السلام عليكم و رحمة الله تعالى و بركاته ياحبابي أعضاء أو حتى زوار لمنتدى اللمة
اليوم حبيت نتكلم على موضوع و نرافقه بقصة حقيقية لصديقة ليا ، الموضوع هذا شاع بزاف و ربي يسترنا و يستر أمة محمد عليه الصلاة و السلام و هو موضوع التحرش الجنسي في مكان العمل.
اسمحولي يا اخواني نحكيلكم هاذ القصة اللي صرات ما عندهاش بزاف لصديقة ليا حيث أنها جامعية و على بالكم بليك الخدمة في بلادنا راهي قليلة و يا سعد من صحتله
هاذي كيما قلت صديقتي عندها ليسانس عملت في اطار عقود ما قبل التشغيل و خلاصت مدة العقد ديالها في الأيام الأخيرة اللي بقات من العقد جاء واحد و قاللها انا نخدمك عندي غير ما تخميش و كيما يقولو الجزايريين الريح و ما يقيسكش (هاذ الشخص يعمل في هيكل رياضي كرئيس له) المهم بدات عنده لما خلاصت مدة العقد و كل شي مشى عادي في البداية و بعدما عدت شهور من العمل السيد هذا خرج للعيب بدا يمدح فيها و في جمالها و كيفاش ما تزوجتش لحد الان و هي شابة ....الخ كانت كل مرة تتبسم و تقلو المكتوب مازال يا الرايس مرت سنتين و هي عنده حاملة اللي ما يحملوش الجمل من سوء تصرفاته معها و الخوف من فقدان العمل ووين تروح اذا تقلقت و عيطت عليه ، بقات صابرة وهو يزيد و هاذ المرة خرجلها طاي طاي للعيب قاللها انا نحبك من يوم ما جبتك هاذي فوق يدي دبري راسك بيا نديرلك واش تحبي و حتى المرتب نزيدلك كيما تحبي غير اقبلي بيا هي كانت جامعية تخلص بمرتب 14.000,00 و كان وليدو يخدم ساعة في النهار و احيانا ما يجيش و ما يبانش مدة اسبوع او اكثر مستوى سنة 3 ثانوي يخلصو 20.000,00 الحقرة عيني عينك و قالت ما عليش المهم اعمش خير من اعمى و بقات تقاوم حتى نهار جا اليوم اللي فاض الكاس و انفجرت و فرغت واش في قلبها و استقالت بعد ما حاول يعتدي عليها حيث صرف العمال اللي كانو موجودين و حب يسيي زهرو و لما راحت تشتكي بيه قالولها لازم 2 شهود و هي منين تجيب الشهود و كانت غير هي و هو.
حبيت نزيدلكم معلومة هاذ السيد عنده 61 سنة و ربي ابتلاه بعدة امراض جسدية منها الضغط و السكري و ضيق التنفس و أكبر بلوة انه زير نساء من الطراز الرفيع و ماشي غير هي اللي حب يدنى ليها ... هاذ المعاناة ماشي غير صديقتي اللي تعرضت ليها كاين بزاف بنات مروا بهاذ المواقف و فيه منهن على جال باش ما يخسروش الخدمة ديالهم رضخن لمطامع هاذ الجواعة اللي غير كيما شبعو
يا خاوتي قولولي برك واش تديروا انتوما في موقف كيما هذا ؟؟ و لوكان اي واحد فيكم تعرضت بنته او أخته لمثل هاذ الموقف واش يدير على جالها؟؟ أعطوني رايكم و بردولي قلبي فيه الله لا يوفقه هو و اللي كيما هو
اليوم حبيت نتكلم على موضوع و نرافقه بقصة حقيقية لصديقة ليا ، الموضوع هذا شاع بزاف و ربي يسترنا و يستر أمة محمد عليه الصلاة و السلام و هو موضوع التحرش الجنسي في مكان العمل.
اسمحولي يا اخواني نحكيلكم هاذ القصة اللي صرات ما عندهاش بزاف لصديقة ليا حيث أنها جامعية و على بالكم بليك الخدمة في بلادنا راهي قليلة و يا سعد من صحتله
هاذي كيما قلت صديقتي عندها ليسانس عملت في اطار عقود ما قبل التشغيل و خلاصت مدة العقد ديالها في الأيام الأخيرة اللي بقات من العقد جاء واحد و قاللها انا نخدمك عندي غير ما تخميش و كيما يقولو الجزايريين الريح و ما يقيسكش (هاذ الشخص يعمل في هيكل رياضي كرئيس له) المهم بدات عنده لما خلاصت مدة العقد و كل شي مشى عادي في البداية و بعدما عدت شهور من العمل السيد هذا خرج للعيب بدا يمدح فيها و في جمالها و كيفاش ما تزوجتش لحد الان و هي شابة ....الخ كانت كل مرة تتبسم و تقلو المكتوب مازال يا الرايس مرت سنتين و هي عنده حاملة اللي ما يحملوش الجمل من سوء تصرفاته معها و الخوف من فقدان العمل ووين تروح اذا تقلقت و عيطت عليه ، بقات صابرة وهو يزيد و هاذ المرة خرجلها طاي طاي للعيب قاللها انا نحبك من يوم ما جبتك هاذي فوق يدي دبري راسك بيا نديرلك واش تحبي و حتى المرتب نزيدلك كيما تحبي غير اقبلي بيا هي كانت جامعية تخلص بمرتب 14.000,00 و كان وليدو يخدم ساعة في النهار و احيانا ما يجيش و ما يبانش مدة اسبوع او اكثر مستوى سنة 3 ثانوي يخلصو 20.000,00 الحقرة عيني عينك و قالت ما عليش المهم اعمش خير من اعمى و بقات تقاوم حتى نهار جا اليوم اللي فاض الكاس و انفجرت و فرغت واش في قلبها و استقالت بعد ما حاول يعتدي عليها حيث صرف العمال اللي كانو موجودين و حب يسيي زهرو و لما راحت تشتكي بيه قالولها لازم 2 شهود و هي منين تجيب الشهود و كانت غير هي و هو.
حبيت نزيدلكم معلومة هاذ السيد عنده 61 سنة و ربي ابتلاه بعدة امراض جسدية منها الضغط و السكري و ضيق التنفس و أكبر بلوة انه زير نساء من الطراز الرفيع و ماشي غير هي اللي حب يدنى ليها ... هاذ المعاناة ماشي غير صديقتي اللي تعرضت ليها كاين بزاف بنات مروا بهاذ المواقف و فيه منهن على جال باش ما يخسروش الخدمة ديالهم رضخن لمطامع هاذ الجواعة اللي غير كيما شبعو
يا خاوتي قولولي برك واش تديروا انتوما في موقف كيما هذا ؟؟ و لوكان اي واحد فيكم تعرضت بنته او أخته لمثل هاذ الموقف واش يدير على جالها؟؟ أعطوني رايكم و بردولي قلبي فيه الله لا يوفقه هو و اللي كيما هو
