ماذاآ ستطبخين اليوم " آنستي _سيدتي" الجزء °°30°°

[زائــــــــرة حلوة]

صباح النور العسولات
احي عليااا صابحين بالجمايع الفم يخدم واليد تخدم مكاش الي يقدرلكم هههه

زوزو يا تؤبريني امووواح ماتقوليليش سي بون راكي مولية للكوزينة يويويوييييي :d
​

أهلين شهرورتي هههههههه خلاص وليت وجدواا رواحكم باه نغازل أطباقكم:p
ماشفتيش صب الرشراش تاع الجامات اليوم:d
وصحتين على قلبك الغداء كلش من ايدك عسللللللل:up:
==
وبيك أهلاااا روعة الغالية ويبارك ماعندك ..وصح غداك يا لفحلة
وبخصوص ميمي بودم شاربات ماعجبتهاش الحالة بلا بية نظن ههه ضرك ترجع علاجالي:$
==
صحيتو صحيتو هههه زيدو رحبواا عجبتني الحالة:p وتقلشي وزيدي تقلشي:yahoo01:
​

 

[nada242008]

صحا غداكم
شهرا امممممممم غدا خفيف ظريف ويشهي بصحتك
صومو طابلة بايتة هههه بصح تشهي وهذيك السلاطة امممممممم بصحت لي محفف الشلاغم هههههه
وبصحتك لي مول في انتظار لي تارت ولي تارتولات اممممممم وريحي شوي من كيكة الدانيت :d
فوفة اممممممممم مقرونة تونسية تشهي برشا برشا سيرتو المرحلة الثانية هذي فكرة جديدة عليا ههههه بصحتك نتي ولميسو
في اطار الحملة التحسيسية المعدية للخبز المغربي
طبقت الخبز تاع ريم 2012 لي جاباتو فريدة والله جا فوووووووووووور يعطيها الصحة مولاتو وكل وصفاتها مميزة في ميزان حسناتها ويعطيها الصحة فريدة جابتهولنا ودارتنا الكوراج
صورتو 20 تصويرة ههههه عجبني:d ودرت روطي داند مع شوية روز والحمد والشكر لله:-r

وهذي قرصة للخد المفشفش ههههههههههههههه

​

 

[imane27]

سلام لبنات صح فطوركم كامل
نسبق بزيزو اممممممممممم طلقو صراحت الحمد الله عودة ميمونة ياخى تهليت فيه جارتى ولا واش قال
صومو اسكتى شوية المطبخ راه قاع مشمخ وزيزو جات وصح عشاكم وفطورك راه يشهى
شهرا فطوركم امممممممممممم بحتكم
روعة بصحتكم مقرونة نموت عليها هاك
عشايا لبارح كان خفيف راحت درت دردوكاسيو علاج طبيعي تيرابي على يدى ومولتش بكرى ولعشاء كان حاصل فيا درت غير لخفيف
بتنجال شرمولة وسلاطة

 

[imane27]

امممممممممممم عفاف خبز جاك منفخ بصح عجبنى تبق تاع لخبز وروز راه يشهى بصحتكم

 

[زائــــــــرة حلوة]

إيمانوو فيك الخير والله:$ كثر خيرك جارتي الحنينة وربي يحفظ كل المغتربات الجزائريات
وبصحتك العشاء الخفيف امممممممممممم المزية ذقت منو البارح يسلمو الأيادي البنينة:up:
==
ام ندوش جاك الخبز فشفوشي وهاااايل ومام طاي ربي يبارك ..بالصحة والراحة وبصحتك الطبg:p

​

 

[shahrazad]

فوفة حبيبتي الله يسلمك بصحتكم المقرونة حمرا الله الله وبصحتها الزينة لولو
زوزو لك ان ماشالتك الارض انشيلك جوات عيونااا شو بدك اكتر من هيييك علابالي راه عاجبك الحال ههههه
ميمي واش ياالحنونة رانا كي القطة والفار انا نجي ونتي تروحي ولا العكس هيااا ادخلي بركاي من التقلاش :p
عفاف سي بون بالتطبيق تاعك اليوم نقدرو نقولو بلي راكم حطمتو الرقم القياسي و درتو حملة تع الخبز :up:
جاك هاااااايل راكي دايرتيلو البوم الله يبارك 3 متكيين ممبعد 2 مكسلين ووحدة طل
والتصويرة التحفة هاديك الي قرصوها زوج صباعتين حلوين
والروز والروطي امممم بصحتكم لفطور لحبيبة
ايمان عشاكم خفيف وهايل وربي يرزقك الشفا ان شاء الله ليدك

​

 

[مطبخ الأحلام]

ميس سوسو يا سوستي وقيلا بدا يخرف عليك الجوع
قوليلي وهاذي التحفة وين لقيتيها وشحال تتباع عجبتني

​

هههههههههه غير سكتي :-r:-r:-r

هاذي لقيتها فالسوق الي فوقنا راهي باطل ماتخميش :d:d

بصحتكم لبنات
​

 

[nada242008]

الله يسلمكم لويزة وزيزو وشهرا
يعني حتى كي نشري طبق تفضحوني ههههههههههه
--
لويزا عشا يهبلللللل اممممممممم سيرتو السلايط :up:
وربي يشفيك كون عطيتي لخليدة تومي تمسدهالك :d
​

 

[somo_81]

اشوايواي اشوايواي :yahoo01::yahoo01: :yahoo01::yahoo01: و الله غير رجع فطر بيه قالي بنين مام معنديش بزاف ملي ستقهويت هو جامي يقولي ماكلة بنينة ياكل و يزيد و كي تسقسيه يقول مليحة جامي يبرد القلب
اهلين و سهلين بلويزة و مجايبها هادا وين فطرت وزدتي جوعتيني
شهرورة اللوزة بصحتكم كلش تشهو و تيدو تشهو راح نولي ديناصور ماشي دب
ام ندوش الحنونة هاديك القرصة ليا ماشي لي خبز مفشفش كيما يحب الخاطر و مممم على الروز باللحم بصحتك
روعة حنونة بصحتك الماقارون و الله البارح درت لاصوص تاعها برك و طيبت الفارميسال لايلينا و خلطتهملها تموت على سباقيتي و لا مقرون بصوص تونسية بلعطتها قتلها سباقيتي ههههههههههه

 

[SaRa QuEeN]

اخت سماح هاديك لاصوص مدوزنة تلقايها فلي سوبيرات كاينة هاذي و كاين انواع بززاف شوفي اللي تساعدك .هادي تلقاي فيها طراف تاع طماطم .
ام ندوش ممممممممم الخبز هاداك ريحتو راهي تعبق فاللمة جاك يهبل ماشاء الله عليك ربي يخليلك يديك :d
ايمان ربي يجيب الشفا و بصحتكم
صومو مبروك ليمول الجدد اطلقي العنان ليديك و امتعينا بلي تارت الباهيين من يديك :$
صحا غداواتكم البنات ربي يدوم النعمة

 

[ميساء 21]

ايمان تسلم اليد اليمنى اطباقك رائعة لو سمحتي اختي روعة اعطيني طريقة تاع جاردنيار تاع بنت الجسورو المقرونة خرجتلك امممممممم معليش الطريقة

 

[مطبخ الأحلام]

لبنآآآت وجدتو القـــهوة رآآآهم كملوو خفووو خفووو
*
*
*
*
*
*
*
*
*
*
*
**
*
*
*
*
*
*
*

وين تخبآت عفوف نبآركولهآ :d

*
*
*
**
*
*
*
*
*
*

​

 

[مطبخ الأحلام]

றĭṩṤ❤Ṡoşσ, ‏sara76, ‏israa27, ‏narjes81, ‏ميس مرام, ‏SaRa QuEeN, ‏imane27, ‏عفاف الجزائرية, ‏بنت الجسور المعلقة, ‏nono_02, ‏KHAOULA 24, ‏samah06, ‏ام بسومة​

 

[ibtesem]

سلام للمرة الخامسة يارب هدي المرة يمشي معايا
نسبق بنور العين مرحب مرحب اشتقنالك زيزتا على قولت نانوسيتا ههه
حدود راكي طلي علينا كي خفاش ليل ههه معلين انا مزال عندي بكري
سومو الله الله تسلم الايادي مي مكاك انت تصلح تسام اليد اليسرى الى ان ترتاحي ونجمعو
شهرورة بصحة والراحة ياحلوة مي راني نشوف في توام روحك غايبة
راكم اتجاه معاكس هدو الايام
فوفو الله الله على المقروم ياعمري تشهر قلبي راه ياكل فيا نروح درك نعملها هههههههههه
تعرفي موالفة نعملها كيما انت بناتي يضحكو عليا اقلولي ماما الحار والفرماج لاعلاقة قلتلهم الله غالب ماكلتوش كسكروط لي هدا العربي بن مهيدي هههه لي لحق عليه راهو عندو الزهر
ندود بصحة والراحة اختي الزوينة على الخبيزات الله الله خرجولك هايلين بصحتك الدانك
ويزة الفيزة الي الي راكي فور دخلت الربيع لدارك بصحتك المرقاز ابعتيلي يابنتي شوية
عشانا كان خفيف خفيف

تحية مسائية للجميع

 

[زائــــــــرة حلوة]

نسبق بنور العين مرحب مرحب اشتقنالك زيزتا على قولت نانوسيتا ههه

ترحب بيك الجنة ابتيسو , وانا أكثر ياحبيبة القلب:$
ههههه إرسي على برّ زيزو ولا زيزيتا :s باه ماتخلطيليش الخيوط:p
وبصحتك العشاء الخفيف هههههههه مالا دورتيها ريجيم على حساب الشوفة:-o
تسلم الأيادي البسكرية:up:
​

 

[NaNouS]

السلام عليكم البنات بصحتكم كلشي يشهي
شهرو بصحتكم الجاج وفريت
---
فوفيتا بصحتك المقرون عجبتني انا المرحلة التانية
---
لوويزيتا بصحتكم البدنجال والمرقاز والسلطة
---
صومو بصحتكم العشا طابلة تشهي
---
عفافيتا هداك الخبز ريحتو وصلتني فرنسا جاك هايل وبصحتكم روطي
---
بسوميتا هدوك لي بغوشاط راهم رايحين يبكيو كيماراحة نبكي معاهم انا قالولك رتحينا شوية قتلتيني بالسخفة في باربيكيو بصحتكم

انا غدايا كفتة وفريت والله صورت بالزربة نسيت مصورتش الجاج والقارص

 

[حاملـة المسك]

السلام عليكم
عليكم النور يا خبزات اللمة هه

و عليكم السلام إبتسام

بصحتكم البنات وش طيبتو كلشي بالطبع و السلطات ماشاء الله سرتو ديال ايمان الشفلور الاخضر:up:
اليوم غدانا كرنب على طريقة عفاف البسكرية جزاها الله كل خير
و خبزفريدة راه مشي خبز gـااااطو الخفة و الطراوة أممممم نكهتو بمبشور البرتقال زاد فيه النص عندك الزيت درت أقل من نصف كاس..
الله يعطيك ما تتمناي ختي فريدة و يفتح عليك بيبان الخير و ين تروحي
الصور بححححح كانت معايا ضيفة
نهار خدمت العجينة المورقة عملت بالخطأ كيلو فرينة (كاثرة عليا) خبيت نصها و اليوم ضفتلها المقادير البريوشية و بريشت
و في لخر جغبلتها بالشيكولة :$
لعجبتكم نمدلكم الطريقة هههههه

حمزتيني عفاف بخبزك دك نشوف لا بقى طرف نصور سينو الخطرة الجاية بإذن الله.​

 

[ibtesem]

الله اسلمك نانوسيتا
يازوزو ولا زيزو ولا زيزيتا كل ماشي معاك انت ياgميل
رغود تيلم الايادي اممممممممم خبزة او بقايا العجينة او خلوضة في الخير خرجت تحفة صراحة عجبتني اممممم

 

[hasna23]

السلام عليــــــــكم

يسعد مسائكم لكم وحشة كبيـــــرة كنت نتابعكم كزائرة ( حلو:dة) ربي يبارك فيكم ويحفظكم كل شي تحفففة

اليوم حبيت نشاركم بعض الصور من خطوبة اختي ربي يزين سعدها ويهنيها

صورت من خلف الكواليس (في الكوزينة) خرجت عن الحلاقة ورجعت لقيتهم هجموو حشمت نصور قدام الضياف

بما اننا زوج بنات واختي هي العروسة فالشغل كمل طايح على راسي وجدت كلش في الصباح في الاول قدمت عصير مع باتيسري( لاموس او شوكولا و كراميل)

ومبعد حليب وقهوة وتاي وفي الاخير سالاد دو فروي وختامها فيريرو روشيه وقشقشة (مكسرات)

 

[hasna23]

وهذا عشاء لفامليتنا صورت غير مجمع البنات العزابيات :p