بيت المغتربين

الحالة
مغلق ولا يسمح بالمزيد من الردود.
السلام عليكم في الجزء التاني من مسلسلنا
بعد قرار السلطات العليا بضرورة تغيير محل الاقامة وبضرورة صياغة سيناريو جديد لان الجزء الاول امتلا بالاحداث التي اثقلت كاهل المتابع
وعليها هادي نسختنا الجديدة لخلونا نتعارفو والتي ستحمل اسم بيت الغتربات لاننا خلاص تعارفنا وهنا سنستقبل الضيوف الجدد ونحكي عن مشاكلنا وهمومونا في الغربة
فحللتم سهلا ونزلتم اهلا
على بركة الله ندخلو الدار الجديدة وكل واحدة تجيب معاها حاجة ما نسخقوش اليدين الفارغين
وهاو ليكم الباب والمفتاح
images

 
إضغط للتوسيع...
مرحبا بيك يا مريومة و بناس جيجل
واش قريب تتغربي ؟
 
قال مريومةمم:
الف مبروك
لست مغتربة لكن اتمنى قبولي ببيكم****************
إضغط للتوسيع...

مرحبا بيك مريومة انا تاني جيجلية دوغيجين بصح جامي رحت لجيجل ان شاء الله يجي يوم نزورها سياحة
:)
 
قال ام الحلوين:
ايه حنونة انا شريت في البلاد هنا راني كارية
و كرهت من الغربة حبيت نقرب لميمتي و نعيش قريبة عندها ، و تاني خفت على ولادي علبالي الشي لي راه الزاير ماشي قليل بصح خير من بلاد الكفار بالف مرة ،و عادي كي نهبط للبلاد معندي علاه نندم و راني بيا بولادي عندنا لي باسبور اذا حبيت نقضي و لا نفوت فاكونس نجي ، المهم ناكل الحلال و البنين ماشي كيما هنا كل حاجة نخافوها ،و ولادي نقريهم في البلاد كيما قريت انا ونعيش مع لافامي .
إضغط للتوسيع...

عندك الحق ختي المهم شوفي انتي وين ترتاحي هداك هو الصح انا و الله توحشت بزااااااااف دارنا راني حابه نبعث الوالديا يجو عندي منها يشوفوا دار بنتهم و منها تحويسه و نشووووفهم
 
رنيم الصراحة نرتاح في البلاد علبالي فيها مشاكل بصح نورمال المهم نكون قريبة لدارنا ، سيرتو عندي اخت وحدة صغيرة تظل تبكي عليا و تتوحش ولادي ، نهار لي نروح لدارنا تعنقني و ما تحبش تطلقني هي تبكي و انا نبكي و تولي ترقد عندي و تفرح بالحوايج لي نهبطلها تظل تبدل و تخرج باش بنات الجوارين يشوفوها،يا عمري شحال توحشتها .
 
يا ختي واش رايحة ندي من هدي الغربة و لا هدي الدنيا نروح نقرب لميمتي و ختي و لي فيها الخير ربي يجيبها خير من الغربة وليت الهدرة منعرفش نهدر تالمون مكاش لي نهدر معاه ، راجلي يخدم من الصباح لليل يجي يتعشا و يقولي نرقد .
ربي يصبرنا .
 
ام الحلوين راجلك يهبط معاك و لا يقعد يخدم و الله عندك الصح لبلاد مشاكل و كامل بصح كي تكوني مع يماك و اخواتك و فاميلتك تقولي ماعليش
بصح على الدراري بالنسبة ليا ماشي لبلاد اللي تربي انا نعرفهم هنا بنات ماشاء الله التربية الحجاب الصلاة و كاين في البلاد دايرين المنكر تشوفي لعجب لازم التربية الحسنة و خلاص هنا ولا في البلاد على الاقل هنا يقراو و يخرجو متعلمين و مثقفين المستوى التعليمي تاع البلاد راه غير يهبط

​
 
djihad راجلي يهبط معايا الا اذا كانت حاجة يطلع و لا نطلعو مع بعض و اذا كان البيي غالي نخلي ولادي عند يما و نجي غير مع راجلي سمانة و لا 2 نقضي و نهبط،و الدراري الصح كامل في التربية هنا و لا في الزاير علبالي الشيء مراهش قليل في البلاد بصح خير من هنا بالف مرة و بنت و لا ولد كيفكيف في البلاد على الاقل يكونو يحشمو من لافامي و البنت تخاف عمها او خالها يشوفها و نقدر نحكم فيها بصح ماشي كيما هنا تقدر دير رايها و الحق و القانون يجو معاها .و الصراحة راني راضية بالبلاد لاني داري وحدي و نربي ولادي كيما نحب .و ربي يكون معنا .
وليدي غير هاذ مارس دار 4 سنين في العيد الكبير لي فات كنت كارهة مكاش البنة تاع العيد و زادني هو يلعب بالتلفون و عيط للشرطة و انا ماشفتوش قعدت قريب 10 د حتى سمعت الباب عندبالي الزين جا حتى لقيتهم الشرطة كي فتحت قالي واحد من ولادك عيطلنا قتلو لالا قلي ايه و حنا علاه جينا قتلو صح الطفل كان يلعب بالتلفون مأمنيش قعد يسقسي فيه قالو نتا عيطت للشرطة و وليدي العقون قالو ايه حبيت نخنقو قالو واش درت الرقم قالو درت 999 من بعد قتلو وليدي ميهدرش اللغة مليح و مازال صغير كان يلعب برك ،و الحمد لله عدات على خير .
 
قال ام الحلوين:
djihad راجلي يهبط معايا الا اذا كانت حاجة يطلع و لا نطلعو مع بعض و اذا كان البيي غالي نخلي ولادي عند يما و نجي غير مع راجلي سمانة و لا 2 نقضي و نهبط،و الدراري الصح كامل في التربية هنا و لا في الزاير علبالي الشيء مراهش قليل في البلاد بصح خير من هنا بالف مرة و بنت و لا ولد كيفكيف في البلاد على الاقل يكونو يحشمو من لافامي و البنت تخاف عمها او خالها يشوفها و نقدر نحكم فيها بصح ماشي كيما هنا تقدر دير رايها و الحق و القانون يجو معاها .و الصراحة راني راضية بالبلاد لاني داري وحدي و نربي ولادي كيما نحب .و ربي يكون معنا .
وليدي غير هاذ مارس دار 4 سنين في العيد الكبير لي فات كنت كارهة مكاش البنة تاع العيد و زادني هو يلعب بالتلفون و عيط للشرطة و انا ماشفتوش قعدت قريب 10 د حتى سمعت الباب عندبالي الزين جا حتى لقيتهم الشرطة كي فتحت قالي واحد من ولادك عيطلنا قتلو لالا قلي ايه و حنا علاه جينا قتلو صح الطفل كان يلعب بالتلفون مأمنيش قعد يسقسي فيه قالو نتا عيطت للشرطة و وليدي العقون قالو ايه حبيت نخنقو قالو واش درت الرقم قالو درت 999 من بعد قتلو وليدي ميهدرش اللغة مليح و مازال صغير كان يلعب برك ،و الحمد لله عدات على خير .
إضغط للتوسيع...

هههههههههههههههههههه و الله ضحكتيني شفتي يديروا غير الزبايل :d

اختي ربي يسهلك ان شاء الله ويوفقك لكن بالنسبه على ننزل على جال الاولاد و الله شفت بنات و اولاد هنا احسن الف مرررررررة من ديال البلاد هنا على الاقل كي تدير حاجه تبان مي لبلاد ولات وااااااعره يا اختي كل شي يدير رايو مي سكيمي حتى لبنات ولاو وعرااات من تحت للتحت و الله ولاو يخطبوا من هنا و ما يخافوهمش و يخافو بنات لبلاد الله يستر علينا و على بنات المسلمين يا رب
​
 
بالنسبة للترواح للبلاد كل واحد كيفاش يشوف فيها ويبقى الراي فيها للراجل لخاطر الا قبلتي والا اعترضتي خصوصا الا اعترضتي لو هكا والا هكا يقولك يخي قتلك مالا خليه يدير واش حب والايام وواش كاتب ربي يكون
 
سلام عليكم

أم الحلوين ضحكتيني على ولدك قريب مايحصلك مع البوليس ههههه ، ربي يسهل الكل وحدة راجعة للبلاد نهائيا ، عندي أخت زوجي 20 عام فالغربة ودخلت للبلاد هادي عام ونص ، العام الاول غبنوها ولادها شوية بصح دروك والفو

مريومة مرحبا بيك معانا ، أم أمين كي تزيد بنتك نشالله وتسميها مريم ، ندلعوها مريومة ، جيهان العقوبة ليك نشالله

رنيم مبروك عليك الدار ونشالله تعيشي فيها أحلى أيام حياتك
 
صبااااااااااااح الانوار و الفل على بنات بلادي لعزاااز

حبيت نصبح عليكم راني خارجه ندي الدراري الليكول نتمنى لكم جمعة مباركه على الجميع و ما تنساوش تقراو سورة الكهف سلااام
 
قال djihad-17:
صباح النور رنيم رانا مع الغذاء
إضغط للتوسيع...

تعرفي انا راجلي يخدم على 4 صباح كي انود معاه ما نقدرش نولي نرقد عندي الدراري يقراو نولي نقعد نخدم الشغل اليوم درت المطلوع على 4 اتخيلي ههههه و زدت سيقت و رتبت البيت كي وليت طيبت و قعدت حسيت بلي كامل راكم نايضين هههههه
​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top