ماذاآ ستطبخين اليوم " آنستي _سيدتي" الجزء °°30°°

[somo_81]

هههههه روعة2005 لالا هي لي جاتني ساهلة غير بالباتور و طبع في الفور ههههههههههههههههههه

 

[روعة2005]

لبنات عندي البامبلموس ومالقيت ماندير بيه بليز كاش ايديات​

 

[بنت الجسور المعلقة]

ربي يعطيكم صحيحتكم ♥ . ♥
ابتسام بصحتك التحويسة

عيسى كبر ورجع راجل تبارك الرحمان على الأسمراني لحلو نتاعنا ههههههه <3
ان شاء الله ديما على بساط الراحة
ندوش الله على طارطة المالحة تشهي كي العادة معاك غير جديد بربي ان شاء الله نجربها أني شفت الموضوع :d
وكل أطباقكم هايلة كل وحدا باسمها الله يرزقكم صحة البدان ويقوي خيركم ​

 

[imane27]

امممممممممممم بسومة عمبالى راكى راقدة ولا خرجتى ونتى عملتى عمايلك بصحتك
سومو فكورك يشهى بصحتكم ولا داك الخبر تاع لحراير بصحتكم
عفوفة بصحتها بشرا لبسة خليها تزها

 

[nada242008]

بسوم امممممممممممم تطبيق سريع وقيلة بايتة تحلمي بيه هههههه هاتي واحد :$
صومو الله الله عل المطلوع ليوم حصلتيه في العجوز :d وبصحتك الروز والكيكة هايلة امممممممممم
رقية الغالية درتي رائد صورة رمزية ان شاء الله يكون فال خير عليك ربي يفرحك ويهنيك والله نشتيك من عند ربي
وابتسام راهي ماحوستش هذيك الجنينة تاع دارها هههههههه تحسبينا حنا تحلي لباب تلقاي الجيران يتفرجو هههههه غير نخرج ننشر نلقا الريسان يطلو :-o
​

 

[imane27]

روعة اعصريه ولا دريه معجون

 

[SaRa QuEeN]

مساء الانوااار عليكم
روعة موووااااح على خديك الحلوين .كشما بقالكم كراب ابعثي لخيتك و كثري الشيكولة اكي سخفتيني :up: بصحتكم
عفوفة بصحتكم البيتزا انا تاني درتها . جابولك التليتلي ولا كلاو المرقة وحدها ههههههه:p
اتفضلوا شوية حويجات خفاف برك كرهنا الطياب

درت تارت الليمون بالميرانق تاع ام سامي . جات امممممممممممممممممم ربي يعطيها وش تتمنى

صحا عشاوتكم كاااامل

 

[بنت الجسور المعلقة]

لبنات أعطوني وصفة نتاع ميرانغ مليحة وتكون ناجعة تعيشو

 

[ibtesem]

اممممممممم سرسورة كوين يعطيك الصحة على كل شئ

 

[nada242008]

سارة كوين كلش يشهي يعطيك الصحة بصح الطبسي اللول اممممممممم مع شوي هريسة نقولو كنت هنا :d

رقية هاكي
http://4algeria.com/forum/threads/360393/

 

[somo_81]

ام ندوش و الله وراسك غير انا لي عجنتو قرصتو هي قرصت غير وحدة مسكينة ما فيهاش الطمعة كانت عيانة بصح انا معروفة بلي نحرق روحي هههههههههههه هي لي دارتو في الطاجبن هكداك و حرقت صبعي جابلي ربي يما دعات عليا بلاك كاش نهار زعفتها قراف ههههههههه على خاطر مطيبتوش و حرقت صبعي مي خرجنا درنا شوية ضاق خاطرها من قعدة تاع الدار كان نهار يهبل جو ربيعي شوية حشيش اخضر على زوج وريدات هههههه
لويزة تسلميلي حنونة

 

[shahrazad]

مساء النور عليكم
رغود بصحتكم الكوكا راهي اممممم هايلة
ايمان بصحتهم لولاد البيتزا راهي تنطق بالفروماااج يميييي والجلبانة ولا اروع بصحتكم
تفاهمتو صح اليوم على البيتزا عفاف البيتزا نتاعك راهي تتكسل وتزيد باينة خفيفة ياالشيفة وبصحتك الحية هاذيك لعقوبة الينا وطارطة جات امممم تحفة راهي تقول غير الي ياكلني يعطيك الصحة
ابتسام بصحتكم الخرجة هايلة والبطبوط جاك يهبل شهيتيناااااا
نانوسة الغرتان اممممم بصحتكم
شريفة غدا وعليه لكلام البطاطا واللحم لونهم يشهي والخبز ماخلاااش جاك :up:
انجل طابلة مقيومة الله يبارك بصحتكم
فوفة والله ياالرزمة رزمة لعروسة ولا لعجوزة حرااام عليك يا ختي اممممم شهيتينييي والخبز تطبيق ممتاز ولا اجمل
سهام اي ده كلو اي ده كلوو عشااا هااايل والكيكة :up:من صابني معاك لحبيبة وتنساك الموت ان شاء الله ياللوزة والخبز تع عجوزتك مااشاء الله هدا خبز ولا خليني
سارة كوين يا جمالو يا جمالو صايي ياختي ماخليتي فيا وااالو والووو بصحتكم
صحا عشاكم يالبنات

​

 

[nada242008]

صومو مالا عطيتيها غير تبوزي هههههههه صح باينة مريضة وجها صفرا من العيا قصدي يديها ههههههههههه:d ربي يشفيها ويطول في عمرها وبصحتكم التحويسة
شهرور الزينون امممممممم رخساس محشي بواش ؟ سخفتيني ويدك خرجت بوقوصة في التصويرة ههههههه
وراني هزيت البصمة تاع سنيك من الكسرة كون نشوفك في الطريق نعرفك
انا قسمت مورصو من الطارطة لمالحة حليتو ودرتلو كوش تاع هريسة :d امممممممممم جات هايلة يعطيني الصحة وربي يحفظني ويبارك فيا :d ههههههههههههه

​

 

[بنت الجسور المعلقة]

رقية هاكي
http://4algeria.com/forum/threads/360393/

ينجيك عزيزتي <3
مشكورة ♥

 

[shahrazad]

سهااام صار نتي الي درتي الخبز وعجوزتك حطت يديها برك للبراكة ههههه ايا يعطيك الصحة يالفحلة
عفوفة كسرة بالبصل المدبل والحشاوش راكي تشوفي هادا غير صبعي برك وخرج بوقوص
امال لو تشوفيني كلي على بعضي كده ...احمممم ياحوحو
ههههههه والله ياالبصمة ....اوااااه نتي راكي ديري لي كوغ تع التعبير فقتلك غير ماتكلخيليش:-h

​

 

[ibtesem]

‏عفاف الجزائريةيابنتي خافي ربي فينا قولي جابولك تليتلي وحسيتيلهم المرقة :s

 

[ibtesem]

شهرورة بصحتك وقيل انتي تاني راكي كي حالتي ههه تدوقي قبل ماتصوري ههه
صمصومة اممم على المطلوع كيفاش طلع اليوم وقيل كي مساتو لعجوز جاك هايل و مفشش
بصخت الجميع

 

[ام شيماء]

مصحتكم يا لبنات وربي يبارك ويزيد عشانا راه السفة بالجلبانة والفول ولبن صح عشاكم

 

[ام منصف]

بالصحة ليكم يا حراير صحى عشاواتكم
شهرورة حتى الرخساس يتفنن ويتحشى اممممممممم يعطيك الصحة جاك هايل هايل :up:
**
سهام واخيرا خرجت خميرتك الى النور وشفناها بالديطاي ههههههههه ربي يخليلكم عجوزتك والله الكبير بركة في الدار ربي يشفيها
**
سارة كوين كل شيء بتاويلو الله الله والكيكة روعة

​

 

[angel]

sara queen : ممم ماكلة تشهي بصحتك ويعطيك الصحة
ابتسام : البطبوط باين عليه هايل راني حابة نجربو
سومو راني ديت المورصو نتاع القاطو بصحتي:d جاو هاايلين وعجبني المطلوع يشكون الي عجنو قولي الصح ههههه:d
عفاف بصحتك البيتزاا يا ريت لوكان صورتيها المرة الجاية بلاكي تنساينا :$
شهرزاد مممم روعة هداك الرخسيس
ندا رانا كيف كيف نحوسو واش كين لداخل :-r:d
ام شيما بصحتك لعشا بالهنا والصحة ان شاء الله
صحى عشاكم
كااااااااااااااااامل الي ذكررتهم والي ماشفتش عشاهم

راني نستنا نشوف عشا هادوك 44

حالياً الأعضاء النشيطين الذين يشاهدون هذا الموضوع : 69 (25 عضو و 44 ضيف) ‏angel, ‏wijdane, ‏ام منصف, ‏NIHAL2013, ‏ibtesem, ‏بنت الجسور المعلقة, ‏s_luna, ‏ام شيماء, ‏SaRa QuEeN, ‏لؤلؤة,القرآن, ‏امال العروبة, ‏ضوء الخيال, ‏**أم البراء**, ‏NaNouS, ‏عفاف الجزائرية, ‏عاشقة الوردة, ‏somo_81, ‏oum wassim, ‏ziassia, ‏روعة2005, ‏ام ريهام, ‏ألاء الرحمـــن, ‏samah06, ‏wassila21, ‏