بيت المغتربين

السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح

 

[أم أمين23]

مكانش مينا العرب هنا توالي غير الرواسا وزيد البنات الروسيات مشهورين بلي خاينات يعني ديريها صاحبك اليوم الغدوا تولي تكحلك على راجل هاملا نصبرو وخلاص وا حنديرو

ما تصاحبي ما تتندمي رانا هنا نحكيو مع بعض ولا مزية للروسيات هههه
جومانة وين راك تقراي ماكانش معاك حقا من جنسيات اخرى؟؟؟؟

 

[joumane]

هههه ام امين كاينين من اليابان والصين واخرين من جزايه الروس كازاخستان وبالحق كاين معايا جزاري قالي من جيجل هو ومزوج بروسيه
وزيد نقولك منيش نروح بزاف للجامعه بسكو بعيده عليا شوي وزيد لي تقريني معجبتش للمعلم قالي مكان مكان هاو قالي يديرلي وحده تجيني للدار تقريني وزيد في الجامعه قبلو وفي نهاية العام الدراسي هاني نروح نفت كنترولي وثم يمدولي دبلوم لغه هادا اذا نجحت

 

[أم أمين23]

ههه يعني كملهالك باش تسماني تاع الصح على الاقل كنت تخرجي بسبة الجامعة
معليش خير من والو المهم اقراي ما تراطيش
البنات درت موضوع جديد زوروني ورايكم موضوع خاص بينا طبعا على بيها عرضتكم:
http://4algeria.com/forum/threads/368991/#post4709845

 

[fatouma2012]

سلام عليكم الرجيم راح داير حالة ، أنا معنديش مشكل

نوزن 58 والطول 1,71 سم من بكري هاك ناكل ولا مناكلش كيف كيف وزني ميزيدش الحمدلله كنت حاسبة نسمن بعد الزواج أو فالحمل بصح والو ، فالحمل زادت 5 كيلو بارك ووبعد الحمل نقصت ب-9 كيلو في 3 أيام وكرشي ولات extra plat حتى لي يشوفني ينخلع ، بصح نضن العامل النفسي كان عنده دور ، بعد الولادة مكنتش مليحة بصح دروك وليت 58 كلغ كيما العادة

بصح المشكلة ف زوجي كان رقيق قبل الزواج ودروك ولا بوكرش ههههه وكي راح للبلاد نخلعو فيه قالوله مرتك رداتك دب وقالولي خويا مكانش هاك ماكلتك دارت فيه حالة ودروك قتله لازم رجيم راني نعطيه الصباح خال التفاح وف ليل ندير له وحد النبتة سموها القطف يشربها والعشا سلاطة بصح هو غشاش وميلتذمش ، لاليشكا قتله على رجيم التمر وقتله ندير معاك به نشجعه ، شبع عليا ضحك قلي شوالة ؟ التمر والحليب برك ؟ قالي بغيتيني نوض في ليل كيما king كونغ يا ناكلك يا ناكل صرصورة ههههههه

مينا مرحبا بيك معانا

 

[أم أمين23]

ههههههه الرجال ما يعيبهم والو خلي يسمان على روحو المشكل كامل فينا احنا
اكيد حماتك فرحت بيك انا حماتي تقولي واش بيه راك ما توكليش فيه والمشكل انهم هوما كامل هكاكا من العجوز للشايب لخاوتو كلهم عرف واحد قلتلها واش راح نديرلو ننفخو هاداك العرف

 

[مينة آلاء الْقُدُّوس]

ايه امينة انت من الناس الي اول ما ينقصو من وجوهم انا عكسك تماما مهما نسمان والا نشيان وجهي هو هو وكيما قلتي في زوج حايرين في رواحنا السمينة والا الرقيقة

صباح الخير عليكم

مالا ام امين خلينا هكا خير

انا نشوف كل انواع الرجيم فيها وعليها

جربت عدة طرق مخرجوش عليا مرة الضغط يحبطلي بزاف

 

[joumane]

ههه فطومه الرجال ميقدروش على الرجيم اعطيلو sport يقدرلك عليه انا تاني عييت فيه يديرو معايا محبش مي السبور الحق كي يروح العشوا ندير انا وياه يعني في الاصل هو لي يعلمني بسكو كان سبورتيف ومسجل في صال دو سبور مي كي زوجني بطل وربالي الكرش ايا دوكا قالي نرجعلو معاك وتاني نخرجو نديرو ساعه جري بسكو توالنا بارك ناس كامل تجري فيه والله نهار الاول مت بالحشمه عجايز وشاطرات وانا كي الدبه وليت خليتو يجري وانا نتفرج برك هههه
والايام هادو كان شوي ريح يتعدل الجو ونرجعو قالي نقلبك طاي فين بالسبور هههه هاني نسنا

 

[مينة آلاء الْقُدُّوس]

مكانش مينا العرب هنا توالي غير الرواسا وزيد البنات الروسيات مشهورين بلي خاينات يعني ديريها صاحبك اليوم الغدوا تولي تكحلك على راجل هاملا نصبرو وخلاص وا حنديرو

راكي فالروس اختي ربي معاك كيما قاتلك ام امين رانا هنا نحو على خاطرك
انا هنا المنطقة لي نسكن فيها غير لعرب الخليجيين وكثرتها العراقيين منحبش نخالطهم كامل
الدزيريين نفهمو بعضانا بصح واحداخرين متقدريش تعرفي

 

[مينة آلاء الْقُدُّوس]

سلام عليكم الرجيم راح داير حالة ، أنا معنديش مشكل

نوزن 58 والطول 1,71 سم من بكري هاك ناكل ولا مناكلش كيف كيف وزني ميزيدش الحمدلله كنت حاسبة نسمن بعد الزواج أو فالحمل بصح والو ، فالحمل زادت 5 كيلو بارك ووبعد الحمل نقصت ب-9 كيلو في 3 أيام وكرشي ولات extra plat حتى لي يشوفني ينخلع ، بصح نضن العامل النفسي كان عنده دور ، بعد الولادة مكنتش مليحة بصح دروك وليت 58 كلغ كيما العادة

بصح المشكلة ف زوجي كان رقيق قبل الزواج ودروك ولا بوكرش ههههه وكي راح للبلاد نخلعو فيه قالوله مرتك رداتك دب وقالولي خويا مكانش هاك ماكلتك دارت فيه حالة ودروك قتله لازم رجيم راني نعطيه الصباح خال التفاح وف ليل ندير له وحد النبتة سموها القطف يشربها والعشا سلاطة بصح هو غشاش وميلتذمش ، لاليشكا قتله على رجيم التمر وقتله ندير معاك به نشجعه ، شبع عليا ضحك قلي شوالة ؟ التمر والحليب برك ؟ قالي بغيتيني نوض في ليل كيما king كونغ يا ناكلك يا ناكل صرصورة ههههههه

مينا مرحبا بيك معانا

الله يخليك فطومة الله يبارك كاين لي مايسمانوش هوما بصح رجالهم يسمانو كيما انتي
المهم الانسان يكون راضي على روحو نهاركم سعيد

 

[رنيم الغربه]

السلام عليكم انا جديده معاكم في هدا لجرووووب انا مغتﻻبه كبفكم في بلجيكا عمري 26 سنه و متزوجه و عندي ولدين

 

[رنيم الغربه]

مغتربه راني بتليفون اسفه

 

[أم أمين23]

السلام عليكم انا جديده معاكم في هدا لجرووووب انا مغتﻻبه كبفكم في بلجيكا عمري 26 سنه و متزوجه و عندي ولدين

اهلا رنيم شطورة اعطيك الصحة لبيتي الدعوة نورتي البيت ومتشرفين بيك عندك ولدين يعني انك مغتربة على الاقل من مدة 2 او ثلاث ان لم يكون اكثر؟؟؟

 

[ام الحلوين]

فطومة يا لعميرة كيما نديرو لرجالنا اهلهم ما يعجبهمش الحال ، انا كنت نصنع القاطو و راجلي يدي معاه لصحابو و كانت اختو عندي و غير رجع للدار قالي صحابي فرحو و قالولك صحيتي و هي ولات صفرة كيما الليم و الصباح قاتلي خويا راه كبير و ما لازمش طيبيلو القاطو كون يحكمو مرض السكر في (راسها ان شاء الله)
ام امين و الله ضحكتيني بكلمة حبيتوني ننفخو.
مينة انا تاني ننقص من وجهي هو الاول و نسمار .
lalichka راني نتخيل فيك تجري .
رنيم الغربة مرحبا بيك حنونة بين خياتك ، و بوسيلي وليداتك .
سلامي .

 

[SAMIRA25]

‏رنيم الغربه مرحبا بيك معانا اختي و ربي يهنيك و يسعدك و يحفظلك وليداتك

 

[lina-67]

مرحبا بيك اختي رنيم نورتي الدار
​

 

[fatouma2012]

sba7 elward 3likom , ranim mar7ba bik m3ana

 

[joumane]

صباح الانوار عليكم ان شاء الله كامل تكونو لاباس اختي رنيم مرحبا بيك في لمتنا ورانا هنا كامل نتوانسو
ام الحلوين راكي قتلتيني بالضحك على سلفتك ربي يعينك عليهم ياختي باين دمك خفيف وراكي سكر من حكاياتك ههه
مينه حببتي لازم تحاذري في مخالطتك ومش اي وحده عربيه يعني تحكي معاها ومدام اختك توالك هي توريلك و تونسو بعضاكم ومش حتحسي بالوحده كيفي

 

[أم أمين23]

صباح الخير يا بنات ان شاء الله اموركم تمام
سيرين في زيها هبطت للبلاد وصونيا في زيها طلعت لفرانسا غبرت بالكل

 

[رنيم الغربه]

سلااااااااااااااااام ميرسي على الترحيب حببباتي
ام امين انا عندي 5 سنين و نص زواج و وليدي لكبير قريب يدير 5 سنين و الصغير عامين و نص

 

[ام الحلوين]

السلام حبوبات
بصحت لي راحو للزاير و لي راهم رايحين و ربي يصبر لي راهم قاعدين كي حالتي .
lalichka ربي يخليك حنونة و الله بيناتنا البر و البحر و يديرولي مشاكل ،و راني حابة ندخل للزاير العام الجاي ان شاء الله سير بلي يقطعوني و ياكلوني . بصح كنت نحشم و دروك نفتحو عينيا لي يهدر نرجعلو الصرف :up: ،مانحقرش بصح ندافع على نفسي .
ام امين راكي هابطة هاذ الصيف ؟؟؟؟؟
انا نروح نوجد حليب لوليداتي من بعد نديهم للابيسين .