وتتلفلو الهدرة , كيما قادر يكون راحلو التعبير
بصح بيناتنا كلمة كيما هادي تقيس والله :$ مانزيدش ندنى للنار:d
صحيتي على الموضوع​

الامام راهو عبد وي
مي متفقه في الدين ويصلح يقود امة بحالها ماشي الكلمة الي جات يقولها
مع هذيك الابتسامة
الحق انا تنارفيت بزاف
صحيتي نورتي
​

 

[stella.m]

ههههههههههههههههههههههه
كاين أئمة يحبو يضحو ويقصرو
يحكيولي على امام ديما يديرلهم درس على جهنم
ايا سقساه واحد قالو علاه اشيخ ديما تحكينا على جهنم
قالو راني نحكيلكم على ألي راح ندخلوها ههههههههه
​

وعن بالك حاجة نورمال هذي
والله غير تقيس بزاف
صحيت خويا مكانش ونورت
الحمد لله الي ماكتبتش موضوع من قبل وصبت موضوعي هو التاني :up:
​

 

[stella.m]

بلاك قالها من باب المزاح برك.............

المزاح من دون اجابة
يعتبر تهميش للسائل والحط من قيمة المسؤول عنه
نورتي
​

 

[la_safa]

السلآم عليكم و رحمة الله و بركآته

ههههـ اختي رآهي تطيب في الكسرة نروح نقلهآ
رآكي تحضري في روحكـ ولآ لـ جهنم :p ..

اَمممم اختي نعيمة يعطيكـ الصحة على هآذ السيجي ،
حسب رأيي رآح نقسمو على زوج :

الطرف لول : ممكن يتمسخر الامآم لأنو السؤآل صرآحة مش في محلو :down:
يعني كون جآني سؤآل هكآ كنت رآح نقول نفس الهدرة :d ،

و الطرف الثآني : ممكن يكون هذآكـ وش كآن حآب يوصل بلآ فكآهة ،
و هدرتو فيهآ قليل من الصحة لأنو يقلكـ أكثر أهل جهنم النسآء :down: ..
بصح نورمآلمون هو امآم و يعرف يتعآمل مع النآس و النآس عقول و كل وآحد
كيفآه يفهم :s ! كآن يوصلهآ + يزيد حذآهآ توضيح بآه مآ تديش
النآس بهدرتو و يخلعوكـ و ينرvـيوكـ كيمآ خوكـ :p ..

هذآ حسب رأيي و ربي يلطف فينآ
و يقدرنآ بآه نكونو بعآد على جهنم ان شآء الله

بآركـ الله فيكـ و ربي يتمملكـ على خير ~
​

 

[فتاة حساسة]

لا حول ولا قوة الا بالله هههههههههههههههههههههههه.ربي يهدينا​

 

[stella.m]

السلآم عليكم و رحمة الله و بركآته

ههههـ اختي رآهي تطيب في الكسرة نروح نقلهآ
رآكي تحضري في روحكـ ولآ لـ جهنم :p ..

اَمممم اختي نعيمة يعطيكـ الصحة على هآذ السيجي ،
حسب رأيي رآح نقسمو على زوج :

الطرف لول : ممكن يتمسخر الامآم لأنو السؤآل صرآحة مش في محلو :down:
يعني كون جآني سؤآل هكآ كنت رآح نقول نفس الهدرة :d ،

و الطرف الثآني : ممكن يكون هذآكـ وش كآن حآب يوصل بلآ فكآهة ،
و هدرتو فيهآ قليل من الصحة لأنو يقلكـ أكثر أهل جهنم النسآء :down: ..
بصح نورمآلمون هو امآم و يعرف يتعآمل مع النآس و النآس عقول و كل وآحد
كيفآه يفهم :s ! كآن يوصلهآ + يزيد حذآهآ توضيح بآه مآ تديش
النآس بهدرتو و يخلعوكـ و ينرvـيوكـ كيمآ خوكـ :p ..

هذآ حسب رأيي و ربي يلطف فينآ
و يقدرنآ بآه نكونو بعآد على جهنم ان شآء الله

بآركـ الله فيكـ و ربي يتمملكـ على خير ~
​

وعليكم السلام

مراحب يا سكر
انا نقول وفي رايي انو السيد الي طرح السؤال كاين يستنى اجابة منطقية
مثلا انو الامام يقولو راهم يديروا هكا ويتحملو كل شي باش ربي يجازيهم خيرونولهم الجنة
صح ولا راني غالطة :s
كيما هاك السيد هذاك يروح لمرتو ولا ختو ويمدلها الكلام ويطلعلها المورال
مي سيدي الشيخ واش رد عليه
صحيتي التوضيح كان واجب عليه ولو انو مهما وضح رايحة تكون كلمة تاعو غالطة
وانتِ قلتيها امام ولازم يعرف كيفاش يتعامل
وفيك بارك الرحمان ربي ينجحك وينولك الي في بالك
وصحيت يا الزين نورتلي الموضوع
​

 

[stella.m]

لا حول ولا قوة الا بالله هههههههههههههههههههههههه.ربي يهدينا​

اللهم اميـــن ختي ربي يهدي ما خلق
ودايم دوم الضحكة ان شاء الله
نورتي
​

 

[ماكانش]

المزاح من دون اجابة
يعتبر تهميش للسائل والحط من قيمة المسؤول عنه
نورتي
​

وهل هذا عندك اختي نعيمة سؤال منطقي وواعي وعاقل ؟؟؟؟؟؟

قال جا واحد سقساه قالو : وعلاش النسا كي يكونوا يطيبوا في الكسرة ما يحسوش بالنار تحرقهم
​

 

[ماكانش]

السلآم عليكم و رحمة الله و بركآته

ههههـ اختي رآهي تطيب في الكسرة نروح نقلهآ
رآكي تحضري في روحكـ ولآ لـ جهنم :p ..

اَمممم اختي نعيمة يعطيكـ الصحة على هآذ السيجي ،
حسب رأيي رآح نقسمو على زوج :

الطرف لول : ممكن يتمسخر الامآم لأنو السؤآل صرآحة مش في محلو :down:
يعني كون جآني سؤآل هكآ كنت رآح نقول نفس الهدرة :d ،

و الطرف الثآني : ممكن يكون هذآكـ وش كآن حآب يوصل بلآ فكآهة ،
و هدرتو فيهآ قليل من الصحة لأنو يقلكـ أكثر أهل جهنم النسآء :down: ..
بصح نورمآلمون هو امآم و يعرف يتعآمل مع النآس و النآس عقول و كل وآحد
كيفآه يفهم :s ! كآن يوصلهآ + يزيد حذآهآ توضيح بآه مآ تديش
النآس بهدرتو و يخلعوكـ و ينرvـيوكـ كيمآ خوكـ :p ..

هذآ حسب رأيي و ربي يلطف فينآ
و يقدرنآ بآه نكونو بعآد على جهنم ان شآء الله

بآركـ الله فيكـ و ربي يتمملكـ على خير ~
​

كلامك عجبني صفصوفة

 

[ماكانش]

رأي من رأي صفاء
السائل يتمسخر بالإمام
ثم مانيش ندافع عن الأئمة
لأن معظمهم دخلو للمهنة معريفة ومنهم من دخل بالرشوة والعياذ بالله
​

 

[la_safa]

كلامك عجبني صفصوفة

و ردكـ على كلآمي فرحني خويآ سفيآن ،
شكرآآ ليكــْ ،
​

 

[stella.m]

انا نقول وفي رايي انو السيد الي طرح السؤال كاين يستنى اجابة منطقية
مثلا انو الامام يقولو راهم يديروا هكا ويتحملو كل شي باش ربي يجازيهم خيرونولهم الجنة
صح ولا راني غالطة :s
كيما هاك السيد هذاك يروح لمرتو ولا ختو ويمدلها الكلام ويطلعلها المورال

​

وهل هذا عندك اختي نعيمة سؤال منطقي وواعي وعاقل ؟؟؟؟؟؟

قال جا واحد سقساه قالو : وعلاش النسا كي يكونوا يطيبوا في الكسرة ما يحسوش بالنار تحرقهم
​

انا جاوبت صفاء من وجهة نظري
وعلاش السيد طرح السؤال
هو في بالو يقول ندي الاجابة من عند الامام كيما هاك المرة تاعي ولا ختي( ما نعرف) تطمن روحها
والمعروف علينا حنا النسا نتاثروا بزاف من كلام الائمة
​