بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[ام الحلوين]

اهلا الاخت ام اسراء واسحاق تعقيب على نسيانك كلمة السر
تقدري تسترجعي كلمة المرور الجديدة باه تدخلي بعضويتك القديمة ام اسراء واسحاق تبعي فقط تعليمات المنتدى
يقولك اكتبي ايمايلك ان نسيتي كلمة السر وبعدها ادخلي للاميل ديالك تلقاي رسالة من المنتدى يعطوك كلمة السر الجديدة احفظيها وادخلي بيها مرة تانية
الله يثبت حملك ان شاء الله
دمتي بخير

الله يجازيك اختي لكن للاسف عندي حوالي اسبوعين و انا احاول استرجع كلمة السر و ابقى باسمي الاول و مشاركاتي كانت 451 على ما اظن و لكن لم استطع ، لهدا سجلت مرة اخرى .
سلامي .

 

[fatouma2012]

سلام عليكم كاملين ونشالله راكم بخير

سيرين أو بيونة قولولي شكون تعرف التليفون تاع air algerie ف ألمانيا دخلت النت وجربت الارقام ومحكمتهمش ، بغيت نسقسي على vol تاع فرانكفورت وهران psq يديروها غير ف صيف

البنات شكون فيكم راحت فوتت رمضان فالبلاد تقولنا كي فات عليها ، في دارنا علابالي يفوت super بصح كون نروح نشالله مع زوجي نفوته عند أهله وراني مترددة وخايفة لكان نروح ونندم bazaaf machaakil وخاصة هادي أول مرة نطول عندهم ، المرة لي فاتت عطلتنا كانت 13 يوم برك وقعدت عندهم 5 أيام ومعجبتنيش الحالة صراحة ، حتى راجلي وكره ومريحش خلاص . وماما راها رايحة عمرة في رمضان وبغيت نشوفها كي تجي نشالله ، بصح علابالي ميخلنيش نقعد بزاف معاها ، قالي فوتي رمضان معايا وبعد رمضان في داركم باه نطيب ، والله غير حرت كي ندير
في بالي نتوكل على ربي وكي فاتت تفوت مع الحمان وصيام والقيل والقال

 

[أم أمين23]

اهلا ام الحلوين ان شاء الله تكوني بخير
بالنسبة للايكو الاولى درتها في الاسبوع العاشر والثانية في الاسبوع 19 يعني الجينيكولوج هي الي تعطيك وكتاه تحكمي المفروض
ام فطوم انا عقبت زوج رمضانات في البلاد الاول عقبتو كلو في دارنا رحت غير ايامات وكنت نتوحم وكنت كارهة عجوزتي فاكونس كامل كنت كارهة دارهم
اما رمضان الثاني كان المخلوق لتم وعقبتو كامل في دارهم رحت لدارنا برك مرتين او ثلاث بالعرضة نقدر نقول سافا عدى كبرت راسي وفات

 

[ام الحلوين]

فطومة نتي شوفي للراجلك و شوفي كيفاش الحالة دايرة .
انا العام الماضي جوزت 15 يوم في الجزائر وابقيت في دارنا راجلي يتيم من الاب و الام و خاوتو معرضونيش كامل و حتى انا رحت عندهم غير في السهرة و مرت خوه الكبير كي رحت عندها قاتلي ايــــــــــه قلت لراجلك ادا تحب جيب مرتك جيبها تفطر بصح انا مارحتش بسكو هادي ماشي عرضة، و رحت نهار العيد برك ، و كي جيت هنا دارتلي مشكل و حشمتني قدام لافامي ،قلت للراجلي المرة الجاية و الله مانروح عندها و خليها تحك الملح .
ام امين ربي يخليك قوليلي شحال كان البيبي فيه طول و وزن ؟؟؟؟؟؟؟؟ انا عملت في الاسبوع 13 قاتلي الطول 161 سم و الوزن 73.1 غ ، و انا بانلي كبير ،لاني كي قريت في قوقل المفروض يكون الطول 8 سم و الوزن 23غ .جاوبيني ربي يخليك .
سلام .

 

[lina-67]

سلام عليكم كاملين ونشالله راكم بخير

سيرين أو بيونة قولولي شكون تعرف التليفون تاع air algerie ف ألمانيا دخلت النت وجربت الارقام ومحكمتهمش ، بغيت نسقسي على vol تاع فرانكفورت وهران psq يديروها غير ف صيف

البنات شكون فيكم راحت فوتت رمضان فالبلاد تقولنا كي فات عليها ، في دارنا علابالي يفوت super بصح كون نروح نشالله مع زوجي نفوته عند أهله وراني مترددة وخايفة لكان نروح ونندم bazaaf machaakil وخاصة هادي أول مرة نطول عندهم ، المرة لي فاتت عطلتنا كانت 13 يوم برك وقعدت عندهم 5 أيام ومعجبتنيش الحالة صراحة ، حتى راجلي وكره ومريحش خلاص . وماما راها رايحة عمرة في رمضان وبغيت نشوفها كي تجي نشالله ، بصح علابالي ميخلنيش نقعد بزاف معاها ، قالي فوتي رمضان معايا وبعد رمضان في داركم باه نطيب ، والله غير حرت كي ندير
في بالي نتوكل على ربي وكي فاتت تفوت مع الحمان وصيام والقيل والقال

سلام فطومة واش راكي هادي غيبة وواش راهي الانوشة الصغرورة ،يا اختي شا نقولك انا حلفت على رمضان ما نروحش راكي تعرفي جوايهنا غليزان و معسكر السخانة تقتل وانا رحت العام اللي فات و الله ما قدرت سيغتو كيما قلتي اول مرة نطول في دار راجلي الصماطة مع الناس كامل صايمين و كارهين اللي عندو كليماتزوغ دايرها و قاعد في دارو حتى مور الاذان باش يشوفو بعضاهم ويلا حبيتي تروحي باش تشوفي يماك خلي حتى ليامات التالية ديري يومين عندهم و ثلاثة في داركم هههههه باش متكرهيش انا كنت ندير هكا ما تخليلهمش الفرصة للمشاكل و على لايروبور ما علاباليش اذا كاين وهران انا العام اللي فات رحت فرانكفورت الجزائر ايا تشوس
​

 

[fatouma2012]

سلام عليكم واه يا جيهان واقه هاد الغيبة عقلي عقلي هههه خليتيني حتى والفتك وهربتي وخليتيني ، ****ي يا ختي وقراهم داركم نشالله بخير ، هاد المرة متهربيش رانا متليمين هنا كي الخواتات ونشالله تعجبك هاد الدار ، راني في شهرين رحت الشتراسبورغ أنا وراجلي وسرسورة لكن متولناش شرينا اللحم وجينا وعندكم بزاف بزاف العرب والجزائريين أنا مامنتش عقلي ، قلت الراجلي كي نتوحشو البلاد وريحتها نجو هنا عجبتني ، بصح قالونا كاين مرشيات تع العرب أحسن تم لكن حنا معرفناش رحنا عند الاتراك برك

وبنسبة الطيارة كاين فرانكفورت وهران بصح غير ف صيف تكمل في 16 سبتمبر أنا جيت فيها تساعدني خير psq دار راجلي ف وهران نشالله نروح فيها هاد المرة ، قولولي واش تحكي كاش جديد عندك ؟ والفتي ؟ خصنا جماعة كبيرة

أم أمين شكرا على الرد أنا تاني كي رحت كنت نتوحم ههههه المشكلة انو عندنا شهر فالعام نورمالمو نفوتوه غاية مشي غير ف دار والكوزينة وإن + بالخمار .......

أم الحلوين اسمك جديد شباب . والطول تاع البيبي راكي غالطة أكيد بلاك مسمعتهاش مليح ولوكان كاين مشكل ف حجم الجنين تقولك الطبيبة ، كيما أنا قاتلي الطول عادي والوزن ناقص بنتي زاد فيها 2 كيلو و-700 غ

جيهان متهربيش وكون تجو الألمانيا مرحبا بيك عندي

 

[ام الحلوين]

صباح الانوار
فطومة ربي يخليك نتي اسمك الشباب على اسم يما و عجوزتي الله يرحمها و اسراء تاني حطيتها فاطمة ، الزين قال نسمي على يما الله يرحمها قتلو معليش بصح نحط اسراء فاطمة و وافق،المهم الدكتورة ما قاتلي والو لكن كتبتلي في التقرير الطول 161 سم انا فهمتها 16.1 سم ،و عندي الايكو 2 في 5 جوان ان شاء الله خير .
و في اسحاق كي درت ليكوغرافي قاتلي كلشي بخير وعادة نقعدو شهرين باش ندير 2 ،و هذيك المرة بقيت 25 يوم و درتو من بعد قاتلي الدكتورة المرة لي فاتت ماشفتش البيبي كامل .
بصح ما قاتليش في الاول .

 

[SAMIRA25]

السلام عليكم جميعا
فطومة ما كانش كيما تصومي في دارك و روحي عيدي في البلاد و شوفي دراهم شوي و داركم بزاف:d
اللهم بلغنا رمضان
ام الحلوين كيما قاتلك فطومة بلاك ما سمعتيهاش الطبيبة مليح كون بعيد الشر حاجة ما شي مليحة كون تقولك و ما تكسريش راسك بزاف راه ربي لي خلقه و هو ادرى بيه خلي كل شيء لربي سبحانه
djihad-17 مرحبا بيك معانا نورتينا

 

[ام الحلوين]

سميرة ربي يعطيك واش تتمناي
لكن المشكل هنا في بريطانيا عندهم كل شيء عادي و ما يقولوش ،المرة الاولى شفت الدكتور كانت لاتنسيون تاعي 9 ــــ 6 و كنت فشلانة مانقدرش حتى نرفد راسي و مرات تهبطلي حتى 9 ـــــ 4 و كي قلتلهم قالولي عادي .

 

[lina-67]

السلام عليكم لبنات واش راكم
فطومة ما كانش علابالي بلي عندكم دار متلمين فيها خلاص راني جبت قشي و جيت نسكن معاكم ههه ياك كاين البلاص
بصح عقلي عقلي تجي حتى لهنا و ما تجيش عندي انا نسكن في سونتروفيل المرة الجاية كي تبغي تجي قوليلي و الله يا فطومة مرحبا بيك آفيك بليزيغ غير قوليلي نعطيك لادراس و التليفون ونخرجو نديك للمارشيات تاع العرب تقولي راكي في البلاد صح هنا كاين العرب كثر من المانيا وعلى ل vol سقسيت راجلي قالي كاين يحلوه في الصيف بصح روحي سقسي في لاجونس يقولوولك la date
نتي وين تسكني في exact fi Stuttgart
سميرة و لبنات كامل يعطيكم الصحة نعرفكم بروحي انا جهاد و نسكن في ستراسبورغ متشرفة بمعريفتكم
​

 

[joumane]

السلام عليكم لبنات
سميره والله كيما قلتي تليتلي وعليه الكلام وانا نموت في الفرماج مع المعجنات جا القو تاعو رايع
ام امين مبروك عليك بالبنوته وربي يسهلك في الولادة وربي يحفضلك وليدات ويخليك ليهم
ام الحلوين مرحبا بيك باسمك الجديد وجيهان مرحبا بيك معانا معريفة خير ان شاء الله
فطومه والله انا ثاني راني نخمم نهبط نصوم في البلاد هنا فيىبلاد القور مكان لارمضان لاجو رمضان وسميره راهي تقولك ماتهبطيش من باب هي ساكنه في بلاد الاسلام كاين الاذان والجامع وجو رمضان صح مي هنا مكاين والو انا بربي ان شاء الله نهبط نصوم رمضان في البلاد اقل شيء الواحد يقوي شوي ايمانو في الشهر هداك وماتشوفيش للمشاكل والعباد شهر ويفوت

 

[أم أمين23]

اولا مرحبا بجهاد نورتينا اول مرة تشاركينا انت ما شفتكش قبل نورتينا
ام الحلوين شوفي كيما قالولك البنات كي تكون حاجة ماشي نورمال راهم يقولولك ما كانش منها واش يا بنتي راهي مسؤولية راك ماشي في بلاد العرب بالنسبة للمقاسات شوفي والله ما على بالي ما نفهمش على لغتهم
انا راهي طفلة والقياسات تختلف طبعا وزاد الوقت وحاجة اخرى بالاك بالميليمتر ماشي بالسم
انا في السمانة 9 و6 ايام كاين زوج مقاسات تاع الكرش وتاع البيبي الطول 53 ملم وكاين تاني 26 ملم ما على باليش ضرك واناها للبيبي هههه راه الرموز بالزاف وانا ما فهمت والو منهم المهم قالولي كلو مليح وخلاص وانا ما نحوش نفهم المهم الامور ماشية

 

[أم أمين23]

انا جربتو التليلتي وما صلحليش ما فهمتش علاش يبس مع اني كثرت الفرماج تقريبا درت 10 حبات كيري وجاني يابس
وثاني كي درتو التليلتلي في الزبدة والفرماج الذايبين خليتوهم على النار والا نحيتوهم من فوق النار؟؟؟؟

 

[ام الحلوين]

مشكورة ام امين ان شاء الله يكون خير
ربي يسلكك على خير و كيفاش ناوية تسمي بنتك ؟
بالنسبة لرمضان كل وحدة و كيفاش لي تقدر تصوم في دارهم خير و خير و لي تصوم عند دار راجلها و مايكونش مشاكل تاني مليح لازم نكونو مع رجالنا ، بصح لي عندها مشاكل كي حالتي غير تصوم هنا في دارها و تهبط يومين قبل العيد يكون افضل .
و لي ولادها مزالو صغار و مايقراوش من الاحسن تهبط في العيد الكبير .
و ربي يسهل لكل وحدة .

 

[أم أمين23]

ان شاء الله حنونة ليا وليك والاسم ناوية مريم ونهار الي تزيدي نشوفو بالاك يتبدل ؟؟؟؟
وكيما قلتي حسب الاوضاع الواحدة تقرر الي يكون افضل ليها رمضان هنا والا لهيه مرمضنا مرمضنا

 

[ام الحلوين]

ام امين و مريم ربي يتمملك على خير .

 

[أم أمين23]

ام الحلوين امين بالاصل اسمو محمد الامين وعندي ثاني معاذ هو الكبير وعلى بيها خممت في مريم يعني راح اعمل سلسلة ميم هههههههههههههههه

 

[SAMIRA25]

ام امين التليتلي انا ما خليتوش يجمر فوق النار شوفي نقولك على الطريقة كيفاه درت و تسمحلي امنيتي لي هي صاحبة الوصفة
قليت التليتلي في شوي زيت حتى نحمار و من بعد غليت الماء و طيبتو عادي كيما المعكرونة صفيتو و خليتو قطر شوي و من بعد حطيت عليه الزبدة ذايبة و الجبن كترتلو و طيبت صوص طماط عادي باللحم مرحي و حطيت طبقة تليتلي و من بعد الصوص و من بعد التليتلي و جبن مرحي و دخلتو للفور يجمر انا خليتو نصف ساعة و خرجتو ما تخليهش في الفور باه ما ييبسش و شهية طيبة

 

[ام الحلوين]

الله يبارك و يتمم على خير
حتى انا ولادي اسراء فاطمة كنا متفاهمين راجلي حب اسم يماه الله يرحمها و انا زدت اسراء باش يكون اسم مع الجيل تاعها ، و الولد كنا متفاهمين على اسحاق محمد انا حبيت اسحاق قريب لاسراء و راجلي حب محمد على اسم باباه الله يرحمو ،من بعد كي زاد تبدل الامر و راح زوجي حطو عبد الرحمان و انا تقلقت و مرضت و نقطعلي الحليب رضعتو مسكين 10 ايام برك ،من بعد درتها سكارة نعيطلو اسحاق دروك كامل لافامي يعيطو اسحاق غير في المدرسة عبد الرحمان ، ربي وكيل لي كان السبب و ما نسمحلهمش، و هاد المرة انا نسمي و ما نجيب حتى واحد عندي ننفس وحدي و لا زعاف العرب .

 

[SAMIRA25]

الله يبارك و يتمم على خير
حتى انا ولادي اسراء فاطمة كنا متفاهمين راجلي حب اسم يماه الله يرحمها و انا زدت اسراء باش يكون اسم مع الجيل تاعها ، و الولد كنا متفاهمين على اسحاق محمد انا حبيت اسحاق قريب لاسراء و راجلي حب محمد على اسم باباه الله يرحمو ،من بعد كي زاد تبدل الامر و راح زوجي حطو عبد الرحمان و انا تقلقت و مرضت و نقطعلي الحليب رضعتو مسكين 10 ايام برك ،من بعد درتها سكارة نعيطلو اسحاق دروك كامل لافامي يعيطو اسحاق غير في المدرسة عبد الرحمان ، ربي وكيل لي كان السبب و ما نسمحلهمش، و هاد المرة انا نسمي و ما نجيب حتى واحد عندي ننفس وحدي و لا زعاف العرب .

و الله يا ام عبد الرحمن عفوا ام اسحاق ضحكتيني راه عبد الرحمن تاني مليح المهم ربي يصلحهم و يعيشهم و يكبرهم على طاعة الله و رسوله و طاعتكم تاني