بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[lina-67]

هاني جيت اسمحولي طولت عليكم خليتكم تسناو عند الباب خخخخخ:p
نبداكم بالصالون مرحبا تفضلو

هاذي الصال آ مونجي

و هاذي الشومبرة على قد الحال

و هاذي كوزينتي الصغيرة

هذا واش درت للغذاء تفضلو دوك نسربيلكم هههه

 

[ام الحلوين]

ماشاء الله تبارك الرحمان
دارك صغيرة و شابة و مخملة و حتى لون الفراش باهي تاع ربيع
ربي يهنيك و يثبتك حملك و نشوفو جهاز البيبي ان شاء الله .
ربي يجازيك على الفطور يبان يشهي .

 

[lina-67]

لبنات راني نسنا الآراء و الانتقادات وووو:$
و اللي عندها اقتراح نبدل في كاش حاجة تتفضل نحب نبدل كل مرة :p

 

[lina-67]

الله يسلمك حنونة ام الحلوين و يخليلك اسراء و اسحاق و يجيب الضيف بخير و سلامة
و صحيتي على لاغوسات بصح قوليلي شحال من درجة في الفور نديرها:d

 

[ام الحلوين]

الله يسلمك حنونة ام الحلوين و يخليلك اسراء و اسحاق و يجيب الضيف بخير و سلامة
و صحيتي على لاغوسات بصح قوليلي شحال من درجة في الفور نديرها:d

الله يسلمك ان شاء الله تجربيها و تخرجلك و الفور من
180 حتى 200 و خليها 10 حتى 15 د .
راني خارجة نجيب اسراء من المدرسة .

 

[SAMIRA25]

ما شاء الله تبارك الرحمان دارك شابة بزاف و نقية و موداغن ما هيش مشراجية بزاف
ربي يهنيك فيها و يسعدك

ملاحظة فقط ان شاء الله كي يشرفو لوليدات راه كل شيء راح يطلع الفوق :d
​

 

[lina-67]

الله يعيشك سميرة و يخليلك الانوشة
ههه كيما قلتي كي يشرفو كلش يتبدل

 

[روعة انثى]

جهاد الله يبارك دارك شابة بزااااف و نقية و مشمسة هداك هو الصح
و تاني نبغي بزاف السرير تحت التاقة
و الفطور يبان بنين الله يبارك
ربي يحفظك و يحفظلك حملك و يشرف البيبي بالسلامة
عندك غرفة وحدة ؟

 

[روعة انثى]

ام الحلوين الوصفة تاع الغريبية اديتها و ان شاء الله نسييها صحيتي حنونة على كلشي

 

[joumane]

ماشاء الله تبارك الله بيتك صغير ونقي وحلو وكلشيليك سامبل وجميل
منزلك يبعث على الراحه وهدا اهم شيء انو الواحد يرتاح في دارو عجبني كلشي خاصة هاديك السنيوه لي فوق الميكرووند سير جبتيها من البلاد
والله دبرتيها ارضيتك تكدري تسيقيها انا توحشت التسياق والماء في الارض انا عندي الارض حطب والحيوط كواغط مكانش خلاص منين نلوح الماء

 

[lina-67]

ايه روعة عندي غرفة وحدة راني دايرة الدوموند باش يعطولنا دار وحدة اخرى اكبر ان شاء الله
ربي يخليك و يسهلك و يلحقك بزوجك ان شاء الله

 

[lina-67]

الله يعيشك حنونة
ايه السنيوة جبتها من البلاد و الارضية مليحة في الصيف بصح في الشتاء تقتل باردة نفرشها كامل بالطابيات

 

[مريومةمم]

ام الحلوين الحمد لله على سلامة وليدك و ما يزيد يشوف شر ان شاء الله
مريومة واش راكي انت احنا الحمد لله غير كي ندخلو شوي لنت نكسرو روتين

الحمد لله مادامنا مجموعين مايكونش روتين.....
الله يدومها علينا ياااااااااااااااارب

 

[مريومةمم]

هاني جيت اسمحولي طولت عليكم خليتكم تسناو عند الباب خخخخخ:p
نبداكم بالصالون مرحبا تفضلو

هاذي الصال آ مونجي

و هاذي الشومبرة على قد الحال

و هاذي كوزينتي الصغيرة

هذا واش درت للغذاء تفضلو دوك نسربيلكم هههه

الله يبااااااااااااااارك دارك تهبل
لعقوبة لياااااااااااااا رب نتزوج
واللي عندها عريس ماتبخلنيش ونكون جارتها ولا فامي ههههههههههههه

 

[lina-67]

الله يسلمك حنونة و ربي يخليك و ربي يرزقك بوليد الحلال

 

[مريومةمم]

الله يسلمك حنونة و ربي يخليك و ربي يرزقك بوليد الحلال

شكراااااااااااااااااااااااااااااااااااااا حبيبتي

 

[ام الحلوين]

مريومة ربي يرزقك بالزوج الصالح .

 

[عائشة حسان]

الله يبارك اختي جهاد بيتك حلو ويهبل ربي يهنيك بيه يارب
وعقبال بيت اكبر منه ونعمريه اولالالالالالاد


اهلييييييييييييييين اخواتي مساؤكن شيكولاطة او ايس كريم؟؟؟؟؟؟؟؟

كيما تحبو

 

[رنيم الغربه]

صباح النور حبيباتي ان شاء الله راكم بخير .
البارح مادخلتش العشية وليدي طاح غير من sofa لي فوتاي و زراق كامل و بقى يبكي و يقولي ظهري انا قلت سير ظهرو تكسر و لا رقبتو من بعد عيطت للاسعاف جاو شافوه قالولي عادي مديلو غير سيرو و ادا توجع بزاف غدوة اديه للدكتور و الحمد لله اليوم صبح مليح .
ام امين ربي معاك و ان شاء الله تشوفي مريم بخير .
روعة حنونة ان شاء الله راكي بخير .
رنيم شيخك ساكن في بلجيكا ؟
سميرة و فطومة سير راكم نع البنيات ربي يحفظهم
جهاد و جمان و مريومة واش دايرين فيها .
سلام .

سلااام اختي ان شاء الله تكوني مليحه و وليدك كيفاش راه ان شاء الله خير يا رب

اه ناس داري في بلجيكا كنت نسكن قدامهم مي دوكا كي رحلت بعدت واحد 30 كم

 

[lina-67]

الله يسلمك حنونة عائشة ربي يعيشك و يحفظك