بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
صباح الانوار
ان شاء الله تكونو بخير
وسيم دارولو الاكسجين و الطبيب قال لازم نزيد نشدوه حتى غدوة ان شاء الله و يشوف اذا يخرج او لا .
حبيت نخرج اليوم من بعد قلت ندير الميناج قبل دروك نحكم الدار من فوق لتحت و من بعد نحكي معاكم .
سلام .
 
صباح النور لبنات
روعة كي صبحتي راكي تبكري يا الشاطرة ولا تكونيكتي من الخدمة
ام الحلوين ربي يعاونك حتى انا الشغل راهو يسنى فيا
سلام:bye01:
 
الحمد لله كي تطنمتو على وسيم
معليش ام الحلوين اقضي اشغالك الله يعاونك حنونة
جهاد صباح يا عمري كي راكي
ايه راني نكونيكتي من الخدمة و اليوم راهي عندي خدمة نطل من التاقة برك
 
آخر تعديل:
صباح الخير عليكم راكم كامل مبكرين حيوية و نشاط ربي يدومها
انا عندي الظهر ما نيش مبكرة:d
ربي يعاونكم و يسهللكم اموركم بالتوفيق​
 
ام الحلوين انا في الاسبوع 31 وراه البيبي بخير الحمد الله يا جهاد بصح راه عندي الضربات هادوك الخفاف الي كيما في الولادة وهابطة البيبي شوي وقاتلي الطبيبة لازم الروبو قلتلها مع 2 اولاد ما نقدرش والثالث اكثر منهم قلتلها جيبيه انت وقوليلو وكي جيت قتلو وقبل ما يرد قتلو راني على بالي واش راح ترد وفعلا هاديك هي قالي لاه واش قاعدة اديري ما علينا قتلو المزية الطبيبة الي قالت ماشي انا والا تقول راه تدلل
ام الحلوين ربي يشفيه ان شاء الله يمكن من ليغلار هوما الي يديرو للبيبيات ضيق التنفس انا نعرف واحدة من البلاد هكا كي ولدت من بعد جرالو هكا قالولها شرب من السائل تاع الام والا ماع لى باليش ومن بعد نحاوهولو والحمد الله ضرك راه عندو عامين ولاباس عليه
هنا المشكل في اوروبا ما يقولولكش حاجة باينة اعبونا برك بالتحاليل وما تفهمي والو
 
ام الحلوين بالشفا لوليد خوك ان شا ء الله
 
صباح الخير ام امين راكي 31 اسبوع ما بقاش بزاف و يشرف البيبي ما تنسايش زوريه للبيت نشوفوه و نطمنو عليه
ربي يجيبو بالسلامة و اذا بنت تاني مرحبا بيها
 
صباح الخير عليكم انا راني نرد على واش فات ومن بعد ندخل معاكم في السلام الناس تبدا بالسلام وانا نكمل بيه اليوم صبحت مطر مدايرة حالة تقولي شتا على بيها ما حبيتش ندي الدراري قتلهم اقعدو وخلاص
 
قال روعة انثى:
صباح الخير ام امين راكي 31 اسبوع ما بقاش بزاف و يشرف البيبي ما تنسايش زوريه للبيت نشوفوه و نطمنو عليه
ربي يجيبو بالسلامة و اذا بنت تاني مرحبا بيها
إضغط للتوسيع...
ان شاء الله حبوبة ما يكون غير خاطرك
 
قال أم أمين23:
صباح الخير عليكم انا راني نرد على واش فات ومن بعد ندخل معاكم في السلام الناس تبدا بالسلام وانا نكمل بيه اليوم صبحت مطر مدايرة حالة تقولي شتا على بيها ما حبيتش ندي الدراري قتلهم اقعدو وخلاص
إضغط للتوسيع...
صباح الخيرات ربي يهنيك
و لولاد المدرسة ماشي اجباري ؟؟؟؟؟
 
كملت الشغل غير الفوق و جيت نوقب و نكمل الصالون و الكوزينة ههههههه.
 
انا مازلني ما خممتش لخاطر الغدا ندير برك حاجة خفيفة والعشا الي لازم لخاطر المخلوق يتعشى في الدار والغدا برا
ام الحلوين راهم في الحضانة يعني كي يغيبو نورمال ماشي مشكل بالضوي على روحك ام الحلوين ما تنسايش الحمل انا الشهور اللولين كنت هكا كل مرة ونا نقلب في الدار فوقاني تحتاني حتان قالتي الطبيبة بالشوي اما ضرك راني مخليتها نقضي غير شوي شوي برك
 
جهاد ان ما نيش دايرة غدا لاني صايمة و الفطور ان شاء الله رايحة ندير شربة فريك و كوكا جي pate feuilletée و نحط فيها طماطم و بصل و لحم مرحي و نقفلها و نطيبها في الفور ​
 
صباح الخير البنات
سميره صيام مقبول حببتي دعيلنا قبل الافطار وكي تفطري متنسايناش
ام امين واشراكي حببتي ووش قاتلك الطبيبه على مريومه عاقله شوي والا كشما فيها قباحه هههه
ام الحلوين بلعقل عليك حببتي كيما قاتلك ام امين والخدمه في الدار كل يوم كاينا
جهاد والله انا اليوم واحد الشمس حارقه والنهار ثقيل عليا ماهيش نافحتلي نطيب خلاص
 
سلام بنات حتى دروك باش كملت الشغل و الفطور تقول عندي فيلا هههههههه
راني خارجة نجيب الولد من المدرسة و نرجع ان شاء الله .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top