بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[مينة آلاء الْقُدُّوس]

السلام عليكم لبنات
سميرة الزيراوي هايل احنا ما نديروهش
ام امين رانا نسناو تذوقينا
فطومة واه كاينcoiffeuse تاع النساء برك مام انا كي جيت حوست و صبتهم قاع mixte و هادي حلت غير في رمضان تاع العام اللي فات
رحت للجامع صبتها دايرة publicité ايا رحت عندها جزايرية en plus
امينة مرحبا بيك معانا
​

الله يخليك ختيتو

 

[مينة آلاء الْقُدُّوس]

اهلا اختي مينة منورة الدار اكيد
يا حلوة شوفي اول الامر ديما صعيبة الغربة خصوصا لو كنت ما تعرفيش برشا ناس وين تسكني وزيد الا ما تهدريش اللغة اكثر واكثر بصح مع الوقت وخاصة الا ولدتي تبداي توالفي حتان تولي بالاك تفضلي الغربة على البلاد
سميرة مرسي ضرك نشوفها
ام الحلوين كيما تاع باتنة مالا انا كليتو تاع واحدة باتنية كيما راكي تقولي
ان شاء الله جهاد نديرو وما يكون غير خاطرك

اهلا اختي ام امين والله تعرفي كل مانشوف الطيارة فالسما تجيني الدمعة توحشت دارنا والدزاير كامل
فاللغة نعرف غير شوية الباقي صفر على الشمال :d بالصح العائلة عندي شوية اقارب بصح اقرب وحدة اختي الكبيرة عاسشة هنا تاني نتونسو معريفة خير ان شاء الله تحياااتي ليكم وحدة وحدة .

 

[ام الحلوين]

صباح الخير على الجميع ان شاء الله راكم بخير
مينة الاء القدوس الف مبروك الزواج و العقوبة للدرية الصالحة ان شاء الله و مرحبا بيك معانا و شوية شوية حتى توالفي ،و عندك اختك تتوانسي معاها انا كون نلقا قط من فاميلتي نفرح ،بصح الحمد لله المهم راني مهنية .
سلامي .

 

[مينة آلاء الْقُدُّوس]

صباح الخير على الجميع ان شاء الله راكم بخير
مينة الاء القدوس الف مبروك الزواج و العقوبة للدرية الصالحة ان شاء الله و مرحبا بيك معانا و شوية شوية حتى توالفي ،و عندك اختك تتوانسي معاها انا كون نلقا قط من فاميلتي نفرح ،بصح الحمد لله المهم راني مهنية .
سلامي .

صباح الانوار اختي الله يهنيك

الله يبارك فيك حنونة نقلك الصح لوكان خوك ولا اختك صح تتوانسي معاهم بالصح الفاميليا راكي لاباس عليك هكا خاطر مرات تلقاي الخير مالبراني وماشي منهم تاع مصلاحتهم برك الا من رحم ربي نهارك سعيد
وكامل بنات الدار "بيت المغتربين"

 

[joumane]

مساء النوار بنات
مينة بدايه سعيده في الغربه وربي يعينك عليها واذا تقدري توالفي بسكو انا راني في شهري السادس وماقدرتلهاش خلالللاص عييت نوالف وقتلتني الوحده
ام امين ويجيم التمر رااايع مي صعيب في اول يوم درتو بلا منغش وزدت شوي sport طحت بكيلو واليوم التاني غشيت شوي وطحت بنص كيلو واليوم الثالث منقصتش واليوم الرابع نقصت بنص كيلو وهدا مع الغش يعني انا منكذبش عليك عندي مشكل في العشاء بسكو راجلي يروح غير وقت العشا ولازم نطيبلو وهاكي علابالك منقدرش منذوقش معاه وزيد هو لازم ناكل معاه ميحبش ياكل وحد
مي درك وليت نطيب غداء ليا ونخليلو هو عشاء وانا ناكل تمر مع الرايب في العشا قريت عليه وقالك يجيب نتيجه تاني تاكليه غير في العشا والحق هو حافضلي على وزني مي منزلتش بسكو تاني حبست سبور الايام هادو معنديش وقت
وعلى الرفيس لي راكي تحكي عليه هو لي نديروه في باتنه تفتتي الكسره وتذوبي الدهان الحر وتخلطيه في كسرونه مليح وتحبي تعسليه والا تضيفيلو السكر وتاكليه مع البن وانا نموت عليييييه
والزيراوي تاني تاع باتنه ويتندار بالغري واالجوز واللوز والكسره مي صعيييب خدمتو ويدي الوقت انا لي تحكي عليه ام اسحاق منديروهش مي شفتو في النت ويبان هايل

 

[أم أمين23]

اهلا اختي ام امين والله تعرفي كل مانشوف الطيارة فالسما تجيني الدمعة توحشت دارنا والدزاير كامل
فاللغة نعرف غير شوية الباقي صفر على الشمال :d بالصح العائلة عندي شوية اقارب بصح اقرب وحدة اختي الكبيرة عاسشة هنا تاني نتونسو معريفة خير ان شاء الله تحياااتي ليكم وحدة وحدة .

اختك الكبيرة يعني خير من والو تتوانسو ببعض ومع الوقت ان شاء الله توالفي واللغة ثاني حاولي انك تهدري وتقضي قضياتك وحدك لانها اسهل طريقة لتعلم اللغة والانجليزية يسمى عندنا على الاقل شوي باز تزيدي برك وتحكي وترجعلك بربي
وربي اهون عليك وعلينا

 

[أم أمين23]

مساء النوار بنات
مينة بدايه سعيده في الغربه وربي يعينك عليها واذا تقدري توالفي بسكو انا راني في شهري السادس وماقدرتلهاش خلالللاص عييت نوالف وقتلتني الوحده
ام امين ويجيم التمر رااايع مي صعيب في اول يوم درتو بلا منغش وزدت شوي sport طحت بكيلو واليوم التاني غشيت شوي وطحت بنص كيلو واليوم الثالث منقصتش واليوم الرابع نقصت بنص كيلو وهدا مع الغش يعني انا منكذبش عليك عندي مشكل في العشاء بسكو راجلي يروح غير وقت العشا ولازم نطيبلو وهاكي علابالك منقدرش منذوقش معاه وزيد هو لازم ناكل معاه ميحبش ياكل وحد
مي درك وليت نطيب غداء ليا ونخليلو هو عشاء وانا ناكل تمر مع الرايب في العشا قريت عليه وقالك يجيب نتيجه تاني تاكليه غير في العشا والحق هو حافضلي على وزني مي منزلتش بسكو تاني حبست سبور الايام هادو معنديش وقت
وعلى الرفيس لي راكي تحكي عليه هو لي نديروه في باتنه تفتتي الكسره وتذوبي الدهان الحر وتخلطيه في كسرونه مليح وتحبي تعسليه والا تضيفيلو السكر وتاكليه مع البن وانا نموت عليييييه
والزيراوي تاني تاع باتنه ويتندار بالغري واالجوز واللوز والكسره مي صعيييب خدمتو ويدي الوقت انا لي تحكي عليه ام اسحاق منديروهش مي شفتو في النت ويبان هايل

يعني المهم جاب نتيجة واشنو انت برك كيفي من النوع الي ما يلتزمش بصح انا بربي ان شاء الله ناوية نلتزم خاصة الا بقى وزني هكا وربي اعين
الرفيس درت كيما جا وخلاص فورت الي كان عندي ودرتلو زبدة وعسل وعقب

 

[ام الحلوين]

مساء النور
سمعتكم تحكو على الريجيم قلت نحكيلكم قصتي
انا الصيف لي فات في شهرين نقصت 10 كلغ ، في الاسبوع 1 كنت نشرب القهوة صباح عادي لكن نقص السكر مع بسكويت شاي ميجيش حلو بزاف، و الفطور حبة تفاح و العشية قهوة مع بسكويت و في العشا ناكل كورن فلكس مع حليب طبسي تاع لولاد يعني صغير ، و نقصت 2 كلغ من بعد بقيت 4 ايام ناكل غير التفاح و الكورن فلكس بصح ماشي بزاف و نقصت 3 كلغ في 4 ايام و في اليوم الرابع دخت قريب طحت و رحت كليت العسل باش فطنت شوية ، من بعد قلت و الله مانقتل روحي على الريجيم معليش سمينة المهم منيش مريضة و بقيت ناكل عادي لكن نقصت الحلويات و السكر في القهوة و زادني رمضان كي هبطت لدارنا نخلعو فيا بصح الصراحة ماعجبتهمش سيرتو يما و جدتي قالولي وجهك اصفر كيما النافسة سيرتو جدتي تحب لي تكون سمينة تقولنا تعمر العين .المهم كنت 75 كلغ و هبطت 65 كلغ من بعد سمنت شوية بين 70 و 73 .و طولي 1.61 م
وزيدو اقراو على ريجيم الكورن فلكس .
ام شاء الله كل وحدة توصل الوزن لي راهي حاباتو .

 

[ام الحلوين]

ايه نسيت قبل زواجي كنت نوزن 57 كلغ و كي ولدت اسراء و كنت نرضع و ناكل بزاف بزاف حتى راجلي كان يعيطلي الجموسة ، و كي هبطت لدارنا كنت 85 كلغ خاوتي قالولي راكي دبة و جدتي عجبتها قاتلي راكي تباني مرا و نص .

 

[lina-67]

ايه نسيت قبل زواجي كنت نوزن 57 كلغ و كي ولدت اسراء و كنت نرضع و ناكل بزاف بزاف حتى راجلي كان يعيطلي الجموسة ، و كي هبطت لدارنا كنت 85 كلغ خاوتي قالولي راكي دبة و جدتي عجبتها قاتلي راكي تباني مرا و نص .

ههههه قتلتيني بالضحك راكي كيما انا تاني قالولي راكي دبة انا قبل الزواج مع القراية و الخدمة كنت 55 و درك راني 65 خويا قالي سي نوغمال غير الرقاد و الماكلة:d
​

 

[ام الحلوين]

جيهاد 65 كغ مراكيش سمينة بزاف ، انا راني 73 دروك بصح مع الحمل سير نطلع 80 ، و زاد هذا الغربة الرجال ما يفطروش يجو غير يتعشاو و لازم ناكلو معاهم انا غير يدخل نحط العشا و نقابلو و نبدا ناكل و نحكي و ما نحسش اذا شبعت و لا لالا حتى نحب نوض من الكرسي نلقا راحي معمرة فوق الحساب نولي نمشي و نميل ،تقولي وردية الله يرحمها .
بصح معليش المهم الصحة .

 

[lina-67]

كون نقولك انا راجلي ميحبش ياكل وحدو و يخدم حدا الدار الغداء و العشاء ناكل معاه راهو يحسبلي قالي في عام زدتي 10 كغ درك تزيدي 3سنين تولي 90 كغ يظل مورايا على السبور و انا نهار ندير و نهار ننسى
​

 

[أم أمين23]

راه من اهم اسباب السمنة الي ينساو ما يذكروهاش هو الزواج ما كانش واحدة تزوجت وما سمانتش الا قليل احنا ما شاء الله نزيدو والرجال فالحين غير المعايرة انا المخلوق تاعي على قد ما نحاول نهرب من الحلاوي يجيبهم وقلي قتلك قولي هههههه بلا غير هاديك المقابلة انا خلاص نحيتهم كول وحدك والا دبر راسك مرة الوحم ومرة المرض حتى والف ما يستناني ما نستناه ههههه
بصح اكثر حاجة ثاني هي قلة المشي الواحدة كي تتزوج خلاص تحكم الدار والا الراجل عندو السيارة خلاص نولو عاجزين انا هاد العامين لخرين وليت نخرج ونمشي مع ريجيمات خفاف بديت ننقص بصح مع الحمل وليت رجعت وزدت

 

[ام الحلوين]

ههههه انا راجلي يظل يقولي نجيب واحد يعرض في الباب راكي قريب ماتفوتيش منو ،عييت عييت و بديت نرجع الصرف غير يهدر نقولو و نتا راك قريب 100 كغ ، رجع يسكت و المشي كنت نمشي يوميا قريب 2 سا ،نوصل ولادي يقراو و دروك مع الوحم و الدوخة مرانيش نخرج نخاف ندوخ و نطيح برا ، حتى هاد السمانة بديت نمشي راني فرحانة كيما لولاد صغار لي يتعلمو المشي .

 

[أم أمين23]

ههههه المزية انت عندك ما تعايري انا المخلوق تاعي لاطاي فين هههه ما يزيدش خلاص زوج عواد واش ياكل والو هو ياكل وانا نسمان
انا والله راني نمشي بصح اكي تعرفي الكرش المشية معاها كيما قلتي اددشي كي الولاد الصغار

 

[مينة آلاء الْقُدُّوس]

هههههههههه ضحكتوني راني نشوف بلي رانا كامل سمان
انا نوزن 69 كيلو تاني كيما درت باش ننقص والو في عرسي كامل حارو قالولي شينتي مينة قلتلهم وجهي برك لي شيان :s
يرحم والديكم انا مفهمتش كي نحب ندير ريجيم يشيان غير وجهي ولا هو اكثر حاجة نتقص مني
ودرك وليت معلاباليش كامل ياعباد الله لي سمينة حارو فيها والرقيقة تاني

 

[مينة آلاء الْقُدُّوس]

مساء النوار بنات
مينة بدايه سعيده في الغربه وربي يعينك عليها واذا تقدري توالفي بسكو انا راني في شهري السادس وماقدرتلهاش خلالللاص عييت نوالف وقتلتني الوحده
ام امين ويجيم التمر رااايع مي صعيب في اول يوم درتو بلا منغش وزدت شوي sport طحت بكيلو واليوم التاني غشيت شوي وطحت بنص كيلو واليوم الثالث منقصتش واليوم الرابع نقصت بنص كيلو وهدا مع الغش يعني انا منكذبش عليك عندي مشكل في العشاء بسكو راجلي يروح غير وقت العشا ولازم نطيبلو وهاكي علابالك منقدرش منذوقش معاه وزيد هو لازم ناكل معاه ميحبش ياكل وحد
مي درك وليت نطيب غداء ليا ونخليلو هو عشاء وانا ناكل تمر مع الرايب في العشا قريت عليه وقالك يجيب نتيجه تاني تاكليه غير في العشا والحق هو حافضلي على وزني مي منزلتش بسكو تاني حبست سبور الايام هادو معنديش وقت
وعلى الرفيس لي راكي تحكي عليه هو لي نديروه في باتنه تفتتي الكسره وتذوبي الدهان الحر وتخلطيه في كسرونه مليح وتحبي تعسليه والا تضيفيلو السكر وتاكليه مع البن وانا نموت عليييييه
والزيراوي تاني تاع باتنه ويتندار بالغري واالجوز واللوز والكسره مي صعيييب خدمتو ويدي الوقت انا لي تحكي عليه ام اسحاق منديروهش مي شفتو في النت ويبان هايل

ان شاء الله نوالفو كامل اختي وديري معريفة مع وحدة ديريها صحبتك المهم تكون ناس ملاح
ربي يهنيك

 

[أم أمين23]

هههههههههه ضحكتوني راني نشوف بلي رانا كامل سمان
انا نوزن 69 كيلو تاني كيما درت باش ننقص والو في عرسي كامل حارو قالولي شينتي مينة قلتلهم وجهي برك لي شيان :s
يرحم والديكم انا مفهمتش كي نحب ندير ريجيم يشيان غير وجهي ولا هو اكثر حاجة نتقص مني
ودرك وليت معلاباليش كامل ياعباد الله لي سمينة حارو فيها والرقيقة تاني

ايه امينة انت من الناس الي اول ما ينقصو من وجوهم انا عكسك تماما مهما نسمان والا نشيان وجهي هو هو وكيما قلتي في زوج حايرين في رواحنا السمينة والا الرقيقة

 

[joumane]

اااهههههههههه هههههه هههههه قتلتوني بالضحك وطلعتولي المغال ياخي يقولك اذا عمت خفت
والله يالبنات انا قبل منزوج كنت 60 كيلو وطولي 164 كنت بصحتي لاباس وكي زوجت انا كانو يقولولي خواتاتي تزوجي تسماني وكنت نقولهم اووه ان سمانتي صعيبه يعني ناكل نشبع ونسمنش ليها ليها مي الكارثه العضمى زوجت وكي الفحله في ربع اشهر وانا هكاك عروس جديده نشتي نوع للمعلم وهو يزيد يبوسي فيا ويشكر وانا نزيد نروح فيها ونزيد نطيب ونوع واش والماكله والتقلاش والاكرام هادا يوميا والشيكولات ميفضوش وزيد انا كانت صنعه لازم ناكل فليل قبل منرقد المهم رونتها مليح وكي روحت هكاك لبلاد ياخي كامل قالولي واش هاد خواتاتي قالولي حاذري وكيما قالت ام الحلوين وميمتي والكبارات ماتو عليا وقالولي خرج عليك الزواج ههههه المهم وزنت روحي ولقيت الكارثه العضمى في اربع اشهر زدت ب 10 كيلوووو وليت نوزن 70 تشوكييييت في عمري والمره هادي قررت غير الاكل الصحي مي غاضني غير راجلي ههههه مسكين يروح يقولي توحشت يمات التقلاش والطابله المليانه من كل خير ههههه قتلتو بالريجيم

 

[joumane]

مكانش مينا العرب هنا توالي غير الرواسا وزيد البنات الروسيات مشهورين بلي خاينات يعني ديريها صاحبك اليوم الغدوا تولي تكحلك على راجل هاملا نصبرو وخلاص وا حنديرو