ماذاآ ستطبخين اليوم " آنستي _سيدتي" الجزء °°30°°

[samah06]

فريدة يعطيك الصحة حنونة على التوضيح
زوزو حمي البندير ماديريش كيما عيد ميلاد سهام نستيه اتحرق هههههههههههه
لبنات بصحتكم لعشوات انا راني صورت عشايا ب لبلاك بيري تاع الحاج والحاج مش قاعد ليا خلاص راهم عدة صور في بورتابلو وهو مع الماتشات هبلني
اليوم انا درت قرصة بطاطا وزيتون ومعدنوس بالبيض وسلاطة خضراء وبنان وبيبسي والخبز ورحمة ربي
وتعشاو وخلصو وانا رايحا للكوزينة نفنيها
وانتن تصبحو على خير
لبنات وينو معتز اللمة والا ملقاش الاكلات اللي يحوس عليهم اح معادش يزورنا

 

[روعة2005]

سهام تعجبني حكاياتك انت والحاج راه ولا مشهور في اللمة خخخخخخخخخخخخخخ:d

 

[angel]

صح عشاكم لبنات

جبتلكم سلاطة

​

 

[prncess fifi]

سهام تعجبني حكاياتك انت والحاج راه ولا مشهور في اللمة خخخخخخخخخخخخخخ:d

راه تشهر كيما الحاج لخضر مول الباطيمة:p

 

[samah06]

روعة اسمي عندك رجع سهام
سهام راهي غايبا اليوم
برانسا س قلباتو الحاج مول العمارة
الحاج مشهور في عين امليلة ومكانش اللي مايعرفوش
كي نخرج معاه منطيرش كليمة معاه غير مع الغاشي خدمة عرفاتو للي مايعرفوش

 

[prncess fifi]

جبتلكم لعشا
عدس و خبز فريدة

 

[روعة2005]

الله يبارك انجل سلاطة شكلها يهبل بصحتكم لحبيبة
سماح شفتي توحشت سهام مبانتش اليوم ان شاء الله تكون بخير ربي يخليلك الحاج ياستي
برنسس مالا راكي تتفرجي الحاج لخضر خخخخخ عشاك هاااايل الله يبارك والخبز جاك روووووووووعة ماشاء الله طالع يشهي ​

 

[ibtesem]

بصحتكم يالبنات ربي اقوي الخير
فيفي اممممممم على لعدس خاثر هايل بصحتك الخبز
انجل بصحتكم السلاطة نتفرج فيها مانكلهاش تقول نوارة تاع عباد الشمس

 

[أم فاروق]

صحا عشاكم كامل انا نسلم وروح نضرب طلة على واش طيبتو ونجي

 

[angel]

شكراااا ابتسام وروعة حشمتوني:$
​

 

[أم فاروق]

عقلوا فيها ما ركم دايرين فيا بطيابكم مخليتوا فيا والوا سيرتوا اليوم كي مطيبتش ايا نتوما راكم تغيروا فيا
دبر راسكم كل وحدة فيكم حطت فطورها اليوم ترسلي حقي راني نقارع
ههههههههههههههه
بصحتكم يا حبيبات قلبي مطرح ما يسري يمري
الله يبارك و يزيد
اليوم من صبحيت ربي و انا برا باش نسجل انور ولدي للدخول المدرسي شطت و لطت باش سجلته
و كي جيت طافية بالعيا ما عليا غير شريتلهم كاسكروطات كرانتيكا بالهريسة و خلاص
و انا دخلت دربتها بتدويشة نحيت هداك التعب

والله يا ام كوثر وهاذاك القزم الي دايراتيه يشطح فالتوقيع كل ما نفوت نسهى و نبقى نتفرج فيه وفمي محلول :p

 

[امونة الشاوية]

السلام البنات الله يبارك عليكم راكم شيفات تاع فتافيت راني حشمانة في حالة العشاء تاعنا هوشرناه قبل ما نصور نسيت لافار المهم نعوضهالكم ان شاء الله انا درت لابيري و قليت مرقاز و كسرة رخسيس و سلاطة الله يدومها نعمة علينا وعليكم

 

[امونة الشاوية]

اني جيييت
وشنو وشنووو راكم تقطعو وتعايبو فالبيسكوي تاعي ابو نص رولة

ماعليييش الصح فالعقلية ااااه قصدي فالبنة :d:p
هكاااك ميمي قطعي وزيدي قطعي وقولي علابالها بلي علابالي هههههه
صحيتييي صحيتيي يالحلوة تاعي اموواح ومرسي الى كل من فهم وقالي الصح فالبنة ههههههه

​

ههههههههههههههه شهرزاد التعليق تاعك روعة يا واحد الستوتة المرة الجاية ان شاء الله تصلحلك الدورة 5 تاع الرولي :p:p:p:p:p:p:p:p

 

[prncess fifi]

ربي يخليكم بسومة وروعة
روعتي كنت نشوف الحاج لخضر بصح ما شي دايما الحاج تاعي ما يحبش :p

 

[أم فاروق]

آني جيت درت درت حتى دخت الله يبارك زنق بزاف
آلاء الرحمان طيابك يشهي والله ياروز راح يطلع من الصورة
اختي حدة لفطير ولمسمنات طلعو هايلين الله يسلم اديكي
ام ريهام حطيتي ايدك عالجرح نموت بشي اسمو كراب بالموز هايلييييييييين
يسقسي عليك الخير اختي ندا الورد وصحة وهناء على قلبكم البيتزا
بوح المشاعر ياعمري عالشريبة والبوراك جاتني ريحة رمضان
ابتسام والله عندك القلب ودرتي كاشير خرج هايل متفرقيهش عالصناعي نحلوا وزين انتي اخدمي لكاشير وانا نشد لاكاس ههههه
ام منصف بصحتك تليتلي فكرتو جديدة وحلوة
بصحتكم كامل والله تفرفحو القلب

 

[أم فاروق]

غدايا
كبدة خروف بزيت الزيتون


مسبحة



والعشاء
محاشي وسلطة الملفوف



وجبتلكم باش تسهر معي

 

[imane27]

لبنات صح فطوركم وعشاكم كامل رانى جاميتكم كامل

 

[برنســ اللمة ـيسة]

سلام يا الغاليات
يعطيكم الصحة على الأطباق اللي مارايحين تبهرونا بيها
اللي تحب تكون في ادارة ا

​

لصفحة الخاصة ب ماذاآ ستطبخين اليوم " آنستي _سيدتي"؟؟؟

تبعثلي رسالة هكدا نكونو كامل مساهمين فيها ​

​

 

[ibtesem]

ام فاروق مشاء الله عليك اختي ربي يحفضك
بصحتكم لعشوات لبنات تسلم الايادي

 

[زائــــــــرة حلوة]

شريكتي عالسلامة جيتي لالة العروسة تووووحشناك يا هرااافة:$
==
لحراير كااااااامل طياباتكم في القمة راني نورمالمون جاميتكم تولمووووووند كيما تقولها قطتي لمسيلية:p
​