بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[joumane]

ربي يحفظكم حبيباتي روعة و او عبد الهادي و سميرة .
سميرة بنتك راكي ديريلها جال تاع سنانها ؟؟؟؟
رحت جبت بنتي من المدرسة و ديتهم للابيسين و غير دروك جيت .
ولد خويا قالو الطبيب لازم نشدوه يومين بسكو رايحين ينقولو الرئتين و وراهولي في المستشفى يلعب و يضحك و الصباح ماقدرش يتنفس مسكين، ربي يشفيه .
هذا هو حبيبي وسيم ولد خويا .

ام الحلوين اسمحيلي حببتي هذاوين عرفت عليه ربي يشفيه ويعافيه
ياعمري عليه ملايكه ربي يعيشو لوالديه ويحفضه

 

[fatouma2012]

سلام عليكم البنات كيراكم توحشتكم
راني جيت ، الحمدلله راني نريح كانت عيني توجعني و حقرتها كانت حمرة ، قلت عادي درك تبرا ، بصح كي رحت الطبيب رسلني السبيطار وقالولي هادة مرض صعيب بعيد شر عليكم ، جهاز المناعة مرات يغلط ويبدا يهاجم فالعين يحسبها جسم غريب وقادر يدمرها ونفقد البصر ، واش نقولكم تشوكيت خاصة انو عمري ماشكيت بعيني ونضري 10 على 10 وعطاوني دواء يقلل من نشاط جهاز المناعة و دارولي إبرة فالعين بصح كي درته موليتش نشوف وطبيب مقليش على الأعراض تاعه وأنا حسبت عيني راحت ............ستراس كبير حكمني بصح دروك الحمد لله راني مع كونترول وكل مرة ينقصوا لا dose تع دواء
الواحد ميحسش بنعمة حتى تيبغي تروح ، الحمد لله على كولشي

 

[أم أمين23]

ام امين مالا التصاور تاع الدار حتى تولدي ههه ماعليش براحتك تهلاي في مريومة

لا لا يويمن هكاكا والا ثلاث نجطهم اليوم راني صورت الصالة وان شاءا لله العشية والا غدوة نكمل الباقي
المشكل راني مبدلة رقاد الدراري في بيتي وكي ثقلت ضرك ما قدرتش نرجع السرير الكبير لبيتي لخاطر كانت اللبيت تاعهم باردة نستنى المخلوق باش يعاوني الويكند ان شاءا لله والا نصورهم هكاكا وخلاص

 

[أم أمين23]

جومانة والله الحمد الله راني قلت الفوق بلي راهي بيان هي وهبلتني برك بالحركة ما تركحش
سميرة صيام مقبول ان شاءا لله
فطوم بالشفا عليك الحمد الله الي رحتي للطبيب شتي كيفاش نستهزاو ومن بعد تجي فينا

 

[byouna]

salam alikoum oum amin fatoum oum alhilwin etc ki rakoum ,fatoum rebbi yshfik wtbai brk and tbib tbray inshalah ,kifesh srat lbntek ki mrdti, leken kriba leken jbtha andi,thlay fi rouhek

 

[روعة انثى]

فطومة ربي يشافيك تبعي شتا قالك الطبيب و تبراي بإذن الله
تهلاي في روحك و بلاكي على روحك حنونة سلمي على السرسورة

 

[ام الحلوين]

سلام حبيباتي
فطومة ربي يشافيك حنونة و ماتشوفي شر .
بيونة مرحبا بيك و يسقسي عليك الخير .
جمان ربي يخليك و وسيم راه خير من البارح ربي يشفيه.
سميرة ربي يتقبل صيامك .
روعة ان شاء الله راكي بخير .
جهاد انا درت فريت و تون و فرماج للفطور بسكو غير انا و اسحاق و العشا طيبت مثوم و شهيت طاجين الحلو عشية نطيبو ان شا الله .
ام امين الحمد لله دروك راني حاسة روحي خفيفة نقضي الشغل و نهار تكبر كريشتي ندي كونجي ههههههه، بصح البيبي مراهش يتحرك في الشهر الثالث كنت نحس و دروك لالا و باقيلي 3 سمانات على ايكو و كي عيطت للطبيبة قلتلها راني حابة نسمع القلب تاع البيبي قاتلي لالا ماشي دروك لازم تستناي الايكو ربي يستر .
مريومة واش راكي حنونة .

 

[روعة انثى]

راني بخير الحمد لله ام الحلوين يسقسي عليك الخير
اليوم راني نطل من التاقة برك عندي خدمة
بصح راني متبعة معاكم

 

[joumane]

سلام عليكم البنات كيراكم توحشتكم
راني جيت ، الحمدلله راني نريح كانت عيني توجعني و حقرتها كانت حمرة ، قلت عادي درك تبرا ، بصح كي رحت الطبيب رسلني السبيطار وقالولي هادة مرض صعيب بعيد شر عليكم ، جهاز المناعة مرات يغلط ويبدا يهاجم فالعين يحسبها جسم غريب وقادر يدمرها ونفقد البصر ، واش نقولكم تشوكيت خاصة انو عمري ماشكيت بعيني ونضري 10 على 10 وعطاوني دواء يقلل من نشاط جهاز المناعة و دارولي إبرة فالعين بصح كي درته موليتش نشوف وطبيب مقليش على الأعراض تاعه وأنا حسبت عيني راحت ............ستراس كبير حكمني بصح دروك الحمد لله راني مع كونترول وكل مرة ينقصوا لا dose تع دواء
الواحد ميحسش بنعمة حتى تيبغي تروح ، الحمد لله على كولشي

فطومه ربي يشفيك حببتي وكيما قلتي والله الواحد ميحس بالنعمه حتان تجي فيه والله وسوستيني psq انا المره هادي كيجيت وليت نشوف بعيني لاقوش التخش سيرتو في الشمس ويقلقني وقريت عليه فلانترنات لقيته معندوش حل اما يروح وحدو اما يقعد ومسهزيه والله ربي يستر برك الواحد معلبلوش منين تجيه

 

[lina-67]

سلام لبنات بصحتكم لغذاء مالا كامل ديرو الطبق الرئيسي في العشاء و خفافي في لغذاء انا راني العكس لعشا هو اللي ندير الخفيف لغذا درت لابيري و لحم مشوي
سميرة ربي يتقبل ان شاء الله
فطومة ربي يشافيك تهلاي في روحك و تبعي الدواء

 

[joumane]

جيهاد بصحتك لابيري والمشوي
قوليلي تشوي على شوايه تريسيتي والا فحم

 

[أم أمين23]

ام الحلوين انا ما حسيتلهاش حتى السادس والا نهايتو لتم وين ولات تتحرك عادي الصهرة الاولين ماشي كامل يتحركو
بصحتكم جهاد انا ثاني نحب الشوا بصح هنا ما عنديش فاش نديرو حبيت نشري تاع التسريتي وما على باليش كيفاش يجي فيها لخاطر فوق الغاز ماشي بنين بزاف كيما تاع الطابونة

 

[lina-67]

انا شويت فوق الغاز مام انا حابة نشري تاع التريسيتي بصح قالولي تاع الغاز بنين على تريسيتي و ما نعرف

 

[joumane]

[CENTERهاذو صور بيتي
]اولا هنا من برا وين نسكن

[/CENTER]

 

[أم أمين23]

جوجو طلبناها في تحت المجهر ماشي هنا واش بيكم راكم تخربطتو والا واش؟؟؟؟
جهاد انا ثاني كل واحد واش يقول على بيها حابة نعرف منكم الي مجربة

 

[أم أمين23]

جهاد راني قلبت شوي في الدار وراني نسنى في المخلوق يجي يعاوني في الثقيل وان شاءا لله من هنا لغدوة انزل التصاور بربي الا كملت

 

[joumane]

وهذا بيتي الدخله مرحبا بيكم

وهنا الدخله للصالون والغرفة تاعي

وهاذي الدخله للكوزينة والباب الاخر تاع الحمام

وهاذي الكوزينة


وهذا المنظر من نافذتها


وهاذي غرفتي

وهاذي جهة النافذة

المنضر من برا

ومنا الشرفه

وهذا المنظر من اليمين إلى اليسار من الشرفه طبعا

 

[joumane]

ام امين كيف كيف كي هنا كي لهيه
دوكا طفرت حطيتهم

 

[روعة انثى]

جمان ما شاء الله الله يبارك دارك شااااااااابة بزاااااااف
الاثاث و الترتيب و التهوية و الديكور يبان زوجك بلي رومنسي خاطر كلشي مرتب
و المناظر من النوافذ و الشرفة تاني يهبلو الطبيعة و الخضار و اليخضور
ربي يهنيك حنونة و تستراحي فيها و ترتاحي و تجيبي الاولاد اللي يعمرو عليك الدار

 

[ام الحلوين]

جمان ماشاء الله دارك شابة و حتى ورق الحائط مبهيه و المطبخ مليح ماشي صغير بزاف و عجبني السرير و الخزانة يبانو متحوفين كيما تاع البلاد ،حنا هنا كي يعمرو الدار يروحو غير ikea و يجيبو تاع 10 بالف كيما يقولو في البلاد ، ربي يهنيك حنونة و تستقري وين راكي حابة و يرزقك بوليدات .
ام امين في بنتي حتى اواخر الشهر الرابع باش تحركت و الولد تحرك في الاسبوع الاول من الشهر الثالث و هدي المرة تاني غير دخلت في الثالث حسيت يتحرك و شكيت ولد بصح دروك عندو بزاف ماتحركش ، البارح قالي الزين سير بنت و راهي حشمانة مسكين يصبر في روحو بسكو حاب البنت .
لي فيها الخير ربي يكتبها .